Møte i Kommunestyret den 16.12.2019

Behandling

Samrøystes vedtak

Vedtak

Møteprotokollen vert godkjent slik han ligg føre.

Behandling

Samrøystes vedtak

Behandling

Spørsmål til ordførar

Referatsak 82/2018.2 - Skatteinnkrevjing

Thor Andersen (AP) stilte spørsmål knytt til sentralisering av skatteinnkrevjinga.

Skriftleg svar frå ordførar:"Eg har skrive under på oppropet som eg fekk kjennskap til via Lokalsamfunnsforeningen. I spørsmålet ditt, som i oppropet, kjem det fram mange gode grunnar for å skrive under. Det som er avgjerande for meg er dei lokale stillingane som vert borte over heile landet, lokalkunnskapen og ikkje minst dei økonomiske konsekvensane av eventuelt lågare skatteinntekter, noko som vil vera kritisk for kommunane."

Referatsak 82/2018.5 - Lukka møter og lovheimel
Anne-Christin Eide stilte spørsmål knytt til uttale frå varaordførar om "hemmelege tenester" i Vaksdal kommune.

Skriftleg svar frå ordførar:

"Varaordførar Kjartan Haugsnes refererte i sine uttalelsar til det han meiner har vore praksis når det gjeld saker som hastar litt eller kan vera sensitive. Då kan ordførar eller rådmann ha sagt at det skal orienterast om noko i lukka møte, utan at dette har stått på ei saksliste og blitt protokollført. Det har vore ein slags uformell kontakt i formannskapet for å klarere ulike ting. Dette er ein praksis som har vore i kommunen vår uavhengig av kven som har vore rådmann og ordførar. For framtida vil me at slike saker skal heimlast, samt at det finns ein protokoll unntatt offentlegheit som dei folkevalde har innsyn i dersom ein har behov for å gå tilbake i ettertid. Om det er praktisk mogeleg skal sakene også på sakskartet.

Å nemna eksempel er vanskeleg med tanke på at sakene ikkje kan refererast til. Men eit eksempel er i Formannskapet 23.10.19. Ei sak for lukka dører stod ikkje på sakskartet, og ein refererte munnleg kvifor møtet vart lukka. Det vart heller ikkje ført protokoll unntatt offentlegheit. Rådmannen skulle ha sendt ut varsel om sak unntatt offentlegheit. Her skulle det og vore med lovgrunnlag (paragraf). Så blei denne gongen diverre ikkje gjort og det orsakar alle partar. Både rådmann og politikarar frå posisjon og opposisjon som var på møtet.

Me vil vera ein meiropen kommune, og då må me arbeida med slike tema for å få det til. Framover vil me difor ha fokus på korleis me handsamar denne type saker."

Referatsak 82/2018.4 - Kremasjon
Heidi Rongved (AP) stilte spørsmål vedkomande kommunal stønad ved kremasjon.

I samband med budsjettet for 2019 blei det løyvd 0,1 mill. til kommunal stønad ved kremasjon.

1. Var denne summen tilstrekkeleg?
   Svar: I 2019 er det utbetalt 5 stønader og det er venta at det vil komme 3 til, dvs. totalt 8 stønader. Det vil seie 40 000,-. Beløpet blir utbetalt frå Vaksdal Kyrkjelege Fellesråd som igjen fakturerer Vaksdal Kommune. Det er ikkje automatikk i at resterande beløp blir overført til neste år men restsum kan evt. setjast av til dette føremålet dersom kommunen gjer opp rekneskapen for 2019 med eit mindreforbruk. Dette kan gjerast når rekneskapen vert lagt fram til våren.

2. Er dette ein stønad pårørande må krevja, eller er det automatikk i at dei som har krav på det får det.
   Svar: Alle vert informert om stønadsordninga. Dette vert i all hovudsak gjort av gravferdsbyråa. Etterlate får stønaden ved å levere inn kvittering for betalt beløp + opplysningar for utbetaling (Namn, kontonr. etc).

Heidi Rongved (AP) ba rådmannen om å vurdere å gjere prosess for utbetaling enklare. Rådmannen vil følgje det opp og gje ei tilbakemelding innan 1. mars.

Samrøystes vedtak

Vedtak

Kommunestyret startar frå 01.01.20 møta sine med allsong. Ordførar har ansvar for den praktiske gjennomføringa av dette.

Behandling

Renathe Vik (SP) oppmodar kommunestyret om å støtta opp om forslaget. Vaksdal kommune er ein syngjande kommune og det er ingen grunn for kommunestyret å halda seg utanfor.

Det vart røysta over forslaget som vart godkjend med 20 stemmer for og 1 stemme mot (Edvin Hesjedal, H).

Vedtak

Eldreråd

Gudrun Boge Karlsen (Vaksdal pensjonistforeining) vert valt som varamedlem til Eldrerådet.

