Møte i Kommunestyret den 07.09.2021

Behandling

Samrøystes vedteke.

Vedtak

Møteprotokollenvert godkjent slik han ligg føre.

Behandling

Samrøystes vedteke.

Vedtak

Kommunestyret vedtek at folkevalde organ kan gjennomføre politiske møte som fjernmøte, som eit sekundært alternativ til fysiske møte.

Det skal væra ein tungtvegande grunn til å velja fjernmøte, og årsaka skal koma klart og tydeleg fram i innkallinga.

Det vert ikkje opna for at enkeltmedlemmer kan delta i ordinære folkevalde møter frå digitale plattformar.

Ombodsutvalet får i oppdrag å utarbeide reglar/rammene for bruk av fjernmøter, som etter sakshandsaming takast inn i reglementa til dei folkevalde organa sine reglement.

Behandling

Kommunestyret drøfta saka.

Formannskapet si tilråding vart samrøystes vedteke.

Vedtak

Kommunestyret gjev slik uttale til Regional transportplan for Vestland 2022 -2033:

Utfordringane langs fylkesvegnettet i Vaksdal kommune er mange og behovet for rassikring, opprusting og utviding er stort.

Fv 569 er særs viktig for Vaksdal kommune og for samarbeidet i Nordhordlandsregionen. Fylkesvegen bind saman kommunane i regionen og gir grunnlag for felles utvikling.

Standard og tilstand på denne viktige vegen avgrensar mogelegheitene for bustad- og næringsutvikling i denne delen av kommunen. I tillegg er vegen utsett for årlege steinsprang og ras med dei konsekvensar og utryggheit det medfører. Deler av vegen erogså flaumutsett.

I Stamnesområde er Fv 569 skuleveg og behovet for betre tilrettelegging for mjuke trafikantar er stort.

Fjordlandskapet i denne delen av kommunen har gode utviklingsmogelegheiter. Ei større oppgradering og sikring av vegen er avgjerande for å kunne realisere dette potensialet.

Fv 569 er ein viktig omkøyringsveg når E16 er stengt og på dagar med stor trafikk og kø. Behovet for omkøyringsveg blir minst like viktig i denne planperioden med tanke på oppstart av arbeidet med ny E16 og bane Arna – Stanghelle.

Kommunestyret ber om at FV 569 vert prioritert i denne planperioden av RTP. Utbetringar og sikring av Fv 569 hastar og bør setjast i gang tidleg i planperioden.

Det er viktig at utstyr for vintervedlikehald er plassart langs Fv 569 og Fv 5410.

Berekraftig mobilitet.
Vaksdal kommune syner til pkt. 4.2.3.1 i planen og vil påpeike at for vår kommune vil berekraftig mobilitet i stor grad kunne løysast gjennom å betre rutetilbod, korrespondanse og billettprisar knytt til tog på Vossebanen.
Vaksdal kommune vil på det sterkaste oppmode om at enkeltbillettar på tog Voss – Bergen får same takst som i sone A Vaksdal ber og fylkeskommunen om å krevje at VY og vert ein del av utprøvinga av nytt billettsystem SMART snarast.

Drosje
Vaksdal kommune syner til høyringsutkast kap. 4.2.3.6. Vaksdal kommune er potensielt ein kommune som kjem til å få forringa eller miste drosjetilbodet etter endring i yrkestransportlova. Vaksdal kommune ber om at om fylkeskommunen må tildele drosjeløyve med einerett i områder utan tilbod men at ein slik einerett set som vilkår at dette vert løyst gjennom sentral og drift utover plikt og avtalekøyring. Tildeling av einerett bør og skje gjennom dialog med dei aktuelle kommunane.

Båtruta i indre Osterfjord er viktig for Vaksdal kommune for å oppretthalde busetnad, beredskap, ta vare på kulturlandskap og for å utvikle turistnæringa.

Vidare er det viktig med god innfartsparkering for at folk skal nytta kollektiv transport.

Sykkel
Ved framtidig realisering av K5 vil Vaksdal kommune peike på at Vlfk bør arbeida for sykkelveg på gamal jernbanetrase. Målet må vera ein samanhengane sykkelveg frå Haugastøl til Bergen.

Behandling

På vegne av Arbeidarpartiet la Thor Andersen, Ap fram følgjande tilleggsforslag:

Med følgende tekst og avsnitt:

Det er viktig at utstyr for vintervedlikehald er plassart langs Fv 569 og Fv 5410.

