Čoahkkin Formannskap/plan- og økonomiutvalet 20.04.2015

Vedtak

1. Kommunestyret slutter seg til Prosjektrapport for Sonderingsfasen slik den ligg føre.

2. Sonderingsfasen vert ikkje avslutta. Det vert ny handsaming av status for sonderingsfasen i
samband med økonomiplan 2016 – 2019. Det vert gjort to presiseringar:

1. Rådmannen startar arbeidet med å greie ut alternativet «ei oppdeling av Vaksdal kommune» og kan i det arbeidet knytte til seg ekstern bistand.

2. Vaksdal kommune deltek i arbeid med å utarbeide kunnskapsgrunnlag for kommunane Vaksdal, Osterøy, Samnanger og Bergen i regi av Bergen kommune, og i regi av Bergensalliansen. 

Behandling

Nye opplysningar i saka er kome til og rådmannen har endra sitt framlegg til vedtak til:

1. Kommunestyret slutter seg til Prosjektrapport for Sonderingsfasen slik den ligg føre.

2. Sonderingsfasen vert ikkje avslutta.

   Det vert gjort to presiseringar:

a. Rådmannen startar arbeidet med å greie ut alternativet «ei oppdeling av Vaksdal kommune» og kan i det arbeidet knytte til seg ekstern

bistand.

b. Vaksdal kommune deltek i arbeid med å utarbeide kunnskapsgrunnlag for kommunane Vaksdal, Osterøy, Samnanger og Bergen i regi

av Bergen kommune, og i regi av Bergensalliansen. 

Tilleggsframlegg frå Anneli Vatle Lilletvedt:

Nytt punkt c. Vaksdal kommune startar utgreiingsarbeidet for kommunane Vaksdal og Modalen kommunar.

Rådmannen sitt framlegg til vedtak vart samrøystes vedteke.

Tilleggsframlegget frå Anneli Vatle Lilletvedt fekk 1 røyst og fall.

Vedtak

Vaksdal kommunestyre godkjenner rekneskapen for Vaksdal kommune, drifts- og kapitalrekneskapen for 2014 med eit mindreforbruk/overskot på kr 279.598,91,- på drifta og kr 0,- i kapitalrekneskapen.

Kommunestyret tek årsmelding for 2014 for Vaksdal kommune til etterretning.

Mindreforbruket på drifta, kr 279.598,91,- vert sett av slik:

Kr 70 000 vert tilført eining for samfunnsutvikling - kommunalt reinhald av klubbhusa på Dale og Vaksdal

Kr 209.598,91,- vert tilført disposisjonsfondet, konto 2569900

Behandling

Særutskrift frå møte i kontrollutvalet samt revisjonsmelding vart lagt fram i møtet.

Rådmannen og økonomisjef orienterte.

Endringsframlegg frå Eirik Haga:
Vaksdal kommunestyre godkjenner rekneskapen for Vaksdal kommune, drifts- og kapitalrekneskapen for 2014 med eit mindreforbruk/overskot på kr 279.598,91,- på drifta og kr 0,- i kapitalrekneskapen.

Kommunestyret tek årsmelding for 2014 for Vaksdal kommune til etterretning.

Mindreforbruket på drifta, kr 279.598,91,- vert sett av slik:

Kr 70 000 vert tilført eining for samfunnsutvikling - kommunalt reinhald av klubbhusa på Dale og Vaksdal

Kr 209.598,91,- vert tilført disposisjonsfondet, konto 2569900

Framlegga vart sett opp mot kvarandre - Eirik Haga sitt framlegg blei samrøystes vedteke.

Vedtak

Vaksdal kommune kan gå inn for prosjektet til Markåni kraftverk med dei avbøtande tiltak som er skissert i søknaden. Sjølve utbyggingsområdet er ikkje registrert som regionalt viktig. Strandsona i Bolstadfjorden er derimot registrert som regionalt viktig for friluftslivet, og dette er ein nasjonal laksefjord. Vaksdal kommune ynskjer at både fotoillustrasjon og konsekvensane for det strandsonebaserte friluftslivet vert illustrert. Tilhøve for sjøaure i elvemunningane må også verta betre fagleg vurdert. Ein må ta omsyn til raudlistearten treslaget alm i området.