Medlemmer i ungdomsrådet:

Heimevernsnemnd

Val av medlemmer og varamedlemmer til Heimevernsnemnda vert utsett. Rådmannen må gjere avklaringar knytt til val av medlemmer innan juni 2020.

Bergsdalen jordbruksfond

Val av medlemmer til Bergsdalen jordbruksfond vert utsett.

Kommunestyret ber rådmannen om å gjere vurderingar for kva som skal leggjast til grunn for ei avvikling av Bergsdalen jordbruksfond og leggje dette fram for kommunestyret. Det må også koma fram ei tilråding for korleis midlane knytt til fondet kan nyttast på ein slik måte at dette kjem innbyggjarane i Bergsdalen til gode. Dette må gjerast i dialog med Bergsdalen jordbrukslag og grunneigarar i Bergsdalen.
Valutvalet ønskjer også at midlar knytt til Konowfondet vert sett på samtidig.

BIR Klagenemnd

Lisa Johnsen Lunde (AP) er innstilt som vara i BIR klagenemnd.

IKTNH

Varaordførar vert innstilt som varamedlem i IKTNH

Sakkunnig nemnd for eigedomsskatt

Børn Roald(H) erstattar Amalie Johnsen Lunde (H) som medlem i sakkunnig nemnd for eigedomsskatt. Leiar: Bjørn Roald

Behandling

Leiar for valutvalt Kjartan Haugsnes (SV) la fram valutvalet si innstilling.

Trond Olav Magnussen (H) la fram eit endringsforslag:

ønsker å fremme følgende endringsforslag til Leiar sakkunnig nemd for eigedomsskatt til Bjørn Roald (H)"

Det vart røysta over valutvalet si innstilling. Innstillinga vart samrøystes vedteke

Det vart deretter røysta over Høgre sitt framlegg, som vart samrøystes vedteke.

Vedtak

Kommunestyret ber rådmann gå vidare med nybygg til omsorgsbustader og omsorg+-plassar på Jamne framforrehabilitering/ombygging av aldersbustadane til formålet.

Kommunestyret ber rådmann arbeide fram søknad om tilskot frå Husbanken i 2020.

Sak om kostnadsramme og framdriftsplan vert å legge fram tidleg i 2020.

Kommunestyret ber administrasjonen arbeide vidare med prosjektet med grunnlag i vedtak 37/2019, men kommunestyret gjev og administrasjonen moglegheit til å foreslå anna fordeling av plassar/type plassar som omtala i 37/19, punkt 2.

Behandling

Boris Groth (FRP) ba om at tilleggsforslaget frå Amalie Johnsen Lunde (H) fremja i formannskapet vart lagt fram på nytt:

"Kommunestyret ber administrasjonen arbeide vidare med prosjektet med grunnlag i vedtak 37/2019, men kommunestyret gjev og administrasjonen moglegheit til å foreslå anna antall og fordeling av plassar/type plassar som omtala i 37/19 for å kunne utnytta areal og moglegheiter som foreligg med nybygg."

Det vart først røysta over Formannskapet si tilråding, som vart samrøystes vedteke.

Deretter vart det røysta over tilleggsforslaget fremja på nytt av Boris Groth, som fekk 6 stemmer (H, FRP) mot 15 stemmer og falt.

Vedtak

1. Kommunestyret sluttar seg til revisjonen sine konklusjonar og tilrådingar

1. Etablerer rutinar for kontraktsoppfølging

2. Gjennomfører tilstrekkeleg kontrollar av krava til løns- og arbeidsvilkår hos leverandørar og underleverandørar

3. Sikrar at kommunestyrevedtak blir følgd opp

1. Kommunestyret ber om at rådmannen føl opp tilrådingane og innarbeider desse i dei prosjektverktøy som kommunen er i ferd med å utarbeide.

2. Innan 01.02.2020 vert rådmannen beden om å kome med ei tilbakemelding til kontrollutvalet om korleis tilrådingane i rapporten er og vert følgd opp

Behandling

Det vart røysta over kontrollutvalet sitt framlegg til vedtak for kommunestyret, som vart samrøystes vedteke.

Vedtak

Høyringsuttale frå Vaksdal kommune

Kommunane sine inntekter frå konsesjonsavgifter og konsesjonskraft er nedfelt i dei gitte konsesjonar som eit grunnvilkår og med same varigheit som konsesjonen. Utvalet sitt forslag om å avvikle ordningane vil vera eit brot på dei føresetnadane som låg til grunn for dei gitte konsesjonar, og dermed eit brot på den samfunnskontrakt som over generasjonar er inngått mellom storsamfunn og dei distrikt som har avstått sine naturressursar. Ei slik avvikling vil også vera i strid med Grunnlovens forbod mot å gje lovar tilbakeverkande kraft.