Kollektivtrafikk
Båtruta i indre Osterfjord er viktig for Vaksdal kommune for å oppretthalde busetnad, ta vare på kulturlandskap og for å utvikle turistnæringa.
I delar av kommunen er drosje viktig for å kunne reise, særleg for eldre folk. Vestland fylkeskommune bør arbeide for et regulert drosjemarked med seriøse aktører som oppfyller samfunnskontrakten og sikrer en helhetlig drosjenæring i fylket hvor tilbudet er likt om du bor i byen eller i distriktet.
Når det gjeld mobilitet og kollektivtransport er det viktig å få utvida område med einheitstakst for buss og bane til heile strekninga Bergen – Voss, både når det gjeld periodebillett og enkeltbillett gjerne etter modell frå Ruter i Osloområdet.
Vidare er det viktig med god innfartsparkering for at folk skal nytta kollektiv transport.

Sykkel
Ved framtidig realisering av K5 vil Vaksdal kommune peike på at det bør planleggjast for sykkelveg på gamal jernbanetrase. Ein vil då kunne ha ein samanhengane sykkelveg frå Haugastøl til Bergen.

På vegner av Sp, SV og Høgre la Kjartan Haugsnes, SV fram følgjande tilleggsforslag:

1. Berekraftig mobilitet.
Vaksdal kommune syner til pkt. 4.2.3.1 i planen og vil påpeike at for vår kommune vil berekraftig mobilitet i stor grad kunne løysast gjennom å betre rutetilbod, korrespondanse og billettprisar knytt til tog på Vossebanen.
Vaksdal kommune vil på det sterkaste oppmode om at enkeltbillettar på tog Voss – Bergen får same takst som i sone A Vaksdal ber og fylkeskommunen om å krevje at VY og vert ein del av utprøvinga av nytt billettsystem SMART snarast.

2. Drosje
Vaksdal kommune syner til høyringsutkast kap. 4.2.3.6. Vaksdal kommune er potensielt ein kommune som kjem til å få forringa eller miste drosjetilbodet etter endring i yrkestransportlova. Vaksdal kommune ber om at om fylkeskommunen må tildele drosjeløyve med einerett i områder utan tilbod men at ein slik einerett set som vilkår at dette vert løyst gjennom sentral og drift utover plikt og avtalekøyring. Tildeling av einerett bør og skje gjennom dialog med dei aktuelle kommunane.

Kommunestyret drøfta saka.

Boris Groth, Frp la fram eit justert forslag til Sp,Sv og Høgre sitt tilleggsforslag med endring i punkt 2:

1. Berekraftig mobilitet.
Vaksdal kommune syner til pkt. 4.2.3.1 i planen og vil påpeike at for vår kommune vil berekraftig mobilitet i stor grad kunne løysast gjennom å betre rutetilbod, korrespondanse og billettprisar knytt til tog på Vossebanen.
Vaksdal kommune vil på det sterkaste oppmode om at enkeltbillettar på tog Voss – Bergen får same takst som i sone A Vaksdal ber og fylkeskommunen om å krevje at VY og vert ein del av utprøvinga av nytt billettsystem SMART snarast.

2. Drosje
Vaksdal kommune syner til høyringsutkast kap. 4.2.3.6. Vaksdal kommune er potensielt ein kommune som kan få forringa eller miste drosjetilbodet etter endring i yrkestransportlova. Vaksdal kommune ber om at fylkeskommunen må tildele drosjeløyve med einerett i områder utan tilbod. Tildeling av einerett må skje gjennom dialog med dei aktuelle kommunane.

Arbeidarpartiet ved Thor Andersen ba om gruppemøte. Ordførar samtykka.

På vegne av Arbeidarpartiet la Thor Andersen, Ap fram justert tilleggsframlegg:

Kollektivtrafikk
1. Båtruta i indre Osterfjord er viktig for Vaksdal kommune for å oppretthalde busetnad, beredskap, ta vare på kulturlandskap og for å utvikle turistnæringa.
2. I delar av kommunen er drosje viktig for å kunne reise, særleg for eldre folk. Vestland fylkeskommune bør arbeide for et regulert drosjemarked med seriøse aktører som oppfyller samfunnskontrakten og sikrer en helhetlig drosjenæring i fylket hvor tilbudet er likt om du bor i byen eller i distriktet.
3. Når det gjeld mobilitet og kollektivtransport er det viktig å få utvida område med einheitstakst for buss og bane til heile strekninga Bergen – Voss, både når det gjeld periodebillett og enkeltbillett gjerne etter modell frå Ruter i Osloområdet.
4. Vidare er det viktig med god innfartsparkering for at folk skal nytta kollektiv transport.

Sykkel
5. Ved framtidig realisering av K5 vil Vaksdal kommune peike på at Vlfk bør arbeida for sykkelveg på gamal jernbanetrase. Målet må vera ein samanhengane sykkelveg frå Haugastøl til Bergen.

Tilleggsforslaget erstatta tidlegare framlagt forslag som omhandla kollektivtrafikk,

Røysting

Formannskapet si innstilling vart samrøystes vedteke.

Arbeidarpartiet sitt punkt om vintervedlikehald frå tilleggsforslaget vart samrøystes vedteke.

