Møte i Valutval den 28.10.2019

Vedtak

Valutvalet arbeider vidare med å få på plass kandidatar til dei ulike verva og vil ha sitt siste møte mandag 4. november kl 8.30-9.30.

Behandling

Valutvalet ha peika ut kandidatar til utval, nemnder, råd og fond som skal veljast innan utgangen av 2019, med unnateke av kandidatar til Levekårsutvalet, Heimevernsfondet og Bergsdalen jordbruksfond.

Medlemmer til Levekårsutvalet vil bli foreslått i kommunestyremøtet.

Heimevernsfondet gjekk i førre periode frå å vere ei kommunal nemnd til distriktsnemnd. Ansvaret for nemnda ligg hjå Voss lensmannskontor. Forskrift om råd, utval og nemnder i Heimevernet (heimevernsforskrifta) gjev alle kommunar høve til å stille med representant i utvalet. Det må difor gjerast ei kartlegging av dette arbeidet saman med Voss lensmannskontor før Valutvalet vil vurdere om Vaksdal kommune skal stille med representant i utvalet.

Vaksdal kommune oppnemner medlemmer og varamedlemmer til Bergsdalen jordbruksfond. Valutvalet erfarer at organet ikkje har vore operativ dei siste to periodane og ønskjer at administrasjonen kjem med ei tilbakemelding på om tilgjengeleg grunnkapital før dei oppnemner kandidatar til organet for ny periode.

Boris Gjorth (FRP) ønskjer også at det i same høve får informasjon om Konowfondet, som er omtala i bygdeboka for Bergsdalen.

Valutvalet ønskjer at Arbeidsmiljøutvalet (AMU) framleis skal ha to politiske representantar.

Eldrerådet skal vere representert av pensjonistforeiningar med til saman 3 medlemmer med personlege varamedlemmer.

Valutvalet har fått inn følgande forslag til eldrerådet:
Vaksdal pensjonistforening v/ Albert Larsen: Anna Bruvik
Dale pensjonistlag v/Bjarnhild Helle og Oddveig Straume: Ragnhild Vatle
Senior Norge Hordaland v/Odd Himle: Asfrid Brunborg Benevoli
Fagforbundet i Vaksdal kommune v/ Thor Andersen: Medlem Agnar Sellevoll og vara Aashild Hestad

Valutvalet fordelte verva til eldrerådet slik:

Anna Bruvik
Ragnhild Vatle med vara Asfrid Brunborg Benevoli.
Agnar Sellevoll med vara Aashild Hestad.

Administrasjonen skal ta kontakt med Vaksdal pensjonistforening for å få ein kandidat som varamedlem.

Det skal veljast to representantar til Råd for menneske med nedsett funksjonsevne (RMNF), ein frå Vaksdal lag for funksjonshemma og ein brukarrepresentant.

Valutvalet har fått inn følgjande forslag:
Fagforbundet i Vaksdal kommune v/ Thor Andersen: Ida Karlsen Eide Aabrekk
Vaksdal lag av NFU: Ida Carlsen Eide Aabrekk
FFO Voss Herad dekker også Vaksdal kommune, dei har frist til å komme med innspel til 3. november.

Valutvalet sette opp Ida Carlsen Eide Aabrekk som medlem i RMNF.

Valutvalet ber administrasjonen om å ta kontakt med medlemmer for noverande råd for å spørje om attval.