Møte i Kommunestyret den 23.03.2015

Vedtak

I medhald av §§ 1 og 8 i «Forskrift om tilskudd til spesielle miljøtiltak i jordbruket» (SMIL), skal Vaksdal kommune lage ny tiltaksstrategi for prioritering av SMIL-midlar mellom søknadar om prosjekt og tiltak. Tiltaksstrategien erstattar «Førebels SMIL-strategi for perioden 2012-2014», jfr sak 09/69-44».

Rådmannen sitt vedlagte framlegg til ny SMIL-strategi for Vaksdal kommune, 2015-2018, vert sendt på høyring til fylkesmannen og lokale næringsorganisasjonar i tråd med § 8 i SMIL-føreskrifta og tilhøyrande rundskriv (7/2005).

Etter høyringsrunden skal rådmannen leggje fram ei samanstilling og vurdering av innkomne fråsegner, med endeleg framlegg til SMIL-strategi. Dette som grunnlag for politisk vedtak i kommunestyret. Alle fråsegnene skal leggjast ved saka.

Behandling

Samrøystes.

Vedtak

Vaksdal kommunestyre vedtek Risiko- og sårbarheitsanalyse for Vaksdal kommune slik den ligg føre.

Rådmannen følgjer opp tiltaka i Risiko- og sårbarheitsanalysen for Vaksdal kommune.

Det vert gjennomført ein årleg gjennomgang av Risiko- og sårbarheitsanalysen for Vaksdal kommune. Resultatet av den årlege gjennomgangen vert rapportert i årsmeldinga.

Kostnader til beredskapstiltak i samsvar med analysen vert vurdert i budsjett og økonomiplan.

Behandling

Samrøystes.

Vedtak

Saka blir tatt til orientering.

Behandling

Ordføraren opplyste om at det blir felles formannskapsmøte med Voss den 16.04.2015.

Samrøystes.

Vedtak

Høyringsuttale frå Vaksdal kommune:

NOU 2014:13 Kapitalbeskatning i en internasjonal økonomi, er ei omfattande utgreiing med forslag som vil medføre vesentlege konsekvensar for kommunane. Vaksdal kommunestyre finn det derfor svært uheldig at høyringsbrevet ikkje er sendt kommunane.

Om utvalet sine vurderingar og forslag har Vaksdal kommunestyre følgande uttale:

• Eigedomsskatten må halde fram som ein kommunal skatt og kommunane må ha ansvaret for verdifastsettinga.Eigedomsskatt for kraftverk er mellom anna grunngjeven med at vertskommunane har rettmessig krav på ein andel av verdiskapinga som skjer i kommunen. Skatteinntekter til vertskommunen har vore ein føresetnad for tilslutning til vasskraftutbyggingar.

• Forslaget om auka grunnrentesats på vasskraft som kompensasjon for ein redusert inntektsskattesats vil føra til reduksjon i kommunane sine eigedomsskatteinntekter. Dette kan ikkje aksepterast.

Behandling

Boris Groth ba om gruppemøte.

Etter gruppemøtet gjorde han greie for gruppa sitt syn.

Samrøystes vedtak.