Konsesjonskraftordninga har i meir enn hundre år vore eit vederlag for dei naturrikdomar som vertskommunar gjennom vasskrafta årleg har avgitt til storsamfunnet. Utvalet overser at så vel Storting som Høgsterett har slått fast at formålet med konsesjonskraftordninga er å sikre vertskommunen sin del av verdiskapinga som vasskraftproduksjonen i konsesjonsperioden gir opphav til.

Konsesjonsavgifta er ei erstatning for generelle skadar og ulemper på naturmiljø og omgjevnadar, og derfor ei miljøavgift. Miljøkostnader skal betalast av tiltakshavar, og miljøavgifter er meint å vera ein brutto skatt i tråd med naturmangfaldlova § 11.

Forslaget frå utvalet om at eigedomsskatten skal baserast på skattemessig verdi er i strid med eigedomsskattelova sin hovudregel i § 8 A-2 om at eigedomsskatten skal svare til anlegget sin omsetningsverdi (marknadsverdi). Eigedomsskatt basert på skattemessig verdi vil innebere at eigedomsskatten vert størst i dei første åra etter at investeringane er gjennomført, medan skatten vert lågare når lønsemda aukar. Forslaget vil derfor verken utløyse ønska investeringar eller samsvare med skattytars skatteevne.

Ein kompensasjon av konsesjonskraftordninga med auka naturressursskatt basert på ein omrekna øre/kWh vil ikkje sikre kommunane ein del av den reelle verdiskapinga sidan vertskommunen blir avskore frå å få sin del av den verdiskaping som følgjer av at verdien av rein fornybar energi vil kunne auke i framtida.

Kommunane sin rett til konsesjonsavgifter og konsesjonskraft samt eigedomsskatt basert på anlegga sin reelle marknadsverdi kan ikkje erstattast av statlege overføringar eller ein auke i naturressursskatten. Auka naturressursskatt vil verte fordelt på alle kommunar etter det statlege inntektssystemet og først og fremst koma folkerike kommunar utan vasskraftanlegg til gode. Sjølv om naturressursskatten vert tatt ut av inntektssystemet kan ein kompensasjon i form av auka naturressursskatt ikkje aksepterast ettersom vertskommunane ikkje vil få kompensert sin andel av verdistiginga ved høgare kraftpris.

Vaksdal kommune har avgitt store naturrikdomar til storsamfunnet gjennom omfattande utbygging av kraftanlegg og årleg produksjon av verdifull fornybar energi. Samla tap av kompensasjon for naturinngrepa samt vår del av verdiskapinga og eigedomsskatt er berekna til omlag 35 mill årleg med kraftskatteutvalet sitt forslag.

Naturressursane har gjennom mange år bidratt til verdiskaping og utvikling av Vaksdalsamfunnet og har lagt grunnlaget for næringsutvikling, arbeidsplassar, kommunale tenester og lokalsamfunn. Eit slikt årleg inntektstap vil gje store konsekvensar for kommunen sine tenester og vidare samfunnsutvikling. Vaksdal kommune meiner slike endringar vil bryte med grunnleggande prinsipp og rettar for vertskommunar for vasskraftutbygging og kraftproduksjon. Kommunen ser ikkje at kompensasjonsordningar vil kunne sikre vertskommunane tilsvarande kompensasjon og del av verdiskapinga i framtida.

Vaksdal kommune støttar i tillegg LVK sin høyringsuttale til forslaget frå utvalet.

Behandling

Samrøystes vedtak

Vedtak

Sak om innspel til KS Debatthefte 2020 vart tatt

Behandling

Samrøystes vedtak

Vedtak

Vaksdal kommune gir sin tilslutning til at kommunane Fjell, Sund, Øygarden, Fusa, Os, Odda, Ullensvang og Jondal trer ut av Vest brann – og redningsregion pr. 31.desember 2019 med grunngjeving i kommunesamanslåing.

Samtidig gir Vaksdal kommune sin tilslutning til at dei nye kommunane Øygarden, Bjørnafjorden og Ullensvang blir deltakarkommunar i Vest brann- og redningsregion frå 1.januar 2020 og at desse kommunane overtar rettigheiter og pliktar frå sine respektive samanslåtte kommunar.

Behandling

Samrøystes vedtak

Vedtak

Vaksdal kommune sluttar seg til at kommunane Lindås, Meland, Radøy, Fjell, Sund, Øygarden, Fusa, Os, Granvin og Voss trer ut av IUA Bergen region pr 31. desember 2019 grunna kommunesamanslåing.

Samtidig gjev Vaksdal kommune si tilslutning til at dei nye kommunane Alver, Øygarden, Bjørnafjorden og Voss vert deltakarkommunar i IUA Bergen region frå 1. januar 2020 og at desse kommunane overtek rettar og pliktar frå sine respektive samanslåtte kommunar

Behandling

Samrøystes vedtak

Vedtak

Kommunestyret vedtek å tre inn i Vannvest samarbeidet ved å verte aksjonær og kjøpe ei aksje i Vannvest AS til pålydande kr 5000,- og å yte eit ansvarleg lån til Vannvest AS tilsvarande kr 5 pr innbyggjar.

