Innkalling og saksliste vert godkjent.
Det vart gjort endringar i sakslista. Orientering og handsaming i sak om "Omsorgsbustadar pluss - med kommunal forskottering og tilvisingrett" kom etter sak om Meldingar.
Orientering og handsaming av sak "Høyring - Politisk styringsstruktur og reglement" vart gjort etter dei to første orienteringane under Meldingar.
Utvalet vedtok samrøystes innkalling og saksliste med dei endringar som vart gjort.
Møteprotokollen vert godkjent.
Utvalet godkjende samrøystes møteprotokollen for 22. mars.
Utval for helse og omsorg kjem med følgjande uttale til "Høyring - politisk styringsstruktur og reglement":
HO-utvalet sluttar seg ikkje til samanslåing av utvala OKK og HO slik det her er foreslått. Vi meiner utvala har ansvar for store og viktige tenesteområder det er vesentleg å prioritere god folkevald styring over. Vi opplever at HO-utvalet har fungert godt og har hatt grundige drøftingar vi trur har kome kommunen sin helse- og omsorgssektor til gode. Vi meiner difor det er best å halde fram med eit eige helse- og omsorgsutval.
Om utvalsstrukturen blir som dagens struktur meinarHO-utvalet subsidiært at følgjande områder må ligge under HO-utvalet sitt politikkområde:
Helsestasjon/Jordmorteneste.
Utvalet ser det som naturleg at tenester som skal arbeida ut frå helserelatertpolitikk og helsefagleg kompetanse er i eitt politiskutval.
Sølvi Knudsen-SP ba utvalet vurdera om ho er inhabil til å handsama saka, ettersom ho har vore med i arbeidsgruppa for "Politisk styringsstruktur og reglement". Utvalet konkluderte med at Knudsen ikkje er inhabil, og ho deltok i handsaminga av saka.
May-Irene Wergeland-SP sette på vegne av Raudt, SP og Uavhengig fram følgjande framlegg til uttale:
HO-utvalet sluttar seg ikkje til samanslåing av utvala OKK og HO slik det her er foreslått. Vi meiner utvala har ansvar for store og viktige tenesteområder det er vesentleg å prioritere god folkevald styring over. Vi opplever at HO-utvalet har fungert godt og har hatt grundige drøftingar vi trur har kome kommunen sin helse- og omsorgssektor til gode. Vi meiner difor det er best å halde fram med eit eige helse- og omsorgsutval.
Utvalsleiar Ståle Hauge-AP sette på vegne av KRF og AP fram følgjande framlegg til uttale:
HO-utvalet tilsluttar seg framlegget i høyringa på politikk-området for eit framtidig Levekårsutval.
Dei to framlegga vart sett opp mot kvarandre.
Felles framlegg frå SP/Raudt/Uavhengig fekk fire røyster (M-I. Wergeland-SP, Sølvi Knudsen-SP, Torill Mongstad-Raudt, Roy Bø-UAVH) - og fekk fleirtal.
Ståle Hauge-AP sette fram følgjande felles tilleggsframlegg:
Om utvalsstrukturen blir som dagens struktur meiner HO-utvalet subsidiært at følgjande områder må ligge under HO-utvalet sitt politikkområde:Helsestasjon/Jordmorteneste.Utvalet ser det som naturleg at tenester som skal arbeida ut frå helserelatert politikk og helsefagleg kompetanse er i eitt politisk utval.
Hauge sitt felles tilleggsframlegg fekk 7 røyster og var samrøystes.
Meldingar vert tatt til orientering med følgjande tillegg:
HO-utvalet ønskjer sak om revidering av retningslinene for følgjebevis, særleg med tanke på
den nedre aldersgrensa, for eksempel til skulestart for barn.
HO ber administrasjonenfå fram utfordringar ved krav om at følgebevis skal kunne brukast ved leige av kommunale bygg og arrangement som kommunen støttar økonomisk. Utvalet ønskjer at saka blir lagt fram for OKK.
