Møte i Formannskap/plan- og økonomiutvalet den 25.03.2019

Behandling

Samrøystes vedtak.

Vedtak

Protokollenvert godkjent slik han ligg føre.

Behandling

Samrøystes vedtak.

Vedtak

Rådmannen sitt framlegg til ny SMIL-strategi for Vaksdal kommune, 2019-2022, vert sendt

på høyring til lokale faglag i landbruket og offentlege forvaltningsmynde i tråd med Forskrift om tilskot til spesielle miljøtiltak i jordbruket, § 8.

Høyringa om SMIL-strategien skalkunngjerast i Vaksdalposten og Hordaland, og leggjast ut på Vaksdal kommune sine nettsider. Strategien skal vere tilgjengelege i Innbyggjarservice for offentleg ettersyn.

Høyringsfristen vert sett til tre veker.

Etter høyringsrunden skal rådmannen leggje fram ei samanstilling og vurdering av innkomneuttalar,med endeleg framlegg til SMIL-strategi som grunnlag for politisk vedtak ikommunestyret. Alle uttalane skal leggjast ved saka.

Formannskapet ber administrasjonen tilføye følgjande tiltak som ein del av høyringa:

Støtte til tiltak som:

a) Reduserer bruk av plast i landbruket?
b) Reduserer bruk av sprøytemidler/Glysofat i landbruket? (Jfr. kommunen sin eigen strategi)

Behandling

Oversendingsframlegg frå Kjartan Haugsnes, SV:

Formannskapet ber administrasjonen tilføye følgjande tiltak som ein del av høyringa:Støtte til tiltak som:a) Reduserer bruk av plast i landbruket?b) Reduserer bruk av sprøytemidler/Glysofat i landbruket? (Jfr. kommunen sin eigen strategi)

Framlegg frå Heidi Rongved, AP:

Kunngjering om høyringa vert sett inn i Hordaland, i tillegg til VaksdalPosten.

Røysting:

Det vart først røysta over rådmannen sitt framlegg som vart samrøystes vedteke.

Tilleggsframlegget frå Heidi Rongved vart samrøystes vedteke.

Oversendingsframlegget frå Kjartan Haugsnes vart samrøystes vedteke.

Vedtak

Rådmannen sitt framlegg til kommunal temaplan om hjorteforvaltning i Vaksdal kommune 2019-2023, med overordna mål for forvaltninga, vert sendt på høyring til lokale hjortevald, lokale faglag i landbruket, nabokommunar, Hordaland fylkeskommune og Fylkesmannen i Vestland etter § 3 i Forskrift om forvaltning av hjortevilt.

Høyringskalkunngjerast i Vaksdalposten og Hordaland, og leggjast ut på Vaksdal kommune sine nettsider. Strategien skal vere tilgjengelege i Innbyggjarservice for offentleg ettersyn.

Høyringsfristen vert sett til tre veker.

Etter høyringsrunden skal rådmannen presentere ei samanstilling og vurdering av innkomneuttalar, med endeleg framlegg til temaplan, som grunnlag for politisk vedtak i kommunestyret.
Alle uttalane skal leggjast ved saka.

Behandling

Sigmund Simmenes stilte spørsmål om sin habilitet i saka. I medhald av fvl § 6 2. avsnitt, vedtok formannskapet samrøystes at han er ugild i saka.

Framlegg frå Heidi Rongved, AP:

Kunngjering om høyringa vert sett inn i Hordaland, i tillegg til VaksdalPosten.

Røysting:

Det vart først røysta over rådmannen sitt framlegg som vart samrøystes vedteke.

Tilleggsframlegget frå Heidi Rongved vart samrøystes vedteke.

Vedtak

Kommunestyret vedtek å oppretthalda dagens ordning med barnehage og skule der dei ligg i dag.

