Čoahkkin Kommunestyret 04.05.2021

Behandling

Samrøystes vedtak.

Behandling

Skriftlege svar på spørsmåla er sendt på epost til representantane.

Samrøystes vedtak.

Vedtak

Vaksdal kommunestyre sender følgjande høyringsuttale til oppstart av planarbeid og planprogram for interkommunal plan for sjøområda i Nordhordland:

• Vaksdal kommune ser det som positivt at sjøområda i Nordhordland vert heilskaplegvurderte gjennom denne interkommunale planen, og at FN sine berekraftsmål er i fokus for planarbeidet. Dette vert ytterlegare styrka gjennom Nordhordland sin nye status som UNESCO biosfæreområde.

• Planarbeidet bør vurdere aktuelle område for utfylling i sjø med tanke på etablering av nye potensielle bustad- og næringsareal.

• Planarbeidet bør så langt det er mogleg, tilstrebe å samordna arealbruk, føresegnerog omsynssoner med dei andre kommunane som deler same fjordsystem.

• Kommuneplan for Vaksdal dannar grunnlag for arbeidet med Vaksdal kommune sine sjøareal.

• Planen bør ta høgde for ein eventuell auka bruk av sjøareala til turistformål, jf.ynskjer om oppstart av nye båtruter i reiselivssamanheng, samt moglege cruiseanløp.

• Viktige leve- og oppvekstområde for fisk og dyr må ivaretakast av planen.

• Planen må vurdere sjøareal tilknytt maritime kulturminne. Planen må sikra tilstrekkelege areal, men ikkje bandlegge areala på ein slik måte at dei hindrar framtidig bruk.

Behandling

Formannskapet si innstilling vart vedteken mot 1 røyst (Mona Grenasberg, SV).

Vedtak

Kommunestyret godkjenner «Retningslinjer for tildeling av kulturpris» slik dei ligg føre, med følgjande endringar:

Ny tekst:
I vurderinga av kandidatar til kulturprisen skal ein ha ein brei innfallsvinkel, slik at mange typar kulturtiltak skal kunne vurderast.

Ny siste setning i dei nye retningslinjene:
Prisutdelinga blir primært lagt til Daledagane.

Behandling

Formannskapet si innstilling vart samrøystes vedteken.

Vedtak

Stortings- og sametingsvalet vert halde på fastsett dag, måndag 13. september.

Behandling

Valstyret si innstilling vart samrøystes vedteken.

Vedtak

Kommunestyret har ingen merknader til høyringa.

Behandling

Formannskapet si innstilling vart samrøystes vedteken.

Vedtak

Kommunestyret i Vaksdal kommune vel Deloitte AS som revisor frå 01.07.2021- 30.06.2025

Behandling

Kommunestyret vedtok samrøystes at Kjartan Haugsnes, SV, er ugild i saka i medhald av fvl § 6 2.ledd.

Nestleiar i kontrollutvalet, Anne Christin Eide, orienterte.

Kontrollutvalet si tilrådng vart samrøystes vedteken.

Vedtak

Kommunestyret ber administrasjonen gjere klart ei ordning der alle fast tilsette i Vaksdal kommune får innkjøp for kr. 1000,- refundert av kommunen. Alle som er i samanhengande vikariat med 3 mnd. varighet eller meir per. 27.04.21 er også inkludert i ordninga.
Det er kun kvittering for innkjøp gjort i Vaksdal kommune som vert refundert.
Tilsette må nytta seg av ordninga mellom 15.06.2021 og 15.11.2021
Ordninga vert finansiert med overskot på årsrekneskapen frå 2020.
Administrasjonen skal sikre god informasjon ut til alle tilsette om ordninga, vilkåra og praktisk gjennomføring.

Behandling

Interpellanten fekk ordet først for å fremja interpellasjonen.

Ordførar gav slikt svar:

Frå applaus til synleg takk – eit gåvekort til alle tilsette

I over eit år har Vaksdal kommune, til liks med alle andre kommunar, vore i koronadrift. Det inneber at ein vesentlig del av arbeidstida til våre tilsette på alle nivå går med til å planlegge oppgåver i høve reglar og anbefalingar, tilrettelegge for smittevern og utføre arbeidet sitt på ein måte som ivaretar smittevern og alle som brukar dei ulike tenestene våre. Dette har krevd fleksibilitet og tålmod frå samtlege tilsette og dei har strekt seg langt, lengre enn nokon ville forventa før mars 2020. Organisasjonen har utvikla seg, og på enkelt område tatt sjumilssteg for å tilpasse seg pandemien.

Interpellanten løfter ei god sak som det er lett å seia «ja» til. Dei tilsette fortener all mogeleg takk, på alle vis. At kommunen lar ein del av overskotet frå «koronaåret» 2020 komme sine eigne tilsette til gode er ein fin gest som ordførar støttar. I forslaget ligg det inne ein førestnad om å handle lokalt. Slik vil pengane komme det lokale næringslivet vårt til gode, og effekten vil bli dobla.

Det som er krevjande med denne saka er å treffa godt nok dei som faktisk har arbeidd for kommunen i koronatida. I tillegg til fast tilsette har me arbeidstakarar i vikariat. Eg foreslår difor at dei som per 27.04.21 er i samanhengande vikariat med 3 mnd varighet eller meir vert inkludert i ordninga.

Til den praktiske gjennomføring, har administrasjonen følgjande innspel:

Etter vurdering av ulike måtar å løyse utbetalinga på konkluderer administrasjonen med at den ordninga som treff best er refusjon av kjøp. Kvar tilsett vil kunne gjera innkjøp inntil kr. 1000,- som dei kan kreve refundert av Vaksdal kommune (det gjer ikkje noko om summen på kvitteringa er høgare enn kr. 1000,-). Berre kvittering for varer handla lokalt vil bli refundert. Denne løysinga er etter ei totalvurdering sett som den beste. Vidare vil det vera tenleg at fristen for å nytte ordninga vert sett tidleg nok til å sikre at refusjonane vert behandla innafor rekneskap for 2021.

Ordførar sitt framlegg til vedtak:

Kommunestyret ber administrasjonen gjere klart ei ordning der alle fast tilsette i Vaksdal kommune får innkjøp for kr. 1000,- refundert av kommunen. Alle som er i samanhengande vikariat med 3 mnd. varighet eller meir per. 27.04.21 er også inkludert i ordninga.

Det er kun kvittering for innkjøp gjort i Vaksdal kommune som vert refundert.

Tilsette må nytta seg av ordninga mellom 15.06.2021 og 15.11.2021

Ordninga vert finansiert med overskot på årsrekneskapen frå 2020.

Administrasjonen skal sikre god informasjon ut til alle tilsette om ordninga, vilkåra og praktisk gjennomføring.

Interpellanten fekk så ordet, før det vart opna for generell debatt.

Endringsframlegg frå Ole-Anders Brekkhus, AP:

Vaksdal kommune styrkar tilbodet for born og unges psykiske helse ved å setje inn naudsynte tiltak på helsestasjonen. Budsjettet til Helsestasjonen vert styrka med kr. 450.000 for 2021.

Røysting:

Framlegget frå Edvin Hesjedal som ligg i interpellasjonen vart trekt.

Ordførar sitt framlegg til vedtak vart sett opp mot Ole-Anders Brekkhus sitt framlegg - Ordførar sitt framlegg fekk 15 røyster (SP, SV, H, FRP, KRF), Ole-Anders Brekkhus sitt framlegg fekk 6 røyster (AP) og fall