Behandling

Samrøystes vedtak.

Vedtak

Vaksdal kommune går imot at det vert gjeve konsesjon for Moko kraftverk på Dale på grunn av at det ømsøkte alternativet vil vera til stor skade for sjøaurestamma i Daleelva. Det vert vist til uttale frå Dale Jakt og Fiskarlag og utgreiinga frå Uni Miljø om denne saka. Dei omsøkte planane vil fråføra det meste av vatnet frå midtre del av Moko og sleppa det ut att nederst i Moko like for utløpet til Daleelva. Den foreslåtte minstevassføringa vil ikkje tilføra nok vatn til Drivo til at det vert gode tilhøve for sjøauren. Dette kan løysast ved eit tidlegare vurdert alternativ med gode avbøtande tiltak.

Behandling

Skriv frå grunneigarar på Dalegarden vart lagt fram i møtet.

Framlegg frå Sigmund Simmenes, SP:

Positiv til utbygging om avbøtande tiltak vert iverksett før utbygging.

Framlegga vart sett opp mot kvarandre - 3 røysta for Sigmund Simmenes sitt framlegg (H, SP) og 3 røysta for rådmannen sitt framlegg (AP, KRF). Med ordføraren si dobbeltstemme vart dette forslaget formannskapet si tilråding til kommunestyret.

Vedtak

Vaksdal kommune kan gå inn for prosjektet til Sædalen kraftverk med alternativ 1; med nedgrave røyr eller alternativ 2; med bora tunnel, med dei avbøtande tiltak som er skissert i søknaden. Sædalselva må vera sikra ei forsvarleg minstevassføring. Løyve til skogsvegen er gått ut og må søkjast på nytt til Vaksdal kommune.

Behandling

Samrøystes vedtak.

Vedtak

Vaksdal kommune rår frå at det vert gjeve konsesjon for Boge 3 kraftverk. Bogevatnet vert nytta som kommunal drikkevasskjelde i enno 2-3 år og seinare som reservevasskjelde. Tiltaket kan gje negative effektar for dette. I tillegg vil endra tapperegime med overføring av Krossatjørnane til Svartavatnet og tapping av dette vatnet med tunnel ned at til ny kraftstasjon ved Bogevatnet vera negativt i friluftsamanheng med tørrlagde elvefar og sørjerender i magasina. Vaksdalvassdraget vil missa vassføringa frå Svartavatnet. Dette vassdraget er frå før kraftig regulert og nye reguleringar er planlagt med fråføring av vatn i øvre del til Samnanger.

Behandling

Samrøystes vedtak.

Vedtak

Vaksdal kommune rår frå at det vert gjeve konsesjon for Skarvagroi kraftverk. Tiltaket medfører eit stort naturinngrep og gjev ei heller beskjeden kraftmengde på ca 5 GWh, på grunn av fallenergi på berre 96 m. Tiltaket ligg ved inngangen til eit svært viktig lokalt og regionalt friluftsområde i Bergsdalsfjella. Frå før er Bergsdalsvassdraget sterkt prega av vasskraftutbyggingar og inngrep som gjev problem med tilgroing i vassdraget. Ein del urørte og særmerkte sideelvar er difor viktig å ta vare på. Skarvagroi har særprega naturkvalitet og tiltaket fører til kraftig reduksjon av vassføringa i elva. Elva er ein viktig del av landskapsbildet sett frå militærvegen. Frå Småbrekkevatnet og sørvestover har ein starten på i eit større område utan naturinngrep. Ei utbygging av Skarvagroi kraftverk vil medføra eit tap av inngrepsfrie område (INON) på 0,94 km2.

Behandling

Samrøystes vedtak.

Vedtak

Vaksdal kommune rår til at det vert gjeve konsesjon for Oddmundsdalen kraftverk under føresetnad av at det blir sett krav til avbøtande tiltak. Tiltaket ligg ved inngangen til eit viktig friluftsområde i Bergsdalsfjella. Ein permanent veg inn i Oddmundsdalen vil gje eit stort naturinngrep inn i ein heilt urørt dal, og utbyggar bør difor få krav om å reetablere terrenget etter anleggsarbeida er avslutta. Ei utbygging av Oddmundsdalen kraftverk vil medføra eit tap av inngrepsfrie område (INON) på 2,84 km². Utbygginga kan vere viktig som tilleggsinntekt for landbruksverksemd og som grunnlag for framtidig busetting.

