Her ser du informasjon om eit møte i Kommunestyret.
 
Clear
     
 

Møte i Kommunestyret den 19.05.2020

Kommunestyret
19.05.2020 10:00 - 12:50
Utval:Kommunestyret
Dato:19.05.2020 10:00 - 12:50
Møtestad:Fjernmøte
Status:Møtet er ferdig protokollert
Sakskart:Møteinnkalling - Kommunestyret - 19.05.2020 (Hoveddokument)
Møteprotokoll:Protokoll - Kommunestyret - 19.05.2020 (Hoveddokument)

Saksliste

  • GODKJENNING AV INNKALLING OG SAKSLISTE Hoveddokument 423KB
    Brevdato: 12.05.2020
    Dokumenttype: Saksframlegg
    Ansvarlig enhet: Stab
    Sakshandsamar: Lin Tove Thomassen

    Dokumenter

     

    Behandling

    Med heimel i mellombels forskrift for gjennomføring av fjernmøter i folkevalde organ, § 2, vart kommunestyremøtet gjennomført som eit fjernmøte.

    Samrøystes vedtak.

  • GODKJENNING AV MØTEPROTOKOLL Hoveddokument 426KB

    23/2020 - 20/4146 - GODKJENNING AV MØTEPROTOKOLL

    Journaldato: 12.05.2020  2 dokumenter
    Brevdato: 12.05.2020
    Dokumenttype: Saksframlegg
    Ansvarlig enhet: Stab
    Sakshandsamar: Lin Tove Thomassen

    Dokumenter

     

    Behandling

    Samrøystes vedtak.

  • REFERATSAKER OG MELDINGAR Hoveddokument 435KB

    24/2020 - 20/4147 - REFERATSAKER OG MELDINGAR

    Journaldato: 12.05.2020  7 dokumenter
  • VERTSKOMMUNESAMARBEID OM KRISESENTER FOR BERGEN OG OMEGN Hoveddokument 706KB
    Brevdato: 19.04.2020
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Ann Kristin Bolstad

    Dokumenter

     

    Behandling

    Samrøystes vedtak.

  • INTERKOMMUNAL LEGEVAKT (IKL) - REVISJON AV VERTSKOMMUNEAVTALE Hoveddokument 597KB
    Brevdato: 28.04.2020
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Solrun Hauglum

    Dokumenter

     

    Behandling

    Samrøystes vedtak.

  • BYGG FOR HELSE OG OMSORG - KOSTNADSRAMME OG FRAMDRIFTSPLAN Hoveddokument 2MB
    Brevdato: 27.01.2020
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Åse Elin Myking

    Dokumenter

     

    Behandling

    Ass. rådmann Åse Elin Myking orienterte.

    Innkomne framlegg frå representantane vart presentert først, i denne rekkefølgja:

    Framlegg frå Kjartan Haugsnes på vegner av SV og SP:

    Partia Sp og SV vil på det sterkaste understreke trongen for nybygg helse og omsorg i Vaksdal 2020 – 2022. Med eit positivt vedtak i kommunestyret mai 2020 er Vaksdal kommune garantert statstilskot frå husbanken og vil med dette kunne realisere eit stort løft i pleie og omsorg i vår kommune. Dette vil vere det beste for våre tilsette, brukarar og bebuarar.1. Kommunestyret ber rådmannen gå vidare med konsept 2B, men presiserer at minimumstal sjukeheimsplassar på Daletunet vert sett til 16 plassar.2. Kostnadsramme og framdriftsplan vert godkjent og lagt til grunn for forprosjekt og søknad om tilskot frå Husbanken.3. Rådmann får fullmakt til å tilpasse fordeling av type plassar i dialog med Husbanken for å få maksimalt tilskot. Formannskapet vert halde orientert om eventuelle justeringar.4. Vidare planlegging skal og ta omsyn til moglegheiter for reetablering av kjøken på Vaksdal og på Dale. Nybygg og rehabilitering må ta omsyn til at kjøkenløysing kan endrast i framtida.5. I denne prosessen må det vurderast å auke tal sjukeheimsplassar på Daletunet, samstundes som ein beheld dagens tal på 5 omsorg + plassar. Kommunestyret ber og rådmannen greie ut leige av inntil 4 sjukeheimsplassar i Modalen og at dette vert sett på i samanheng.6. Sanering av 1930 – bygget på Dale vert vurdert lagt inn i prosjektet og funksjonane her vert i utgangspunktet relokalisert i ledig areal Daletunet og sjukeheim/nybygg på Vaksdal.

    Høgre og Arbeiderpartiet bad om gruppemøte etter presentasjonen frå Kjartan Haugsnes.

