Čoahkkin Kommunestyret 15.06.2021

Behandling

Merknad frå ordførar: Sak 53/2021 skulle ikkje vore på sakslista. Saka vart utsett i formannskapet og vil koma opp igjen i kommunestyret når ho har vore behandla i formannskapet.

Innkalling og saksliste vart samrøystes vedteke med denne merknaden.

Vedtak

Møteprotokollane vert godkjent slik dei ligg føre.

Behandling

Samrøystes vedtak.

Behandling

Kommunalsjef oppvekst Ann Kristin Bolstad orienterte om ny versjon av tempoplan (referatsak 1)

Kjartan Haugsnes bad administrasjonen sjå på vedtaket i sak 60/2018 - Strategi for kommunale anskaffingar (jfr. referatsak 2).

Innstillinga vart samrøystes vedteken.

Vedtak

Saka vert tatt til orientering

Behandling

Framlegg frå Lisa Lunde, AP:

Vaksdal kommune tilbyr barn av studenter og lærlinger gratis barnehageplass fra 01.08.2021.Definisjonen av studenter gjort i levekårsutvalget sitt vedtak 23.02.2021 ligger til grunn i forslaget med følgende punkter.• Betalt semesteravgift• Kan dokumentere en studieprogresjon i husstanden på minimum 50 prosent eller minimum en av forelder er lærling.• Husstanden har samla skattepliktig inntekt lavere enn inntaksgrensen som kvalifiserer for redusert betalingFinansiering av tiltaket gjennom bruk av dispensasjonsfond med kr 250 000Tiltaket innarbeides også i budsjettet for 2022.

Røysting:

Framlegget frå Lisa Lunde vart sett opp mot formannskapet si tilråding - framlegget fekk 7 røyster (AP, KRF) og fall.

Vedtak

Helsestasjon for ungdom utvida aldersgrensa til 25 år som eit prøveprosjekt på 1 år, med oppstart så raskt som praktisk mogeleg. Prosjektet blir evaluert og aldersgrensa blir vurdert permanent utvida etter prøveperioden.

Vaksdal kommune søkjer i 2022 tilskot til ytterligare styrking av dette tiltaket gjennom tilskotsordninga “Styrking og utvikling av helsestasjons- og skolehelsetjenesten”. Dette skal ikkje gå utover søknad om andre tiltak innenfor tenesta.

Behandling

Formannskapet si innstilling vart vedteken mot 6 røyster (AP)

Vedtak

Kommunestyret ber administrasjonen utgreie følgjande:

1. Sal/avhending av Dalehallen inkl. kostnadsanslag
Ved evn. sal må følgjande ligge til grunn.
- Krav til å behalde fasade
- Krav til aktivitet innan eit (1) år

2. Riving av Dalehallen inkl. kostnadsanslag

Oversendingsforslag:
a) Administrasjonen vert beden om å kome tilbake med sak om korleis ein kan utarbeide reguleringsplan med kulturminnegrunnlag for å få fram verneverdiane for Messo (Jebsahuset)

b) Administrasjonen vert beden om å undersøke moglegheitene for ekstern finansiering – tilskot frå fylkeskommunen, Mohn-stiftinga med fleire, gjeldande Messo (Jebsahuset)

Kommunestyret ber om at utredingen blir lagt inn i ny sentrumsplanen for Dale

Behandling

Tilleggsframlegg frå Thor Andersen, AP:

Kommunestyret ber om at utredingen blir lagt inn som en del av den vedtatte sentrumsplanen for Dale.

Redigert framlegg frå Thor Andersen, AP:

Kommunestyret ber om at utredingen blir lagt inn i ny sentrumsplanen for Dale

Røysting:

Innstillinga frå formannskapet vart samrøystes vedteken.

Redigert framlegg frå Thor Andersen vart samrøystes vedteke.

Behandling

Framlegg frå Heidi Rongved, AP:

Solskjerming av Daletunet blir bestilt, i samsvar med saksutgreiinga. Kommunedirektør innhenter tilbud på solskjerming fra leverandør.
Tiltaket vert innarbeidet i budsjettforslag for 2022.

Framlegget vart seinare trekt.

