Čoahkkin Kommunestyret 10.05.2022

Behandling

Kommunestyret samtykka til at sak 48/2022 vart flytta fram til før lunsj.

Innkalling og saksliste med merknad vart samrøystes godkjent.

Behandling

Samrøystes godkjent.

Behandling

Kommunestyret stilte spørsmål og kom med merknader til referatsakene.

Kommunedirektøren svarte.

Referatsaker vart samrøystes teke til orientering.

Vedtak

Kommunedirektøren set i gang prosess rundt organisering av Vaksdal kommune sitt næringsarbeid, Sak om dette vert lagt fram til politisk handsaming til FPØ 23.08.2022 og KS 06.09.2022. Denne saka må som eit minimum innehalde:
- Drøfting av dagens næringsselskap/selskapsstruktur.
- Nye retningslinjer for næringsselskapet som stettar krava i KS sin vegleiar om selskapsdanning i kommunal sektor.

Behandling

Følgjande representantar ba om å få vurdert sin habilitet:

Magne Hestad, AP som styremedlem i Vaksdal Næringsselskap, Amalie Johnsen Lunde, H som styremedlem i Vaksdal Næringsselskap. Hege Eide Vik, Sp, som har møte- og talerett i styremøta til Vaksdal Næringsselskap, og som er kommunen sin representant i generalforsamlinga. Karin Groth, Frp, som er varamedlem til styret i Vaksdal Næringsselskap. Boris Groth, Frp som leiar i Vaksdal Næringsråd.

Kommunestyret vedtok samrøystes at Magne Hestad og Amalie Johnsen Lunde er inhabil med heimel i forvaltningslova §6 første ledd e) 2.

Kommunestyret vedtok samrøystes av Hege Eide Vik, Karin Groth og Boris Groth var habil

Eirik Haga, Ap erstatta Magne Hestad, Ap, Torben Lilletvedt, H erstatta Amalie Johnsen Lunde, H.

På vegne av Sp, SV, Høgre og Frp la Kjartan Haugsnes, SV fram følgjande forslag til vedtak:

Kommunedirektøren set i gang prosess rundt organisering av Vaksdal kommune sitt næringsarbeid, Sak om dette vert lagt fram til politisk handsaming til FPØ 23.08.2022 og KS 06.09.2022. Denne saka må som eit minimum innehalde:
- Drøfting av dagens næringsselskap/selskapsstruktur.
- Nye retningslinjer for næringsselskapet som stettar krava i KS sin vegleiar om selskapsdanning i kommunal sektor.

Eirik Haga, Ap fremja kommunedirektøren sitt framlegg til vedtak i saka:

Kommunedirektøren set i gang prosess rundt organisering og vitalisering av Vaksdal Næringsselskap. Sak om dette vert lagt fram til politisk handsaming til FPØ 27.09 og KS 18.10 2022.

Kommunestyret drøfta saka.

Formannskapet si innstilling til formannskapet vart sett opp mot Ap sitt framlegg til vedtak. Formannskapet si innstilling vart vedteke med 12 stemmer (H,SP,SV) mot 9 stemmer (Ap,Frp,Krf).

Formannskapet si innstilling vart sett opp SV,Sp og Høgre sitt framlegg. SV,SP og Høgre sitt framlegg vart samrøystes vedteke.

Vedtak

Trafikktryggleiksplanen 2022 – 2025 vert vedteke slik den ligg føre. Planen erstattar tidlegare trafikktryggleiksplan 2016 – 2019.

Behandling

Kommunedirektøren sitt framlegg til vedtak vart samrøystes vdteke

Vedtak

Ombygging i innbyggjarservice blir vedtatt med kostnadsramme på 300 000,-inkl mva. Kostnaden blir finansiert med bruk av ubunde investeringsfond.

Følgjande budsjettjustering blir vedteke:

D 300 000,-(inkl mva)                32300.6000.1300.K40001 (byggekost)

K 240 000,- (eks mva)                 39400.6000.1300.K40001 (bruk av fond)

K 60 000,-(mva)          37290.9990.8410.K99000 (auka mva inntekt)

Fond: 253080010 (Samla ubundetkap fond teknisk)

Behandling

Thor Andersen, Ap la fram følgjande utsetjingsforslag:

Kommunestyret utsetter saken om budsjettendringen ved ombygging av innbyggerservice til ordinær budsjettbehandling høsten 2022.
Det videre arbeidet med organiseringen av tilsette, roller og oppgaver går videre uten avbrudd.