Behandling

Det vart røysta over Formannskapet si tilråding som vart samrøystes vedteke.

Behandling

Boris Groth (FRP) la fram saka for kommunestyret og ba om at det vart røysta over to framlegg til vedtak.

Svar på interpellasjon frå Boris Groth (Frp) vedrørande deltaking i forsøk med statleg finansiering av omsorgstenestene frå ordførar:

"Me har bestilt ein gjennomgang av helse og omsorg i 2020. Denne prosessen vert forankra lokalt, og vil danna grunnlaget for den vidare drifta av omsorgstenester i kommunen vår. Det er viktig at gjennomgangen skjer lokalt. Det er viktig at me har eigarskap til organisering, kvalitet og økonomi lokalt, for det er me som kjenner våre forhold best.

Ved å gje det økonomiske ansvaret frå oss til staten, gir kommunane frå seg ei stor og viktig oppgåve. Budsjettet for helse og omsorg utgjer om lag 1/3 av budsjettet vårt. Dersom me gjev frå oss det økonomiske ansvaret for helse og omsorg til staten reduserer og sentraliserer me den kommunale drifta og ansvaret vårt dramatisk.

Tanken er kanskje i utgangspunktet god, at når staten deler ut midlar, så vert det likt for alle. På den andre sida veit ein at lokale tilpassingar og lokalkunnskap er viktig i utforminga av gode tenster.

Frp er det einaste partiet sentralt som per i dag arbeider for at omsorgstenestene skal bli statleg finansiert. Det spelar også inn i mi avgjer og gir oss som lokalpolitikarar nokre signal. Skal me gå inn i noko som kan bli ein kortvarig overgang samstundes som me har ein gjennomgang av tenestene våre? Då vert det i så fall ny omstilling etter at prøveperioden er ferdig, og ordninga med statlege direkteoverføringar kanskje ikkje vert vidareført.

Staten betalar vesentleg meir til kommunane gjennom dette forsøket. Er det sannsynleg at dette kan bli vedtatt som ei omorganisering heile landet skal gjera på same vilkår som forsøkskommunane? Få kommunar har gjennomført forsøket så langt, og denne låge oppslutninga gjer at ein ikkje vil kunne gjera seg nytte av erfaringane frå prosjektet på generelt grunnlag. Om staten er villig til å bruke meir pengar på helse og omsorgstenester, kvifor har dei ikkje tillit til at me lokalpolitikarane får dette inn i rammene våre?

Eg meiner me må ha tillit til vår eigen plan og den gjennomgangen som kjem. Me lokalpolitikarar skal saman med administrativ leiing og alle dei tilsette i helse og omsorg tilpasse og ta ansvar for ein god og forsvarleg eldreomsorg i Vaksdal kommune i framtida.

Boris Groth har i sin interpellasjon laga framlegg til vedtak, og det skal me stemme over. Eg har lagt fram mitt syn på saka, og sidan er det opp til kvar og ein av representantane å avgjera for eigen del"

Det vart så opna for debatt.

Det vart først røysta over Boris Groth sitt punkt nr. 1:

"Vaksdal kommune søkjer om deltaking i forsøksprosjektet med statleg finansiering av omsorgstenestene innan søknadsfristen 1.februar 2020."

Forslaget fekk to stemmer (FRP) og falt.

Det vart deretter røysta over punkt nr. 2:

"Rådmann får i oppdrag å utarbeida sak til kommunestyret innan januar 2020, der søknad for Vaksdal Kommune om deltaking i forsøksprosjektet med statleg finansiering av omsorgstenestene vert greidd ut og klargjort for vedtak, innan søknadsfristen 1.februar 2020."

Forslaget fekk 6 stemmer (FRP og H) og falt.

Vedtak

Tertialrapport 2 vert godkjent slik den ligg føre.

Behandling

Det vart røysta over formannskapet si tilråding som vart samrøystes vedteke.

Vedtak

Vaksdal kommunestyre godkjenner følgjande justeringar i samband med rekneskapsavslutninga for 2019:

Behandling

Ivar Bergo (SP) ba om at det ved seinare høve også vart gjeve innsyn i kontoplan.

Samrøystes vedtak

Vedtak

1. Vaksdal kommune vedtek at BIR Privat AS vert delegert fullmakt til fakturering og innkreving av renovasjonsgebyret på vegne av Vaksdal kommune, jfr. § 12 i Forskrift om håndtering av avfall fra husholdning. Avfallsgebyret tilhører Vaksdal kommune.

2. Prisen på renovasjonstjenesten for 2020 settes opp med 1,0%, med unntak av eigenandelen for levering til gjenvinningsstasjonane og enkelte tenester utanfor standard renovasjon. Desse vert uendra.

Kommunalt påslag settes til kr 0,- for 2020.