Sp, SV og H sitt punkt 1, bærekraftig mobilitet vart sett opp mot Ap sitt punkt 3 i justert tilleggsframlegg. Sp, Sv og H sitt tilleggsframlegg vart vedteke med 13 stemmer (SV,Sp,H, Frp) mot 7 stemmer (Ap, Krf).

Sp, SV og H sitt punkt 2, Drosje, vart sett opp mot Frp sitt justert tilleggsforslag punkt 2. Sp,Sv og H sitt framlegg fekk fleirtal med 15 stemmer (Sp,Sv og Ap) mot 5 stemmer (Frp, H).

Sp, Sv og H punkt 2, Drosje, vart deretter sett opp mot Ap sitt justerte tilleggsframlegg punkt 2. Sp, Sv og H sitt punkt 2 vart vedteke med 13 stemmer (Sp,Sv,H, Frp) mot 7 stemmer (Ap,Krf).

Arbeidarpartiet sitt justerte framlegg punkt 1, båtrute, vart samrøystes vedteken.

Arbeidarpartiet sitt justerte framlegg punkt 4, innfartsparkering, vart samrøystes vedteke.

Arbeidarpartiet sitt justerte framlegg punkt 5, sykkel vart vedteke med 15 stemmer (Ap, Sp, SV, Krf) mot 5 stemmer (Frp, H).

Vedtak

Dokumentunderlaget til søknaden er fyldig og gir et godt grunnlag for å vurdere massedeponeringa i sjø som Statens vegvesen søker om.

Med tanke på dokumentasjon nemnt ovanfor og kommentarar knytt til dem, ber Vaksdal kommune om at det kontinuerleg vert jobba med å finne samfunnsnyttig bruk av så mykje av massane som mogleg. Det bør utarbeidast ein plan for korleis tiltakshavar vil jobbe med dette.

Dokumenta verkar å ta lite omsyn til mogeleg inntening ved transport av massar, det er i hovudsak fokus på kostnader ved transport. Massar er ein ressurs, og ein må anta at mottakar ser på transporterte masser som ei vare det er naturleg å betale for.

Søknaden går relativt grundig gjennom dei ulike miljøområda og verknader av massdeponering på dei. Oppsummert er det vurdert at langt dei fleste ulempene og potensielt skadelege effektane av deponering vert unngått ved lukka nedføringsmetode.

Metoden er ny og ikkje utprøvd/ veldokumentert. Vi meiner difor at risikoen med deponering er middels til stor. Dersom det blir utfordringar med nedføringsmetoden, vil dette føre til store konsekvensar over anslagsvis langt tidsrom. Dette gitt at lengre stans i prosjektet er for kostbart å gjennomføre. Den skisserte nedføringsmetoden må prøvast ut og dokumenterast, til dømes som eit pilotprosjekt med overvaking av løysninga robustheit, plassering av massane på botn, finstoffet sitt nedfall sett opp mot teoretisk antatt spreiing og faunareaksjonar, for å nemne noko.

Med tanke på sårbare lokalitetar, bør det være turbiditetsovervaking også ved disse. Gjerne på nokre meters djupne for å ivareta spreiing av finstoff utanom overflatespreiing. All overvaking bør være basert på sanntidsmålingar med varsling til driftsansvarleg på aktuelt skift. Varsling som ikkje har sin årsak i utanforliggande forhold bør avvikshandsamast.

Deponiområda og tunnel/tverrslagene må ikkje være til hinder for framtidig bruk av den gamle Vossebanen. Traséen bør unngåast under anleggsarbeida.

Oppsummert:

1. Vaksdal kommune oppmodar tiltakshavar til å fortsette arbeidet med å finne samfunnsnyttig bruk av massane. Tiltakshavar må lage ein plan for korleis ein vil jobbe vidare med dette.

2. Vaksdal kommune meiner den skisserte nedføringsmetoden må prøvast ut og dokumenterast, eksempelvis som et pilotprosjekt med overvaking av funksjon og ulemper.

3. Vaksdal kommune framhevar sårbare område som Daleelva, Fossmark og Sandvik/Langhelle. Ved disse plassane må ein vise aktsemd.

Endringsframlegg:

Ber om at ein ser på om teksten i 5.avsnitt kan gjerast litt meir klar.

Behandling

Heidi Rongved, Ap la fram følgjande endringsforslag:

Ber om at ein ser på om teksten i 5.avsnitt kan gjerast litt meir klar.

Formannskapet si tilråding vart samrøystes vedteke

Endringsframlegg om klargjering av tekst i avsnitt 5 vart samrøystes vedteke.

Vedtak

Vaksdal kommune viser til offentleg høyring av planforslag for E16 og Vossebanen, Arna – Stanghelle av dato 12.05.2021. Me gjer merksam på at høyringsinnspel frå Vaksdal kommune i hovudsak konsentrerer seg om dei to stasjonsbyane Stanghelle og Vaksdal og verknader for innbyggarane i Vaksdal kommune.

