Møte i Kommunestyret den 02.03.2015

Behandling

Kommunestyret blei delt i 3 grupper. Kvar gruppe arbeidde med ein SWOT-analyse. Etter gruppearbeidet blei SWOT-analysane presentert. Desse vil bli sendt ut til alle medlemmene

Ordførar la fram følgjande forslag til bestilling til rådmannen:

Rådmannen skal i utgreiingsfasen arbeida etter desse føringane:

1. Greia ut moglegheitene for / konsekvensane med å halda fram som eigen kommune (som no) eventuelt med Modalen kommune.

2. I lag med rådmann i Osterøy og Samnanger greia ut ein felles kommune i eller utanfor Bergen kommune.

Ei eventuell tilknyting til Bergen må omfatta:

• Moglegheitene for eit demokratisk nivå aust for Ulriken (t.d. bydelstyre)

• Moglegheitene / konsekvensane med at delar av noverande Vaksdal kommune vert innlemma i andre kommunar (Voss / Nordhordland)

1. Ei oppdeling av Vaksdal kommune

Utgreiinga må munna ut i ei tilråding om:

• Kva for bygder som naturleg kan innlemmast i Bergen kommune?

• Kva for bygder som naturleg kan innlemmast i Voss kommune?

• Kva for bygder som naturleg kan innlemmast i ein eventuell ny kommune i Nordhordland?

Det er viktig at alle alternativa vert utgreidd med tanke på kva som er tenleg for innbyggjarar i samtlege bygdelag.

Rådmannen legg vekt på desse avgrensningane i utarbeiding av prosjektrapport for sonderingsfasen og framlegg til prosjektplan for utgreiingsfasen.

Anneli Vatle Lilletvedt ba om gruppemøte.

Etter gruppemøtet gjorde ho greie for gruppa sitt syn.

Ordførar gjorde greie for fleirtalet sitt syn og fremja følgjande endra framlegg:

Rådmannen legg fram ei sak til drøfting 23/3 med desse føringane:

1. Greia ut moglegheitene for / konsekvensane med å halda fram som eigen kommune (som no) eventuelt med Modalen kommune.

2. I lag med rådmann i Osterøy og Samnanger greia ut ein felles kommune i eller utanfor Bergen kommune.

Ei eventuell tilknyting til Bergen må omfatta:

• Moglegheitene for eit demokratisk nivå aust for Ulriken (t.d. bydelstyre)

• Moglegheitene / konsekvensane med at delar av noverande Vaksdal kommune vert innlemma i andre kommunar (Voss / Nordhordland)

1. Ei kommune samansett av Voss og Vaksdal kommunar.

Ei eventuell tilknyting til Voss må omfatta moglegheitene / konsekvensane med at delar av noverande Vaksdal kommune vert innlemma i andre kommunar (Bergen /Nordhordland)

Det er viktig at alle alternativa vert utgreidd med tanke på kva som er tenleg for innbyggjarar i samtlege bygdelag.

Rådmannen legg vekt på desse avgrensningane i utarbeiding av prosjektrapport for sonderingsfasen og framlegg til prosjektplan for utgreiingsfasen.

Kommunestyret samla seg om å senda forslaget over til rådmannen