Čoahkkin Kommunestyret 21.02.2023

Behandling

Thor Andersen (AP) hadde merknad til at innstilling frå administrasjonsutvalet ikkje kom med i sakspapira, og såleis ikkje vart lagt ut offentleg måndag.

Ordførar gjorde merksam på at innstillinga ligg i møteportalen og er kjend for kommunestyremedlemmene.

Røysting:

Kommunedirektøren sitt framlegg til vedtak vart samrøystes vedteke med merknader frå Hege Eide Vik (SP) og Thor Andersen (AP).

Vedtak

Møteprotokollenvart godkjent slik han ligg føre.

Behandling

Kommunedirektøren sitt framlegg til vedtak vart samrøystes vedteke.

Behandling

Ordførar Hege Eide Vik (SP) legg fram fellesframlegg til høyringen i sak 03/2023.4.

Røysting:

Kommunedirektøren sitt framlegg til vedtak vart samrøystes vedteke.

Fellesframlegg vart samrøystes vedteke.

Vedtak

Kommunedirektøren sitt framlegg til vedtak:

Vedtak av 14.11.2022 blir oppretthalde, og klaga blir ikkje teken til følgje.

Klaga vert sendt Statsforvaltaren i Vestland for avgjerd.

Behandling

Anneli Vatle Lilletvedt (H) ber om at hennar habilitet vert vurdert på bakgrunn av at ho er mor til ein grunneigar i området. Kommunedirektør tilrår at Anneli Vatle Lilletvedt vert vedteke inhabil. Kommunestyret vedtok samrøystes at Anneli Vatle Lilletvedt er inhabil i medhald av fv.l § 6 a) - når han selv er part i saka. Og av fv.l § 6 b) - når han er i slekt eller svogerskap med ein part i opp- eller nedstigande linje eller i sidelinje så nær som sysken.

Ordførar Hege Eide Vik (SP) orienterar om at ho fekk sin habilitet vurdert i formannskapsmøte. Formannskapet fann ho samrøystes habil.

Røysting:

Formannskapet sin innstilling til vedtak vart sett opp mot forslag frå FRP. Formannskapet sin innstilling til vedtak fekk 16 stemmer (SP, SV, AP, KFR, H- Erlend Hesjedal-Johannessen) og vart vedteke. Forslag frå FRP fekk 3 stemmer (FRP, H- Edvin Hesjedal) og falt.

Vedtak

Oppstartsdato for Næringsfondet skal vere 14.06.22 og søknader sendt inn etter denne dato skal behandlast. Det må søkjast innan 1 år etter tiltaket er iverksett. Det er opp til fondsstyret å vurdere dato for når eit tiltak er fullført eller ikkje

Behandling

Sv og H trekk sitt fyrste forslag.

Røysting:

Kompromissforslag frå FRP vart sett opp mot nytt forslag frå SV og H. Nytt forslag frå SV og H fekk 13 stemmer (AP, SV, H) og vart vedteke. Kompromissforslag frå FRP fekk 7 stemmer (SP, FRP, KRF) og falt.

Nytt forslag frå SV og H ble deretter satt opp mot kommunedirektøren sitt framlegg til vedtak. Nytt forslag frå SV og H fekk 13 stemmer (AP, SV, H) og vart vedteke. Kommunedirektøren sitt framlegg til vedtak fekk 7 stemmer (SP, FRP, KRF) og falt.

Vedtak

I medhald av plan- og bygningslova §11-13 vedtar Vaksdal kommunestyre planprogram for kommuneplanens samfunnsdel.

Behandling

Formannskapet sin innstilling til vedtak vart samrøystes vedteke.

Vedtak

Vaksdal kommune held fram med eitt hovudopptak og supplerande opptak ved ledige plassar gjennom året.

Folketalsvekst.

FPØ ber om at informasjon om ledige plassar i barnehagane skal leggjast ut på nettsida «MittVaksdal» som ein del av marknadsføringa til kommunen. Her kan det mellom anna gå fram at kommunen nyttar supplerande opptak gjennom året.

Behandling

Formannskapet sin innstilling til vedtak vart samrøystes vedteke.

