Møte i Kommunestyret den 22.06.2015

Vedtak

Vaksdal kommune vedtek vedlagt framlegg til lokal strategi for tildeling av tilskot til spesielle miljøtiltak i jordbruket (SMIL), 2015- 2018, slik som den ligg føre frå rådmannen.

Vedtaket er heimla i §§ 1 og 8 i «Forskrift om tilskudd til spesielle miljøtiltak i jordbruket, nr. 488, med endringsforskrift av 16. februar 2015.

Behandling

Samrøystes vedtak.

Vedtak

Kommunestyret vedtek innstillinga frå rådmannen til lokal forskrift om spreiing av husdyrgjødsel i Vaksdal kommune slik den ligg føre, jfr. konklusjonen i saksutgreiinga.

Vedtaket er gjort med heimel i § 23 i forskrift av 4 juli 2003, nr 951, om spreiing av gjødselvarer mv. av organisk opphav.

Vedteken forskrift skal sendast til Lovdata for kunngjering.

Behandling

Samrøystes vedtak.

Vedtak

Saka vert utsett og vert å vurdera på nytt i samband med budsjettarbeidet for 2016.

Behandling

Sigmund Simmenes, SP, fremja slikt utsetjingsframlegg:

Saka vert utsett og vert å vurdera på nytt i samband med budsjettarbeidet for 2016.

Utsetjingsframlegget fekk 12 røyster (SP, KRF, AP (- Bjørg Aase N. Hop og Jan Hansen)) og saka vart dermed utsett.

Vedtak

Med heimel i plan- og bygningslova §§ 4-1 og 11-13 vedtek Vaksdal kommunestyret planprogram for rullering av kommuneplanen 2016 - 2025, samfunnsdel og arealdel.

Behandling

Samrøystes vedtak

Vedtak

Vaksdal kommunstyre gdkjenner ny politivedtekt for Vaksdal kommue slik den no ligg føre.

Vedtekta tek til å gjelda 1 månad etter at ho er stadfest av Justis og politidepartementet.

Politivedtekta for Vaksdal kommune, stadfesta 19. mars 1998, fell bort frå same tid.

Behandling

Samrøystes vedtak.

Vedtak

Rådmannen får fullmakt til å forhandla fram og inngå ein avtale om kjøp av eigedomen gnr. 20, bnr. 478 på Stanghelle i samarbeid med Bergen og Omland Friluftsråd. Eigendomen skal nyttast tilålmenne/friluftsføremål. Kostnaden med kjøp skal delast likt mellom partane. Verdi- og lånetakst for eigedomen vert lagt til grunn.

Løyvinga skal finansierast frå Kapitalfond (VOE- fond) 2530010. Eventuell refusjon/stønad frå Miljødirektoratet skal tilbakeførast fondet

Behandling

Samrøystes vedtak.

Vedtak

Vaksdal kommunstyre løyver kr. 402.000,- som tilleggsløyving for å fullfinansiere prosjektet: «Trafikksikringstiltak Vaksdal – Boge, fartsgrense 30 km/t».

Løyvinga skal finansierast slik: kr 200 000 frå konto Til disposisjon for formannskapet/kommunestyret kr 202 000 ved auka låneopptak.

Behandling

Samrøystes vedtak.

Vedtak

Tertialrapport pr 1.tertial 2015 vert godkjent.

Det vert gjort følgjande budsjettjusteringar på investeringsbudsjett 2015:

1. Gjennomføre tilstandsvurdering av sjukeheimar og omsorgsbudstader. Auke i investeringsbudsjett 2015 med kr 1.850.000,- Finansiering ved auka låneopptak på kr 1.850.000,-

2. Strakstiltak Dale Barne- og Ungdomsskule. Auke i investeringsbudsjett 2015 med kr 810.000,- Finansiering ved auka låneopptak på kr 810.000,-

3. Ny kommunal kai på Vaksdal. Auke i investeringsbudsjettet 2015 med kr kr. 605.000,- Løyvinga vert rekna som forskottering av posten løyving kaiar i økonomiplanen og skal finansierast ved auka låneopptak kr 605. 000.

Behandling

Rådmann og økonomisjef orienterte.

Samrøystes vedtak.

Vedtak

Rådmannens framlegg til økonomiplan vert vedteken rettningsgjevande med slike føringar:

Oppvekst:

• Tilstandsrapporten som gjeld bygg innan oppvekst vert teken til orientering.

