Møte i Kommunestyret den 29.02.2016

Behandling

Ordføraren opplyste om at 2 interpellasjonar og 1 skriftleg spørsmål ville bli svart på i slutten av møtet.

Kjartan Haugsnes, SV, beklagde at det også til dette møtet vart sendt ut ei tilleggsak rett i forkant av møtet.
Han etterlyste og tilrådinga i sak 6/2016 i levekårsutvalet, Lev vel i Vaksdal. Denne burde vore utsendt til kommunestyret straks etter behandlinga i levekårsutvalet. Administrasjonen har merka seg dette.

Innkalling og saksliste vart samrøystes godkjent med desse merknadene.

Vedtak

Møtebøkenevert godkjende slik dei ligg føre.

Behandling

Samrøystes vedtak.

Behandling

Samrøystes vedtak.

Vedtak

Kommunestyret løyver 550 000 til naudsynt forsterking av Toskedalsvegen før asfaltering. Desse kjem i tillegg til dei 780 000 i vedteke kapitalbudsjett for 2016. Auke på kr 550.000 vert finansiert ved auka låneopptak.

Behandling

Samrøystes vedtak.

Vedtak

Kommunestyret vedtek at «Strategi for eigedomsforvaltning» dagsett 06.11.2015 skal leggjast til grunn for utarbeiding av vedlikehaldsplan for kommunale bygg i Vaksdal kommune for perioden 2017 - 2020.

Kommunestyret tar samandragsrapporten om tilstandsvurderingar for sjukeheimar og omsorgsbustader til orientering. Tilstandsvurderinga vil inngå som grunnlagsdokumentasjon i arbeidet med prosjektet LEV VEL i Vaksdal kommune.

Rådmannen vert beden om å utarbeide sak til kommunestyret om vurdering av ulike alternativ for å lukke dei branntekniske avvika som er funnet i helsebygga, jamfør rapporten om oppsummering av brannntekniske tilstandsvurderingar.

Behandling

Samrøystes vedtak.

Vedtak

Kommunestyret i Vaksdal kommune løyver kr 15 000,- i tilskot til prosjektet«Verknad av hjorte-beiting i plantefelt og ung produksjonsskog av gran og furu», 2016 – 2018, i regi av NIBIO Furuneset.

Løyvinga skal dekkjast gjennom lokalt viltfond, og vert betalt ut i to omgangar etter at prosjektet har starta opp.

Vedtaket er heimla i § 4 i forskrift om kommunale og fylkeskommunale viltfond, ogvedtektene for kommunalt viltfond av 20.12.01.

Behandling

Samrøystes vedtak.

Vedtak

Rådmannen sitt framlegg til oppstart, organisering og framdrift av arbeidet med kommunal planstrategi er vedteke.

Behandling

Samrøystes vedtak.

Vedtak

Kommunestyret i Vaksdal vedtek at arbeidet med samfunnsdelen held opprinneleg framdriftsplan med vedtak og kunngjering i juni. Arealdelen til kommuneplanen vert føreslått skyvd med 6 mnd.

Behandling

Samrøystes vedtak.

Vedtak

Organisering av prosjektet «Lev Vel i Vaksdal» vert godkjent slik det ligg føre.

Desse vart valde som politiske representantar i:

overordna styringsgruppe:
Varaordførar
Leiar i levekårsutvalet
Evelyn Boge

prosjektgruppa:
Jan Erik Bernes Roe frå formannskap/plan- og økonomiutvalet

Behandling

Innstilling frå levekårsutvalet vart lagt fram i møtet.

Anneli Vatle Lilletvedt, H, fremja sitt forslag frå levekårsutvalet på nytt
Prosjektgruppa Lev Vel i Vaksdal vert utvida med ein person frå formannskap/plan- og økonomiutvalet.
Framlegg frå Heidi Rongved, AP:
Varaordførar går inn i overordna styringsgruppe i stadenfor ordførar.

Framlegg frå Kjartan Haugsnes, SV:
Nestleiar går inn for leiar av levekårsutvalet i styringsgruppa for "Lev vel i Vaksdal"

Ordføraren ba om gruppemøte.

Etter gruppemøtet gjorde ordføraren greie for gruppa sitt syn, og ba valnemnda tre saman for å koma med framlegg til dei politiske representantane i overordna styringsgruppa og til ein representant frå formannskap/plan- og økonolmiutvalet i prosjektgruppa.