Vaksdal kommune vedtar avfallsgebyr i medhald til vedlagte prismatrise.

Behandling

Heidi Rongved stillte spørsmål ved sin habilitet i saka. Kommunestyret vedtok samrøystes at Heidi Rongved er ugild i medhald av fvl. § 6 e) punkt 2.

Kommunestyret røysta over formannskapet si tilråing som vart samrøystes vedteke.

Vedtak

Vaksdal kommunestyre godkjenner budsjett 2020 for Vaksdal kommunale arbeids og opplæringssenter KF innafor ei samla ramme av kommunalt tilskotet på kr 1.977.133. Kr 1.673.761,- vert finansiert med ordinært tilskot og kr 303.372,- vert finansiert ved bruk av integreringstilskot.

Behandling

Samrøystes vedtak

Vedtak

Kommunestyret i Vaksdal kommune godkjenner budsjett 2020:

1. Kommunestyret godkjenner årsbudsjett 2020 for Vaksdal kommune slik det ligg føre med spesifikasjon av drifts- og investeringsbudsjett. Rådmannen får fullmakt til å fordele nettoramma innafor tenesteområda, og kan gjere budsjettendringar innafor områda som ein del av den løpande drifta som ikkje er av prinsipiell karakter.

2. Skatt på inntekt og formue vert skriven ut etter dei til kvar tid gjeldande reglar.

3. I medhald av eigedomsskattelova § 2 og §3a vert det skrive ut eigedomsskatt på faste eigedomar i heile kommunen i 2020. Alminneleg eigedomsskattesats vert sett til 7 promille i 2020 med unntak av eigedomsskatt for bustad- og fritidseigedomar som vert sett til 3,2 promille. For kraftanlegg vert § 8B i eigedomsskattelova lagt til grunn. For eigedom eigd av stiftingar og institusjonar med allmennyttig formål, som er ført opp på eigedomsskattekontoret si liste av 26.02.2010, vert det i medhald av § 7a gjeve fritak for eigedomsskatt. Fritak vert gjeve i 10 år for nye bygningar som heilt eller delvis vert nytta til husvære jf §7c. Eigedomsskatten for 2020 forfell til betaling i 4 terminer saman med kommunaleavgifter.

4. Kommunestyret godkjenner ei investeringsramme på kr 144.000.000,.-. Rådmann får fullmakt til å oppta nye lån innafor ei total låneramme på kr 100.110.000,-. I tillegg får rådmann fullmakt til låneopptak i Husbanken av kr 2.000.000,- til vidare utlån av formidlingslån. Alle lån i kommunen sin låneportefølje kan refinansierast i budsjettåret 2020. Rådmannen har i samsvar med finansreglementet fullmakt til å godkjenne mogeleg refinansiering av låna og lånevilkåra.

5. Rådmann får fullmakt til å redigere, rette feil og innarbeide kommunestyret sine vedtekne framlegg. Ajourført budsjettdokument vert lagt fram for Formannskapet.

6. Gebyr og betalingssatsar etter «Vedlegg – betalingssatsar 2020» vert godkjent. Nye betalingssatsar og avgifter vert gjort gjeldande frå 01.01.2020, med mindre lov eller forskrift set andre fristar.

7. Lokal forskrift om gebyr for sakshandsaming vert vedtatt med heimel i plan- og bygningslova § 33-1, matrikkelova § 32, eigarseksjonslova §§ 7, 14 og 15, ureiningslova § 52a, hamne og farvasslova §§ 6 og 25 samt forvaltningslova § 27a jf forskrift om gebyr for handsaming av konsesjonssaker. Forskrifta ligg som vedlegg til Årsbudsjett 2020 og vert å kunngjere lokalt.

8. Feie- og tilsynsgebyr for 2020 vert fastsett med heimel i lov av 14.juni 2002 nr. 20 om Brannvern, § 28.

9. Vass- og avlaupsgebyr for 2020 vert fastsett med heimel i Lov om kommunale vass- og avlaupsanlegg (§3), Forskrift om begrensning av forureining (§16) og Forskrift om vass- og avlaupsgebyr i Vaksdal kommune.

10. Slamtømmegebyr for 2020 vert vedteke i medhald av Forureiningslova §26.

11. Fastsetjing av eigenandeler for 2020 for kommunale helse og omsorgstenester i og utanfor institusjon vert fastsett i samsvar med Forskrift om egenandel for kommunale helse- og omsorgstjenester. Rådmannen får fullmakt til å gjera unntak frå satsane når særlege tilhøve gjer seg gjeldande.

Vedteke endringsforslag frå SP,SV og Høgre:

Investeringar.

Presisering av tekst i budsjettforslag frå SV, SP og Høgre:

I budsjettforslag frå SV, SP og Høgre under punktet pleie og omsorg kan det tolkast som at midlane er øyremerka gitte områder. Presiserer at dei 3,0 millionar kroner som er tilført i auka ramme til pleie og omsorg ikkje er øyremerka, men er disponible midlar som kommunal leiing kan nytte etter eige skjønn.

