Møte i Kommunestyret den 23.09.2019

Behandling

Samrøystes vedtak.

Vedtak

Møteprotokollenvert godkjent slik han ligg føre.

Behandling

Samrøystes vedtak.

Vedtak

Administrasjonen sender kommunestyret sin vedtatte høyringsuttale som uttale i denne høyringa.

Referatsakene vart elles tatt til orientering.

Behandling

Til referatsak 1:

Framlegg frå Evelyn Boge, SV:

Vaksdal kommune vil på det sterkaste tilrå at det ikkje vert bygd ut vindmøller på land i Vestland fylke. Vi treng innbyggjarane i kommunane som medspelarar i kampen mot klimaendringane, ikkje motspelarar. Storskala vindmølleutbygging på land representerer ikkje berre visuell ureining og støy, det medfører og store irreversible inngrep i landskapet, mange stader i urørt natur. Vaksdal kommune viser samstundes til FN sitt naturpanel som i 2019 kom med meldinga om at tap av urørt natur og artsmangfald representerer ein like stor trussel som klima.
Vaksdal kommune seier nei til meir vindmøller på land av di planane har store negative konsekvensar for natur og miljø.

Framlegg frå Eirik Haga, AP:

Administrasjonen sender kommunestyret sin vedtatte høyringsuttale som uttale i denne høyringa.

Røysting:

Dei to framlegga vart sett opp mot kvarandre. 3 røysta for Evelyn Boge sitt framlegg (SV) som dermed fall.

Vedtak

Kommunestyret vedtek framlegg til kommuneplan for Vaksdal kommune 2019 - 2029 etter Plan- og bygningslova § 11-15.

Behandling

Evelyn Boge fremja SV sitt framlegg frå formannskapet på nytt:

Formannskapet rår til at vedlagt endeleg utkast til arealdel av kommuneplanen for Vaksdal 2019- 2029 vert vedtatt av Kommunestyret, etter Plan- og bygingslova §11-15 med følgjande presisering:
- I utgangspunktet vert det ikkje akseptert utfylling i sjø på Stanghelle og Vaksdal og dette vert teke ut av plan- Nye hytter/fritidseiendommar skal kun oppførast i eksisterande hyttefelt/fortetting- Hytter/fritidseiendommar skal ikkje etablerast ved sjø/sjølinje- Regulering av bustadeiendommar på Boge i Vaksdal skal medtakast i denne planperioden

Endringsframlegg frå Boris Groth på vegner av FRP, H:

Regulering av Dalegården skal også omfatte handels og servicebedrifter primært med tanke på å serve gjennomgangstrafikken på E16.Endringsframlegg s 42 i planforslaget:Ved Dalegarden (10) er næringsføremålet frå førre plan vidareført. Dette området skal utviklast som eit næringsområde og/eller område for varehandel.

Tilleggsframlegg frå Bjørn Roald, H:

Regulering av Dalegården skal også omfatte handels og servicebedrifter primært med tanke på å serve gjennomgangstrafikken på E16.

Framlegget vart seinare trekt (inngår i framlegget frå Boris Groth).

Røysting:

Det vart først røysta over tilrådinga frå formannskapet. Denne vart samrøystes vedteken.

Tilleggsframlegget frå Evelyn Boge fekk 3 røyster (SV) og fall.

Tilleggsframlegget frå Boris Groth fekk 4 røyster (FRP, H, Bjørn Øivind Krogsrud (AP)) og fall.

Behandling

Framlegg frå Eirik Haga, AP:

I følgje delegasjonsreglementet er det delegert til formannskapet å handsama slike klagesaker.

Saka er avgjort i formannskapet.

Vedtak

Vaksdal kommune, ved kommunestyret, gjev sin tilslutnad til at kommunane Fjell, Sund, Øygarden, Meland, Radøy, Lindås, Os og Fusa går ut av Bergen og Omland friluftsråd (BOF), med grunngjeving i kommunesamanslåing. Samstundes gjev kommunestyret sin tilslutnad til at dei nye kommunane Nye Øygarden, Alver og Bjørnafjordenvert deltakarkommunar i BOF, med overtaking av rettar og plikter frå sine respektive, samanslåtte kommunar.

Behandling

Samrøystes vedtak.

Behandling

Samrøystes vedtak.

Behandling

Interpellanten fekk ordet først for å fremja interpellasjonen.

Ordførar gav slikt svar:

Bebuarar på langtidsplass på sjukeheim skal som hovudregel ha tilbod om enkeltrom. Vaksdal kommune tilbyr alle langtidspasientar enkeltrom. Ved ønskje om å dela rom, noko som vanlegvis gjeld ektepar, strekkjer ein seg langt for å etterkomma dette.

Fleire kommunar nyttar dobbeltrom fast på korttidsavdeling. I Vaksdal har me som hovudregel også enkle rom for dei som får korttidsplass. I unntakstilfelle der det er trong for fleire korttidsplassar, vert eit til to av dei største romma på avdelinga nytta som dobbeltrom. Dette dreiar seg om korte periodar i løpet av året.