Valnemnda hadde slikt framlegg:

Overordna styringsgruppe:
Varaordføraren
Leiar i levekårsutvalet
Evelyn Boge frå opposisjonen

Prosjektgruppa:
Jan Erik Bernes Roe frå formannskap/plan- og økonomiutvalet

Kjartan Haugsnes trekte så sitt forslag.

Røysting:
Tilrådinga frå levekårsutvalet vart samrøystes vedteke.
Framlegget frå valnemnda vart samrøystes vedteke.

Vedtak

Vaksdal kommune gir følgjande høyringsuttale til forslag til nytt inntektssystem for kommunane:

Vaksdal kommunestyre merkar seg at forslaget til nytt inntektssystem for kommunane omfordeler inntektene frå nord og vest til aust i Noreg. Vaksdal kommunestyre reagerer sterkt på at regjeringa ser ut til å nytta endringar i  inntektssystem for å få færre kommunar. Dette vil føra til ei ytterlegare sentralisering av busetnad og tenester.

Vaksdal kommune har følgjande innspill til nytt inntektssystem for kommunane:

• Endringar i kostnadsnøkler medfører at Vaksdal kommune får reduserte inntekter, og med oppdatering kvart 4. år vert det på kort sikt utfordringar med tilpassing til dei økonomiske rammene.

• Vaksdal kommune er ein ufrivillig liten kommune med stort areal. Innføring av eit strukturkriterie med ei grense på 25,4 km vil medføre at kommunen må redusere tenestetilbodet.

• Ved innføring av eit strukturkriterie må det leggjast vekt på fleire kriterie enn grunnkretsar og reiselengd. Vegstandard og reisetid på riks- og fylkesvegar og sesongmessige utfordringar er like viktig som reiseavstand, og må takast omsyn til.

• Utgiftsutjamninga tek i for liten grad omsyn til risiko for negativ utvikling i folkehelse.

• Vaksdal kommune meiner at kommunane må ha stabile rammebetingelser som sikrar innbyggjarane likeverdige og gode tenester innafor inntektssystemet.

• Skatteandelen og inntektsutjamninga må innrettast slik at kommunane har føreseieleg inntekter.

• Konsesjonsavgift og konsesjonskraft er lokale ordningar som bør haldast utanom inntektsutjamninga. Konsesjonsavgifta er meint som ein kompensasjon for skader og ulemper ved vasskraftutbygginga. Konsesjonskraftinntekter kan ein sjå på som kommunen sin del av verdiskapinga ved bruk av naturressursen.

• Dei foreslåtte endringane i selskapsskatten tilgodeser kommunar med næringsverksemd som medfører sysselsetting, då denne er basert på vekst i lønsgrunnlaget. Utbygging av vasskraftanlegg medfører ikkje alltid auka sysselsetting i kommunane. Ny modell for selskapsskatt bør utvidast til også omfatte auka vekst i næringar innafor naturressursbasert næringar, slik at kommunar får tilbakeført ein større del av lokal vekst.

• I forslaget får kommunar med mellom 10.000 og 20.000 innbyggjarar reduserte inntekter. Innføring av eit strukturkriterium må operasjonaliserast slik at det ikkje får uønskte effektar for kommunar som ikkje har smådriftsulemper.

• Regionalpolitiske tilskot må vere innretta slik at reelle distriktsutfordringar ikkje skal vere avhengig av kommunegrenser.

• Kommunestyret i Vaksdal meiner at kommunale vegar bør vera ein del av er utgiftsutjamninga. Opne og trygge vegar heile året er viktig for å sikra velferdstenester, livskvalitet og tryggleiken til innbyggjarane. Kommunane kan i liten grad velja åprivatisera vegar utan å påføra innbyggjarane store private kostnadar.

• Ein vesentleg del av dei ressurskrevjande brukarane er menneske med utviklingshemming, og enkeltkommunar kan ha særs høge utgifter knytt til desse. I departementet sitt framlegg til delkostnadsnøkkel for pleie og omsorg er dette kriteriet vekta betydeleg ned. Prinsippet må vera full kompensasjon for ufrivillige kostnadsulemper, og toppfinansieringa for ressurskrevjande tenester må styrkast.

• Departementet føreslår at kommunane fortsatt skal få full kompensasjon for smådriftsulemper på tenestenivå. Samstundes vert kriteria for busetjingsmønster, sone og nabo, vekta ned i framlegget. Vaksdal kommunestyre meiner at reknemodellane må ta omsyn til naturlege (ev. geografiske) barrierar for sentralisering som til dømes rasfarlege vegar.