Framlegg frå Bjart-Magnus Rosvold, KRF:

Solskjerming av Daletunet vert bestilt, i samsvar med saksutgreiinga. Kommunedirektør innhentar tilbod på solskjerming frå leverandør. Tiltaket vert gjennomført iløpet av 2021. Finansiering av tiltaket sjå PS 55/21

Røysting:

Innstilling frå formannskapet vart sett opp mot framlegget frå Bjart-Magnus Rosvold - framlegget vart samrøystes vedteke.

Behandling

Saka vart utsett i formannskapet og vart difor ikkje behandla i dette kommunestyremøtet.

Vedtak

Kommunestyret godkjenner oppstart av etablering av gangløysing frå Dale sentrum til Turbinen og trafikktryggingstiltaka, i Dalseidvegen og Hestavollen / Kalvakroken. Finansiering av tiltaka sjå PS 55/21

Behandling

Framlegg frå Thor Andersen, AP:

Kommunestyret godkjenner oppstart av etablering av gangløysing fra Dale sentrum til Turbinen.De to andre trafikksikringstiltakene, i Dalseidvegen, Hestavollen og Kalvakroken, blir innarbeidd i forslag til budsjett for 2022.Kommunedirektøren undersøker muligheten for at egen organisasjon kan utføre arbeidet i Dalseidveien, Hestavollen og Kalvekroken.Arbeidet blir utført i 2022.Eining for Samfunnsutvikling får overført totalsummen på 1 350 000 for begge prosjektene.

Røysting:

Innstillinga frå formannskapet vart sett opp mot framlegget frå Thor Andersen. Thor Andersen sitt framlegg fekk 6 røyster (AP) og fall.

Vedtak

Kommunestyret godkjenner drifts- og kapitalrekneskapen for Vaksdal kommune, for 2020. I tråd med Forskrift om økonomiplan, årsbudsjett, årsregnskap og årsberetning for kommuner og fylkeskommuner mv, kapittel 4 og i same forskrift §4-3, er rekneskapen gjort opp i balanse. Mindreforbruk før avsluttande disponeringari driftsrekneskapen, på 8 693 707,-, er avsett til disposisjonsfond i tråd med forskrifta før rekneskapen vert lagt fram.

Kommunestyret godkjenner årsmelding for 2020 for Vaksdal Kommune.

I tråd med vedtak, blir det brukt 458 000,- av disposisjonsfond for å finansiere kr. 1000,- i gåve til ansatte, i tråd med vedtak 36/2021.

Budsjettjustering som følgjer blir vedtatt og tatt frå fond 256080000.

K 19400.Fordeles ansvar.Fordeles teneste

D 11201.Fordeles ansvar.Fordeles teneste

Sum 458 000,-

Kommunedirektøren får fullmakt til å fordeling midlane på rett ansvar og teneste.

Av rekneskapsmessig mindreforbruk på kr. 8 693 707,- vert kr. 3 165 000,- disponert slik:

1. Trafikksikringstiltak Dale, jfr PS 54/21

Dalseidvegen 750 000,-
Hestavollen – Kalvakroken 600 000,-
Dale sentrum – Turbinen 1080 000,-
Tilskot Vestland fylkeskommune - 590 000,-
Vaksdal kommune avsett budsj - 1000 000,-

Til finansiering: 840 000,-
2. Solskjerming Daletunet, jfr. PS 52/21

Kostnad 1 750 000;-
Gjennomførast sommaren 2021

3. Asfalt
Avsett til asfaltfond 500 000,-

4. Vegghengte fjernsyn på korttidsavdelingen Daletunet
Kr. 75 000

Tilsaman 3 165 000,-

Behandling

Framlegg frå Thor Andersen, AP:

Vaksdal kommune innfører gratis skolefritidsordning for 1 klassinger fra 1. august 2021 som en universell ordning.Ordningen blir for 2021 finansiert gjennom disposisjonsfondet med 400 000.Tiltaket innarbeides også i budsjettet for 2022.

Framlegg frå Ole Anders Brekkhus, AP:

Av disposisjonsfonds midler foreslår AP og styrke tilbudet for barn og unges psykiske helse ved å sette inn nødvendige tiltak på helsestasjonen.Budsjettet til Helsestasjonen blir styrket med kr. 450.000 for 2021.

