Innkalling og saksliste vert
Ei tilleggssak vart publisert etter ordinær utsending. Formannskapet godkjende at denne kunne behandlast i møtet.
Samrøystes vedtak.
Møteboka vert godkjent slik ho ligg føre.
Samrøystes vedtak.
Referatsakene vert tatt til orientering.
Samrøystes vedtak.
Rådmannen rår til at forslag til Samfunnsdel for Vaksdal 2016-2027, etter heimel i Plan-og bygningslova §11-14, vert kunngjort, sent til høyring og offentleg ettersyn i minimum 6 veker.
Samrøystes vedtak.
Saka vert tatt til orientering.
Kommunalsjef oppvekst orienterte om prosjektet Trafikksikker kommune.
Samrøystes vedtak.
Vaksdal kommune vil med bakgrunn i Statens Vegvesen si vurdering i høyringsbrev, datert 10.10.2016, uttale si tilsluttning til framlegget frå Avdelingsdirektøren, vegavdelinga Hordaland, om særskild fartsgrense på 70 km/t for E16, hp 09 km 10445 til hp 10 km 1340.
Vedteke mot 1 røyst (SV).
Vaksdal kommune vil auke busetting av flyktningar i 2016 til inntil 30 flyktningar.
Samrøystes vedtak.
Vaksdal kommune meiner at fagmiljøet innafor oppmåling i kommunane har ført til eit effektivt, godt fungerande og rettferdig oppmålingssystem i Noreg.Vaksdal kommune rår difor frå at landmålarføretak skal kunna tilby eigedomsoppmåling på like vilkår som kommunane, ei slik privatisering og konkurranseutsetting vil vera uheldig med omsyn til kvalitet, kostnader, tid og rettsvern.
Vaksdal kommune meiner at det overordna ansvaret for føring av eigedomsopplysningar skal vera hjå kommunane og førast der, slik det vert gjort i dag. Dette må ikkje sentraliserast til Statens kartverk og byråkratiserast ytterlegare.
Vaksdal kommune meiner at utdanninga som vert gjeve i dag innafor dette fagfeltet sikrar ei god oppmålingsteneste i kommunane i Noreg.
Kommunal- og moderniseringsdepartementet sitt høringsforslag om endringar i matrikkellova mv. må difor avvisast. Vaksdal kommune viser elles til vurderingar i saksutgreiinga.
Samrøystes vedtak.
Kommunestyret ber om at det vert starta opp prosjekt for bygging av ny Barne og ungdomskule for 250 elevar på eksisterande skuletomt på Dale. Som følgje av forventa folketalsauke skal skulen planleggjast slik at ungdomstrinnet kan aukast i seinare byggjetrinn.
Ein legg til grunn at eksisterande skule skal rivast og erstattast med nytt bygg. Folkebadet skal inngå som del av ny skule, og ein skal vurdere trong for rehabilitering/oppussing.
Dale barne – og ungdomsskule skal i tillegg til skule innehalde følgjande funksjonar:
- PPT,
- felles skule- og folkebibliotek,
- administrasjon og øvingslokale for kulturskulen,
- fleirbrukssal med moglegheit for konsert,
Formannskapet er styringsgruppe for ny skule på Dale. Det vert utpeikt byggjenemnd og referansegruppe for prosjektet med følgjande representantar:
Rolle | Referansegruppe | Byggjenemnd |
Formannskapet | 1 | 2 |
Prosjektleiar | 1 | 1 |
Elevar | 2 | |
Representant for tilsette | 2 | |
Representant frå FAU | 2 | |
Representant frå Vaksdal musikkråd | 1 | |
Representant frå administrasjonen | 4 | 3 |
Sum | 13 | 6 |
Kommunestyret ber om at det vert utarbeid eit forprosjekt for tilbygg for Vaksdal skule der ein vurderer løysing, kostnader og framdrift for eit tilbygg. Det vert utpeikt ein referansegruppe med følgjande representantar:
- 1 politikar
- prosjektleiar
- 2 elevar
- 2 representantar for tilsette
- 2 representantar frå frivillige lag/organisasjonar på Vaksdal
- 2 representant frå FAU
- 4 frå administrasjonen
Innan kommunestyret sitt møte 14.11.2016 legg administrasjonen fram eit notat gjeldande kostnad for brakkemodul i høve ny skule.
