Møte i Utval for næring, kultur og idrett den 11.03.2020

Vedtak

Innkalling og saksliste vert godkjent.

Behandling

Utvalet godkjende innkalling og saksliste.

Vedtak

Møteprotokollen vert godkjent.

Behandling

Utvalet godkjende møteprotokollen frå møte 5. februar.

Vedtak

Alver kommune søkjer medlemskap i Nettverket for fjord- og kystkommunar (NFKK). Medlemskostnadane på kr 45 000,- skal dekkast av driftsbudsjettet.

Behandling

Utvalet vedtok samrøystes rådmannen sitt framlegg til vedtak.

Vedtak

Alver kommune søkjer medlemskap i Klimapartner Vestland. Medlemskontingenten på 50.000 kr blir finansiert via driftsbudsjettet.

Behandling

Nina Stabell Øvreås (Frp) sette fram følgjande endringsframlegg:
Alver kommune søkjer medlemskap i Klimapartner Vestland. Medlemskontingenten på 50.000 kr blir finansiert via driftsbudsjettet.

I ei prøverøysting vart røystetalet 3-3.
Ved endeleg røysting vart framlegget frå Nina Stabell Øvreås samrøystes vedteke.

Vedtak

I arbeidet med temaplan for næringsutvikling (strategisk næringsplan) skal ein nyttemetoden smart spesialisering etter tilrådingane frå næringsanalysen «Smart vekst i Alver».

Arbeidet med ny temaplan skal koordinerast med prosessen med kommuneplanen sin samfunnsdel for Alver og oppstart av smart spesialiseringsstrategi for næringsutvikling i Vestland fylkeskommune.

Ved starten av arbeidet med næringsplanen skal det gjerast ei vurdering/rangering av Alver kommune sin næringsattraktivititet, slik at ein seinare kan gjera same rangeringa igjen for å sjå korleis ein har lukkast med planen. Utvalet ber administrasjonen koma attende med ei sak med framlegg til protokollar og metode for dette i juni-møtet.

Behandling

Utvalsleiar Stian Lavik (KrF) stilte følgjande tilleggsframlegg:
Ved starten av arbeidet med næringsplanen skal det gjerast ei vurdering/rangering av Alver kommune sin næringsattraktivititet, slik at ein seinare kan gjera same rangeringa igjen for å sjå korleis ein har lukkast med planen. Utvalet ber administrasjonen koma attende med ei sak med framlegg til protokollar og metode for dette i juni-møtet.

Utvalet vedtok samrøystes rådmannen sitt framlegg til vedtak med tilleggframlegg frå Stian Lavik sett fram i møtet.

Vedtak

Elektrifisering av Nordsjøen må føra til forsterking av kraftsystemet på Vestlandet, slik at dette ikkje går på bekostning av ny industri på Vestlandet. Det er trong for oppgradering både av nettkapasitet og total kraftproduksjon.

Kraftsituasjonen på Mongstad er kritisk og det bør raskt innleiast til ein dialog med aktuelle aktørar som kan løyse kraftsituasjonen på Mongstad utan kraftvarmeverket med dei tiltaka som er omtalt i saksframlegget. Vidare ber utvalet om at Alver kommune følgjer opp tiltakspunkta i kraftanalysen (t.d. ny transformatorstasjon på Mongstad og oppgradering av nettet for innførsel til denne, samt temaet rundt anleggsbidrag) ser på ei prioritering av desse.

Utvalet ber om å få opp ei sak som skal vidare til kommunestyret der ein startar ein prosess for å søkje konsesjon som kan sikre straum for framtidig næringsetablering.

Behandling

Dagleg leiar i Nordhordland næringslag, Baste Tveito, og Yngve Aabø i konsulentselskapet Aabø Consulting orienterte om kraftbehovet på Mongstad og i Nordhordlandsregionen, med grunnlag i rapporten "Næringsutvikling og kraftintensiv industri i Nordhordland.

Utvalsleiar Stian Lavik (KrF) sette fram følgjande framlegg:
Elektrifisering av Nordsjøen må føra til forsterking av kraftsystemet på Vestlandet, slik at dette ikkje går på bekostning av ny industri på Vestlandet. Det er trong for oppgradering både av nettkapasitet og total kraftproduksjon.

Kraftsituasjonen på Mongstad er kritisk og det bør raskt innleiast til ein dialog med aktuelle aktørar som kan løyse kraftsituasjonen på Mongstad utan kraftvarmeverket med dei tiltaka som er omtalt i saksframlegget. Vidare ber utvalet om at Alver kommune følgjer opp tiltakspunkta i kraftanalysen (t.d. ny transformatorstasjon på Mongstad og oppgradering av nettet for innførsel til denne, samt temaet rundt anleggsbidrag) ser på ei prioritering av desse.

Utvalet ber om å få opp ei sak som skal vidare til kommunestyret der ein startar ein prosess for å søkje konsesjon som kan sikre straum for framtidig næringsetablering.

Framlegget frå Stian Lavik vart sett opp mot rådmannen sitt framlegg til vedtak. Utvalet vedtok samrøystes Lavik sitt framlegg sett fram i møtet.

Vedtak

Behandling

Utvalet var på synfaring på forsyningsbasen på Mongstad.Det vart halde følgjande orienteringar:

1. Orientering om droneprosjektet v/Rune Eikeland GC Labs og driftssjef Kjetil Spurkeland i Alver kommune

2. Orientering om aktuelle «grøne» næringsprosjekt» v/næringssjef Tanja Hoel

3. Orientering om vedtak i kommunestyret knytt til reglement for kommunalt næringsfond

4. Orientering om vannbehandlingsanlegget på Litlås v/Arne Eikefet, rådgjevar næring og utvikling

Kjell Kallestad Stople i Asset Buyout Partners orienterte via skype om verksemda knytt til forsyningsbasen på Mongstad.
Omvising og orientering på Litlås vannbehandlingsanlegg v/ Arne Eikefet, rådgjevar næring og utvikling i Alver kommune.

Utvalsleiar Stian Lavik (KrF) sette fram følgjande framlegg knytt til orientering 1 om droneprosjektet:
Utvalet ber om at administrasjonen kjem attende med eiga politisk sak om droneprosjektet mellom Alver kommune og CG Labs, der ein også vurderer organisering og finansiering. Når droneprosjektet startar opp, ser utvalet naturleg for seg å vera styringsgruppe for prosjektet.

Utvalet vedtok framlegg sett fram i møtet.
Utvalsleiar Stian Lavik (KrF) sette fram følgjande framlegg knytt til orientering 3 om kommunestyret sitt vedtak om vedtekter for kommunalt næringsfond:
Utvalet ber om sak til kommunestyret der ein legg til setninga “Kommunen kan krevje at søkjaren må innlevere eit eigenrapporteringsskjema om lønns-og arbeidsvilkår for tilsette i bedrifta.” i punkt 8 i vedtektene for næringsfondet.

Utvalet vedtok Lavik stt framlegg sett fram i møtet.

Utvalsleiar Stian Lavik sette også fram følgjande framlegg:Utvalet takkar elles for god informasjon og tek meldingane til orientering.

Utvalet slutta seg til framlegget.