Framlegg frå Anne Christin Eide, AP:

Daletunet har i dag 9 rom som benyttes til korttidspasienter.Pasienter som ønsker å se tv på rommet blir det i dag tilbudt stor tunge kassefjernsyn.Kommunestyret vedtar å bruke kr 75 000 av disposisjonsfondet til kjøp av vegghengte fjernsyn med dreibart veggfeste og innebygget digital mottakerboks.

Framlegget vart trekt.

Framlegg frå Thor Andersen, AP:

Av disposisjonsfond avsettes kr 1 000 000 til styrking av asfalteringsfonnet.Tidligere avsatte midler sammen med foreslått bevilget som på 1 000 000 vil gjøre at vi får til en større helhetlig asfaltering av de områdene som lå i planen ved forrige asfalteringsrunde i kommunen.

Framlegget vart trekt.

Framlegg frå Thor Andersen, på vegner av AP, KRF:

Av disposisjonsfondet avsettes kr 500 000 til ytterligere styrking av asfalteringsfondet.

Vedtaket finansieres gjennom disposisjonsfond.

Røysting:

Ordførar opplyste om at innstillinga frå formannskapet vert lagt til grunn for avrøystinga. Deretter vert det røysta over innkomne framlegg i rekkefølge.

Innstillinga frå formannskapet vart samrøystes vedteke.

Framlegget frå Ole Anders Brekkhus fekk 7 røyster (AP, KRF) og fall

Framlegget frå Thor Andersen (SFO) fekk 7 røyster (AP, KRF) og fall

Framlegget frå Thor Andersen (asfalt) fekk 9 røyster (AP, KRF, FRP) og fall

Vedtak

Tertialrapport 1 vert godkjent slik den ligg føre.

I tråd med tekstdelen til budsjett for 2021 blir overføringa til Vaksdal Næringsselskap auka med 250 000,-, til 1 250 000,- for 2021.

Følgjande budsjettjustering vert godkjent:

D 14700.7000.3250

K 19500.9990.8800

Midlane blir tatt frå Næringsfondet, 251080021.

Behandling

Formannskapet si innstilling vart samrøystes vedteke.

Vedtak

Vaksdal kommune søkjer om medlemsskap i Visit Bergen snarast råd er og seinast frå 01.01.22.

Behandling

Formannskapet si innstilling vart samrøystes vedteke.

Vedtak

Kommunestyret vedtek modell slik kjem fram i punkta under, gjeldande frå 1. august 2021.

1. Vaksdal kommune har ikkje frå 01.08.21 assisterande rådmann/kommunedirektør.

2. Vaksdal kommune skal ha kommunalsjefar innan fylgjande område:

   • Helse og meistring

   • Oppvekst og kultur

   • Digitalisering, innovasjon og samfunn

3. Vaksdal kommune skal ha stabsleiarar innan fylgjande område:

   • Økonomi og verksemdstyring

   • HR, organisasjonsutvikling og innbyggjarservice

4. Vaksdal kommune har frå 01.08.21

   • 1 einingsleiar helse og meistring

   • 2 einingsleiarar oppvekst og kultur

   • 1 einingsleiar digitalisering, innovasjon og samfunn (ny stilling)

5. I kommunedirektøren sin stab vil òg kommuneoverlege funksjonen, politisk sekretær og kommunikasjonsmedarbeidar høyre til.

6. Organisasjonsmodellen skal evaluerast etter 3 år, hausten 2024. Evalueringa skal spesielt ha fokus på korleis modellen har fungert både i høve til administrativ og politisk leiing. Vidare må ein evaluere det tverrsektorielle samarbeidet i organisasjonen. Det må òg evaluerast om einingsleiarmodellen med 2 einingsleiarar innan oppvekst og kultur og 1 innan helse og meistring er framtidsretta.

Behandling

Formannskapet si innstilling vart samrøystes vedteke.

Vedtak

Kommunestyret vel å ikkje konkurranseutsette pensjonstenestene til Vaksdal Kommune og blir dermed værande i KLP.

Behandling

Framlegg frå Boris Groth, FRP:

Vaksdal kommune konkurranseutsetter administrasjonen av pensjonstenestene, og kommunedirektøren får i oppdrag å førebu og forestå gjennomføring av konkurransen.