    Etter gruppemøtet la Erlend Hesjedal-Johannessen fram følgjande utsetjingsframlegg på vegner av H, KRF og AP:

    Kommunestyret ber rådmann fortsette prosessen med husbanken fram mot kommunestyremøtet i juni, men parallelt utgreie alternativ som reduserar driftskostnadane og gjer oss tenester tilpassa det reelle omsorgsbehovet i framtida. Utgreiinga skal ta hensyn til fleksibilitet i tenestene og samordning mellom forskjellige tenester, med mål om best mogleg samarbeid.I utarbeidelse av prosjektet skal det setjast ned ei gruppe (leverkårsutvalet) med mandat om å utvikla prosjektet i samråd med rådmann.

    Det vart opna for debatt på utsetjingsframlegget.

    Det vart så røysta over utsetjingsframlegget, som vart vedteke med 11 røyster (H, KRF, AP)

    Presentasjon av dei andre framlegga fall dermed vekk.

    Framlegg frå Amalie Johnsen Lunde, H:

    Kommunestyret ber rådmann utgreie eit alternativ for samlokasjon av tenestene innen helse og omsorg og leggja fram for kommunestyret våren 2021.Ei slik samlokalisering skal inkludera:· Alle funksjonar knytt til eldreomsorg· Fysioterapeut· Brannstasjon· Ambulansestasjon· Legekontor· Andre tenester som er naturleg å vurdere i ei slik samlokaliseringI utarbeidelse av prosjektet skal det setjast ned ei gruppe (leverkårsutvalet) med mandat om å utvikla prosjektet i samråd med rådmann.

    Framlegg frå Heidi Rongved, AP:

    Kostnadsramme og framdriftsplan vert godkjent og lagt til grunn for forprosjekt og søknad om tilskot frå Husbanken inkludert vaskeri.Rådmannen går i dialog med Husbanken om mogelege tilskot. Dei ulike alternativa vert lagd fram for kommunestyre som tek endeleg avgjerd om kva type plassar vi skal ha.

    Framlegg frå Boris Groth, FRP:

    -Det er viktig å sikra at innbyggjarane våre kan få LEVA HEILE LIVET! Dette inneber mellom anna at kommunen må ha gode, tilrettelagte og tenelege bygg i helse og omsorgstenestene. Sidan me som ein liten kommune alt er inne i ein periode med høge investeringar på ulike felt, så er det ekstra viktig å nytte dei statstilskot som er tilgjengeleg for oss, for å kunne realisere best moglege løysingar for dette innanfor våre økonomiske rammer. Oppgraderte og nye tenelege bygg i tenestene våre, med ekstra kvalitetar som «Tropehage», eige kjøkken og integrert tryggleiksteknologi, bidreg til både å gjere kvardagen i heimen for bebuarane betre og trivelegare, samtidig som fornyinga av bygga gjer arbeidskvardagen enklare og betre for våre tilsette.Frp fremjar difor fyljande forslag til vedtak:1. Kommunestyret ber rådmannen gå vidare med konsept 2B, men presiserer at minimumstal sjukeheimsplassar på Daletunet vert sett til 16 plassar.2. Kostnadsramme og framdriftsplan vert godkjent og lagt til grunn for forprosjekt og søknad om tilskot frå Husbanken, inkludert kjøkken og vaskeri.3. Rådmann får fullmakt til å tilpasse fordeling av type plassar i dialog med Husbanken for å få maksimalt tilskot. Formannskapet vert halde orientert om eventuelle justeringar.4. Det vert reetablert kjøkken på Vaksdal, som og dimensjonerast for å kunne dekke tenestene sine matbehov i kommunen. Vidare planlegging skal og ta omsyn til moglegheiter for reetablering av kjøkken også på Dale.5. I denne prosessen må det vurderast å auke tal sjukeheimsplassar på Daletunet, samstundes som ein beheld dagens tal på 5 omsorg + plassar.6. Sanering av 1930 – bygget på Dale vert vurdert lagt inn i prosjektet og funksjonane her vert i utgangspunktet relokalisert i ledig areal Daletunet og sjukeheim/nybygg på Vaksdal. Ledig uteareal etter rivinga av 1930-bygget bør vurderast tilrettelagt til m.a. betre ute/hageareal.

    Tilleggsframlegg frå Erlend Hesjedal-Johannessen på vegner av H, KRF og AP:

    Kommunestyret ber rådmann utgreie alternativ som reduserar driftskostnadane og gjer oss tenester tilpassa det reelle omsorgsbehovet i framtida. Utgreiinga skal ta hensyn til fleksibilitet i tenestene og samordning mellom forskjellige tenester, med mål om best mogleg samarbeid.I utarbeidelse av prosjektet skal det setjast ned ei gruppe (leverkårsutvalet) med mandat om å utvikla prosjektet i samråd med rådmann.