• Kunnskapsgrunnlaget som gjeld skulestruktur vert teken til etterretning. I punkt 5 innarbeider rådmannen eit punkt 5.4: «Nærmiljøskular 1.-4.klasse og sentralisering av 5.-10.klasse» som eit fjerde utgreiingsalternativ.

• Med utgangspunkt i kunnskapsgrunnlaget om skulestruktur legg rådmannen til rette for ein heilskapleg skulestrukturdebatt der alle formkrav er teke omsyn til.

• Når eventuell ny skulestruktur er vedteken kjem rådmannen tilbake med ei sak om opprusting eller nybygg av skuleanlegg på Dale samt;

• framlegg til sal/alternativ bruk av bygg innan tenesteområde oppvekst

• plan for opprusting av bygga ein skal driva skule/barnehage i

Kommunestyret fastset i særskild vedtak:

• Skulestruktur,

• Eventuelle nybygg og rammer for dette,

• Plan for opprusting av bygg og økonomiske rammer for dette. Eventuelle løyvingar vert gjort i årsbudsjetta,

• Plan for eventuelle sal av bygg innan tenesteområdet,

• Tilstandsrapport om arbeidet med kunnskap, trivsel, samarbeid med dei føresette og fråfall i vidaregåande skule skal leggjast fram for kommunestyret årvist.

Helse og omsorg:

• Gjeldande økonomiplan vert vidareført.

• Eventuelle endringar i struktur skal vedtakast av kommunestyret i eige vedtak.

• Rådmannen legg fram ei sak for Levekårsutvalet om:

• Arbeidet med å utvikla Daletunet til eit kompetansesenter for rehabilitering/helsehus vert vidareført og vidareutvikla med satsing på kvardagsrehabiltering, bruk av velferdsteknologi og livskvalitet.

• Arbeidet med å utvikla Vaksdal sjukeheim til eit kompetansesenter for demens der ein utviklar sjukeheimen, Maritvold og eit opprusta Jamnetun til ei «Demensbygd» der kvardagsrehabilitering og livskvalitet står i fokus.

• Arbeidet med å utvikla heimetenestene og rus- og psykiatritenesta må knytast nærare til institusjonane.

• Rådmannen utarbeider ein plan for folkehelse i nært samarbeid med frivilligheiten.

• Rådmannen får utarbeidd ein tilstandsrapport over samtlege bygg innan tenesteområde  Helse og omsorg og kjem tilbake med sak om bruk, opprusting, behov for nybygg og eventuelt sal.

Kommunestyret fastset i særskild vedtak:

• Samtlege strukturelle endringar

• Ny plan for tenesteområdet der ein satsar på kvardagsrehabilitering, psykiatri, «demensbygd». Livskvalitet skal stå sentralt i alle ledd.

• Investeringsplan for å utvikla tenestene i tråd med ny plan for tenesteområdet. Eventuelle løyvingar vert gjort i årsbudsjetta.

Samfunnsutvikling:

• Rådmannen får utarbeidd ein tilstandsrapport over samtlege bygg utover tenesteområda Oppvekst og Helse og Omsorg (Sjå over!)

• Rådmannen fremjar sak om opprusting og eventuelle sal av bygg innan tenesteområdet

• Rådmannen legg, etter eigen plan, til rette for utbygging av Stanghelle Vest i samarbeid med private

• Rådmannen får utarbeidd ein plan for fellesområda i kommunen der ein ser på:

• Kva for fellesområde ein skal vidareutvikla (t.d. leikeplassar, parkar etc.)?

• Kva for fellesområde som bør avviklast (t.d. leikeplassar, parkar etc)?

• Kva kan private og frivillige overta?

• Kva kan gå tilbake til naturen?

Kommunestyret fastset i særskild vedtak:

• Rammer for opprusting av bygg

• Kva for bygg som skal selgjast

• Framdrift i utbygginga av Stanghelle Vest

• Kva for fellesområde som skal vidareutviklast, selgjast eller gå tilbake til naturen

Kommunestyret legg til grunn at rehabilitering av bygg, nybygg, fellesområde skal skje på ein nøktern, kostnads- og arealeffektiv måte.

Behandling

Alternativt framlegg frå Kjartan Haugsnes, SV:

Oppvekst.

Utgreiing gjeldande skulestruktur i Vaksdal kommune tek utgangspunkt i følgjande prinsipp:

1. Det skal vere 1-7 skular på Vaksdal, Stanghelle, Stamnes og Dale

2. Det vert utgreid ny barneskule på Vaksdal og ny barne og ungdomsskule på Dale

3. Det vert utgreid om nytt kulturhus kan verte ein del av utbygging av ny barne og ungdomsskule på Dale.

4. Det vert utgreid om barnehagen på Jamne kan nyttast til boligsosiale føremål i kommunen.

Svein Boge ba om gruppemøte. Etter gruppemøtet gjorde han greie for gruppa sitt syn.