Røysting:

Innstillinga frå formannskapet vart sett opp mot framlegget frå Boris Groth - Framlegget frå Boris Groth fekk 3 røyster (FRP, KRF) og fall.

Vedtak

Vaksdal kommune endrar frå 1. august 2021 namn på Eksingedalen skule til Eksingedalen oppveksttun

Behandling

Innstillinga frå formannskapet vart samrøystes vedteke.

Vedtak

Vaksdal kommune endrar frå 1. august 2021 namn på Stamnes skule og Stamnes barnehage til Stamnes oppveksttun.

Behandling

Innstillinga frå formannskapet vart samrøystes vedteken.

Vedtak

Med heimel i pbl § 19-2 vert det gjeve dispensasjon frå fyljande planar og føresegner:

• Arealføremål «Bustadbebyggelse noverande» - kommuneplanens arealdel, for oppføring av omsorgsbustader

• Arealføremål «Konsentrert bustadbebyggelse» - Reguleringsplan for Jamnegarden, for oppføring av omsorgsbustader

• Regulert byggjegrense mot veg – Reguleringsplan for Jamnegarden

• Arealføremål «Anna veggrunn» - Reguleringsplan for Vaksdal del vest, for omlegging av regulert gang-/og sykkelsti

• Avstand til kommunal veg – veglova

• Tek 17, § 13-6 om krav til lydisolasjon til opphaldsrom i bustadeiningane

• Omsynnsone felles planlegging (plankrav)

Med fyljande vilkår:

Vaksdal kommune skal ved neste rullering av kommuneplanen endre arealføremålet i tråd med at arealet no vert bygd ut med omsorgsbustader.

Behandling

Innstillinga frå formannskapet vart samrøystes vedteken.

Vedtak

Med heimel i pbl § 19-2 vert det gjeve dispensasjon frå LNF føremålet i kommuneplanens arealdel til frådeling av ein parsell på ca 1200 m2 av gbnr 3/3 til oppføring av fritidsbustad.

Behandling

Innstillinga frå formannskapet vart vedteken mot 4 røyster (SV).

Vedtak

Kommunestyret godkjenner årsrekneskap og årsmelding for Vaksdal kommunale arbeids og opplæringssenter KF. I tråd med Forskrift om økonomiplan, årsbudsjett, årsregnskap og årsberetning for kommuner og fylkeskommuner mv, kapittel 4 og i same forskrift §4-3, er rekneskapen gjort opp i balanse. Mindreforbruk før avsluttande disponeringari driftsrekneskapen, på 186 084-, er avsett til disposisjonsfond i tråd med forskrifta.

Behandling

Som styremedlem i AO-senteret KF bad Boris Groth om at habiliteten hans vart vurdert. Kommunestyret vedtok samrøystes at Boris Groth er å sjå på som habil i saka.

Styret til framlegg til vedtak vart samrøystes vedteke.

Vedtak

Kommunestyret er positiv til markeringa av legatet sitt 400-årsjubileum og tek saka til orientering.

Utgifter til markeringa vert finansiert innafor kommunedirektøren sine rammer.

Behandling

Kommunedirektøren sitt framlegg til vedtak vart samrøystes vedteke.

Vedtak

Kommunestyret ber administrasjonen greie ut forslaget om å etablere Eldrestova i del av barnehagebygget på Jamne. Kommunestyret ber om at saka vert lagt fram i forkant av budsjett 2022, slik at ein kan ta stilling til om ein vil etablere Eldrestova her frå hausten 2022.

Behandling

Interpellanten fekk ordet først for å fremja interpellasjonen.

Ordførar gav slikt svar:

Spørsmål om erstatningslokale for Eldrestova på Vaksdal har blitt løfta i ulike samanhengar. Eg syns det er positivt at eldre på Vaksdal seier tydeleg at dei ynskjer å dele lokale med ungdomsklubben. Eg ser at ein kan få gode synergiar ut av å halda til i same bygg, sjølv om ein kanskje vil vera der til litt ulike tider.

