Kjartan Haugsnes stilte spørsmål om eit brev fra Bevaring av Vaksdalsvassdraget - dette burde vore sendt ut som referatsak. Rådmannen opplyste om at dette blir lagt fram for kommunestyret som referatsak.
Innkalling og saksliste vart samrøystes vedteke.
Samrøystes vedtak.
I medhald av Plan og bygningslova § 9-1 vert framlegg, datert 07.09.2015, til interkommunal kommunedelplan for Fjellheimen villreinområde med plankart og temakart (datert 07.09.2015) lagt ut til offentleg ettersyn.
Høyringsfrist er minimum 6 veker frå kunngjering.
Samrøystes vedtak
Kommunestyret i Vaksdal kommune går inn for å avvikle/omdanne stiftinga «Fiskefond for Bergsdalsvassdraget og Flatabøelva», og å dele tilgjengelege fondsmidlar likt mellom fondseigarane (Voss kommune, Vaksdal kommune og Kvam herad). Alternativet til avvikling, er samanslåing med andre fond.
Styret for «Fiskefond for Bergsdalsvassdraget og Flatabøelva» får i oppgåve å søkje Stiftelsestilsynet om avvikling i tråd med reglane i «stiftelsesloven», kapittel 6. Kommunane fremjar framlegg til Stiftelsestilsynet om at styremedlemane for «Fiskefond for Bergsdalsvassdraget og Flatabøelva»vert medlemar av avviklingsstyret.
Søknad om avvikling kan ikkje sendast før det er gjort vedtak om dette i alle eigarkommunane (Voss kommune, Vaksdal kommune og Kvam herad).
Etter avvikling skal Vaksdal kommunesin part av tilgjengelege fondsmidlar, overførast til anten «Mysterfondet» eller «Vaksdal kommune sitt fond for vilt, fiske og friluftsliv». Begge fonda har slektskap til fondet som skal avviklast.
Aktuelle interesseorganisasjonar skal varslast når vedtak om avvikling av fondet er fatta av Stiftelsestilsynet.
Samrøystes vedtak.
Tertialrapport pr 2.tertial 2015 vert godkjent.
Det vert gjort følgjande budsjettjusteringar på driftsbudsjettet:
Konto 1570, overføring til kapitalrekneskapen, vert redusert med inntil 6 mill
Einingane innan Helse og omsorg sine budsjett vert styrka med inntil 6 mill. Rådmannen innarbeidet budsjettjusteringar for å dekke inn prognostisert meirforbruk.
Årets låneopptak vert auka med inntil 6 mill. Endeleg framlegg om låneramme vert lagt fram som eiga sak i desember.
Rådmann, ass. rådmann og økonomisjef orienterte om tertialrapporten.
Kommunalsjef helse og omsorg orienterte om tenesteområde helse og omsorg.
Kommunalsjef oppvekst orienterte om tenesteområde oppvekst.
Einingsleiar samfunnsutvikling orienterte om tenesteområde innan eining for samfunnsutvikling.
Samrøystes vedtak.
Kjartan Haugsnes ba om ei orientering om følgjande saker:
Boge 3 og brev frå Bevaring av Vaksdalsvassdraget som er sendt til formannskapet? Samt informasjon frå ordførar kring kva utredning om saksgang som er tinga frå administrasjonen (jfr. BT 22.10)
Formannskapet får brevet tilsendt på epost. I tillegg får kommunestyret brevet som referatsak
Australiatur for tilsette i Vaksdal kommune og framdrift i høve omsøkt prosjekt.
Orientering vart gitt i sak 88/2015 kommunedelplan helse og omsorg
Brev frå Daledagsnemda
Einingsleiar samfunnsutvikling orienterte
Formannskapet har registrert at kommunen har tatt eit initiativ i saka, og ber om å bli holdt orientert om utviklinga i saka.
Ordføraren ba formannskapet velja 3 personar som skal ha medarbeidersamtale med rådmannen - Framlegg om at ordføraren er med, i tillegg til 1 person frå opposisjonen og 1 frå posisjonen.
Orienteringar frå rådmannen blir gitt i neste møte.
Politikar | Parti | Medlemstype | E-Post |
---|---|---|---|
Eirik Haga | Arbeiderpartiet | Ordførar | eirik.haga@vaksdal.kommune.no |
Sigmund Simmenes | Senterpartiet | Varaordførar | sigmund.simmenes@vaksdal.kommune.no |
Heidi Rongved | Arbeiderpartiet | Medlem | heidirongved@gmail.com |
Anne Christin Eide | Arbeiderpartiet | Medlem | anne-christin@vim.no |
Bjørn Roald | Høgre | Medlem | bjorn.roald@outlook.com |
Jan Erik Bernes Roe | Kristeleg Folkeparti | Medlem | janebroe@yahoo.no |
Kjartan Haugsnes | Sosialistisk Venstreparti | Medlem | kjartan.haugsnes@vaksdal.kommune.no |
Truls Morten Kaland | truls.morten.kaland@vaksdal.kommune.no |