Vedtekne tekstforslag frå SP,SV og Høgre:

Samfunnsutvikling.

Eventuell tilsetting einingsleiar samfunnsutvikling må sjåast i samanheng med organisasjonsgjennomgang vedteke i kommunestyret PS 74/19

Bonusordning for alle tilsette i pleie og omsorg, prøveordning

Avtale mellom Vaksdal kommune og tilsette sine organisasjonar. Kommunestyret ber om å få dette tilbake som sak innan 01.03.2020.

Vaksdal næringsselskap. (VNS)

Vert i 2020 flytta til eigna kontor på heradshuset og noverande leigeavtale for lokaler vert sagt opp.

Årsturnus.

Kommunestyret ønskjer at det vert innført årsturnus i Vaksdal kommune. Kommunestyret ber administrasjonen arbeide saman med arbeidstakarorganisasjonane med dette som mål.

Kommunestyret ser årsturnus som viktig for å nå målet om å byggja ein heiltidskultur.

Vedtekne tekstforslag frå AP:

1. Vaksdal kommune skal ikke nytte seg av Arbeidsmiljølovens åpning for midlertidig ansettelse, men ansette i faste stillinger.

2. Ingen skal sies opp som følge av omstillinger/ nedbemanning i 2020.

3. Formannskapet og administrasjonsutvalget skal informeres om arbeidet med heltidskultur og sykefraværet i hvert møte i 2020.

4. Kommunestyret ber om en gjennomgang av utleiesatsene av kommunale bygg til lag og organisasjoner jf vedtak for 2019.

5. Kommunestyret ber om en gjennomgang av betalingssatser for tjenester i helse og omsorg

Vedtekne tekstforslag frå FRP:

NÆRINGSPLAN:

-Rådmannen får i oppdrag å sette i gang ny rullering av næringsplanen innan fyrste halvår 2020.

UNGDOMSPLAN:

-Rådmannen får i oppdrag å sette i gang ny rullering av gjeldande ungdomsplan innan fyrste halvår 2020.

Nokon innspel til rulleringa:

-I rulleringa bør det m.a. vurderast å legge inn faste årlege tilskot til dei kommunale ungdomsklubbane.

-Ungdomsrådet: Det bør vurderast om rådet skal ha ein eigen årlig budsjettpost som rådet kan råde over i sitt virke.

-Rulleringa bør gje føringar for ungdomskontakt/miljøarbeidar stillinga sine mål og virke.

UNGDOMSKLUBBAR:

-Alle ungdomsklubbane i kommunen skal prioriterast ved søknader om tilskot, og bør og sikrast eit årleg minimumstilskot. Ungdomsklubbane bør og gjerast merksam på moglegheita for å søke om frifond midlar til ulike aktivitetar. (https://www.frifond.no/ )

-Vaksdal ungdomsklubb må sikrast alternativt lokale i byggeperioden for Vaksdal skule!

-Rådmannen får i oppdrag å innan fyrste halvår 2020 førebu ei sak som vurderer moglegheitene for at Dale ungdomsklubb frå hausten 2020 kan disponere og bruke Dalekjellaren fast som sitt klubblokale, fram til lagnaden til Dalehallen vert avgjort.

NY BARNEHAGE på DALE:

-Arbeidet med vedtatt moglegheitsstudie for ny barnehage på Dale må komme i gang i 2020!

BOTNFRÅDRAG – Eigedomsskatt:

-Vaksdal Kommunestyre ber om at det når retakseringa er ferdig, og innan budsjetthandsaming 2021, vert førebudd ei sak som greier ut innføring av botnfrådrag i eigedomskatten for bustad og fritidseigedommer i Vaksdal Kommune.

SAMBUARGARANTI:

-Vaksdal kommune skal legga til rette for at sambuarar/ektepar i størst mogleg grad skal kunne fortsette å bu saman/nær kvarandre på omsorgsbustader og/eller sjukeheim om det vert behov for det!"

Vedtak vedk. fritidskort:

Det er i statsbudsjettet for 2020 annonsert å kome ei forsøksordning til forsøk med fritidskort for born mellom 6 år til fylte 18 år, med ei søknadsramme på kr 60 mill. i 2020. Rådmannen får i oppdrag å utarbeide forslag til innretning for ei fritidskortordning for Vaksdal kommune, og utarbeider søknad om deltaking i forsøksordninga annonsert i statsbudsjettet for 2020. Det er ein føresetnad at ordninga i Vaksdal skal vere ei universell ordning for alle born mellom 6år til fylte 18 år.

Vedtak oversendingsforslag:

Endring av foreslåtte økning av brukerbetalingen for trygghetsalarmtjestenen

Forslag: AP foreslår at betalingssatsene for trygghetsalarmtjenesten må følge forventet prisvekst basert på SSB sine tall.

