Čoahkkin Formannskap/plan- og økonomiutvalet 02.02.2015

Vedtak

I medhald av plan- og bygningslova §11-12 og §11-13 vedtar Vaksdal kommunestyre oppstart av arbeid med rullering av kommuneplan, samt framlegg til planprogram til høyring i 6 veker.

Behandling

Kommuneplanleggjar Gjertrud Karevoll orienterte.

Samrøystes vedtak.

Vedtak

1. VA Normer for kommunane Eidfjord, Fusa, Jondal, Kvam, Kvinnherad, Samnanger, Ulvik og Vaksdal, datert 31. mars 2014, vert godkjent til bruk i Vaksdal kommune.

1. Ved kommunale VA anlegg og VA anlegg som blir overteken til kommunal drift frå private utbyggarar, skal VA norma leggjast til grunn

1. Rådmannen gjennomfører oppdateringar av teknisk karakter etter kvart som dette er nødvendig.

Behandling

Einingsleiar Samfunnsutvikling orienterte.

Samrøystes vedtak.

Vedtak

Vaksdal kommune og innbyggjarane på Stavenes og Sandvik har bedt Statens vegvesen om utbetring av kryss til Stavenes og kryssingspunkt mellom busstoppestadene. Det har vore fleire ulukker i området, og særleg kryss inn til Stavenes har dårlege sikttilhøve ved avsvingning til venstre frå Ev 16. Statens vegvesen innstiller derfor på å forby innkjøring til venstre, noko som fører til at ein må snu til dømes ved avkjørsel til byggelfelt på Sandvik.

Det er heilt nødvendig å betre trafikktryggleiken i avkjøringane til bustadområda i Stavenes og Sandvik. Spesielt utfordrande er forholda til/frå bustad- og landbruksområde på Stavenes, samt bruk av busslomma ved tunnelmunninga ved Stavenestunnelen nord.

Venstresvingforbodet som Statens vegvesen skisserer i høyringsbrevet frå desember 2014 skisserer ei løysing som berre i liten grad løyser dei faktiske utfordringane, og må også fylgjast opp slik at vegutvidinga i nedoverbakken (sjøsida) frå Langhelletunnelen mot Stavenestunnelen vert fri for stans/parkering for å gje best mogeleg siktforhold for køyrande som kryssar Ev 16 ved vending. Som nevnt vil løysinga berre i nokon grad betre trafikktryggleiken , og såleis vere å betrakte som ei midlertidig straksløysing.

Vaksdal kommune vil argumentere for ei meir heilheitleg og berekraftig løysing, og utfordrar Statens vegvesen til å utarbeide ei løysing basert på vegplan «Sandviksparkellen» utarbeidd i 1989/90. Vidare ber kommunen at prosjektet vert prioritert inn i komande handlingsprogram til NTP.

Vaksdal kommune har hausten 2014 gjennomført ei overordna ROS-analyse som syner at den enkelthendinga som er mest belasta for kommunen og innbyggjarane er alvorlege trafikkulykker. Kryssa mot områda Sandvik og Stavenes, samt forholda i og ved busslomma ved Stavenestunnelen nord er difor svært viktig for kommunen å løfte fram som prioriterte trafikktryggingstiltak.

Føresegn til kommuneplanen tillet heller ikkje auka bruk av desse kryssa, og areala i dei nemde områda er i praksis hindra for utbygging og utvikling. Dette er ikkje i tråd med intensjonen i regional planlegging, som ber kommunane tilretteleggje for utvikling i bynære område.

Med bakgrunn i dette vil kommunen be Statens vegvesen prioritere Sandviksparsellen mykje høgare enn eit venstresvingsforbod i kryss mot Stavenes.

Behandling

Samrøystes vedtak.

Vedtak

Vaksdal kommune ynskjer at fylgjande løysing vert vurdert og iverksett som løysing:

Køyrande til Bryllaupshaugen må nytte a-N vår dei kjem sørifrå, fordi den gjev betre bakoversikt. Dette kan løysast ved at a-S vert skilta med venstresvingsforbud.

Køyrande frå Bryllaupshaugen må svinge venstre inn på Ev 16 i a-N, og må svinge høgre inn på Ev 16 frå a-S. Dette vil sikre at køyretøy frå Bryllaupshaugen har «rett» vinkel til fartsauke på Ev 16, som gjev tryggast påkøyringsmåte.

Bruk av G/S som snarveg kan hindrast med sykkelbøyle. Dette vil også vere ei føremon for drift/vedlikehald (brøyting/strøing), då vegen i Bryllaupshaugen er kommunal og G/S er statleg.

Vaksdal kommune meiner denne alternative løysinga er ei betre løysing for trafikantane både til/frå Bryllaupshaugen, for gåande/syklande på G/S og for drift/vedlikehald av både Bryllaupshaugen og G/S til Vaksdal.

Behandling

Samrøystes vedtak.

Vedtak

Formannskapet set ned ei nemnd av personar frå ulike delar av kommunen som skal gje ein innstilling på personar som skal heidrast/minnast og kome med forslag til korleis ein skal markere desse for ettertida.

Nemnda består av:

Ole Petter Lien busett på Dale

Rolf Erik Veka busett på Voss

Anita Alice Vik busett på Stamnes

Jan Cleveland busett på Stanghelle

Olav Jarl Bruvik busett på Vaksdal

Evelyn Gullbrå busett i Eksingedalen

Willy-André Gjesdal, Vaksdal kommune, samfunnsutvikling

Ole Jonny Domben, Vaksdal kommune, samfunnsutvikling

Leiar i nemnda: Olav Jarl Bruvik

Gjesdal og Domben har ikkje stemmerett i nemnda. Kommunestyret gjer endeleg vedtak i saka.

Behandling

Ordføraren gjorde framlegg om Evelyn Gullbrå som bygdarådet i Eksingedalen sin representant i nemnda.

Helge Risnes gjorde framlegg om Olav Jarl Bruvik som leiar i nemnda.

Samrøystes vedtak.