  • UTTALE TIL HØYRING OM STRATEGIDOKUMENT FOR NORDHORDLAND UNESCO BIOSFÆREOMRÅDE Hoveddokument 732KB
    Brevdato: 08.05.2020
    Dokumenttype: Saksframlegg
    Ansvarlig enhet: Samfunnsutvikling
    Sakshandsamar: Tore Henrik Øye

    Dokumenter

     

    Vedtak

    Kommunestyret i Vaksdal kommune sluttar seg til høyringsframlegget om «Strategidokument 2020-2024 for Nordhordland Biosfæreområde», med målformuleringar og handlingsprogram.

    Rådmannen inviterer leiinga i Nordhordland biosfæreområde til å informere kommunestyret om satsinga i løpet av hausten 2020.



    Behandling

    Samrøystes vedtak.

  • HØYRINGSUTTALE - NEDLEGGING/FJERNING AV DAM TROLLKJELEN, VAKSDAL Hoveddokument 1MB
    Brevdato: 08.05.2020
    Dokumenttype: Saksframlegg
    Ansvarlig enhet: Samfunnsutvikling
    Sakshandsamar: Oddbjørg Vestrheim

    Dokumenter

     

    Vedtak

    Høyringsuttale frå Vaksdal kommune

    Vaksdal kommune reagerer sterkt på tiltaket og ynskjer ikkje at Småkraft AS får løyve til å fjernedammen i Trollkjelen på Vaksdal. Kommunen er ikkje samd ikonklusjonen frå Småkraft AS og Rådgivende Biologer ASom at fjerning av dammen vil ha ubetydeleg konsekvens for kulturarv og landskap. Vaksdal kommune meiner at tiltaket vil medføre vesentlege skader og ulemper for landskapsbiletet og kulturarv.

    Dammen frå 1880 er eit kjent landemerke for Vaksdal, med murdam, vasspegel og fossefall. Dammen ligg sentralt til i bygda, og er godt synleg frå Trollkjelsvegen, fjorden og Bergensbana. Ei riving vil endre vassdraget sin karakter og kommunen meiner at ein mistar noko verdfullt i høve til ålmenne interesser som landskapsbiletet og lokal identitet. Ei tilbakeføring til slik elva/fossen var for 140 år sidan vil verken vera mogeleg eller ynskjeleg etter så lang tid.

    Dammen i Trollkjelen må sjåast i samanheng med etablering av eit opplevingssenter på Vaksdal Mølle, der det visuelle i historia vert essensielt for senteret og det pedagogiske knytt til industriell produksjon av matmjøl.

    Området er i faresone for ras- og skredfare H310_3 og faresone flaumfare. Kommunen meiner det ikkje er tilstrekkeleg vurdert og belyst risiko og konsekvensar av flaum og eventuelle lausmassar, og ber om at det vert framlagt ei vurdering i høve flaum og flaumvern av dagens bygningsmasse om dammen vert riven.

    Planstatus for området der dammen ligg, omfattar både reguleringsplan og kommuneplanen sin arealdel. Reguleringsplanen er Vaksdal del vest, med planid 1982002, reguleringsføremål friluftsområde i sjø og vassdrag. I kommuneplanen sin arealdel er området omfatta av framtidig kombinert bebyggelse og anleggsføremål.

    Kommunen meiner at det må hentast inn uttalar frå berørte partar som Norgesmøllene/Felleskjøpet, arbeidsgruppe for opplevingssenter, og berørte grunneigarar. Småkraft AS er ikkje heimelshavar til gnr. 17, bnr. 12, som på kartet utgjer halve dammen. Her er rett eigar Nils Jamne.

    Vaksdal kommune meiner at omsynet til sterke ålmenne interesser ut frå at dammen er eit gamalt og kjent landemerke på Vaksdal, lokal identitet, industrihistorie og landskapsbiletet, må vege tungt og tilseierat tiltaket er konsesjonspliktig.



    Behandling

    Samrøystes vedtak.

    Rådmannen orienterte om uttale frå Fylkesmannen i saka. Denne blir lagt ved protokollen.