Behandling

Tilleggsframlegg frå Kjartan Haugsnes, SV og Eirik Haga, AP:

Nytt startpunkt for uttalen:

Vaksdal kommunestyre merkar seg at forslaget til nytt inntektssystem for kommunane omfordeler inntektene frå nord og vest til aust i Noreg. Vaksdal kommunestyre reagerer sterkt på at regjeringa ser ut til å nytta endringar i  inntektssystem for å få færre kommunar. Dette vil føra til ei ytterlegare sentralisering av busetnad og tenester.

Nye strekpunkt:

Kommunestyret i Vaksdal meiner at kommunale vegar bør vera ein del av er utgiftsutjamninga. Opne og trygge vegar heile året er viktig for å sikra velferdstenester, livskvalitet og tryggleiken til innbyggjarane. Kommunane kan i liten grad velja åprivatisera vegar utan å påføra innbyggjarane store private kostnadar.

Ein vesentleg del av dei ressurskrevjande brukarane er menneske med utviklingshemming, og enkeltkommunar kan ha særs høge utgifter knytt til desse. I departementet sitt framlegg til delkostnadsnøkkel for pleie og omsorg er dette kriteriet vekta betydeleg ned. Prinsippet må vera full kompensasjon for ufrivillige kostnadsulemper, og toppfinansieringa for ressurskrevjande tenester må styrkast.

Departementet føreslår at kommunane fortsatt skal få full kompensasjon for smådriftsulemper på tenestenivå. Samstundes vert kriteria for busetjingsmønster, sone og nabo, vekta ned i framlegget. Vaksdal kommunestyre meiner at reknemodellane må ta omsyn til naturlege (ev. geografiske) barrierar for sentralisering som til dømes rasfarlege vegar.

Det vart først røysta over rådmannen sitt framlegg, som vart samrøystes vedteke.

Det vart deretter røysta over Kjartan Haugsnes/Eirik Haga sitt framlegg. Dette vart vedteke mot ei røyst (FRP) og vert å innarbeida i høyringssvaret.

Vedtak

1. Kommunestyret sluttar seg til plan for utgreiinga slik den ligg føre

2. Kommunestyret vedtek særskilte fokusområde for utgreiing av dei to alternativa slik:

1. Vaksdal som no

   1. Konsekvensar av framlegg til nytt inntektssystem

   2. Sårbare tenester i høve kompetanse og kapasitet

   3. Mogeleheitar og konsekvensar i høve interkommunale samarbeid

   4. Regional utvikling; mogelegheitar og konsekvensar

2. Vaksdal saman med Osterøy og Bergen

   1. Arbeidet skal vere tufta på eit hovudprinsipp om likeverd mellom partana. Ein eventuell ny kommune skal etablerast, driftast og bli utvikla med utgangspunkt i kvar av kommunane sine tradisjonar, fortrinn, sterke sider og utfordringar, og at likeverd, rause haldningar og forståing for kvarandre sin ståsted skal bli lagt til grunn ved utgreiingar og forhandlingar. Utvikling av nærdemokrati skal ha høg prioritet.

   2. Demokratisk nivå aust for Bergen, mogelege alternativ og erfaringar fråandre

   3. Regional utvikling; mogelegheitar og konsekvensar

   4. Grensejustering; mogelegheitar og konsekvensar

   5. Økonomi; mogelegheitar og konsekvensar

   6. Vinstar for sårbare tenester

   7. Mogeleg effektivisering administrative kostnader

   8. Konsekvensar og mogelegheitar for kjerneproduksjonen av tenestene som ligg tettast der folk bur; skule, barnehage, pleie- og omsorg

   9. Kultur og identitet

3. Som del av utgreiingsarbeidet vert det gjennomført innbyggjarundersøking i samsvar med føresetnader i kommunereforma nasjonalt, departementet sin rammeavtale og vedtak av Vaksdal kommunestyre

1. Første utgreiing må vere ferdig innan 1. april.

2. Intensjonsavtale Bergen og/eller andre må vere klar innan 1. mai. Då må og innbyggjarundersøkinga vere gjort.

3. Vaksdal kommune held folkeavstemming mandag 30. mai 2016

4. Kommunestyret gjer endeleg vedtak 27. juni 2016

Det vert sett ned eit forhandlingsutval som består av ordføBjørn Roald.