Det er viktig at løysingane gir gode, attraktive og berekraftige stasjonsbyar, og at «Nasjonale forventningar til regional og kommunal planlegging» er ein grunnstein i planarbeidet. Løysingane må stø opp om dei regionale planane for transport og arealbruk, samt stø opp om ei regionutviding austover frå Bergen. Ny veg og bane vil vere ei kraftfull utviding av bu- og arbeidsmarknaden i regionen. Det er ei viktig satsing for miljøvenleg transport og eit tilskot til eit bilfritt Bergen sentrum. Løysingane må unngå å skape auka behov for lokalt vegnett og transport – fotavtrykket må vere så lite som mogleg.

Vaksdal kommune understrekar at samarbeidet med prosjektet har vore godt. For det videre arbeidet meiner Vaksdal kommune det er avgjerande at sjølve bygginga av bane og veg vert sett i gang så snart som mogeleg, og slik sikre vekst og utvikling av dei to stasjonsbygdene. I dette ligg også at ei etappevis utbygging ikkje må splittast i veg og bane. Dersom prosjektet ikkje blir fullfinansiert i komande NTP, må alternativ E leggast til grunn.

For massedeponi og massehandtering, viser Vaksdal kommune til tidlegare innspel. Veafjorden og Sørfjorden nord frå stasjonsbyen Vaksdal er del av nasjonalt verneområde for Vossolaksen. Daleelva, med utløp ved Stanghelle har også ei lita, svært verdifull laksestamme. Det er viktig at sårbare verdiar vert ivaretatt i val av løysingar, og at gode avbøtande tiltak vert prioritert.

Det er ønskjeleg at prosjektet finn samfunnsnyttig bruk for overskotsmassar, samt vel prosessmetodar som stør opp om gjenbruk og/eller deponi på mest mogleg nyttig vis. Vi vil oppmode Bane NOR og Statens vegvesen til kontinuerleg å søke alternativ bruk av massane gjennom heile anleggsprossesen, også om sjødeponi vert godkjent.

VAKSDAL KOMMUNE SINE INNSPEL

Alternative trasear på Vaksdal – B1 og B2

Vaksdal kommune er nøgd med at prosjektet har lagt opp til stor grad av involvering gjennom arbeidet med planen, og at det no er utarbeidd to alternativ for traseane på Vaksdal.

I alternativ B1 er veg og bane samla vest for dagens E16. I alternativ B2 er jernbana lagt aust for dagens E16, medan ny E16 er lagt utanom sentrum og opp i Tolåsen. I følgje planomtalen er dei prissette og ikkje-prissette konsekvensane tilnærma lik for begge alternativa, og måloppnåinga likeins. Det vert presisert at det er utfordrande for prosjektet å gi ei klar tilråding om val av alternativ. Sjølv om B1 kjem marginalt betre ut i rangering, tilrår prosjektet at Vaksdal kommune sitt ønskje blir vektlagt i når ein vedtar alternativ.

Vaksdal kommune er svært nøgd med at prosjektet tilrår at kommunen sine ønskjer skal leggjast til grunn. Sett frå Vaksdal kommune sitt perspektiv er det nemleg store skilnader mellom B1 og B2. Forskjellane i konsekvensar for innbyggjarane er ikkje marginale, men heilt konkrete.

Vaksdal kommune tilrår at alternativ B2 vert lagt til grunn for vidare planlegging av veg/bane.

Vaksdal kommune ønskjer særleg å peike på at alternativ B2 scorar betre på å etablere trygge og gode oppvekstvilkår for barn og unge, då ny E16 er flytta ut av sentrum og dermed råkar oppvekstvilkåra i mindre grad enn i alternativ B1. Kommunen meiner også at B2 har større potensiale for å utvikle sentrumsområde rundt framtidig jernbanestasjon. I høve til folkehelseprinsipp ønskjer me å framheve at all reduksjon i støy vert vurdert som positivt for ei bygd som i mange år har vore plaga av støy frå E16.

Under er det sett opp ei matrise der alternativa er vurdert i høve til kommunen sine satsingsområde.

Berekraftig utvikling og attraktive stasjonssenter

Ei av målsettingane i prosjektet er å skape berekraftig lokal og regional utvikling, og bidra til at Vaksdal kan utvikla stasjonsbyane sine til attraktive tettstader. Vaksdal kommune vil bli knytt nærare til Bergensregionen med kortare reisetid til Arna og Bergen, og dette vil kunne gje positive effektar med tanke på ein utvida bu- og arbeidsmarknad. Potensialet for utvikling av

Vaksdal kommune viser og til Regional areal- og transportplan 2017-2028. Ei overordna målsetting der er at samordna planlegging og eit klimavenleg utbyggingsmønster skal bygge opp under nullvekstmålet. Vaksdal kommune legg til grunn vekst i folketalet som følgje prosjektet, og det er då viktig at ein legg opp til ei framtidig utvikling der større del transporten skjer med bane, sykkel og gange. Regional transportplan for 2022-2033 er no ute på høyring. Eit hovudmål i denne planen er at Vestland skal ha eit trygt, effektivt og framtidsretta transportsystem som legg til rette for klima- og miljøvenleg mobilitet og berekraftig samfunnsutvikling.