Vedtak

Kommunedirektøren sitt framlegg til vedtak:

Vaksdal kommune gjev slik høyringsuttale til Regional plan for fornybar energi 2023-2035.

«Viser til høyring av planframlegg for regional plan for fornybar energi 2023-2035, og invitasjon til å sende inn høyringsuttale. Vaksdal kommune støtter hovudmålet og meiner det bygger opp om fleire utfordringar i fylket. Ein trygg og stabil kraftproduksjon, samt god kraftbalanse og sikker kraftforsyning er viktig for velferda vår.

Utbygging av fornybar energi kan medføre målkonfliktar som nedbygging av natur til fordel for grøn energiproduksjon. Vaksdal kommune støtter opp om dei 38 retningslinjene og tykkjer planen legg opp til auka kraftproduksjon på ein god måte som tar omsyn til miljø, naturmangfald, friluftsliv, landskap og kulturverdiar.

Vindkraft

Fjellområda i Vaksdal er rik på natur- og friluftskvalitetar, har mange interesser knytt til natur, kulturlandskap og friluft og er ein ressurs for opplevingar og rekreasjon, også utanfor kommunegrensa.

I ein uttale til nasjonal ramme for vindkraft på land, jf. sak 58/2018, uttalte Vaksdal kommune at «Det er Vaksdal kommunestyre sitt syn at me ikkje treng landbasert vindkraft» og frårår vurdering av eigna område for vindkraftutbygging i kommunen.

Vaksdal kommune støtter punkt 12 og 13 som omhandlar vindkraft.

12. Det skal ikkje byggast vindkraftverk som er i strid med kommunale vedtak.

13. Det skal ikkje byggjast vindkraft i urørd natur på land eller der viktige verdiar knytt til natur, landskap, kulturminne, kulturmiljø eller reiseliv blir forringa.

Kraftforsyninga

Vaksdal har stor vasskraftproduksjon og historie for å huse kraftkrevjande industri, og det vert viktig for kommunen å ha kapasitet i kraftnettet og ha moglegheit til å hente ut lokal kraft.

Vaksdal vil særskild framheva delmål 6 under robust kraftforsyning i Vestland og påpeiker at nye kraftlinjer og oppgradering av eksisterande er naudsynt.

«Delmål 6: Vi har kraftnett som gir nok kraft til forbruk og grøn verdiskaping i heile Vestland» »


Vaksdal kommune ber om at Vestland fylkeskommune arbeider for at Statnett sine transformator og lineoppgraderingar vert lagt under plan og bygningslova for å sikre kommunal medverknad.

Vaksdal kommune ber om at Vestland fylkeskommune arbeider for at småkraft og vindkraft vert lagt under lovverk som sikrar heimfall og eit føreseieleg regelverk for vertskommunane, på same måte som ordinær vasskraft.

Ved utbygging av nye 420 KV liner ber Vaksdal kommune Vestland fylkeskommune krevje sjøkabel der det er mogleg og der linjetraseen kjem i direkte motstrid til store naturverdiar.

Nye punkt:

1. Vaksdal kommune ber Vestland fylkeskommune arbeide for å ta ut ENØK potensialet før større nye utbyggingar vert realisert. Herunder:

- Arbeide for et forbod mot kryptomining.

2. Vaksdal kommune ber Vestland fylkeskommune arbeide for å stogge elektrifiseringa av norsk sokkel med straum frå land.

Behandling

Erlend Hesjedal Johannessen (H) ba om og fekk innvilga gruppemøte.

Boris Groth (FRP) trakk det fyrste forslaget som vart lagt inn av FRP.

Røysting:

Formannskapet sin instilling til vedtak vart satt opp mot forslag frå FRP endra. FRP sitt forslag fekk 2 stemmer (FRP) og falt. Formannskapet sin instilling til vedtak fekk 18 stemmer (SP, SV, AP, H, KRF) og vart vedteke.

Forslag frå Sp og SV vart samrøystes vedteke.

Forslag frå SV vart stemt over punktvis:

Punkt 1 fekk 11 stemmer (SV, AP, KRF) mot 9 stemmer (SP, H, FRP) og vart vedteke.