Merknad til protokollen:

Oppvekst.

Utgreiing gjeldandeskulestruktur i Vaksdal kommune tek utgangspunkt i følgjande prinsipp:

1. Det skal vere 1-7 skular på Vaksdal, Stanghelle, Stamnes og Dale

2. Det vert utgreid ny barneskule på Vaksdal og ny barne og ungdomsskule på Dale

3. Det vert utgreid om nytt kulturhus kan verte ein del av utbygging av ny barne og ungdomsskule på Dale.

4. Det vert utgreid om barnehagen på Jamne kan nyttast til boligsosiale føremål i kommunen.

Røysting:

Det vart røysta over tilrådinga punkt for punkt:

Oppvekst: 1 røysta for Kjartan Haugsnes sitt framlegg (SV)

Helse og omsorg: Samrøystes vedteke

Samfunnsutvikling: Samrøystes vedteke

Vedtak

Vaksdal kommunestyre godkjenner årsmelding og årsrekneskap for Vaksdal kommunale arbeids og opplæringssenter KF med eit netto driftsresultat på kr 101510,10. Av dette er kr 29983premieavvik, står igjen med eit reelt overskot på kr 71.527,10. Av dette vert kr 29983 sett inn på fond for framtidige nedbetalingar av premieavvik, og kr 71527,10 vert sett inn på disposisjonsfond.

Behandling

Desse styremedlemmene i AO-senteret gjekk frå som ugilde i saka: Aud Karin Sæterdal, Magne Hestad, Arne Normann, Jan Hansen, Eirik Haga, Karin Nordheim Flatekval.

Varaordføraren overtok som møteleiar.

Samrøystes vedtak.

Vedtak

Kommunestyret ber rådmannen gjennomføre ein anbodskonkurranse for offentleg privat samarbeid / utbyggingsavtale for bygging og sal av bustader for 1. byggjetrinn for Stanghelle vest med opsjon på vidare byggetrinn. Det er stor risiko i prosjektet og kommunen må rekne med store kostnader. Formannskapet vert styringsgruppe og tek regelmessig stilling til risikoen i prosjektet.

Anskaffinga skal skje etter forhandling, eventuelt som konkurranseprega dialog, jamfør lov om offentleg anskaffingar.

Utbyggingsavtalen skal godkjennast av Kommunestyret.

Kommunestyret ber om at det parallelt vert utført ei markedsundersøking lokalt og regionalt der rapporten vert framlagt for kommunestyret og sammen med sak om godkjenning av utbyggingsavtale.

Behandling

Alternativt framlegg frå Kjartan Haugsnes, SV:

I gangsetting av prosjektet på Tettaneset vert ikkje gjennomført no. Om det skulle vise seg at ein større entreprenør ønskjer ei utbygging av området vert saka å ta opp igjen.

Tilleggsframlegg frå Boris Groth, FRP:

Kommunestyret ber om at det parallelt vert utført ei markedsundersøking lokalt og regionalt der rapporten vert framlagt for kommunestyret og sammen med sak om godkjenning av utbyggingsavtale.

Røysting:

Framlegget frå Kjartan Haugsnes vart sett opp mot tilrådinga frå formannskapet: Kjartan Haugsnes sitt framlegg fekk 1 røyst (SV) og fall.

Tilleggsframlegget frå Boris Groth vart samrøystes vedteke.

Vedtak

Kommunestyret tar rapporten «Oppsummering alle tilstandsvurderinger, revisjon 03» til orientering.

Rådmannen får fullmakt til å utarbeide forprosjekt for ny barne- og ungdomskule på Dale i tre alternativ:

0 Skulestruktur som i dag

1 Auke i elevtal ved overføring av elevar frå Stamnes og Stanghelle

2 Auke i elevtal ved overføring av elevar frå Stamnes, Stanghelle og Vaksdal.

3 Auke i elevtal ved overføring av elevar på mellomsteget frå Stamnes, Stanghelle og Vaksdal

Forprosjektet vil saman med vedlagte rapport og skulefaglege vurderingar inngå i grunnlaget for ny skulestruktur.

Rådmannen får fullmakt til å avhende Vaksdal barnehage, avdeling Jamne, omregulering og sal som bustader, eventuelt vurdere å bygge bustader i eigen regi.