Behandling

Trond Olav Magnussen (H) ba kommunestyret om å vurdera sin habilitet i saka, med utgangspunkt i rolla som miljøarbeidar i kommunen. Kommunestyret konkluderte med at han ikkje var inhabil.

Bjart-Magnus Ndogo Rosvold ba kommunestyret om å vurdere sin habilitet i saka, med utgangspunkt i rolla som kyrkjeverje. Kommunestyret konkluderte med at han ikkje var inhabil.

Erlend Hesjedal- Johannesen (H) la fram eit tilleggsforslag på vegne av SV,SP og Høgre.

Presisering av tekst i budsjettforslag frå SV, SP og Høgre

"I budsjettforslag frå SV, SP og Høgre under punktet pleie og omsorg kan det tolkast som at midlane er øyremerka gitte områder. Presiserer at dei 3,0 millionar kroner som er tilført i auka ramme til pleie og omsorg ikkje er øyremerka, men er disponible midlar som kommunal leiing kan nytte etter eige skjønn."

Thor Andersen (AP) - la fram Arbeidarpartiet sitt alternative budsjett. I framlegget har Arbeidarpartiet lagt inn Administrasjonsutvalet sitt framlegg om at utvalet vert inkludert i tekstforslag punkt 3.

"Arbeiderpartiet foreslår styrking av driftsbudsjettet på følgende områder

Innvesterings-/kapitalbudsjettet

Tekstforslag

Boris Groth (FRP) - la fram verbalforslag frå Framstegspartiet. Forslaget inneheld også punkta næringsplan og ungdomsplan som er ein del av formannskapet si tilråding.

"NÆRINGSPLAN:
-Rådmannen får i oppdrag å sette i gang ny rullering av næringsplanen innan fyrste halvår 2020.

UNGDOMSPLAN:
-Rådmannen får i oppdrag å sette i gang ny rullering av gjeldande ungdomsplan innan fyrste halvår 2020.
Nokon innspel til rulleringa:
-I rulleringa bør det m.a. vurderast å legge inn faste årlege tilskot til dei kommunale ungdomsklubbane.
-Ungdomsrådet: Det bør vurderast om rådet skal ha ein eigen årlig budsjettpost som rådet kan råde over i sitt virke.
-Rulleringa bør gje føringar for ungdomskontakt/miljøarbeidar stillinga sine mål og virke.

UNGDOMSKLUBBAR:
-Alle ungdomsklubbane i kommunen skal prioriterast ved søknader om tilskot, og bør og sikrast eit årleg minimumstilskot. Ungdomsklubbane bør og gjerast merksam på moglegheita for å søke om frifond midlar til ulike aktivitetar. (https://www.frifond.no/ )

-Vaksdal ungdomsklubb må sikrast alternativt lokale i byggeperioden for Vaksdal skule!

-Rådmannen får i oppdrag å innan fyrste halvår 2020 førebu ei sak som vurderer moglegheitene for at Dale ungdomsklubb frå hausten 2020 kan disponere og bruke Dalekjellaren fast som sitt klubblokale, fram til lagnaden til Dalehallen vert avgjort.

NY BARNEHAGE på DALE:
-Arbeidet med vedtatt moglegheitsstudie for ny barnehage på Dale må komme i gang i 2020!

BOTNFRÅDRAG – Eigedomsskatt:
-Vaksdal Kommunestyre ber om at det når retakseringa er ferdig, og innan budsjetthandsaming 2021, vert førebudd ei sak som greier ut innføring av botnfrådrag i eigedomskatten for bustad og fritidseigedommer i Vaksdal Kommune.

SAMBUARGARANTI:
-Vaksdal kommune skal legga til rette for at sambuarar/ektepar i størst mogleg grad skal kunne fortsette å bu saman/nær kvarandre på omsorgsbustader og/eller sjukeheim om det vert behov for det!"

På vegne av FRP, KRF og Høgre låg Boris Groth fram forslag om å bli forsøkskommune for fritidskort:

"Regjeringa har foreslått 60 millionar kroner til prøveordning med fritidskortRegjeringa har foreslått å sette av 60 millionar kroner til forsøk med fritidskortordningar i 2020, av desse er 10 mill. kroner frå revidert nasjonalbudsjett 2019.Kommunar skal kunne søka om å bli forsøkskommunar.Vaksdal Krf, Høgre og FrP går inn for at Vaksdal kommune skal søka om å bli med i denne forsøksordninga, der kommunane skal prøva ut fritidskort som skal dekka kostnadar til fritidsaktivitetar for alle born i alderen 6 til fylte 18år.-Forslag til vedtak:Det er i statsbudsjettet for 2020 annonsert å kome ei forsøksordning til forsøk med fritidskort for born mellom 6 år til fylte 18 år, med ei søknadsramme på kr 60 mill. i 2020. Rådmannen får i oppdrag å utarbeide forslag til innretning for ei fritidskortordning for Vaksdal kommune, og utarbeider søknad om deltaking i forsøksordninga annonsert i statsbudsjettet for 2020. Det er ein føresetnad at ordninga i Vaksdal skal vere ei universell ordning for alle born mellom 6år til fylte 18 år!"