Det vart lagt fram følgjande meldingar/orienteringar:
- Arngunna Haga-avdelingsleiar NAV orienterte om "Gründersporet og krydderdamene"
- Arngunna Haga-avdelingsleiar NAV gav status for busetting av flyktningar
- Helge Kvam-Fagansvarleg Fagutvikling stab helse og omsorg gav status for Prosjekt leiing, kvalitetsforbetring og ressurseffektiv drift. Nytilsett prosjektleiar Eva Mikkelsen presenterte seg for utvalet
- Leni Dale-kommunalsjef helse og omsorg orienterte om ledsager-bevis
Ståle Hauge-AP sette fram felles framlegg knytt til orientering om "ledsager-bevis:
HO-utvalet ønskjer sak om revidering av retningslinene for følgjebevis, særleg med tanke på
den nedre aldersgrensa, for eksempel til skulestart for barn.
HO ber administrasjonenfå fram utfordringar ved krav om at følgebevis skal kunne brukast ved leige av kommunale bygg og arrangement som kommunen støttar økonomisk. Utvalet ønskjer at saka blir lagt fram for OKK.
Framlegget frå Hauge vart samrøystes vedteke.
Utval for helse og omsorg kjem med følgjande uttale i saka:
Utvalet sluttar seg til kommunedirektøren sitt framlegg.
Torill Mongstad-Raudt fekk permisjon under denne saka, og det var dermed seks medlemmar til stades under avrøysting.
Line M. Valle-tenesteleiar Eigedomsforvaltning orienterte i saka.
Ståle Hauge-AP sette fram kommunedirektøren sitt framlegg;
Kommunestyret vedtek å forskottere for 8 stk omsorgsbustader + med vaktrom for personale. Bebuarane skal sjølv eige sine husvære. Tiltaket får kommunal tilvisingsrett på 30 år. Det vert løyvd ei ramme på 46 millionar kr inkl mva og midlar til uforutsette utgifter til realisering av prosjektet. Ved eit sal av bustadene skal dette gå til tilbakebetaling av gjeld.
Finansiering vert slik:
Momsrefusjon 7,8 mill. kr.
Lånemidlar 25,2 mill. kr.
Tilskot frå Husbanken 13 mill. kr.
Tidspunkt og periodisering av investeringa på faktiske utbyggingsår vert innarbeid i neste oppdatering av økonomiplane
Sølvi Knudsen-SP sette fram følgjande framlegg til endring i kommunedirektøren sitt framlegg:
Kommunestyret vedtek å forskottere for 6 stk omsorgsbustader
Dei to framlegga vart sett opp mot kvarandre.
Kommunedirektøren sitt framlegg fekk 3 røyster (S.Hauge-AP, R.Bø-UAVH, Else Marie Dale-KRF).
S.Knudsen-SP sitt framlegg fekk 3 røyster (S.Knudsen-SP, K. Gjetle Floen-AP, M.-I. Wergeland-SP)
Med utvalsleiar Ståle Hauge-AP si dobbelrøyst sluttar utvalet seg til kommunedirektøren sitt framlegg.
Politikar | Parti | Medlemstype | E-Post |
---|---|---|---|
Ståle Juvik Hauge | Arbeiderpartiet | Utvalsleiar | stale.hauge@alver.kommune.no |
May-Irene Wergeland | Senterpartiet | Nestleiar | miwsp@online.no |
Kirsti Gjetle Floen | Arbeiderpartiet | Medlem | kgfloen@gmail.com |
Else Marie Skartveit Dale | Kristeleg Folkeparti | Medlem | emsdale@online.no |
Sølvi Gripsgård Knudsen | Senterpartiet | Medlem | sngk@live.no |
Roy Bø | Uavhengig | Medlem | royboe53@gmail.com |
Toril Mongstad | Raudt | Varamedlem | toril.mongstad@online.no |
Alexander Helle (Ikke møtt) | Raudt | Medlem | alexander.helle@alver.kommune.no |
Thore Helland (Ikke møtt) | Senterpartiet | Medlem | thore.helland@gmail.com |