I 2019 har det vore nytta dobbeltrom på korttidsavdelinga i desse periodane:

• Nokre veker frå veke 5 i slutten av januar og ut i februar

• Ca. ei veke i mars

• Ca. ei veke i april

• September: ca. to veker fram til d.d.

Dei to aktuelle romma er større enn dei andre på avdelinga, og dei vert tilrettelagt for to pasientar. Det vert sett inn seng og anna utstyr som t.d. leselampe. Pasient i seng nummer to nyttar smykkesendar (trådlaus tryggheitsalarm) for å tilkalla pleiar då det berre er ei ringjesnor på romma. Trådlaus alarm vert vurdert som ei betre løysing enn fast ringjesnor.

Ved bruk av doble rom vert det nøye vurdert kven som kan bu på dobbeltrom. Det vert teke personlege og faglege omsyn. Det er alltid like kjønn som delar rom, med mindre det er ektepar/sambuarar som ønskjer å bu i lag. Døyande pasientar bur alltid åleine.

Fellesarealet i 4. etasje er dimensjonert til 20 pasientar. I periodar der det vert nytta doble rom, er det 20 - 21 pasientar i etasjen. Vanlegvis er det fleire pasientar i etasjen som p.g.a. helsetilstand ikkje nyttar fellesarealet. I periodar kan dette dreia seg om rundt 8 opp mot 10 pasientar. Fellesarealet skal derfor vera dimensjonert til det tal pasientar som oppheld seg der sjølv om det er 21 pasientar i avdelinga i staden for 20 som var grunnlag for dimensjonering av fellesareal.

Totalt sett er det få døgn i løpet av eit år at det vert nytta doble rom. Å opna 5. etasje for 1-2 pasientar desse døgna, vert ikkje vurdert som ei god løysing. Fagleg vert det vurdert på grensa til uforsvarleg å ha så få pasientar åleine i ein etasje. Det er også praktisk tungvint å ha drift i to etasjar, og ressursane vert betre nytta ved drift i ein etasje. Det er heller ikkje budsjettramme til å bemanna ein etasje til.

Det har ikkje vore store problemstillingar eller avik knytt til bruk av dobbeltrom. Kommunar som nyttar dobbeltrom fast på korttidsavdelinga, har mykje dei same erfaringar som Vaksdal. Det fører vanlegvis ikkje til store problem, men det krev meir planlegging ved inn- og utflytting p.g.a. omsyn til kjønn og vurderingar rundt kven som bør og ikkje bør dela rom.

Me har erfart at det er viktig med tidleg informasjon, særleg til pårørande. Når me får informert tidleg og har god dialog med pasient og pårørande, er det liten/mindre motstand mot å bu på dobbeltrom. Mange av pasientane er også van til dobbeltrom og fleirsengsrom ved sjukehusopphald.

Alternativ til bruk av doble rom vert vurdert. Dette kan gjelda auka helsehjelp i heim, andre butilbod som t.d. tryggleiksplass, og å venta som utskrivingsklar på sjukehus. Når me brukar dobbeltrom, vert dette vurdert som det beste alternativet, t.d. til fleirsengsrom eller som korridorpasient på sjukehus. Det kan også gjelda heimebuande som treng raskt sjukeheimsplass, men som ikkje fyller kriteriane til kommunal øyeblikkeleg hjelp plass (ØH/KAD-plass) som me har avtale med Voss kommune om.

Frå 1. juli 2014 vart det innført redusert eigenandel for personar som ved langtidsopphald må bu ufrivillig på dobbeltrom i kommunale helse- og omsorgsinstitusjonar (Forskrift om eigenandel for kommunale helse- og omsorgstenester, endring i § 3, andre ledd). Dette gjeld ved langtidsplass. Sitat frå presisering frå Helse- og omsorgsdep.: «Dette betyr at endringene ikke vil få konsekvenser for beboere som under korttidsopphold må dele rom med andre.»

Helse og omsorg søkjer så langt som råd å unngå bruk av doble rom. Men i dei tilfella det er aktuelt, vert det vurdert som ei betre løysing for alle partar å nytta eit til to doble rom i 4. etasje framfor å ha ein til to pasientar åleine i 5. etasje.

Det vart så opna for debatt.

Vedtak

Kommunestyret ber om at saka blir oversendt til det nye kommunestyret. Det blir sett av pengar i budsjettet til føremålet

Behandling

Utsetjingsframlegg frå Heidi Rongved på vegner av AP, SP, KRF:

Kommunestyret ber om at saka blir oversendt til det nye kommunestyret. Det blir sett av pengar i budsjettet til føremålet

Det vart først røysta over utsetjingsframlegget som vart samrøystes vedteke.

Vedtak

Tittelen på kommunen sin øverste administrative leiar skal fortsatt vera Rådmann.

Behandling

12 røysta mot rådmannen sitt framlegg til vedtak (Odd Jøran Oldervik, Ellen Hagen (SV), SP, KRF, FRP, Bjørn Øivind Krogsrud, Jan Hansen, Vegard Sellevold, Heidi Rongved (AP).