Utsettingsforslaget fekk 6 stemmer (Ap) mot 15 stemmer (SP,SV, H, Frp, Krf) og falt.

Formannskapet si tilråding vart vedteke med 16 stemmer (SV,Sp,H,Krf, Frp, Magne Hestad, Ap) mot 5 stemmer (Thor Andersen, Ap, Anne Christine Eide, Ap, Lisa Johnsen Lunde, Ap, Eirik Haga, Ap, Britt Brudvik, Ap)

Vedtak

Kommunestyret godkjenner slik auke i festeavgiftene:

Festeavgifta for kistegrav er sett til kr 300,- pr år pr grav, gjeldande frå 2022
Festeavgifta for urnegrav er sett til kr 150,- pr år pr grav, gjeldande frå 2022

Behandling

Formannskapet si tilråding vart samrøystes vedteke.

Vedtak

Med heimel i “Forskrift om forvaltning av hjortevilt” § 6, jf. § 1, vedtek kommunestyret ny forskrift om minsteareal for jakt på hjort I Vaksdal kommunen etter offentleg høyring:

Endringsforskrift om jakt på hjort i Vaksdal kommune, Vestland

Heimel: Fastsett av Vaksdal kommunestyre 10. mai 2022 med heimel i  om jakt og fangst av vilt (viltloven)  og  om forvaltning av hjortevilt .

§ 1 Det er opna for jakt på hjort i Vaksdal kommune, Vestland.

§ 2 Minstearealet for godkjenning av vald og tildeling av fellingsløyve på hjort, er sett til følgjande:

• SONE 1: 250 daa for vald med teljandeareal i Eksingedalen, på Eidslandet og i Sædalen.

• SONE 2: 600 daa for vald med teljande areal frå Rødberg til områda kring Vaksdal (ikkje Sædalen), Stanghelle/Dale, Bolstadfjorden ogStamnes, samt på Faugstad og i Brørvik.

• SONE 3: 750 daa for vald med teljande areal i Bergsdalen,på Vaksdal kommune sin del av Osterøy, utan Faugstad, og i Dalane/Mellesdalen. I tillegg inngår hjortevaldai Modalen kommune og Evanger Vest hjortevald og Evanger Sør hjortevald i Voss herad i sona, grunnamedlemskapi Storfjellet bestandsplanområde og Vaksdal-Evanger bestandsplanområde, med Vaksdal som administrasjonskommune.

Oversyn for hjortevald med minsteareal går fram av sak 22/73 i kommunen sitt sakssystem

§ 3 Forskrifta trer i kraft straks, og erstattar «Forskrift om jakt på hjort i Vaksdal kommune,
Hordaland» av 06.04.17 (FOR-2017.04.03-442).

Vedtak

1. Strategisk Næringsplan for Vaksdal kommune blir vedteke slik den ligg føre.

2. Strategisk Næringsplan skal rullerast kvart fjerde år, første gong våren 2026.

3. Kommunedirektøren set i gang prosess rundt organisering og endring av Vaksdal kommune sitt næringsarbeid, Sak om dette vert lagt fram til politisk handsaming til FPØ 27.09 og KS 18.10 2022. Denne saka må som eit minimum innehalde:- Endring av dagens næringsselskap/selskapsstruktur.- Nye retningslinjer for eit eventuelt næringsselskap som stettar krava i KS sin vegleiar om selskapsdanning i kommunal sektor.

4. Det vert utarbeida ein konkret handlingsplan med målbare mål, delmål og ansvarsfordeling for gjennomføring av Strategisk Næringsplan. Handlingsplanen vert lagt fram for vedtak innan siste kommunestyremøte i 2022.

Pkt. 3 i innstillinga frå FPØ utgår, jfr. vedtak i sak 48/22

Behandling

Kjartan Haugsnes, SV la fram følgjande forslag til vedtak.

Pkt. 3 i innstillinga frå FPØ utgår, jfr. vedtak i sak 48/22

Formannskapet si innstilling vart samrøystes vedteke.

Kjartan Haugsnes sitt framlegg vart samrøystes vedteke.

Vedtak

1. Vaksdal kommune støttar LVK sitt krav om auka straumstøtte for sluttbrukarmarknaden på prisar over 45 øre/kWh, som eit mellombels strakstiltak, og som skal gjelde for alle forbrukararar, husholdningar og næringsliv.