Punkt 2 fekk 17 stemmer (SP, SV, AP, FRP, KRF) mot 3 stemmer (H) og vart vedteke.

Behandling

Interpellant Kjartan Haugsnes la fram interpellasjonen.

Interpellanten stilte følgjande spørsmål til ordføraren.

1. Vil ordførar be administrasjonen sjå til at fakturagebyrpraksis vert praktisert etter lova på kommunelegekontoret på Dale?
   

2. Vil ordførar be administrasjonen gjennomgå avtale med Convene og vurdere andre måtar å handtere eigenandelbetalinga på i vår kommune?

Ordførar gav slikt svar:

Ordførar meiner sjølvsagt at kommunen skal drive innanfor gjeldande lovverk. Det har ikkje lukkast meg å få eit heilskapleg svar på spørsmåla som vert tatt opp i interpellasjonen i veka som gjekk.

Ordførar sender difor spørsmåla i interpellasjonen over til kommunedirektøren og ber om svar på om me i dag driv innafor lova, samt ein gjennomgang av avtalen med Convene.

Svaret vil bli lagt fram for kommunestyret som referatsak.

Det vart deretter opna for debatt.

Vedtak

Kommunestyret ber om å få framlagt ei sak vedrørande mogeleg sal av kommunal skog på rot.

Behandling

Interpellant Ivar R.Bergo la fram interpellasjonen.

Interpellanten stilte følgjande spørsmål til ordføraren.

Vil kommunen stilla skog til disposisjon for dei som sjølve ynskjer å saga ved til eige bruk?

Ordførar gav slikt svar:

Spørsmålet er inne i tida, og fleire kommunar har tilrettelagt for hogst. Med auka straumprisar har me sett at prisane på ved også skaut i veret. Med det aukar attraktiviteten og verdien med kommunale avtalar om hogst.

Vaksdal kommune har i dag fleire aktive avtalar om hogst, men dei er i ulik grad registrert og formalisert. Nokre avtalar er relativt gamle medan det også vert inngått nye i år.

På heimesida til kommunen ligg det ei fane i nedtrekksmeny som heiter «Vedhogst på kommunal grunn». Teksten omhandlar søknad om å felle tre som er til sjenanse for deg/nabotre.

Etter ordførar si meining er det no tid for å sjå på strukturar, varigheit av avtalar, sikre allmen kjennskap til at det er mogeleg å inngå avtalar, teigar bør også merkast i kart, og ein bør sikre at lovar og reglar mtp tryggleik og fri ferdsle vert fulgt.

Ordførar meiner det er rett å be om ei sak der kommunestyret får oversikt over dagens situasjon, samt kan ta stilling til korleis avtalar om vedhogst/hogst på kommunal grunn skal forvaltast framover.

Det vart deretter opna for debatt.

Interpellanten fram følgjande forslag til vedtak:

Kommunestyret ber om å få framlagt ei sak vedrørande mogeleg sal av kommunal skog på rot.

Interpellanten sitt forslag til vedtak vart samrøystes vedteke.

Vedtak

Alternativ til innstilling:

1. Den økonomiske ramma i mellomoppgjeret bør i størst mogleg grad forhandlas sentralt. Ein eventuell liten lokal pott kan brukast til å utjamne skeivhetar. Det er ynskjeleg at alle tilsette får omlag like store tillegg, og at oppgjeret blir fordelt med flatt kronetillegg. Lågtlønsgruppene blir prioritert, då det er her presset på kjøpekrafta har vert størst.

2. Vaksdal kommune ber om at noko av den økonomiske ramma vert forhandla lokalt. Då øyremerka til ein lokal likelønspott.

3. Om ramma vert fordelt sentralt bør ein i år løfte lågtlønsgruppene, jfr. Punkt 1

Behandling

FRP fremja kommunedirektøren sitt forslag til vedtak på nytt.

Røysting:

Administrasjonutvalet sin innstilling til vedtak vart sett opp mot forslag frå FRP. Administrasjonsutvalet sin innstillig til vedtak fekk 18 stemmer (SP, SV, H, KRF, AP) og vart vedteke. FRP sitt forslag fekk 2 stemmer (FRP) og falt.