Møte i Eldreråd den 27.04.2020

Vedtak

Innkalling og saksliste vert godkjent.

Behandling

Eldrerådet godkjende innkalling og saksliste.

Vedtak

Møteprotokollen vert godkjent.

Behandling

Eldrerådet godkjende protokoll frå møte 9. mars.

Vedtak

Eldrerådet meiner at meir enn 70 prosent av bueiningane må stetta kravet til universell utforming. Det må sikrast at dei bueiningane som ikkje er universelt utforma, likevel må ha trinn- og terskelfri tilkomst. Eldrerådet ser også behov for fleire tilrettelagde parkeringsplassar for rørslehemma og at alle faste parkeringsplasser/garasjer må ha dimensjonerte lademoglegheiter for el-biler.

Eldrerådet meiner vidare at tilkomsten til flytebryggje og båtplassar må vera universelt utforma.

Behandling

Rådgjevar Plan og analyse, Ole Martin Bolset orienterte om planen og svara på spørsmål i fellesfora mellom eldrerådet og råd for menneske med nedsett funksjonsevne.
Eldrerådet drøfta saka grundig, og ønskjer å leggja vekt på universell tilkomst til buarealet og betre tilrettelegging av parkeringsplassar, inkludert P-plassar for rørslehemma.
Det vart sett fram følgjande fellesframlegg til uttale:
Eldrerådet meiner at meir enn 70 prosent av bueiningane må stetta kravet til universell utforming. Det må sikrast at dei bueiningane som ikkje er universelt utforma, likevel må ha trinn- og terskelfri tilkomst. Eldrerådet ser også behov for fleire tilrettelagde parkeringsplassar for rørslehemma og at alle faste parkeringsplasser/garasjer må ha dimensjonerte lademoglegheiter for el-biler.

Eldrerådet meiner vidare at tilkomsten til flytebryggje og båtplassar må vera universelt utforma.

Eldrerådet vedtok samrøystes framlegg til vedtak sett fram møtet.

Vedtak

I samsvar med plan- og bygningslova §§ 11-12 og 11-13 vedtek Formannskapet i Alver kommune oppstart av arbeid med kommuneplanen, og å leggje ut planprogram for kommuneplanen sin samfunnsdel til offentleg høyring og ettersyn.

Behandling

Rådgjevar plan, Line T. Waag orienterte i saka og svara på spørsmål.

Eldrerådet drøfta saka.

Det vart uttrykt behov for eit ekstramøte i rådet for å få ein grundigare gjennomgang og drøfting av planprogrammet for kommuneplanen sin samfunnsdel. Eldrerådet konkluderte med at rådet vil få saka ttil handsaming og uttale når programprogrammet kjem på høyring.

Eldrerådet vedtok rådmannen sitt framlegg til vedtak.

Vedtak

Meldingar og orienteringar vert tekne til orientering.

Behandling

Følgjande orienteringar vart gjeve i fellesfora med Eldrerådet og RMNF:

1. Planlagte tiltak i høve til korona-situasjonen for ansvarsområde Helse og omsorg v/Leni Dale-kommunalsjef

2. Status vedkomande plan- og utviklingsarbeid, og konsekvenser i høve til korona-situasjonen v/Hogne Haugsdal-kommunalsjef Samfunnsutvikling

3. Kommuneplanen sin samfunnnsdel - Varsel om oppstart og framlegg til planprogram v/Line T. Waag-rådgjevar Plan

4. Detaljreguleringsplan for Alverstraumen kai - 1.gongs handsaming v/Ole Martin Bolset-rådgjevar Plan og analyse

Eldrerådet tok meldingar og orienteringar til orientering.