Planforslaget m/konsekvensutgreiing vurderer B1 som eit godt alternativ med tanke på sentrumsutvikling, då ny jernbane blir plassert sentralt i bygda og nært dagens senter.

Vaksdal kommune vil peike på at alternativ B1 beslaglegg mykje meir areal i sentrum enn alternativ B2. I B1 går dei tre transportårene – eksisterande E16, ny E16 med mogeleg framtidig utviding og ny bane - ved sidan av kvarandre og tvers gjennom sentrum av Vaksdal, og barriereverknaden blir større. Dette gir lite rom for urbanisering og sentrumsutvikling.

Vaksdal kommune meiner at alternativ B2 i større grad opnar for berekraftig og framtidsretta utvikling i sentrum og rundt. B2 har mindre lokalvegsystem, E16 vert lagt utanom sentrum av bygda og mindre areal vert lagt beslag på i dette alternativet samanlikna med B1.

Vaksdal kommune meiner det er viktig for framtidig utvikling i Vaksdal at E16 blir flytta ut av sentrum av bygda. Folketalsutviklinga i Vaksdal har dei siste åra gått ned. Om kommunen skal få fleire til å bli og å busette seg i Vaksdal, er eit attraktiv sentrumsområde, eit godt kollektivtilbod og gode areal til bustadbygging nøkkelfaktorar.

B2 er eit betre alternativ i høve til både effektmål og nasjonale forventningar. Sjølv om jernbanestasjonen vert lagt noko lengre vekk frå Vaksdal senter og høgt på bru, så vil dette alternativet gi rom for utvikling av sentrumsområdet og bygda samla sett.

Støy

Støyberekningane viser at langt færre bustader blir råka av støy i alternativ B2. Det talar også for B2 som eit betre alternativ. Begge alternativa vil ha likevel ha behov for omfattande skjermingstiltak mot støy. Det er viktig at støyskjerminga blir vert tilpassa staden og utforma med høg kvalitet – både estetisk og funksjonelt.

God arkitektur og landskapstilpassing

Eit av effektmåla for prosjektet er god arkitektur og landskapstilpassing.

Dette gjeld for heile prosjektet, men Vaksdal kommune meiner det er særleg viktig å gjere greie for dei visuelle verknadene av veg og bane gjennom tettstadene Vaksdal og Stanghelle, der konsekvensane er størst.

Vaksdal kommune meiner planforslaget på dette tema er svært mangelfullt. Illustrasjonane er ikkje er gode nok til å vurdere verken arkitektur eller landskapstilpassing. Alle 3D illustrasjonar er i fugleperspektiv. Det er ingen illustrasjonar som syner prosjektet sett frå bakkeplan, slik alle vil sjå det når det står ferdig. I tillegg har illustrasjonane låg kvalitet.

Dette gjer det vanskeleg for kommunen og innbyggarane å komme med gode og konstruktive innspel på dette tema. Det er komplisert for lekfolk å orientere seg i og forstå tekniske teikningar. Vaksdal kommune meiner utforminga av tiltaka gjennom sentrumsområda burde vore ført lenger og illustrert betre. Dette gjeld ikkje berre visuelle kvalitetar, men også funksjonelle. Fleire tematiske kart ville vore nyttig.

Trasear og løysing på Stanghelle

På Stanghelle vil den nye jernbanestasjonen føre til endringar av vegsystemet. Eksisterande kryss mot vest vil bli gjort smalare, men oppretthalde for trafikk til områda vest for stasjonen og andre sida av Dalevågen. Dagens tilkomst til Lågaskarvegen og til områda aust for E16 gjennom kulverten, blir stengt. Det vil derfor bli etablert eit nytt T-kryss mot vest, ned til Lågaskarvegen, austsida av stasjonen, butikk, barnehage og bustader. Lågaskarvegen må hevast, og dei eksisterande tilkomstane til bustader og barnehage blir justert. Frå eksisterande E16 mot aust, vil det òg bli etablert eit nytt T-kryss. Dette er ny tilkomst til bustadområdet og Stanghelle skule, som erstatning for vegen gjennom noverande kulvert under E16.