Eg vil arbeida for ei løysing der Eldrestova overtar SFO-lokala på Jamne frå hausten 2022, dersom kommunestyret framleis ynskjer dette etter å ha fått saka utgreidd frå administrasjonen. Ordførar stemmer for forslaget til vedtak frå interpellanten.

Interpellanten fekk ordet først, før det vart opna for generell debatt.

Røysting:

Framlegg til vedtak vart samrøystes vedteke.

Vedtak

1. Kommunestyret ber Ordførar signere ICANs «Cities appeal»

2. Kommunestyret i Vaksdal er djupt uroa for det store trugsmålet atomvåpen er. Kommunestyret meiner at våre innbyggjarar og menneske i heile verda har rett til å leve utan slikt trugsmål. All bruk av atomvåpen, uavhengig av ulukke eller intensjon vil ha katastrofale , omfattande og langvarige konsekvensar for menneske og miljø. Difor støttar vi FN sin traktat om forbod mot atomvåpen og ber regjeringa signere traktaten.

Behandling

Interpellanten fekk ordet først for å fremja interpellasjonen.

Ordførar gav slikt svar:

Atomvåpen bør nedrustast og avviklast etter ordførar si meining. Verknaden av atomvåpen går ut over store tal sivile liv og fører til øydeleggingar i fleire tiår framover i dei berørte områda.

Hadde dette vore eit reint ordføraropprop ville ordførar signert, men denne appellen er heile kommunestyret invitert til å stille seg bak, så dersom kommunestyret ynskjer det, vil ordførar signere.

Det vart så opna for generell debatt.

Røysting:

Det vart røysta punkt for punkt:

Punkt 1 vart vedteke mot 5 røyster (FRP, H (Trond Olav Magnussen, Erlend Hesjedal-Johannessen, Amalie Johnsen Lunde))

Punkt 2 vart vedteke mot 5 røyster

Behandling

Interpellanten fekk ordet først for å fremja interpellasjonen.

Ordførar gav slikt svar:

Interpellanten trekker fram Helse og Omsorg som eit område der dei tilsette bør få betre arbeidstøy og sko, samt at Vaksdal kommune sin logo bør vera tydeleg på arbeidskleda. I arbeidet med svar på interpellasjonen har allereie fleire sider av eventuell anskaffelse av slike klede og sko blitt belyst. Det fins omsyn å ta både ift diskresjon i helsetenestene, samt at anskaffing av slikt utstyr vil ha ein økonomisk konsekvens. Ordførar tenkjer det og er naturleg å inkludere tilsette ved skule og barnehage i vurderingsgrunnlaget dersom me skal sette ei slik sak på kartet. Kanskje vil ein til slutt ønske å prioritere ei gruppe, men det er viktig at me vurderer heilheita.

Ordførar vil arbeide for at administrasjonen i første omgang legg fram ei drøftingssak i AMU og vidare til ADMU. Vidare vil eg arbeide for at Hovudverneombod og hovudtillitsvald i dei aktuelle arbeidstakarorganisasjonane vert involvert og får komme med sine syn på saka og anbefalingar. Det er viktig å få vite kva det relle og opplevde behovet til dei tilsette er. Til slutt vil eg arbeide for at me får fram ei sak til budsjett 2022.

Interpellanten fekk ordet først, før det vart opna for generell debatt.

Behandling

Interpellanten fekk ordet først for å fremja interpellasjonen.

Ordførar gav slikt svar:

I interpellasjonen vert det framført ei bekymringsmelding om manglande medverknad ved nybygg og ombygging for enkelte faggrupper. Ordførar har bedt administrasjonen om svar på dette, og fått følgjande tilsendt:

Under heile prosessen med utarbeiding av ulike alternativ i mogelegheitsstudie ved omsorgsbygg på Vaksdal har det vore brei medverknad der alle faggrupper har vore representerte.

· Ansvarlege leiarar innan helse og omsorg og samfunnsutvikling har vore fast med i prosjektgruppe og seinare byggherregruppe. Dei har hatt ansvar for å involvere relevante fagpersonar eller grupper gjennom heile løpet. Heilt frå starten har alle vore involvert representert gjennom tillitsvalde og verneombod og i tillegg gjennom fagleg representasjon.

