Møte i Eldrerådet den 21.06.2022

Vedtak

Sakavert teken

Behandling

Orientering frå kommunalsjef Helse og meistring:

• Helsebygget på Jamnetomta på Vaksdal er nokonlunde i rute, og etter planen kan dei to pasientromma i samankoblingsområdet takast i bruk att etter sommarferien.

• Fylkeseldrerådet planlegg konferanse for alle eldreråda i fylket 12. - 13. september i Bergensområdet. Leve heile livet vert eit sentralt tema. Program og invitasjon er ikkje utsendt.

• Invitasjon til innspelmøte i høve Bo trygt hjemme-reforma kom til sekretær etter at sakspapiratil møtet var utsendt. Invitasjonen er sendt medlema på e-post. Ingen av dei 4 oppsette møta er i Vestland fylke.

Det vart kommentert at det er lite med 4 innspelmøte for heile landet, og at det burde ha vore innspelmøte også i vår region eller i Vestland fylke.

Vedtak

Eldrerådet tek saka til orientering.

Behandling

Avdelingsleiar Anne Kari Helle viste p.p.-presentasjon og orienterte om bruk av det nye og moderne pasientvarslingsanlegget på Vaksdal samt miljøterapeutisk bruk av musikkterapi og bruk av Mundu (musikk og bilete på nettbrett).

Det er svært gode erfaringar med pasientvarslingsanlegget som fører til auka tryggheit for brukarane og betre bruk av personalressursar. Avdelinga kan visa til meir ro og mindre bruk av beroligande medikament i avdelingane særleg på nattestid.

Avdelinga har 3 lisensar på Mundu og har god erfaring med bruk av denne metoden. Brukarane får hjelp til å minnast og snakka om gode minne, og personalet vert betre kjend med brukarane og deira interesser og tidlegare liv.

Eldrerådet stillte spørsmål og rosa arbeidet som er gjort med pasientvarslingsanlegg og musikkterapeutiske metodar. Det vart stilt spørsmål om ein kunne skifta til denne typen psientvarslingsanlegg på Dale også. Avdelingsleiar og kommunalsjef svara at anlegget vart skifta på Vaksdal fordi det gamle var i ferd med å svikta, m.a. kobla det ut kvar gong det var lyn, noko som førde til store vanskar sidan brannvarslinga var kobla til anlegget. Kommunen fekk midlar frå Husbanken til utskifte av anlegget og fekk samstundes også installert nødstraumaggregat. Bruk av Mundu er mest aktuelt på dementavdelingar, og dei er plasserte på Vaksdal. Men også på andre avdelingar kan metoden vera aktuell. Kompetanse og erfaringar frå Vaksdal kan nyttast dersom ein ønskjer å innføra metoden på Dale. Ein må vera merksam på kostnaden med lisensar.

Vedtak

Eldrerådet tek saka til orientering og vil jobba vidare med planar for bustadar for heile livet i Vaksdal kommune.

Behandling

Kommunalsjef Helse og meistring viste p.p.-presentasjon med oppsummering frå bustadkonferansen i Bergen 31. mai. Det vart også orientert om skisser av Norconsult til ombygging til mindre leilegheiter i 5. etasje på Helsehuset på Dale (presentert for Kommunestyret i februar 2020).

Eldrerådet drøfta mogelegheiter for bustadar som kan passa for heile livsløpet og vil følgja opp denne satsinga som er ein viktig del av Leve heile livet-reforma. Eldrerådet ønskjer å verta kobla på arbeidet med Samfunnsdelen av Kommuneplanen.