Vaksdal kommune ser det som positivt at den nye stasjonen får ei sentral plassering på Stanghelle, og at banen vert plassert lågt i terrenget. Samstundes legg bana og tilhøyrande funksjonar beslag på mykje areal i eit lite sentrumsområde. 11 einebustader må innløysast, og 3 til er under vurdering. Kommunen er opptatt av at prosjektet økonomiserer med arealet og ikkje tar meir areal og bygg enn det som er strengt naudsynt.

Kommunen ynskjer mest mogeleg areal attende til sentrumsformål og bustader.

Vaksdal kommune er og nøgd med at den nye brua har lagt til rette for seglingshøgde på 4,6 meter, og at småbåtar har eit seglingsforløp til båthamna inne i Dalevågen. Dette er ei forbetring sett i høve til dagens situasjon, og vil kunne bidra til meir båtliv og aktivitet i vågen og fjorden.

Kommunen er svært positiv til at ny E16 vert lagt i tunnel utanom bygda, og at trafikkmengda og støy frå veg dermed vert vesentleg mindre. Det er og positivt at den nye brua vert støyskjerma og konstruert slik at det vert ei reduksjon i banestøy samanlikna med dagens situasjon.

Butikk og barnehage

Det er uheldig at butikken vert riven i anleggsfasen. Vaksdal kommune er særleg oppteken av at det vert gjort gode avtalar med grunneigar for å sikre at denne vert bygd opp at så fort som mogleg. Gjenoppbygging av butikken må sikrast i reguleringsføresegnene, med krav til rekkefølge.

Prosjektet må og sikre ei midlertidig løysing for butikken i anleggsfasen. Det vil vera svært uheldig for bygdesamfunnet dersom Stanghelle mister butikken sin. Kommunen meiner det er avgjerande å finne ei midlertidig løysing for butikken i anleggsfasen, for å sikre at butikken faktisk blir verande. I motsett fall kan innbyggarane få nye bilbaserte handlevanar, og det kan bli vanskeleg for butikken å etablere seg på nytt.

Stanghelle stasjon vil legge beslag på 2,4 daa av barnehagen sitt areal. Etter anleggsgjennomføring kan barnehagen få attende eit eitt areal i nord på om lag 1,2 daa. Det er ikkje berekna støy for dette arealet og det er ikkje sikra i planen. Vaksdal kommune er svært oppteken av at uteareal til barnehagen vert støyskjerma og sikra gode uteareal for barna. Kommunen ber derfor om at dette vert regulert i denne reguleringsplanen, og ikkje vert antatt regulert om seinare.

Gang/Sykkel

Gang/sykkel veg Arna - Voss

Eit viktig mål i den nasjonale transportpolitikken er å få fleire fotgjengarar og syklistar. Dette er berre mogeleg dersom det blir lagt til rette for sykkel og gange. Det er difor skuffande at ein statleg reguleringsplan for eit samferdselsprosjekt ikkje inkluderer gang/sykkelveg.

Det er svært viktig at staten ser det unike potensialet som ligg i å sikre framtidig nedlagt jernbanespor til gang/sykkelløysing for Bergen-Voss. Dette er eit prosjekt som vil kunne få positiv verknad både på lokalt, regionalt og nasjonalt nivå. Det kan gi grunnlag for næringsutvikling, tek vare på kulturminne, understøtte ei satsing på miljøvenleg transport og vil vere eit viktig folkehelsetiltak. Og det kan bli ein stor turistattraksjon.

Gang/sykkeltilbod i tilknyting til sentrumsområda

Bane (og veg i B1) går tvers gjennom tettstadene, og vil i større eller mindre grad fungere som ein barriere. Det er positivt at planen sikrar gode tverrsamband for gåande og syklande både på Stanghelle og på Vaksdal. Ny gangveg til Jamne bidreg til å knyte dette bustadområdet nærare både til stasjons- og senterområdet. Det er viktig at gang/sykkelvegane med omgjevnad får ei god utforming, slik at det blir attraktivt å ta dei i bruk.

Tverrslag, kaianlegg og sjødeponi – verknader for lokalmiljøet

Mellom Helle/Stanghelle og Vaksdal er det regulert og konsekvensutgreidd fire alternative tverrslag til sjø. Det truleg kjem berre eitt av desse til å bli nytta i anleggsgjennomføringa. I tillegg er det regulert to moglege tilkomstar til sjø mellom Vaksdal og Trengereid, Langhelle og Boge. Berre eitt vil bli nytta. Vaksdal kommune er her særleg opptekne av kva som vil skje på Boge.

Det går ikkje fram av plandokumenta på kva tidspunkt i prosessen ein skal avklare kva for tverrslag som vil bli nytta. Det skapar uvisse for innbyggjarane, kan hende i land tid framover.