Dale PPT/barnevern, bygget vert å rive.

Rådmannen går i dialog med innbyggjarane i Bergsdalen med tanke på lokal overtaking/sal av bygget.

Behandling

Alternativt forslag frå Kjartan Haugsnes, SV:

Som innstilling med to endringar:

1. Rådmannen får fullmakt til å utarbeide forprosjekt for ny barne- og ungdomsskule med skulestruktur som i dag.

2. Barnehagen på Jamne vert å nytta til boligsosialt føremål i offentlig regi.

Omforeint framlegg frå Kjartan Haugsnes og ordførar:

Med bakgrunn i punkt 2 i Kjartan Haugsnes sitt framlegg vert 3. avsnitt i formannskapet si tilråding endra til: Rådmannen får fullmakt til å avhende Vaksdal barnehage, avdeling Jamne, omregulering og sal som bustader, eventuelt vurdere å bygge bustader i eigen regi.

Røysting:

Punkt 1 i Kjartan Haugsnes sitt framlegg vart sett opp mot formannskapet si tilråding: Framlegget frå Kjartan Haugsnes fekk 1 røyst (SV) og fall

Ordførar sitt framlegg vart samrøystes vedteke.

Vedtak

Vaksdal kommune vil bidra til å redusere talet på flyktningar i mottak gjennom auka busetting i 2015 og 2016. For 2015 vert busettinga auka med 5 personar til i alt 15 personar.

For 2016 vert busettinga auka med inntil 10 personar, samla inntil 20 personar, med atterhald om at kommunen klarer å skaffe bustader til alle.

Administrasjonen greier ut moglegheiter for utbygging av flyktningbustader gjennom Husbanken i kommunal regi.

Behandling

Tilleggsframlegg frå Kjartan Haugsnes, SV:

Administrasjonen greier ut moglegheiter for utbygging av flyktningbustader gjennom Husbanken i kommunal regi.

Røysting:

Rådmannen sitt framlegg vart samrøystes vedteke.

Tilleggsframlegget frå Kjartan Haugsnes vart vedteke med 15 røyster (AP, KRF, SP, SV).

Vedtak

1. Avtalen om fordeling av drifts- og kapitalkostnader ved Modalstunet 04.01.2012 – 31.12.2015 vert ikkje reforhandla. Samarbeidet om drift av 4 sjukeheimsplassar ved Modalstunet opphøyrer difor formelt frå 01.01.2016.

2. Rådmannen får fullmakt til å etablere ein forsvarleg overgangsprosess som tek utgangspunkt i bebuarane sine ynskje og behov, saman med rådmannen i Modalen kommune.

3. Vidare forvaltning og overlating av eigendelen til Modalen kommune (eller andre) må skje i samforstand med Modalen kommune. Ordførar og rådmann vert beden om å gå i dialog med Modalen kommune om vidare forvaltning av bygningsmassen, og leggje fram sak for kommunestyret for endeleg avgjerd.

Formannskapet skal orienterast under overgangsprosessen med avvikling av plassane/eigendelane i Modalen.

Behandling

Sigmund Simmenes, SP, fremja sitt forslag frå formannskapet på nytt.

Røysting:

Framlegget frå Sigmund Simmenes vart sett opp mot tilrådinga frå formannskapet: 4 røysta for Sigmund Simmenes sitt framlegg (SP, KRF) som dermed fall.

Vedtak

Kommunestyret sluttar seg til prosjektplan for Sonderingsfasen av 02.06.2015 slik den ligg føre.

Rådmannen greier ut følgjande alternativ:

1. Greia ut moglegheitene for / konsekvensane med å halde fram som eigen kommune (som no) eventuelt med Modalen kommune.

2. I lag med rådmann i Osterøy, Samnanger og Bergen greia ut ein felles kommune. Ei eventuell tilknyting til Bergen må omfatta:

   • Moglegheitene for eit demokratisk nivå aust for Ulriken (t.d. bydelsstyre)

   • Moglegheitene / konsekvensane med at deler av noverande Vaksdal kommune vert innlemma i andre kommunar (Voss / Nordhordland)

Det er viktig at alle alternativa vert utgreidd med tanke på kva som er tenleg for innbyggjarar i samtlege bygdelag.

Det vert utarbeidd eigne prosjektplanar for alternativa i samarbeid med aktuelle kommunar og i samsvar med K- sak 89/2014.

Behandling

Tilleggsframlegg frå Boris Groth, FRP:

Tillegg til siste setning: ...., og sikra at alle Vaksdal kommune sine innbyggjarar får best moglege kommunale tenester i framtida.

