Čoahkkin Administrasjonsutvalet 30.11.2021

Vedtak

Innkalling og saksliste vert godkjent.

Behandling

Heidi Rongved, Ap viste til førre møte i Administrasjonsutvalet då arbeidstakarorganisasjonane ba om at utvalet bør få høve til å behandle budsjettet før formannskapet innstilte til kommunestyret. Dette vart ikkje følgt opp i år, men ho ber om at det vert følgt opp neste år.

Innkalling og saksliste vart samrøystes godkjent.

Vedtak

Saka tas til orientering, og utvalet sluttar seg til tidsplanen skissert i saksutgreiinga.

Behandling

Utvalet drøfta saka.

Utvalet la fram følgjande forslag til vedtak:

Saka tas til orientering, og utvalet sluttar seg til tidsplanen skissert i saksutgreiinga.

Fellesforslaget vart samrøystes vedteke.

Vedtak

Administrasjonsutvalet ber om utvalet vert involvert i prosessen. Dette gjer til at:

- Det vert lagt opp til ekstramøter i adm. utvalet - fortrinnsvis saman med formannskapet våren 2022
- Strategiane vert handsama punktvis
- Ber om at tidsplan vert følgt med vedtak i kommunestyret juni 2022

Behandling

Administrasjonsutvalet drøfta saka.

Kommunedirektøren svarte på spørsmål.

Administrasjonsutvalet la fram følgjande forslag til vedtak:

Administrasjonsutvalet ber om utvalet vert involvert i prosessen. Dette gjer til at:

- Det vert lagt opp til ekstramøter i adm. utvalet - fortrinnsvis saman med formannskapet våren 2022
- Strategiane vert handsama punktvis
- Ber om at tidsplan vert følgt med vedtak i kommunestyret juni 2022

Administrasjonsutvalet sitt framleg til vedtak, vart samrøystes vedteke.

Vedtak

Administrasjonsutvalet tel saka til orientering.

Administrasjonsutvalet ber om at arbeidstakarorganisasjonane vert involvert så tidleg som mogleg ved forslag budsjett, omorganisering eller organisasjonsendring. Vaksdal Kommune har som målsetting at ingen skal seiast opp som følgjer av omstillingsprosessar. Eventuell nedbemanning skal først løysast gjennom frivillege avtalar, omplassering til anna arbeid i kommunen eller omskulering - vidareutdanning.

Behandling

På vegne av fagforbundet la Margrethe Kydland fram følgjande tilleggsforslag:

Administrasjonsutvalet understreker at det er viktig at arbeidstakarorganisasjonane blir involvert så tidleg som mogleg ved omorganisering eller andre tiltak som følge av budsjettet. Administrasjonsutvalet meiner at ingen skal seiast opp som følge av innsparingar eller omorganisering.

Thor Andersen, Ap gjekk gjennom Arbeidarpartiet sitt tilleggsforslag for budsjett 2022. Endingsforslaget var ikkje endeleg og det vil bli justeringar før det vert lagt fram for kommunestyret 14. desember.

På vegner av SV, Høgre og Frp la Erlend Hesjedal- Johannessen fram følgjande tilleggsforslag:

Administrasjonsutvalet understreker at det er viktig at arbeidstakarorganisasjonane blir involvert så tidleg som mogleg ved omorganisering eller andre tiltak som følge av budsjettet. Administrasjonsutvalet meiner at ingen skal seiast opp som følge av innsparingar eller omorganisering.

Administrasjonsutvalet tek saka til orientering.

Fagforbundet sitt forslag vart sett opp mot SV,H og Frp sitt forslag til vedtak:

Fagforbundet sitt vedtak fekk 4 stemmer (Thor Andersen, Ap, Heidi Rongved, Ap, Alexandra Nilsen, Fagforbundet, Margrethe Kydland, Fagforbundet) mot fellesforslaget som fekk 4 stemmer (Kjartan Haugsnes, SV, Erlend Hesjedal- Johannessen, H, Trond Olav Magnussen,H, Boris Groth, Frp).

Dersom tal stemmer for dei ulike forslaga er likt, er det møteleiar Kjartan Haugsnes, SV sin stemme som vart avgjerande, jamfør kommunelova § 11-9 og forslaget til SV, H og Frp vart vedteke.