Heidi Rongved (AP) la fram eit forslag om at det vart lagt inn ein tilleggssetning til punkt 11 i rådmannen sitt framlegg til vedtak, om at rådmannen orientere Formannskapet når endringane er gjort:

"Punkt 11. Fastsetjing av eigenandeler for 2020 for kommunale helse og omsorgstenester i og utanfor institusjon vert fastsett i samsvar med Forskrift om egenandel for kommunale helse- og omsorgstjenester. Rådmannen får fullmakt til å gjera unntak frå satsane når særlege tilhøve gjer seg gjeldande.Rådmannen orienterer Formannskapet når endringer er gjort."

Arbeidarpartiet ved Thor Andersen (AP) la også fram eit oversendingsforslag vedkomande brukarbetaling for tryggleiksalarmtenesta:

Endring av foreslåtte økning av brukerbetalingen for trygghetsalarmtjestenen

Forslag: AP foreslår at betalingssatsene for trygghetsalarmtjenesten må følge forventet prisvekst basert på SSB sine tall.

Røysting:

Det vart først røysta over AP sitt alternative budsjettframlegg, som fekk 6 stemmer for (AP) og 15 stemmer mot (

Deretter vart det røysta over Formannskapet si tilråding. Tilrådinga vart vedteke med 15 stemmer (SP,SV,H,FRP,KRF) for og 6 stemmer mot (AP).

Det vart deretter røysta over presisering av tekst i budsjettforslaget frå SP,SV og Høgre som fekk 6 stemmer (AP) mot og 15 stemmer (SP,SV,H,FRP,KRF) for og vedteke.

Deretter vart det røysta over ein tilleggssetning til punkt 11 i rådmannen sitt framlegg til vedtak. Forslaget fekk 7 stemmer for (AP og KRF) og 14 stemmer mot (SP,SV,H,FRP) og falt.

Det vart vidare røysta over tekstforslaga som vart handsama i formannskapet og er ein del av formannskapet si tilråding:

Først vart det røysta over SP,SV og Høgre sitt tekstforslag som omhandla samfunnsutvikling; Bonus for alle tilsette i pleie og omsorg, prøveordning, Vaksdal Næringsselskap (VNS) og Årsturnus. Tekstforslaga vart samrøystes vedteke.

Deretter vart det punktvis røysta over dei neste tekstforslaga:

FRP sitt tekstforslag om rullering av ny næringsplan innan fyrste halvår 2020 vart vedteke med 20 mot 1 stemme (Thor Andersen, AP).

FRP sitt tekstforslag om ungdomsplan vart samrøystes vedteke.

AP sitt tekstforslag, punkt 1 - mellombels tilsetjing vart vedteke med 15 stemmer for (AP,SP,SV,KRF) og 6 stemmer mot (FRP og H)

AP sitt tekstforslag punkt 2 - oppseiing ved omstilling/nedbemanning vart vedteke med 14 stemmer for (AP,SP,SV) og 7 stemmer mot (KRF, FRP og H)

AP sitt tekstforslag punkt 3 - Formannskapet og administrasjonsutvalet skal informerast om arbeidskultur vart samrøystes vedteke.

AP sitt tekstforslag punkt 4 - utleigesatsar vart samrøystes vedteke.

AP sitt tekstforslag punkt 5 - betalingssatsar vart samrøystes vedteke.

Deretter vart det røysta over verbalforslag framlagt for kommunestyret i møte:

FRP, KRF og Høgre sitt framlegg om fritidskort vart samrøystes vedteke.

FRP sine verbalforslag vart røysta over punktvis:

Nye moment er lagt inn i ungdomsplanen, slik at det vart gjennomført ny røysting med dei nye momenta. Ungdomsplanen vart vedteke med 19 stemmer for og 2 stemmer mot (Thor Andersen, AP og Anne- Christin Eide, AP)

Det vart røysta over punktet vedkomande ungdomsklubb. Forslaget vart vedteke med 20 stemmer for og 1 stemme mot (Thor Andersen, AP)

Punkt som omhandla ny barnehage i Dale vart samrøystes vedteke.

Punkt som omhandla botnfrådrag for eigedomsskatt vart vedteke med 15 stemmer for og 6 stemmer mot (AP).

Punktet om sambuargaranti vart samrøystes vedteke.

Det vart så røysta over oversendingsforlaget frå Arbeidarpartiet. Ingen motsette seg forslaget som vil bli oversendt rådmannen.

Det vart til sist røysta over budsjett 2020 for Vaksdal kommune, med alle tillegg, som vart samrøystes vedteke.