  • INTERPELLASJON TIL KOMMUNESTYRET - AUKE LÅNERAMMA TIL STARTLÅN FRÅ HUSBANKEN Hoveddokument 587KB
    Brevdato: 11.05.2020
    Dokumenttype: Saksframlegg
    Ansvarlig enhet: Stab
    Sakshandsamar: Lin Tove Thomassen

    Dokumenter

     

    Vedtak

    1. Vaksdal kommune skal søkje om å utvide den årlege låneramma hos Husbanken til 6 millionar kroner.

    2. Vaksdal kommune skal formidle ordninga til potensielle målgrupper og jobbe aktivt med at fleire skal få finansiering til bustadkjøp gjennom Husbanken.

    Saka blir utgreidd og endeleg behandla i neste kommunestyremøte 23.06.2020. Søknad om utvida låneramme blir sendt etter Formannskapsmøte tidleg i juni, slik opprinneleg forslag til vedtak ligg føre.



    Behandling

    Interpellanten fekk ordet først for å presentere interpellasjonen.

    Ordføraren gav slikt svar:

    Eg vil takke representanten for å løfte saka. Ordførar ynskjer også at Vaksdal kommune skal utvide låneramma si med tanke på å utvida mogelegheita til å søke startlån, dette har vore spelt inn som eit viktig tiltak for auka busettinga i kommunen. Eg er også samd med interpellanten i at det er viktig å få høve til å eige sin eigen bustad.

    Då me mottok brev frå Husbanken, som er lagt ved til orientering i dag, tok eg derfor initiativ til å få laga ei sak om dette. Denne saka er venta til neste formannskap- og kommunestyremøte. På bakgrunn av dette ynskjer eg å vente til me har ei saksutgreiing å ta stilling til, sidan denne kjem allereie i neste møte. Eg ser fram til å realitetsbehandle ei utgreidd sak i juni, og håpar at kommunestyret i juni gjer eit vedtak som som inneber auka låneramme.

    Det vart så opna for debatt.

    Interpellanten kom med følgjande tilleggsframlegg:

    Saka blir utgreidd og endeleg behandla i neste kommunestyremøte 23.06.2020. Søknad om utvida låneramme blir sendt etter Formannskapsmøte tidleg i juni, slik opprinneleg forslag til vedtak ligg føre.

    Det vart først røysta over framlegget som ligg i interpellasjonen. Dette vart samrøystes vedteke.

    Tilleggsframlegget vart så samrøystes vedteke.

Frammøte

Frammøte
PolitikarPartiMedlemstypeE-Post
Hege Eide VikSenterpartietOrdførarordforar@vaksdal.kommune.no
Kjartan HaugsnesSosialistisk VenstrepartiVaraordførarkjartan.haugsnes@vaksdal.kommune.no
Heidi RongvedArbeiderpartietMedlemheidirongved@gmail.com
Ståle Kallestad HesjedalArbeiderpartietMedlemstale.hesjedal@vaksdal.kommune.no
Thor AndersenArbeiderpartietMedlemthor.fagforbundet@gmail.com
Ole-Anders BrekkhusArbeiderpartietMedlemole.anders.brekkhus@vaksdal.kommune.no
Lisa Natalie Johnsen LundeArbeiderpartietMedlemlisa.johnsen.lunde@hotmail.com
Anne Christin EideArbeiderpartietMedlemanne-christin@vim.no
Boris GrothFramstegspartietMedlemboris.groth@gmail.com
Edvin HesjedalHøgreMedlemedvin@hesjedal.org
Erlend Hesjedal-JohannessenHøgreMedlemmail@erlendjohannessen.com
Amalie Johnsen LundeHøgreMedlemlundeamalie@gmail.com
Trond Olav MagnussenHøgreMedlemtomagnussen@gmail.com
Arne NormannKristeleg FolkepartiMedlemanormann55@gmail.com
Renathe VikSenterpartietMedlemrenathev@hotmail.com
Ivar Rødland BergoSenterpartietMedlemivar@unimicro.no
Mona GrenasbergSosialistisk VenstrepartiMedlemmona@villanden.no
Line KydlandSosialistisk VenstrepartiMedlemlinekyd@gmail.com
Evy Beate KvammeSosialistisk VenstrepartiMedlemevy.beate.kvamme@vaksdal.kommune.no
Karin B. GrothFramstegspartietVaramedlemkaringroth.KG@gmail.com
Kjetil RødlandSenterpartietVaramedlemkroedlan@online.no
Sølvi Legårdsolvi.legard@vaksdal.kommune.no
Trygve Jakobsen (Ikke møtt) FramstegspartietMedlemtrygjakoq8@hotmail.com
Line Eide Vik (Ikke møtt) SenterpartietMedlemlinevik@hotmail.com

Kontaktinformasjon om tenesta

Vaksdal kommune
Konsul Jebsensgate 16
5722 Dalekvam
Telefon: 56594400
ACOS Innsyn levert av ACOS AS