Einingsleiar samfunnsutvikling orienterte om tilleggsopplysningane i saka. Ved ei feil var ikkje oppdatert framlegg til vedtak frå rådmannen kome med ved utsendinga. Formannskapet vedtok likevel å behandle saka.
Innspel frå prosjektleiar for K5-prosjektet vart lagt fram i møtet.
Tilleggsframlegg frå Kjartan Haugsnes, SV:
Innan kommunestyret sitt møte 14.11.2016 legg administrasjonen fram eit notat gjeldande kostnad for brakkemodul i høve ny skule.
Oppdatert framlegg til vedtak frå rådmannen vart samrøystes vedteke.
Framlegget frå Kjartan Haugsnes samrøystes vedteke.
Kommunestyret tek samandragsrapporten om tilstandsvurderingar for kommunale bustader til orientering.
Skulegata 35/37 (Skulen 2) vert å rive dersom ein skal byggje ny skule på eksisterande skuletomt på Dale (gbnr 22/171), alternativt vil bygget inngå i heilskapleg plan for utvikling av skuletomten.
Fornying av kommunale bustader skal forankrast i bustadpolitisk strategiplan. Rådmannen får i oppdrag å revidere bustadpolitisk strategiplan for Vaksdal kommune 2010-2015. Formannskapet vert styringsgruppe for arbeidet. Rådmannen kjem attende med planprogram som skildrer, innhald, organisering og framdrift for planarbeidet.
Samrøystes vedtak.
Tertialrapport pr 2.tertial 2016 vert godkjent.
Det vert gjort følgjande budsjettendringar på driftsbudsjettet for 2016:
Budsjetterte renteutgifter vert redusert med 2 mill frå 7,7 mill til 5,7 mill.Budsjetterte skatteinntekter vert auka med 2 mill frå 95 mill til 97 mill.
Tenesteområde Helse og omsorg får auka ramme med 4 mill frå kr 122.814.877,- til kr 126.814.877,-. Rådmannen får fullmakt til å innarbeide budsjettjusteringane.
Det vert gjort følgjande budsjettendringar på investeringsbudsjettet for 2016:
Auke i investeringsbudsjett: Utbetring pga muggsopp i Heradshuset, kr 400.000,-. Ombygging Vaksdalsgården, kr 200.000,-. Senterplassen, kr 220.000,-.
Finansiering: Reduksjon Investering skulebygg, kr 400.000,-. Reduksjon Branntiltak Vaksdal senter, kr 200.000,-. Reduksjon Andre møteplassar/grøntanlegg/nærmiljø, kr 220.000,-.
Økonomisjefen orienterte.
Samrøystes vedtak.
Vaksdal kommune inngår intensjonsavtale med Hordaland fylkeskommune om vidareføring av tenestene i Business Region Bergen AS slik det ligg føre.
Vedteke mot 1 røyst (SV)
Politihkar | Bellodat | Lahttošládja | E-poasta |
---|---|---|---|
Eirik Haga | Arbeiderpartiet | Ordførar | eirik.haga@vaksdal.kommune.no |
Sigmund Simmenes | Senterpartiet | Varaordførar | sigmund.simmenes@vaksdal.kommune.no |
Anne Christin Eide | Arbeiderpartiet | Medlem | anne-christin@vim.no |
Bjørn Roald | Høgre | Medlem | bjorn.roald@outlook.com |
Jan Erik Bernes Roe | Kristeleg Folkeparti | Medlem | janebroe@yahoo.no |
Kjartan Haugsnes | Sosialistisk Venstreparti | Medlem | kjartan.haugsnes@vaksdal.kommune.no |
Magne Hestad | Arbeiderpartiet | Varamedlem | magne.hestad@fagforbundet.no |
Truls Morten Kaland | truls.morten.kaland@vaksdal.kommune.no | ||
Heidi Rongved (Ii boahtán) | Arbeiderpartiet | Medlem | heidirongved@gmail.com |