2. Vaksdal kommune som vertskommune for vasskraft ber om at regjeringa prioriterer å få på plass reguleringar i høve eksport og magasinfylling, som på lengre sikt skal hindre den energisituasjonen Noreg er i idag

Behandling

Interpellanten la fram saka.

Han la i tillegg fram følgjande forslag til vedtak:

1. Vaksdal kommune støttar LVK sitt krav om auka straumstøtte for sluttbrukarmarknaden på prisar over 45 øre/kWh, som eit mellombels strakstiltak, og som skal gjelde for alle forbrukararar, husholdningar og næringsliv.

2. Vaksdal kommune som vertskommune for vasskraft ber om at regjeringa prioriterer å få på plass reguleringar i høve eksport og magasinfylling, som på lengre sikt skal hindre den energisituasjonen Noreg er i idag

Ordførar gav slikt svar:

Vinteren 2021/2022 har me opplevd straumprisar som har vore ekstreme i norsk samanheng. Regjeringa var raskt ute med kompensajon til hushaldningar. Denne ordninga er god, og famnar alle. Utfordringa er todelt. Me må på sikt bli meir energismarte i dette landet. Samstundes lever me i eit kaldt land og situasjonen er utfordrande for dei av oss som ikkje har marginar til desse tusenlappane ekstra i privatøkonomien sin.

Delar av næringslivet opplever også store utfordringar no. Særleg små og mellomstore bedrifter med små marginar melder om at det er hardt å stå i denne økonomiske situasjonen over tid.

Verdsomspennande pandemi og krig i Europa. Dette er situasjonar som har påverka økonomien vår sterkt, og som vil halde fram med å gjere det. Dei langsiktige løysingane på straumpriskrisa må koma på plass, og her veit me mellom anna at finansministeren ser på mogelegheit for fastprisavtalar på straum. Ein vil sjå om ein saman med straumselskapa kan etablere ordningar som gir større forutsigbarhet og hindrar pristoppane for norske forbrukarar. På lang sikt er det viktig å innrette eit godt system, slik at ein ikkje til ei kvar tid er avhengig av subsidiar. Dette systemet er nytt, og det tar tid å etablere (VG 17.2). Tid små bedrifter gjerne ikkje har.

Som ein kan lese av møtereferatet som interpellanten viser til, deltok også ordførarar frå Arbeiderpartiet; Roald Aga Haug, Jon Rolf Næss og Senterpartiet; Saxe Frøshaug i møtet med Olje- og energiministeren saman med LVK. Det er viktig å formidle kunnskap frå ulike delar av landet inn til regjeringa. Eg har også løfta straumprisutfordringa til partiet sentralt gjennom mine kanalar.

Eg støttar LVK sine vurderingar, og er med på å be om ei midlertidig krisehjelp i påvente av meir langsiktige løysingar. Eg vil derfor gje støtte til interpellanten sitt justerte framlegg til vedtak, og eg håpar Vaksdal kommunestyre vil samle seg om å sende eit signal til regjeringa.

Kommunestyret drøfta saka.

Kjartan Haugsnes, SV sitt framlegg til vedtak vart vedteke med 15 stemmer (SV,Sp,H, Frp, Krf) mot 6 stemmer (Ap).

Vedtak

Kommunestyret ber om at det innan kommunestyret i juni 2022 vert lagt fram sak om ei prøveordning for korleis ein praktisk og økonomisk kan få på plass gratis sanitærprodukt på skulane i Vaksdal frå skuleåret 2022-2023.

Behandling

Interpellant Line Kydland la fram interpellasjonen.

Interpellanten la fram følgjande forslag til vedtak:

Kommunestyret ber om at det innan kommunestyret i juni 2022 vert lagt fram sak om ei prøveordning for korleis ein praktisk og økonomisk kan få på plass gratis sanitærprodukt på skulane i Vaksdal frå skuleåret 2022-2023.

Ordførar gav slikt svar:

Ordførar støttar interpellanten og innsendarane, og ynskjer at me får ei sak der me kan ta stilling til om me vil lage ei ordning med gratis sanitærprodukt ved skulane våre.

Det vart deretter opna for debatt.

Interpellanten sitt forslag til vedtak vart samrøystes vedteke.