Det er viktig at innbyggarane i Vaksdal kommune vert teke omsyn til i prosessen med val av tverrslag, kaianlegg og sjødeponi. Vaksdal kommune meiner Fossmark bør gå ut som mogeleg lokalitet for anleggstverrslag, midlertidig kaianlegg og sjødeponi. Her bur det fleire menneske som vil bli sterkt råka. Fossmark har og strandsone som mykje er nytta av lokalbefolkninga. Fossmark kjem dårleg ut i konsekvensutgreiinga. Kommunen meiner det er uheldig at landskapsbilete, friluftsliv og kulturmiljø vert forringa og at strandsona vert råka negativt. På grunn av topografien i området er tilgjenge til strandsona på denne strekninga svært avgrensa, og det er difor viktig å ta vare på dei få plassane strandsona kan nyttast.

Dei tre andre alternativa ligg alle utanfor bygdeområde og er difor vurdert som meir eigna frå kommunen sitt synspunkt.

Når det gjeld dei to lokalitetane på strekninga mellom Vaksdal og Trengereid syner konsekvensutgreiinga at Boge kjem klart dårlegare ut. Det gjeld både med omsyn til praktisk gjennomføring, prissette og ikkje-prissette konsekvensar. Vaksdal kommune vil tilrå at Boge går ut som mogeleg lokalisering.

I høve til sjødeponi er Vaksdal kommune opptatt av at verknadene knytt til spreiing av partiklar frå sprengsteinmasse må utgreiast nærmare for å sikre at deponering skjer på ei miljømessig forsvarleg måte. Veafjorden og Sørfjorden er begge nasjonale laksefjordar og Vaksdal kommune er derfor bekymra for at sjødeponering skal påverke laksebestanden i områda på ei negativ måte.

Kommunestyret ber om at følgjande avsnitt blir innarbeida i høyringsuttalen:

Vaksdal kommune vil understreka at når planarbeidet for Arna-Stanghelle no har kome så langt i prosessen, må staten ved Samferdsledepartementet snarast råd be Statens vegvesen som prosjekteigar om å starta planlegginga for neste fase, Stanghelle-Voss. Utviklinga må ikkje stogge på Stanghelle. Det vil vere veldig uheldig for Vaksdal kommune, Voss herad og indre delar av Vestland.

Generelt: Framheve B2 endå sterkare.

Framheve i tekstomtale av B2 at B2 gjev eit (1) år kortare anleggstid. Dette vil bety mykje for eit lite sentrumsområde som Vaksdal.

Administrasjonen innarbeider dette i høringsuttalen.

Felles oppstart av veg og bane.

Tilleggsforslag ang. Stanghelle etter 1. avsnitt

Det må lagast omfattande skjermingstiltak mot støy på Stanghelle. Kommunen ynskjer at tunnellportalen/kulverten vert forlenga, så langt som mogeleg over Døso.

Tilleggsforslag ang. Fossmark/tverrslag

Tillegg 4.avsnitt: To av dei tre alternativa ligg utanfor bygdeområde og er difor vurdert som meir eigna frå kommunen sitt synspunkt. Kommunen ynskjer at eit av dei ytste alternativa vert valt, Gamle Fossen eller Svabakken. Om alternativ Linnebakkane vert valt må det sytast for maksimal støyskjerming på kaianlegget. Ved døgndrift må det sytast for erstatningsbustadar.

Behandling

Mona Grenasberg, SV, la fram følgjande tilleggsframlegg:

Stanghelle

Det må lagast omfattande skjermingstiltak mot støy på Stanghelle. Kommunen ynskjer at tunnellportalen/kulverten vert forlenga, så langt som mogeleg over Døso.

Fossmark/tverrslag

Tillegg 4.avsnitt: To av dei tre alternativa ligg utanfor bygdeområde og er difor vurdert som meir eigna frå kommunen sitt synspunkt. Kommunen ynskjer at eit av dei ytste alternativa vert valt, Gamle Fossen eller Svabakken. Om alternativ Linnebakkane vert valt må det sytast for maksimal støyskjerming på kaianlegget. Ved døgndrift må det sytast for erstatningsbustadar.

Formannskapet si tilråding vart samrøystes vedteke.

Tilleggsframlegget frå Mona Grenasberg, SV som omhandla Stanghelle vart vedteke med 14 stemmer (Sp,Sv,H, Krf, Frp) mot 6 stemmer (Ap).

Tilleggsframlegget frå Mona Grenasberg, SV som omhandla Fossmark vart samrøystes vedteke.

Vedtak

Kommunestyret ber om ei sak i forkant av budsjetthandsaming 2022 der ein ber administrasjonen greie ut om ein kan redusere gebyr knytt til bruksendring frå hytte til hus som eit ledd i arbeidet med å få til stabilisering og vekst i folketalet.

Behandling

Interpellanten fekk ordet først og fremja interpellasjonen.

