| |
Referanser: | Saksbehandlar: | Dato: |
Dykkar: | | |
| | |
Løyve til igangsetjing (1) - gbnr 137/129 Alver
Administrativt vedtak. Saknr:
Tiltakshavar: | Alver Hotel AS, Alvervegen 100, 5900 Alversund |
Ansvarleg søkjar: | A&R Rune Urne, Mårdalen 37, 5236 Rådal |
Søknadstype: | Søknad om igangsetting av tiltak med ansvarsrett etter plan- og bygningslova (pbl) § 20-1, jf. § 21-2, 5. ledd. |
SAKSUTGREIING:
Tiltak
Saka gjeld søknad om oppføring av 6 (2x3) modular for hotellrom-/utleiebueiningar i rekke med tilhørande veg- og parkeringsanlegg og støttemurar.
Søknaden gjeld igangsetting av infrastruktur, byggegrop og grunnarneider.
Kommunen har i vedtak av 05.08.2015 gjeve rammeløyve.
Det vert elles vist til søknad motteken 30.06.2015.
Sakshandsamingsfrist
Søknaden var komplett og klar for handsaming den 05.08.2015. Frist for sakshandsaming etter pbl. § 21-7 jf. SAK10§7-2 er 3 veker frå denne dato.
VURDERING
Ansvarsrettar og tiltaksklasse
Kommunen legg søkjar si vurdering av tiltaksklasse til grunn og har godkjent tiltaket i tiltaksklasse 1/2.
Ansvarsrettar er godkjent i rammeløyvet.
Det vert vist til rammeløyve av 05.08.2015., om dette.
VEDTAK:
Med heimel i plan- og bygningslova § 20-1 vert det gjeve løyve til igangsetting for etablering av infrastruktur, byggegrop og grunnarneider på følgjande vilkår:
1. Rammeløyve av 05.08.2015 med vilkår gjeld for tiltaket.
2. Tiltaket skal knytast til kommunalt vatn- og avlaupsanlegg, og utførast i samsvar med godkjent VA-plan/situasjonsplan. Det må ligge føre løyve til tilknyting frå Driftsavdelinga før dei omsøkte arbeida kan starte opp.
3. Anleggsarbeida med dei delar som omfattar snuhammar, Hc-p-plass og støttemur kan ikkje startast opp før avstandsforholda er avklart og godkjent av kommunen.
Mynde
Saka er handsama og avgjort administrativt i medhald av delegert mynde, jf. kommunelova § 23 nr 4 og gjeldande delegasjonsreglement.
Klage
Vedtaket er eit enkeltvedtak etter reglane i lov om offentleg forvaltning (fvl). Vedtaket kan klagast på til kommunen, jf. fvl. §§ 28-36. Klagefristen er 3 veker frå melding om vedtak er motteke. Det er nok at klagen er postlagt innan fristen går ut. Klagen skal sendast skriftleg til kommunen. I klagen skal det gå fram kva det vert klaga på i vedtaket, og kva endringar ein ønskjer. Klagen skal grunngjevast.
Føretak som har fått avslag på søknad om ansvarsrett har særskilt rett til å klage over dette vedtaket.
Før det kan reisast søksmål om vedtaket er gyldig eller krav om erstatning, må høve til å klage på vedtaket vere nytta fullt ut, jf. fvl. § 27b.
Kopi av dette vedtaket, samt andre saksdokument, skal alltid vere tilgjengeleg på byggeplassen.
Ved all vidare kontakt i denne saka, ver venleg og referer til saknr.: 14/7433
Ansvar
Tiltakshavar er ansvarleg for at byggverket vert oppført i tråd med føresegner gjeve i eller i medhald av plan- og bygningslova, jf. pbl. § 23-1, 2. ledd. Om søknaden er i strid med offentlege føresegner gjeld føresegnene føre løyvet. Vedtak etter plan- og bygningslova inneber ikkje avgjerd i privatrettslege tilhøve, jf. pbl. § 21-6.
Bortfall av løyve
Om byggearbeidet ikkje er sett i gang innan 3 år etter at rammeløyvet er gitt, eller vert innstilt i lengre tid enn 2 år, fell løyvet bort, jf. pbl. § 21-9. Dette gjeld også dispensasjonsløyvet.
Avfall
Alt avfall som tiltaket fører med seg skal leverast til mottak godkjent av forureiningsstyresmakta.
Ferdigstilling
Tiltaket skal avsluttast med ferdigattest, jf. pbl. § 21-10 og SAK § 8-1. Ingen delar av byggverket må takast i bruk før ferdigattest eller mellombels bruksløyve ligg føre.
Sluttdokumentasjonen skal vise at tiltaket er utført i samsvar med løyve og føresegner gjeve i eller i medhald av plan- og bygningslova. Om det er justeringar i tiltaket i høve til løyvet som ikkje krev søknad om endring, skal ansvarleg søkjar seinast ved søknad om ferdigattest sende oppdatert situasjonsplan og teikningar til kommunen. Ved søknad om ferdigattest skal søkjar stadfeste at høveleg dokumentasjon for forvaltning, drift og vedlikehald er overlevert byggverket sin eigar. I tiltak der det er krav om avfallsplan eller miljøsaneringsutgreiing skal sluttrapport som dokumenterer faktisk disponering av avfall leggjast ved søknad om ferdigattest.
Når det står att mindre vesentlege arbeid kan kommunen gje mellombels bruksløyve for heile eller deler av tiltaket. I søknad om mellombels bruksløyve skal søkjar identifisere attståande arbeid, stadfeste at byggverket har tilfredsstillande tryggleik, og sette tidspunkt for ferdigstilling.
Oppdatert gjennomføringsplan skal alltid leggjast ved søknad om ferdigattest/mellombels bruksløyve.
Før det vert gjeve ferdigattest/mellombels bruksløyve for tiltaket må følgjande ligge føre:
· Ferdigattest/mellombels bruksløyve for VA-anlegget.
· Ferdigattest/mellombels bruksløyve for veg og avkøyrsle.
· Avkøyrsle til offentleg veg skal vere godkjent av vegstyresmakta.
· Rekkefølgjekrav i reguleringsplan skal være oppfylt.
· Faktisk plassering av tiltaket må vere målt inn, og koordinatar sendt kommunen.
Gebyr
Med heimel i plan- og bygningslova § 33-1 og Lokal forskrift om gebyr for teknisk forvaltningsteneste vert det følgjande gebyr i saka:
Kode | Skildring | Tal | Sum |
10.2.8 | Delt handsaming. Igangsettingsløyve | 1 | 2.900 |
| | | |
| Totalt gebyr å betala | | 2.900 |
Gebyret skal vere betalt innan 30 dagar rekna frå fakturadato, og før arbeidet kan setjast i gang, jf. pbl. § 21-4 (6).
Klage
Gebyr for teknisk forvaltningsteneste er fastsett ved forskrift. Det er ikkje høve til å klage over ei forskrift, jf. forvaltningslova §§ 3, 28 og 40. Det kan difor ikkje klagast over at det vert kravd gebyr, eller over storleiken på gebyret. Det kan klagast over kva punkt i regulativet gebyret er rekna ut i frå. Klage skal vere grunngjeven.
Dette dokumentet er elektronisk godkjent og har difor ingen signatur.