Møte i Utval for helse og omsorg den 06.09.2022

Vedtak

Innkalling og saksliste vert godkjent.

Behandling

Utvalet godkjende samrøystes innkalling og saksliste.

Vedtak

Møteprotokollen vert godkjent.

Behandling

Utvalet godkjende samrøyses møteprotokoll for 31.05.2022.

Vedtak

Utval for helse og omsorg kjem med følgjande innstilling i saka:I samsvar med prosessreglane i plan- og bygningslova kap. 11 vedtek Alver kommune å sende planforslag for «Handlingsplan mot vald i nære relasjonar» ut til offentleg høyring og ettersyn. 

Høyringsperioden vert sett til seks veker.

Utval for helse og omsorg ber administrasjonen arbeide følgjande inn i planen:

Undervisningsopplegg for 2.-10.klasse tilpassast og vidareførast inn i vidaregåande skule.

Behandling

Kjersti Risa Marøy-tenesteleiar Helsestasjon og jordmortenesta orienterte i saka og svara på spørsmål.

Utvalsleiar Ståle Hauge-AP sette fram følgjande tilleggsframlegg:
Utval for helse og omsorg ber administrasjonen arbeide følgjande inn i planen:Undervisningsopplegg for .2-10. klasse tilpassast og vidareførast inn i vidaregåande skule.

Utvalet vedtok samrøystes kommunedirektøren sitt framlegg, med tilleggsframlegg frå S. Hauge.

Vedtak

Utval for helse og omsorg kjem med følgjande uttale i saka:

Prosjektet Bufellesskap i Skarsvegen 29 leggast vekk i sin heilskap. Vi bed administrasjonen koma attende med ei utgreiing av tomtealternativa på Erstad og Moldekleiv. Desse vurderast opp mot einannan ut frå desse premissane:· avstand til naboar· avstand til trafikert veg· avstand til butikk/senter· støy/uro· soltilhøve for tomtane slik dei ligg i dag utan bebygging· moglegheiter for uteaktivitetar/hage tilpassa ulike brukarar· plass til parkering for bebuarar, gjestar og tilsette· storleik på tomten
- kostnadsoverslag inkludert naudsynt investeringar i infrastruktur for å realisere prosjektet.

Administrasjonen kjem attende med politisk sak om val av tomt.

Behandling

Formannskapet vedtok i sak 066/22 å senda sak om "Byggeprogram - bufellesskap" tilbake til utval for helse og omsorg for ny politisk handsaming, der utvalet vurderer gildskap for handsaming av saka.

Utvalsleiar Ståle Hauge-AP reiste spørsmål om May-Irene Wergeland-SP er inhabil i saka.
Utvalet erklærte Wergeland inhabil, og ho deltok ikkje i handsaminga av saka.
Astrid Anne Fjeldstad-SP gjekk inn i utvalet i Wergeland sin stad.

Sølvi Knudsen-SP sette fram følgjande framlegg til uttale:

Prosjektet Bufellesskap i Skarsvegen 29 leggast vekk i sin heilskap. Vi bed administrasjonen koma attende med ei utgreiing av tomtealternativa på Erstad og Moldekleiv. Desse vurderast opp mot einannan ut frå desse premissane:· avstand til naboar· avstand til trafikert veg· avstand til butikk/senter· støy/uro· soltilhøve for tomtane slik dei ligg i dag utan bebygging· moglegheiter for uteaktivitetar/hage tilpassa ulike brukarar· plass til parkering for bebuarar, gjestar og tilsette· storleik på tomten

- kostnadsoverslag inkludert naudsynt investeringar i infrastruktur for å realisere prosjekte.

Administrasjonen kjem attende med politisk sak om val av tomt.

Alexander Helle-R sette fram kommunedirektøren sitt framlegg:
Kommunestyret vedtek byggjeprogram for nytt bufellesskap for menneske med utviklingshemming slik det ligg føre i saka.

Under røysting vart dei to framlegga sett opp mot kvarandre.

S.Knudsen-SP sitt framlegg fekk 6 røyster (Sølvi Knudsen-SP, Thore Helland-SP, Astrid Anne Fjeldstad-SP, Ståle Hauge-AP, Kirsti Gjetle Floen-AP, Roy Bø-UAVH)).
Alexander Helle-R sitt framlegg fekk 2 røyster (Alexander Helle-R, Else Marie S. Dale-KRF)

Vedtak

Utval for helse og omsorg støttar Råd for menneske med nedsett funksjonsevne sin uttale i saka 05.09.2022.

HO ber administrasjonen sikra at det offentlege har reserveareal for utvikling av offentleg tenesteyting i forhold til vedtatt senterstruktur, dette gjeld utviding eller behov for areal til ny bygningsmasse for formålet.

HO ber administrasjonen sikre at det blir sett av areal til sosiale møteplassar både på organiserte og uorganiserte stader.

HO ber administrasjonen ta inn som kriterier i planen dei vedtaka i bustadsosial handlingsplan som krev arealavsetning for å kunne realiserast. Sekundært må det avsetjast areal før bustadsosial handlingsplan er vedtatt i Alver kommune.

HO ber administrasjonen vurdere å innføre krav til 50% universal utforming og krav til «livsløpstandard» i areal avsett til bustader.

Behandling

Marte Hagen Eriksrud-rådgjevar Plan og analyse orienterte og svara på spørsmål.

Utvalsleiar Ståle Hauge-AP sette fram følgjande framlegg til uttale:
Utval for helse og omsorg støttar Råd for menneske med nedsett funksjonsevne sin uttale i saka 05.09.2022.

HO ber administrasjonen sikra at det offentlege har reserveareal for utvikling av offentleg tenesteyting i forhold til vedtatt senterstruktur, dette gjeld utviding eller behov for areal til ny bygningsmasse for formålet.

HO ber administrasjonen sikre at det blir sett av areal til sosiale møteplassar både på organiserte og uorganiserte stader.

HO ber administrasjonen ta inn som kriterier i planen dei vedtaka i bustadsosial handlingsplan som krev arealavsetning for å kunne realiserast. Sekundært må det avsetjast areal før bustadsosial handlingsplan er vedtatt i Alver kommune.

HO ber administrasjonen vurdere å innføre krav til 50% universal utforming og krav til «livsløpstandard» i areal avsett til bustader.

Utvalet vedtok samrøystes S. Hauge-AP sitt framlegg til uttale.

Vedtak

Meldingar vert tekne til orientering.

Behandling

Det vart gjeve følgjande meldingar/orienteringar:

- Prosjekt leiing, kvalitetsforbetring og ressurseffektiv drift – status v/Eva Mikkelsen-prosjektleiar

- Busetting flyktningar i Alver – status v/Arngunna Haga-avdelingsleiar NAV

- Gjennomgang sjukefråver i helse- og omsorgssektoren - orientering v/Leni Dale-kommunalsjef helse og omsorg

Utvalet tok meldingar til orientering.