Framlegg frå Helge Gullbrå, KRF:

Kjem det spørsmål frå Voss om felles utgreiing om samanslåing med Voss/Vaksdal vert dette fremja for og avgjort av formannskapet.

Framlegg frå Kjartan Haugsnes, SV:

Siste del av punkt 1 i formannskapet si tilråding (eventuelt med Modalen kommune) vert stroke.

Røysting:

Det vart først røysta over formannskapet si tilråding: Samrøystes vedteke

Framlegget frå Kjartan Haugsnes fekk 1 røyst (SV) og fall

Tilleggsframlegget frå Boris Groth fekk 8 røyster (KRF, SP, FRP, SV og Helge Risnes og Ann Karin Bukkestein frå AP) og fall

Framlegget frå Helge Gullbrå fekk 9 røyster (KRF, SP, FRP og Heidi Rongved, Fred Bjørnberg, Magne Hestad og Anders Jin Risnes frå AP) og fall

Vedtak

Overordna beredskapsplan for Vaksdal kommune vert sendt på høyring.

Overordna beredskapsplan for Vaksdal kommune vert gjeldande slik den ligg føre frå dags dato og tatt opp til ny handsaming etter høyringsrunden.

Behandling

Samrøystes vedtak.

Vedtak

1. Vaksdal kommune gir sin tilslutnad til «Strategisk næringsplan for Bergensregionen 2015 – 2020» og dokumentet «Tiltak 2015 – 2016» Vaksdal kommune vil søkje å innarbeide planelementa i relevante kommunale planar.

2. Vaksdal kommune tilrår at følgjande element vert lagt til som tilleggsuttalelse til planutkastet:

1. Trygg transportåre Arna- Voss lyt vere ein prioritert oppgåve

2. Hordaland fylkeskommune har eit særleg ansvar for å koordinere og gje tyngde tilutvikling og utbygging av digital infrastruktur

3. Vaksdal kommune si planlagde satsing på velferdsteknologi vil kunne vere eit viktig supplement til å vidareutvikle dette kompetansefeltet og vere med på å stimulere til auka næringsaktivitet i regionen innan velferdsteknologi

Behandling

Samrøystes vedtak.

Vedtak

De siste tiders hendelser har nok en gang vist at hovedveinettet på Vestlandet ikke er trygt.

Det er behov for kraftige tiltak, både for vei og bane på kort og lang sikt for å gjøre det trygt å ferdes.

Vår klare melding til Regjeringen er at det må snarest mulig fattes en avgjørelse om trasèvalg for E16/Bergensbanen Arna-Voss. Vaksdal kommunestyre t vil i den sammenheng vise til den tverrpolitiske enigheten som er i Hordaland om å satse på parallell utbygging av vei og bane (K5-alternativet). Dette er et fremtidsrettet alternativ og det eneste alternativet som sikrer en rassikker og trafikksikker vei og bane.

Vedtaket om trasèvalg vil legge til rette for oppstart av planarbeidet og raskere gjennomføring av prosjektet. Vaksdal kommunestyre vil peke på at hensynet til liv, helse og sikkerhet tilsier at det haster å fatte vedtak om trasèvalg!

Videre bør følgende tiltak gjøres på kort sikt:

Få på plass overvåkningsrutiner og overvåkningsteknologi som kan varsle før ras.

Gjennomføre mulige rassikringstiltak som strakstiltak.

Vurdere å bruke midler som i dag ikke er disponert på grunn av senere fremdrift for å forskuttere strakstiltak.

Senest i sammenheng med neste NTP må vi:

Få på plass midler til bygging av E16/Bergensbanen Arna-Voss, om nødvendig med etappevis realisering der Arna-Vaksdal er første trinn med oppstart 2018.

Få på plass tilstrekkelig rassikringsmidler til å gjøre aktuelle omkjøringsveier rassikre.

Få på plass en plan for opprusting av omkjøringsveier til forsvarlig standard for å kunne håndtere stengninger på hovedåren.

Kommunestyret i Vaksdal mener det er en grunnleggende rettighet å kunne ferdes på trygge veier og jernbaner. I dag kan ingen det på E16 og Bergensbanen mellom Bergen og Voss. Veien og banen som binder øst med vest og som er hovedferdselsåren mellom Bergen og Oslo er ikke trygg! Staten må være sitt ansvar bevisst og sørge for en trygg E16 og en trygg Bergensbanen.

Behandling

Samrøystes vedtak.