Behandling

Samrøystes vedtak.

Vedtak

Eitt av dei seks omsøkte kraftverka i Vaksdal peikar seg svært negativt ut i friluftssamanheng og tap av INON-område. Det gjeld Skarvagrovi kraftverk i Bergsdalen, som er innfallsporten til eit viktig regionalt friluftsområde med hytter og t-merka løyper. Vaksdal kommune er også negativ til Boge 3 kraftverk ovanfor Boge og Vaksdal ved Sørfjorden. Vassdraget vert nytta av Vaksdal kommune som drikkevasskjelde for tettstaden Vaksdal og Boge med ca 1200 innbyggjarar. Det har også ein stor lokal friluftsverdi og ein fjernar vatn frå det frå før kraftig regulerte Vaksdalvassdraget. Vaksdal kommune kan gå inn for Markåni kraftverk ved Bolstadfjorden og Sædalen kraftverk ved Vaksdal dersom gode avbøtande tiltak vert pålagt.

Når det gjeld Moko kraftverk på Dale går Vaksdal kommune mot det omsøkte alternativet på grunn av at det får svært negativ effekt på eit viktig oppvekstområde for sjøaure. Dette kan løysast ved eit tidlegare vurdert alternativ med gode avbøtande tiltak.

Oddmundsdalen er ein negativ til på grunn av bygging av permanent veg inn i eit urørt område. Dette kan løysast ved å reetablere terrenget etter at anleggsarbeida er avslutta.

Behandling

Einingsleiar samfunnsutvikling orienterte

Samrøystes vedtak.

Vedtak

Dersom ikkje Eidslandgrendalag presenterer ei løysing for deira eventuelle overtaking innan 1.juni 2015 gir kommunestyret rådmannen fullmakt til sal av Eidsland skule på den opne marknaden

Behandling

Samrøystes vedtak.

Vedtak

Vaksdal kommune vil ikkje prioritere å bruka kr 500 000 på å reparera Grøttåvegen etter raset i 2013. Kommunen ser på vegen som eit viktig kulturminne som fortel historien om ein gamal ferdsleveg frå sjøen og opp i Botnen. Vaksdal kommune tek han difor med i tiltakslista i kulturminneplanen og prøvar å få tak i eksterne midlar frå fylket m.fl til å reparera vegen i den stand han var før raset. Vaksdal kommune er positiv til å delta med midlar og tek eit initiativ til å få til eit spleiselag med fleire aktørar for å utbetre denne vegen.

Behandling

Framlegg frå Eirik Haga:

Vaksdal kommune tek eit initiativ til å få til eit spleiselag.

Framlegga blei satt opp mot kvarandre - Eirik Haga sitt framlegg vart samrøystes vedteke.

Vedtak

Formannskapet legg til grunn gjeldande reguleringsplan for Stamnes sentrum som grunnlag for prioritering av løyvde midlar i 2015og resterande midlar til same sak frå budsjett 2014. Formannskapet ber rådmannen førebu ei sak om bruk av midlar og organisering av oppfølging av prosjektet i samband med Tertial 1/2015.

I saksførebuinga inngår samarbeid med den lokale arbeidsgruppa for utviklilng av Stamnes sentrum og kvalitetssikring av tilbod frå Ove Gunnar Dyvik om overtaking av hans eigedom 45/6 i sentrum.

Behandling

Framlegg frå Sigmund Simmenes, SP:

Formannskapet legg til grunn gjeldande reguleringsplan for Stamnes sentrum som grunnlag for prioritering av løyvde midlar i 2015 og resterande midlar til same sak frå budsjett 2014. Formannskapet ber rådmannen førebu ei sak om bruk av midlar og organisering av oppfølging av prosjektet i samband med Tertial 1/2015.

I saksførebuinga inngår samarbeid med den lokale arbeidsgruppa for utviklilng av Stamnes sentrum og kvalitetssikring av tilbod frå Ove Gunnar Dyvik om overtaking av hans eigedom 45/6 i sentrum.