· Det vart tidleg oppretta arbeidsgrupper for ressurssenteret (Vaksdal) og helsehuset (Dale), desse har også vore kryssrepresentert. Tillitsvalte og verneombod, i tillegg til ressurspersonar innan ulike fagfelt, var fast med i arbeidsgruppene, i tillegg vart andre innkalla når det var fagleg relevant.

· Mange, både tillitsvald, verneombod og representantar frå fagområda, var med på besøk og omvising til tilsvarande bygg i andre kommunar

· I ulike fasar av prosjektet har ulike faggrupper vore direkte med i planlegginga. Dette gjeld til dømes: Vaktmester, vaskeri, reinhald, kjøkken, VA-teknisk, gartnar/veg/grønt anlegg, ergo og fysio, lege, psykisk helse og rus og ulike andre fag/profesjonar innan helse. Mange har vore med på fagdagar med ulike tema som har relevans til bygget.

· Etter vedtak om bygging på Vaksdal var mange faggrupper i sving med den siste planlegginga før søknad om godkjent prosjekt til Husbanken. Faggruppene i helse og kommunaltekniske tenester med eigedom og reinhald/vaskeri har vore særleg involvert. Dette er lagt til grunn for utforming av anbodet. I sjølve anbodsprosessen har det vore mindre aktivitet i gruppene, men når utbyggar er valt og prosjektet tar til i haust vert det igjen brei medverknad i gjennomføringsfasen. Ulike fag vert involvert i ulike delar av utbygginga.

I heile prosessen har det vore breiare medverknad enn vanleg i eit mogelegheitsstudie. Det har vore ønskeleg og bevisst for å få eit så godt konsept som mogeleg, og me er glade for at så mange har engasjert seg i arbeidet og har kome med nyttige bidrag. Dette la også Husbanken vekt på.

I anbodsprosessen har kommunen hatt ekstern bistand frå profesjonell aktør me har rammeavtale med gjennom Bergensavtalen (innkjøpssamarbeidet). Dette er me heilt avhengig av på slike store prosjekt.

Interpellanten spør om me kan nytte eigne tilsette som prosjektleiarar.

-Me er heilt avhengig av innleige av erfaren prosjektleiar for slike store prosjekt. Slike store prosjekt har me sjeldan og det er vanskeleg for oss å tiltrekke oss og behalde denne type kompetanse. Kommunar langt større enn oss kjøper også denne type kompetanse i slike store prosjekt.

Me opplever å ha ein svært erfaren og dyktig prosjektleiar både på Omsorgsbygg-prosjektet og på Vaksdal skule. Prosjektleiar følgjer alle våre rutinar og retningsliner for gjennomføring av prosjektet. Det er store krav til medverknad og dette opplever me vert fylgt godt opp. Me har ikkje fått klager påmanglande medverknad etter at ekstern prosjektleiar tiltredde, snarare det motsette. Om nokon har klager ber me om at dei tar kontakt med oss slik at det kan rettast. Me er avhengig av ryddige forhold og godt samarbeidsklima også når me kjøper inn ekstern kompetanse. Om det er forhold som må korrigerast skal det sjølvsagt skje. Generelle «påstandar» om at det blir dårleg medverknad med innleigde prosjektleiarar er upresist, og bør konkretiserast.

-Har alt fungert optimalt heile tida? Nei. I ein tidleg fase i prosjekta på Vaksdal skule og Oppveksttunet på Stamnes opplevde me litt mangelfull medverknad. På Vaksdal var det knytt til gjennomføring av arkitektoppdrag og dette vart tatt opp og retta med leverandør. På Stamnes var det manglar i prosjektet knytt til intern oppfylging og leiing, dette var oppdaga litt seint i prosessen, men vart raskt tatt tak i då det vart oppdaga. Dette skjedde før ekstern prosjektleiar vart engasjert.

Fins det prosedyrar for kven som skal medverke på kva nivå i prosjektgjennomføringa?

Me har prosedyrer/maler for prosjektgjennomføring. Til dømes i prosjektplanar der medverknad er eige punkt som skal fyllast ut. Her skal det skisserast både intern og ekstern medverknad og representasjon i prosjektgrupper, arbeidsgrupper og referansegrupper. I byggeprosjekt skal til dømes kommunaltekniske fag og reinhald vera involvert, det vart tatt inn i rutinane i 2015. Styringsgruppe og prosjektleiar har ansvar for å fylgje dette opp.

