Møte i Kontrollutvalet den 01.10.2015

Vedtak

Vaksdal kommunestyre tek forvaltningsrevisjonen Heimetenesta til etterretning, og ber rådmannen fylgje opp tilrådingane i rapporten, samt gje ei tilbakemelding til kommunestyret om oppfylgjinga innan utgangen av fyrste halvår 2016.

Behandling

Deloitte la fram prosjektplan for forvaltningsrevisjon av Heimetenesta i KU-møtet 19. november 2014. Denne prosjektplanen, justert for innspel som kom i møtet 19. november, er grunnlaget for forvaltningsrevisjonen utført av Deloitte.

Forvaltningsrevisjonen blei gjennomgått av Deloitte. Deloitte beklaga sein levering i forhold til prosjektplanen. Dette av personellmessige årsakar.

På bakgrunn av funn og vurderingar anbefaler revisjonen at Vaksdal kommune:

• Snarleg gjennomfører det planlagde arbeidet med revisjon av rutinar og prosedyrar

• Jamleg vurderer korleis heimetenesta brukar tida i arbeidet

• Arbeider vidare med å finne og sette i verk tiltak som kan bidra til å redusere sjukefråværet

• Vurderer om det er behov for å avklare nærare forvaltningskontoret sine oppgåver opp mot andre tenesteeiningar i kommunen

I møtet blei Deloitte spurd om å gi nærare informasjon om regelverket for omsorgsboliger, mellom anna i forhold til bemanning. Dette vil dei gi informasjon om seinare.

Blant medlemene i kontrollutvalet blei det uttrykt eit ynskje om meir informasjon i revisjonen om korleis brukarane oppfattar tenestene, og korleis dei ansatte oppfattar arbeidsdagane.

Rådmannen ynskjer at revisjonen i større grad også hadde omtalt korleis eining for Heimetenesta er ein del av det heilskapelege tenestetilbodet pleie- og omsorg. Rådmannen hadde også ynskja at ho blei intervjua.

Rådmannen er samd i tilrådingane i rapporten og dei konkrete tiltaka som er foreslått.

Vedtak

Vaksdal kommunestyre tek selskapskontrollen til etterretning, og ber rådmannen fylgje opp tilrådingane i rapporten. Kommunestyret ber om ein tilbakemelding med status innan utgangen av 2016.

Behandling

Selskapskontrollen blei gjennomgått av Deloitte.

Revisjonen tilrår at Vaksdal kommune set i verk fylgjande tiltak:

• Utarbeide ei eigarskapsmelding som jamleg blir oppdatert

• Formulere ein eigarskapsstrategi for selskap kommunen eig

• Årleg informasjon til kommunestyret om eigarskapa til kommunen, slik at dei folkevalde er kjent med eigarskapsforvaltninga til kommunen

• Utarbeide retningsliner for utøving av styreverv som medverkar til å klargjere rolle og mandat

• Sikre at alle folkevalde og styrerepresentantar får tilstrekkeleg opplæring knytt til dei ulike aspekta ved eigarskapsforvaltning og styrearbeid

• Sørgje for at styrerepresentantar blir registrert i Styrevervregisteret

Rådmannen er samd i tilrådingane i rapporten og dei konkrete tiltaka som er foreslått.

Vedtak

Årsmeldinga oversendes kommunestyret for godkjenning.

Behandling

Årsmeldinga blei gjennomgått av leiar for kontrollutvalet.

Vedtak

Forslag til budsjett for kontrollutvalet i 2016 fylgjer formannskapet si innstilling til budsjett for kommunen til behandling og vedtak i kommunestyret.

Alle beløpa er ekskl. mva.

Behandling

Etter gjennomgang av budsjettpostane er kontrollutvalet samd om å foreslå fylgjande budsjett for kontrollutvalet i 2016:

Alle beløpa er ekskl. mva.

Timane til forvaltningsrevisjon samanlikna med 2015 er auka med 50 timar. Desse timane skal brukas til arbeidet med å utarbeide Plan for forvaltningsrevisjon og Plan for Selskapskontroll.

Forslaget til budsjettramme for kontroll- og revisjonsarbeidet skal følgje innstillinga frå Formannskapet til Kommunestyret.

Vedtak

Kontrollutvalet inviterer Deloitte til å gi ein orientering om arbeidet i kontrollutvalet.

Behandling

Det vil bli utskiftinger i kontrollutvalet hausten 2015, og det kan derfor være nyttig at Deloitte orienterer nye medlemer om arbeidet i kontrollutvalet.

Kontrollutvalet kom fram til at dette er ynskjeleg.