Forslaga vart sett opp mot kvarandre - Framlegget frå Sigmund Simmenes vart samrøystes vedteke.

Vedtak

Rådmannen utarbeider eit forprosjekt for utbygging av bustader for Døso. Forprosjektet vert å gjennomføre innafor ramma i kapitalbudsjettet for 2015.

Behandling

Samrøystes vedtak.

Vedtak

Framlegg til nye politivedtekter for Vaksdal kommune vert lagt ut til høyring med høyringsfristfrå 21.04.2015 til 01.06.2015.

Behandling

Samrøystes vedtak.

Vedtak

Formannskapet/plan- og økonomiutvalet i Vaksdal kommune løyver inntil kr 15 000,- og maksimalt
50 % av totale kostnadar i tilskot til Liv Anne og Sveinung T. Bergo, innehavarar av gnr. 64. bnr. 1 på Bergo i Eksingedalen, til grafisk utforming og produksjon av 5 stykk informasjonstavler om kulturminna i Almane.

Midlane vert løyvd frå «Vaksdal kommune sitt fond for vilt, fiske og friluftsliv», der formannskapet er fondsstyre. Tildelinga er heimla i §§ 2 og 5 i fondsvedtektene.

Øvre grense for godkjent kostnad, vert sett til kr 30 000,-.

Tilskotet vert utbetalt etterskotsvis, når sluttrapport med naudsynt dokumentasjon ligg føre (faktura, bilete og liknande).

Arbeidsfristen for tiltaket vert sett til mars 2018. Etter dette vert tilskotet trekt tilbake, dersom det ikkje blir søkt om utsett arbeidsfrist i inntil eitt år. Vaksdal kommune kan synfare tiltaket.

VILKÅR: Almane skal vere tilgjengeleg for ålmentas ferdsle og rekreasjon.

Behandling

Samrøystes vedtak.

Vedtak

Med heimel i føreskrift av 4. juli 2003, nr. 951, om gjødselvarer mv av organisk opphav, vedtek formannskap/plan- og økonomiutvalet å sende vedlagt framlegg tiil lokal føreskrift om spreiing av husdyrgjødsel i Vaksdal kommune, på høyring slik den ligg føre frå rådmannen.

I samsvar med § 37 i forvaltningslova, vert høyringsfristen sett til 4 veker. Høyringa skal sendast til lokale næringsorganisasjonar i landbruket og fylkesmannen si landbruksavdeling.

Behandling

Samrøystes vedtak.

Vedtak

1. Vaksdal kommunestyre vedtek at investeringsmidlar for 2015, løyvd til «Ferdigstilling av asfaltering Gammersvik-Grøsvik» kr. 780.000,- vert omdisponert som del av finansieringa av vøla og oppattbygging av den utrasa vegstrekkja på Toskedalsvegen ved Flothamn/Sverrestuen.

2. Det vert vidare løyvd kr. inntil 2.840.000,- frå Kapitalfondet(«VOE-fondet»): 2530010 for å få fullfinansiereprosjektet.

Kalkulert kostnad til prosjektet er : 3,62 mill. kr inkl. mva.

Administrasjonen arbeider med søknad til fylkesmannen om ekstraordinære skjønsmidlar til prosjektet. Ved utbetaling av eventuelt tilskot skal dette tilbakeførast til«VOE-fondet»: 2530010

Behandling

Samrøystes vedtak.

Vedtak

Saka vert tatt til orientering. Endeleg handsaming vert gjort i Tertial 1.

Behandling

Samrøystes vedtak.

Vedtak

Formannskap/plan- og økonomiutvalet (FPØ) vedtek nytt namn på adresseparsellen «Hellestølsvegen» frå Helle (fyrste avkjøring frå E16 i retning Vaksdal) til Hellesætra og Vatnastølen. Eigedomane i parsellen skal adresserast til «Sætravegen».

Behandling

Samrøystes vedtak.

Vedtak

Formannskap/plan- og økonomiutvalet (FPØ) vedtek å opprette ein ny vegparsell frå krysset Vikavegen/Øyavegen til Hesjedal. Parsellen skal få namnet «Hesjedalsvegen».

Behandling

Samrøystes vedtak.