Behandling

Framlegg til innstilling frå Kjartan Haugsnes, SV:

1. Kommunestyret vil understreke hastemomentet i saka og ber om at oppveksttun Stamnes vert realisert i 2019.2. Kommunestyret ber administrasjonen gå vidare med alternativ 2: «Justert arealprogram og kostnadsramme innafor rammeavtalar» under forutsetning at det vert gjennomført ein god, prosess saman med referansegruppa.3. Kommunestyret aukar ramma for prosjektet med 500 000 øyremerka uteområde på Stamnes skule.

Framlegg frå Arne Normann, på vegner av AP, KRF, SP:

Kommunestyret vedtek å oppretthalda dagens ordning med barnehage og skule der dei ligg i dag.

Røysting:

Dei to framlegga vart sett opp mot kvarandre - 5 røysta for Arne Normann sitt framlegg (AP, SP, KRF) som vart vedteke.

Saka skal til vidare behandling i kommunestyret.

Vedtak

1. Kommunestyret godkjenner byggeprogram og kostnadsramme for ny skule på Vaksdal slik det ligg føre i alternativ A.

2. Kommunestyret ber administrasjonen gå vidare på innløysing av eigedommane A,B og C som vist på kartet. Kostnaden for dette vert løyst innan total prosjektkostnad. Innløysing av desse eigedommane skal sikre:

a) Auka trafikktryggleik rundt skulen.
b) Større fleksibilitet for tomta og større uteareal
c) Sikre areal om det vert aktuelt å bygge samfunnssal på tomta.

3. Kommunestyret set tal uforutsette utgifter til 10 % som for prosjektet nye Dale barne og ungdomsskule.

Behandling

Endringsframlegg frå Kjartan Haugsnes, SV:

1. Kommunestyret godkjenner byggeprogram og kostnadsramme for ny skule på Vaksdal slik det ligg føre i alternativ A.2. Kommunestyret ber administrasjonen gå vidare på innløysing av eigedommane A,B og C som vist på kartet. Kostnaden for dette vert løyst innan total prosjektkostnad. Innløysing av desse eigedommane skal sikre:a) Auka trafikktryggleik rundt skulen.b) Større fleksibilitet for tomta og større utearealc) Sikre areal om det vert aktuelt å bygge samfunnssal på tomta.3. Kommunestyret set tal uforutsette utgifter til 10 % som for prosjektet nye Dale barne og ungdomsskule.

Røysting:

Punkt 1 i framlegget frå Kjartan Haugsnes er identisk med rådmannen sitt framlegg til vedtak. Det vart difor røysta over framlegget frå Kjartan Haugsnes, som vart samrøystes vedteke.

Vedtak

Kommunestyret vedtar å gjennomføre ny alminneleg taksering i 2019, med verknad frå 01.01.2020.

Rådmann får fullmakt til å innhente nødvendig bistand til gjennomføring av takseringsarbeidet.

Kommunestyret vedtar å nytte kommunal taksering av alle eigedomar

Behandling

Formannskapet vedtok samrøystes alternativ A i rådmannen sitt framlegg til vedtak.

Vedtak

Vaksdal formannskap er samd i KS sine vurderingar at det er nødvendig å endra modellen for representasjon til KS sitt landsting og KS sine fylkesmøte.

Landstinget

Vaksdal formannskap meiner det er rett:

• å oppretthalda balansen mellom kommunar og fylkeskommunar, difor bør ca. 1/3 av delegatane koma frå fylkeskommunane,

• å skilja mellom små og store fylke.

Fylkesmøta

Vaksdal formannskap går inn for ein modell der:

• alle kommar er representerte,

• det er kortare intervall som avspeglar varierande kommunestorleik

• store kommunar og samaslåtte kommunar får auka sin representasjon

• store fylkeskommunar får auka sin representasjon noko, men mindre enn summen av dei samanslåtte fylka hadde før 1.januar 2020

Fylkesstyra

Vaksdal formannskap ser at det kan vera nødvendig å auka talet på styremedlemar noko i dei fylka som har slått seg saman, men meiner at 15 medlemar er eit for høgt tal.

Behandling

Samrøystes vedtak.