Behandling

Ordføraren orienterte.

Tilleggsframlegg frå Kjartan Haugsnes, SV:

1. Første utgreiing må vere ferdig innan 1. april.

2. Intensjonsavtale Bergen og/eller andre må vere klar innan 1. mai. Då må og innbyggjarundersøkinga vere gjort.

3. Vaksdal kommune held folkeavstemming mandag 30. mai 2016

4. Kommunestyret gjer endeleg vedtak 27. juni 2016

Framlegg frå Boris Groth, FRP:
Forhandlingsutvalet vert utvida med ein person. Anneli Vatle Lilletvedt går inn som medlem i forhandlingsutvalet

Røysting:

Rådmannen sitt framlegg vart samrøystes vedteke.
Tilleggsframlegget frå Kjartan Haugsnes samrøystes vedteke.


Valnemnda kom så saman for å koma med framlegg om 3 medlemmer til forhandlingsutvalet.

Framlegg frå valnemnda:
Ordførar
Kjartan Haugsnes
Anneli Vatle Lilletvedt
Varamedlem: Bjørn Roald

Alle vala samrøystes vedtekne.

Behandling

Interpellanten fekk ordet først for å fremja interpellasjonen.


Ordføraren gav slikt svar:

Eg er veldig glad for at regjeringa har vald K5-løysinga for veg og bane for strekninga Arna – Voss.

Dette er det den einaste realistiske løysinga som svarar på tinginga frå samferdselsministaren i 2011 som ville trygga strekninga i høve:

Ras og møteulukker.

Utbygginga har eit stort masseoverkot.

For utbyggjarane er dette ei så stor økonomisk utfordring at det faktisk kan stoppa heile utbygginga.

I oppdragsbrevet til Statens vegvesen og Jernbaneverket har difor statsråden – fornuftig nok – klart gitt etatane melding om å få ned kostnadane.

Som eg har gjort greie for mange gongar tok fylkesmannen initiativet til og finansierte eit moglegstudie fyrst og fremst for å sjå på kva for moglegheiter massane i utbygginga gjev.

I stadan for å kvitta seg med massane, må dei kunne brukast til å bygga gode samfunn.

Asplan Viak fekk oppdraget med moglegstudiet.

Deira framlegg til løysingar er presentert i digitalt format på heimesida til Vaksdal kommune og i folkemøte på Stanghelle 16.februar.

Dette er idear og skisser – Ikkje planar.

I følgje fylkesmannen er det unikt at ein startar på denne måten, og det har eg ved fleire høve rost han for.

Vegen vidare:

• Jernbaneverket og Statens vegvesen har vidareført den felles organisasjonen som arbeidde med KVU.

Det er kjempebra.

• Statleg plan betyr at staten forstår at dette ikkje er ein kommunal veg i Vaksdal kommune og vil sikra framdrift i prosjektet.

• Det at ein går rett på reguleringsplan sparar mykje tid.

• Når NTP vert lagd fram – faktisk i dag – vil etatane invitera kommunen inn i eit forprosjekt som kan munna ut i planprogrammet for den statlege reguleringsplanen.

Her er det vikig at politikarane i Vaksdal pregar framdrifta

• Massedeponi er ein del av alle slike store reguleringsplanar og her må Vaksdal kommune vera vakne og opne for bruken av desse massane t.d. slik som Asplan Viak har sett på.

• Kommunen er i startfasen av si rullering av kommuneplanen. Det er formannskapet som er styringsgruppe for kommuneplanen.

• Likeeins må kommunen utarbeida reguleringsplanar med føresegner om korleis områda skal nyttast og som gjev gode retningsliner for utbyggjarar som er i innbyggjarane sine interessar.

• Tidsmessig høver dette bra i høve planarbeidet om eventuelt å få regulert nytt byggeland og

få nytta massar langs banen, men og

andre stadar i kommunen;

T.d. har me ein reguleringsplan for Stamnes sentrum som treng massar.

• Me må laga ein slagplan for å realisera folketalvekst med heilt andre føresetnader enn tidlegare, som må omfatta:

• Alliansebygging særleg til kompetansemiljø med brei fagleg erfaring

• Kommunikasjonsstrategi

• Sal og marknadsføring med vekt på ulike målgrupper

• Korleis selgja oss inn hjå store entrepenørar?