Alle relevante fag skal vera involvert i prosessen, men ikkje nødvendigvis vera med i alle faser av arbeidet, det kan verte for ressurskrevande. I større byggeprosjekt som Vaksdal skule og bygg helse og omsorg er mange fag involvert. I tillegg er tillitsvalde med som representantar for tilsette og verneombod som skal sikre HMT delen. Byggeprosjekt vert også presentert og handsama i arbeidsmiljøutvalet.

Spørsmål: Vil ordføreren gå i samtale med administrativledelse om fremtidig medvirkning for å sikre at alle kommunale faggrupper blir representert med fagpersonell i styringsgruppene, nå og i framtiden ved nåværende og fremtidige nybygg og rehabiliteringsarbeid på kommunale bygg og at vakante og ubesatte stillinger i plan og bygning samfunnsutvikling blir besatt.

Første del av spørsmålet reknar eg som svart ut frå administrasjonen, det har vore brei medverknad. Dersom det ikkje er tilfelle treng me konkrete tilbakemeldingar på kven som skulle vore involvert kvar, slik at me kan rette opp dette i framtidige prosjekt.

Til andre del av spørsmålet: Det er sett som mål for Kommunedirektøren i 2021 at det skal tilsettast i stillingar innan eining for Samfunnsutvikling. Her er kommunedirektøren i ein prosess som heng saman med organisasjonskartet me også har hatt oppe som sak i dag, og det er venta at ein vil nå målsettinga om tilsetting i inneverande år.

Vil ordføreren i framtiden arbeide mot alle typer arbeidskriminalitet og at vedtak blir stadfestet og utdype jf punktene i vedtak 70/2017?

I sak 70/2017 var desse to punkta sett inn i avtalen:

-Totalentrepenør og underentrepenørar skal ha tariffavtale.

- Alle utførande firma skal vera godkjende læreverksemder. Det skal nyttast lærlingar i gjennomføringa av byggeprosjektet.

Interpellanten sitt spørsmål har samanheng med ein nyleg diskusjon i Formannskapet. Me vart bedt om å tolke desse vedtaka, og kva dei inneber for firma som skal legge inn anbod til Vaksdalkommune. Ordførar vil ta initiativ til at administrasjonen lagar gode formuleringar i klart språk som tar opp i seg intensjonen i desse punkta og sikrar at me held oss innafor lovar og reglar. Desse formuleringane bør me legge til grunn i framtidige prosjekt. Ordførar meiner at me med vedtak i sak 70/2017 forplikta oss til å arbeide mot arbeidslivskriminalitet, og vil halde fram med dette.

Interpellanten fekk ordet først, før det vart opna for generell debatt.

Behandling

I reglementet for kommunestyret er det sett av 1 time til interpellasjonar. Denne tida vart overskriden, og interpellasjonen vart i møtet fremje på nytt til neste møte.

Behandling

I reglementet for kommunestyret er det sett av 1 time til interpellasjonar. Denne tida vart overskriden, og interpellasjonen vart i møtet fremje på nytt til neste møte.

Vedtak

Kommunestyret i Vaksdal kommune sluttar seg til måla og strategiane i Vestland fylkeskommune sin vassforvaltningsplan, som grunnlag for å sikre ei felles, berekraftig forvaltning og bruk av vassressursane på tvers av sektormynde.

Kommunestyret i Vaksdal er samd i målet om å betre miljøforholda i regulerte vassdrag. Kommunen har kravd revisjon av konsesjonsvilkåra for Eksingedalsvassdraget og Bergsdalsvassdraget.
For Vaksdal kommune er det naturleg å sjå regional plan for vassforvaltning i samanheng med dei pågåande revisjonane. Nye konsesjonsvilkår og tiltak vert tatt med i vassforvaltningsarbeidet.

Framstillinga av prioriterte tiltak i Vaksdal kommune i «Vann-nett» for 2022-2027, er i samsvar med tiltak som kommunen har meldt inn.

Behandling

Kommunedirektøren sitt framlegg til vedtak vart samrøystes vedteke.