Møte i Råd for menneske med nedsett funksjonsevne den 12.10.2020

Vedtak

Innkalling og saksliste er godkjent.

Behandling

Innkalling og saksliste vert godkjent, samrøystes.

Vedtak

Møteprotokoll frå møte 31.08.2020 er godkjent.

Behandling

Møteprotokoll frå møte 31.08.2020 vert godkjent, samrøytes.

Vedtak

Ingen merknader.

Behandling

Ingen merknader, samrøystes

Vedtak

RMNF er positive til at planprogrammet viser til FNs berekraftsmål. Rådet bed om at planprogrammet òg legg til grunn "FN-konvensjonen om rettar til menneske med nedsett funksjonsevne (CRPD)" og "NOU 2016: 17 På lik linje — Åtte løft for å realisere grunnleggende rettigheter for personer med utviklingshemming."

Behandling

Fellesframlegg:

RMNF er positive til at planprogrammet viser til FNs berekraftsmål. Rådet bed om at planprogrammet òg legg til grunn "FN-konvensjonen om rettar til menneske med nedsett funksjonsevne (CRPD)" og "NOU 2016: 17 På lik linje — Åtte løft for å realisere grunnleggende rettigheter for personer med utviklingshemming."

Framlegget vart samrøystes vedteke.

Vedtak

RMNF er positive til at det i planprogrammet vert lagt vekt på inkludering. Dette må både gjelda menneske som flyttar hit frå andre land, menneske med nedsett funksjonsemne og andre minoritetar. Rådet bed om at "FN-konvensjonen om rettar til menneske med nedsett funksjonsevne (CRPD)" og "FNs barnekonvensjon" vert lagde til grunn i planprogrammet, i tillegg til FNS berekraftsmål.

Behandling

Orientering i saka v/Rolf Raknes-fagansvarleg Plan og analyse og Hans Kristian Dolmen-rådgjevar Plan og analyse

Fellesframlegg:

RMNF er positive til at det i planprogrammet vert lagt vekt på inkludering. Dette må både gjelda menneske som flyttar hit frå andre land, menneske med nedsett funksjonsemne og andre minoritetar. Rådet bed om at "FN-konvensjonen om rettar til menneske med nedsett funksjonsevne (CRPD)" og "FNs barnekonvensjon" vert lagde til grunn i planprogrammet, i tillegg til FNS berekraftsmål.

Framlegget vart samrøystes vedteke.

Vedtak

Ingen merknader.

Behandling

Orientering til saka v/Hans Kristian Dolmen-

Ingen merknader, samrøytes

Vedtak

RMNF sluttar seg til framlegget til høyringsuttale. I tillegg bed rådet om at det vert teke inn eit punkt om at regelen om at ein ikkje kan få TT dersom ein får tilskot til bil frå NAV vert mjuka opp.

Sjølv om det vert gjeve slikt tilskot, kan det t.d. vera tilfelle der det ikkje er tilgjengeleg sjåfør, slik at det må nyttast taxi. Difor bør det opnast for ei individuell vurdering av om personar som får tilskot frå NAV i tillegg kan koma med i TT-ordninga.

Behandling

Orientering til saka v/Kari Hesjedal-leiar Forvaltningskontoret

Fellesframlegg:

RMNF sluttar seg til framlegget til høyringsuttale. I tillegg bed rådet om at det vert teke inn eit punkt om at regelen om at ein ikkje kan få TT dersom ein får tilskot til bil frå NAV vert mjuka opp.

Sjølv om det vert gjeve slikt tilskot, kan det t.d. vera tilfelle der det ikkje er tilgjengeleg sjåfør, slik at det må nyttast taxi. Difor bør det opnast for ei individuell vurdering av om personar som får tilskot frå NAV i tillegg kan koma med i TT-ordninga.

Framlegget vart samrøystes vedteke.