Vedtak

Kommunestyret ber administrasjonen komme tilbake i neste kommunestyremøte med egen sak som omhandler lovgrunnlaget og eventuelt rettskraftig dom som hindrer Vaksdal kommune å stille krav om tariff som en del av konkurransegrunnlaget.
1. Lovligheten av å kreve tariffavtale som en del av anbudsgrunnlaget.
2. Maksimalt antall ledd i underleverandørkjeden
3. Krav om lærlingeordning i bedriftene

Behandling

Interpellanten fekk ordet først for å fremja interpellasjonen.

Han stilte følgjande spørsmål til ordførar:

Hvilke tiltak har Vaksdal kommune satt i gang i forhold til de to innmeldte bruddene på arbeidsplassforskriften.

PEAB-Nordang er totalenteprenør for bygging av nye Vaksdal skole. Har bedriften opprettet tariffavtale for sine ansatte.

Leigland Bygg AS er det samme på nye helse og omsorgsbygget på Vaksdal.

Har bedriften opprettet tariffavtale for sine ansatte.

Med tariffavtale menes avtale mellom en fagforening og arbeidsgiver eller arbeidsgiverforening. Ikke allmengjorte avtaler.

Ordførar gav slik svar:

Vaksdal kommune, PEAB og Leigland Bygg støttar brakkeaksjonen og deira formål med å sikre gode garderobetilhøve på byggeplassar.

Som byggherre har kommunen fylgt opp og sett til at garderobetilhøve og toalettfasilitetar er tilfredsstillande og iht. forskrift på begge byggeplassar. Dette gjeld for både kvinner og menn, med adskilte garderobar og toalett. Det som er omtalt her vart også påpeika raskt av kommunen sin kontroll med byggeplassen. I båe tilfelle vart dette raskt retta opp.

I samband med utarbeiding av konkurransegrunnlaget for prosjektet Vaksdal skule vart krava kvalitetssikra juridisk. Krava til lønns- og arbeidsvilkår må utformast i samsvar med gjeldande lovgjeving og kommunen kunne ikkje stille krav om tariffavtale, men bruke lovteksten i forskrifta som gjeld for dette. Dette var informert om og drøfta i formannskapet i samband med saka i 2020.

I anbodsutlysinga for Vaksdal skule og helse og omsorgsbygget vart det stilt krav i samsvar med forskrift på området.

Forskriften bestemmer at ansatte hos leverandøren og/eller underleverandøren som utfører arbeid på kontrakten skal ha lønns- og arbeidsvilkår enten etter en allmenngjøringsforskrift eller en landsomfattende tariffavtale for den aktuelle bransjen som kontraktsarbeidet gjelder. Leverandøren er ikke forpliktet til å inngå en tariffavtale, men hvis leverandøren har inngått en egen tariffavtale med sine arbeidstakere, og det også finnes en aktuell allmenngjøringsforskrift eller en aktuell landsomfattende tariffavtale, må lønns- og arbeidsvilkårene minst tilsvare vilkårene i allmenngjøringsforskriften eller i den landsomfattende tariffavtalen som gjelder for bransjen.

Ved førespurnad har entreprenøren ved Vaksdal skule, PEAB, stadfesta at dei har tariffavtale i bedrifta. Entreprenøren ved Jamnetunet, Leigland bygg, har stadfesta at deira bedrift ikkje har tariffavtale hjå seg.

Vaksdal kommune har som byggherre eit ansvar for å fylgje opp at entreprenørane oppfyller dei krav som er stilt vedrørande lønsvilkår, og byggherren har difor gjennomført tilsyn av dokumentasjon for dette.

Interpellanten fekk ordet på nytt og la fram følgjande forslag til vedtak:

Kommunestyret ber administrasjonen komme tilbake i neste kommunestyremøte med egen sak som omhandler lovgrunnlaget og eventuelt rettskraftig dom som hindrer Vaksdal kommune å stille krav om tariff som en del av konkurransegrunnlaget.
1. Lovligheten av å kreve tariffavtale som en del av anbudsgrunnlaget.
2. Maksimalt antall ledd i underleverandørkjeden
3. Krav om lærlingeordning i bedriftene

Det vart deretter opna for debatt.

Erlend Hesjedal-Johannessen, H ba om og fekk innvilga tid til gruppemøte.

Forslag til vedtak vart vedteke med mot 4 stemmer, (Trond Olav Magnussen, H, Edvin Hesjedal, H, Boris Groth, Frp og Karin Groth, Frp)