• Korleis få lokalt næringsliv til å samarbeida og samhandla om store oppgåver?

• Korleis skaffa privat kapital?

• Når det gjeld det vidare arbeidet meiner eg at administrasjonen får i oppdrag å leggja til rette for eit temamøte i kommunestyret.

Dei må gjerne trekka inn kompetanse utanfrå. Då vil kommunestyret verta invitert til å fastsetja

• Organisering av arbeidet

• Innspel til planprogrammet i reguleringsarbeidet

• Bruk av massar

Det vart så opna for debatt.

Behandling

Interpellanten fekk ordet først for å fremja interpellasjonen.


Ordføraren gav slikt svar:

Utgangspunktet mitt er at når departementet først har bestemt seg for statleg plan og for å gå direkte på reguleringsplan må ikkje Vaksdal kommune føreta seg noko som gjer at me overtek kostnadar med planarbeidet for ny veg og bane. M.a. veit me at handtering av massar og massedeponi vert ein del av reguleringsplanen.

Mulighetsstudien peikar på bruk av massane på ein økonomisk riktig måte for utbyggar.

I stedet for å dumpe massane i fjorden kan en bruke de til å bygge gode samfunn, tilrettelagt for miljørktig pendling med tog.

Der veg og bane kjem ut i dagen vil det bli store fotavtrykk med stort potensiale for konflikt.

Så lenge planane for ny veg og bane er på KVU-nivå og traseene er strekar på kartet er det fryd og gammen.

På reguleringsplan-nivå vil konfliktnivået stige.

På Vaksdal er førebels toglina trekkt inn i fjellet gjennom Boge med ny stasjon omtrent der E16 no kjem i dagen. Vegen er tenkt trekt lengre oppover i bygda der potensialet for konfliktar er færre. Fotavtrykket vert likevel stort.

På Stanghelle er stasjonen tenkt om lag der den ligg i dag, men litt nærare Vågen bru. Vegen vil gå i fjellet bak Stanghelle og koma ut i dagen i Sædalen på Helle.

Planleggjarane som arbeider med linjeføringa meiner ein bør ha ny Helletunnel innom eksisterande Helletunnel.

Dei ser på om det er mogleg å nytta eksisterande Dalevågtunnel som vart rusta opp tidlegare på 2000-talet.

Fotavtrykket vert stort.

Plasseringa av stasjonane heng saman med kva som er tenleg for linjeføringa. Linjeføringa vert planlagd optimalt .

Den skal og svara på bestillinga i KVU om ras og møteulukker.

Det er ordføraren si oppfatning at det er Jernbaneverket som skal planleggja utforminga av nye jernbanestasjonar.

Kommunen skal bidra sterkt i denne prosessen, fagleg og politisk, men utan å overta kostnadane for verken planar eller utforming.

Statens vegvesen og jernbaneverket har ikkje som SV hevdar fått i oppdrag å laga billigst mogleg stasjonar og kryss.

Det er eit generelt krav til heile prosjektet Arna – Voss å få ned kostnadane.

Dette er eit fornuftig føring på fellesskapets midlar.

Ny veg og bane, med god utnytting av massane gjev oss heilt andre moglegheiter for å skapa gode lokalsamfunn med trivelege stasjonsbygder.

Det er mange prosessar som kjem til å skje parallelt:

• Rullering av kommuneplanens samfunnsdel

• Rullering av kommuneplanens arealdel

• Statleg reguleringsplan for ny veg og bane

Politikarane i Vaksdal må prega alle desse prosessane.

Kommunen sine fagfolk skal og vera med å prega utviklinga av stasjonsbygdene med den lenge etterlengta utbygginga av ny infrastruktur.

Til no har Jernbaneverket og Statens vegvesen sine folk gjennomført gode planprosessar i KVU-arbeidet.

Dei har forlenga prosjektorganisasjonen over i neste fase.

Det er veldig bra!

Eg er sikker på at det skal bli gode prosessar framover, og skal bidra til at lokaldemokratiet ikkje vert sett til side.

Det vart så opna for debatt.

Vedtak

Vaksdal kommunestyre vedtek at Herfindalsvegen skal haldast vinterstengd på strekkja frå avkjørsla til Ardalen kraftstasjon og fram til den kommunale snuplassen i Herfindalen, i samsvar med føresetnadene lagt til grunn for budsjett 2016.

Behandling

Einingsleiar Samfunnsutvikling orienterte.

Samrøystes vedtak.