Vedtak

I § 5 er det lista opp tiltak som bør vera prøvd eller vurderte, før det vert gjort vedtak om tildeling av langtidsopphald. RMNF meiner BPA bør inn på denne lista. Nokre gonger kan denne ordninga, eventuelt kombinert med andre tiltak, gjera at ein person kan verta buande heime.

Behandling

Orientering til saka v/Kari Hesjedal-leiar Forvaltningskontoret

Fefllesframlegg:

I § 5 er det lista opp tiltak som bør vera prøvd eller vurderte, før det vert gjort vedtak om tildeling av langtidsopphald. RMNF meiner BPA bør inn på denne lista. Nokre gonger kan denne ordninga, eventuelt kombinert med andre tiltak, gjera at ein person kan verta buande heime.

Framlegget vart samrøystes vedteke.

Vedtak

Frå RMNF:

Medlem: Bente Orlen Westervik

Varamedlem: Jannicke Helland

Behandling

Orientering til saka v/Helge Kvam-fagansvarleg Helse og omsorg

Fellesframlegg:

Representant Bente Orlen Westervik med varamedlem Jannicke Helland.

Framlegget vart samrøystes vedteke.

Vedtak

1. Vegleiaren er ei viktig oppsummering av rammene for tenestetilbodet til personar med utviklingshemming. Når vegleiaren er vedteken, må den gjerast kjend for alle som yter desse tenestene. Den må òg få konkrete nedslag i økonomiplanen, og i andre planprosessar i kommunen.

2. På eit seinare tidspunkt ønskjer rådet å få ei orientering om korleis slike vegleiararar og tilsvarande dokument vert handterte i kommunen, og implementerte i drifta av tenester til menneske med nedsett funksjonsemne meir generelt.

Behandling

Fellesframlegg:

1. Vegleiaren er ei viktig oppsummering av rammene for tenestetilbodet til personar med utviklingshemming. Når vegleiaren er vedteken, må den gjerast kjend for alle som yter desse tenestene. Den må òg få konkrete nedslag i økonomiplanen, og i andre planprosessar i kommunen.

2. På eit seinare tidspunkt ønskjer rådet å få ei orientering om korleis slike vegleiararar og tilsvarande dokument vert handterte i kommunen, og implementerte i drifta av tenester til menneske med nedsett funksjonsemne meir generelt.

Framlegget vart samrøystes vedteke.

Vedtak

Meldingar og orienteringar vert teke til orientering.

Behandling

Orientering under punkt 1 og 2 vart gjevne i fellesfora med Eldrerådet

Punkt 1. Budsjett og økonomiplan 2021 v/Janne Sund-kommunalsjef for økonomi
a. Når møteplanen for 2021 skal fastsetjast, må det leggjast opp til ein budsjettprosess som gjer at RMNF får meir reelt høve til å påverka utfallet, enn rådet opplever at tilfellet har vore dette året.

b. På neste møte, 9. november, ønskjer rådet å få økonomiplanen opp som eiga sak, og at saksmengda vert tilpassa til at rådet har tid til å gå grundig inn i denne saka.

Punkt 2. Status Korona v/Leni Dale-kommunalsjef Helse og omsorg

Punkt 3. Prosjekt «Kvassnesstemma – møteplass i Knarvik» - val av ein representant frå RMNF i styringsgruppa.

Fellesframlegg:

Representant Svein Arne Vabø med varamedlem Magne Bjørndal.

Framlegget vart samrøystes vedteke.

Punkt 4.

a. I e-post datert 30.9.20 reiser Evy Knutsen, på vegner av NFU, problemstillingar knytt til avlastingstilbod til familiar med tyngjande omsorgsoppgåver. Rådet bed administrasjonen førebu denne saka, og leggja til rette for at den kjem opp på rådet sitt møte 9. november.

b. Det har kome innspel om at måten støttekontaktar vert godtgjort på, gjer at dei får mindre utbetalt i 2020, enn dei har fått tidlegare.

Rådet bed administrasjonen klargjera for dei det gjeld kva som er endra.

Vidare bed ein om å få tilbodet om støttekontakt opp som sak tidleg i 2021.