Ordførar gav slikt svar:

Vaksdal kommune er i ein situasjon der me bør undersøka ulike mogelegheiter for å stabilisere og auke folketalet. Å gjera det enklare å gjera fritidsbustad om til heilårsbustad kan i utgangspunktet sjå ut til å vera eit enkelt og godt grep. Sidan saka har økonomisk og praktisk konsekvens støttar eg interpellanten sitt forslag til vedtak om å bestille ei sak i forkant av budsjetthandsaming der me får vurdert konsekvensar ved saka.

Interpellanten fekk ordet først, før det vart opna for debatt.

Interpellanten sitt forslag til vedtak vart samrøystes vedteke.

Vedtak

1. Kommunestyret ber kommunedirektøren utarbeide ein innkjøpsstrategi for Vaksdal kommune før utgangen av fyrste kvartal 2022, som viser tydelege mål og tiltak knytt til innkjøp.

2. I innkjøpsstrategien skal følgjande punkt vektleggast:

   • Bærekraft og miljø

   • Bruk av lærlinger og praktikanter

   • Tariffavtaler

   • Oppfølging av avtalar

3. I prosessen må berørte parter vere involvert.

Behandling

Interpellanten fekk ordet først og fremja interpellasjonen.

Ordførar gav slikt svar:

Vaksdal Kommune har avtale med Bergen kommune som regulerer mange av dei store områda me gjer innkjøp på i dag, dette er f.eks. kontorrekvisita, medisinsk utstyr, møblar og skulebøker, for å nemne nokon. Denne avtalen fungerer på ein god måte og Bergen Kommune sørger for at gjeldande regelverk blir oppfylt og etterlevd på ein god måte. Bergen kommune har i sine konkurransar strenge kriterier for dei leverandørane dei inngår avtale med.   

Vaksdal Kommune gjer også eigne anbodskonkurransar, både åleine på mindre konkurransar og i samarbeid med konsulentar/advokatar på f.eks. store anskaffelser/byggeprosjekt. Dei omtalte punkta blir då dekka i desse konkurransane.  

Kommunedirektøren ynskjer å utarbeide innkjøpsstrategi som tar med dei opplista punkta og andre område som er relevant i ein slik strategi. I vår innkjøpsstrategi bør me sjå på forholdet med Bergen kommune og korleis dette bør komme fram i strategien vår.  Så langt det lar seg gjera bør strategiane til Bergen og Vaksdal ikkje gå på tvers av kvarandre. 

Ordførar vil fylgje arbeidet, og har fått tilbakemelding på at administrasjonen kan ferdigstille innkjøpsstrategi innan 1. kvartal 2022 slik interpellanten ber om.

Interpellanten fekk ordet først, før det vart opna for debatt.

Røysting

Interpellanten sitt forslag til vedtak punkt 1 vart samrøystes vedteken.

Interpellanten sitt forslag til vedtak punkt 2 vart samrøystes vedteken.

Interpellanten sitt forslag til vedtak punkt 3 vart samrøystes vedteken.

Vedtak

Kommunestyret i Vaksdal kommune vedtek følgjande uttale til styret i BKK Produksjon:

Kommunestyret i Vaksdal vil primært understreke at det er svært beklageleg for dei tilsette og for kommunen at arbeidsplassar knytt til BKK Produksjon på Dale blir lagt ned.

Kommunestyret i Vaksdal vil vidare tydeleg oppmode styret i BKK om å vektlegga dei tilsette og tilsette sine organisasjonar sitt ønskje om ei styrt avvikling av arbeidsplassane på Dale og Matre.

Som vertskommune har vi ingen arbeidsplassar å miste.

BKK har i snart 100 år vore ein viktig arbeidsgjevar og samarbeidspart for Vaksdal kommune. BKK er og ein samfunnsaktør med lokalt engasjement som vert sett stor pris på.

Vaksdal er ein av dei kommunane BKK hentar inn store delar av si forteneste frå – då har vi og som vertskommune forventningar knytt til BKK om lokale arbeidsplassar, kompetanse og lokal beredskap. Når det no ser ut til at konsernet ikkje vil fortsette med anlegg og vedlikehald i eigen regi, oppmodar vi sterkt om at dei tilsette sine ønskjer om styrt avvikling, og å halde fram med BKK som arbeidsgjevar, vert sterkt vektlagt når styret skal ta si avgjerd.

Lukke til med arbeidet vidare.

Behandling

Ordførar opplyste om at dette vart ettersendt som ei tilleggssak til kommunestyret etter bestilling frå FPØ i deira møte 31.08.21.

Varaordførar Kjartan Haugsnes, SV orienterte om det politiske arbeidet knytt til prosessen.

Eirik Haga, Ap foreslo språkleg endring i framlagde vedtak avsnitt 5, 2 punktum frå "at det ikkje er mogleg", til "at dei ikkje vil". Boris Groth, Frp foreslo å dele tredje avsnitt i to avsnitt.

Ordførar sitt framlegg til vedtak med dei to redaksjonelle endringane vart samrøystes vedteke.