Møte i Alver formannskap den 10.02.2022

Vedtak

Innkalling og saksliste med tilleggssak er godkjent.

Behandling

Det vert sett opp ei ekstrasak i møtet, sak 022/22

Sak 021/22 vart handsama etter sak 022/22

Rådmannen sitt framlegg med endring vart samrøystes vedteke.

Vedtak

Møteprotokollane, med endring, er godkjent.

Behandling

Endring:

Møte 2.des.Jostein Hellestveit ikkje tilstade.

Ellers ingen merknader, samrøystes.

Vedtak

Unytta investeringsmidlar i 2021 på 117,2 mill. kr vert flytta til budsjett 2022 i samsvar med tabellen i saksutgreiinga. Auken vert finansiert av unytta lånemidlar 103,1 mill. kr og momskompensasjon med 14,1 mill. kr.

Behandling

Rådmannen sitt framlegg vart samrøystes vedteke.

Vedtak

«Kommunestyret sluttar seg til avtale med Austrheim kommune for levering av drikkevatn og reservevassforsyning, jf avtaleforslag datert 27.01.2022. Rådmannen får fullmakt til oppfølging og signering etter politisk behandling i Austrheim kommune.»

Avtaleteksten skal vera omsett til nynorsk før signering.

Behandling

Tilleggsframlegg frå A.Hetlebakke-KRF:

Avtaleteksten skal vera omsett til nynorsk før signering.

Rådmannen sitt framlegg vart samrøystes vedteke.

Framlegg frå A.Hetlebakke vart samrøystes vedteke.

Vedtak

• Alver kommune sluttar seg til «Strategisk styringsdokument for innfartsparkering innafor avtaleområdet til Miljøløftet».

Behandling

Tilleggsframlegg frå M.Klementsen-uavh.:

Innfartsparkering legges tett ved utkantene av bompengeplasseringene. Parkering vert gratis. Shuttlebuss må bistå med persontransport til bussholdeplass sentralt i Knarvik/Flatøy

Framlegget fekk 4 røyster og fall (J.Hellestveit-SP, M.Klementsen-uavh., T.Sletten-Hansen-uavh. og M.Færø-uavh.)

Rådmannen sitt framlegg vart vedteke med 9 røyster (mot

Vedtak

Alver kommune tilrår at følgjande prosjekt blir tatt inn i Miljøløftet sitt handlingsprogram 2023 -2026.

• Fv5474, Seim skule, fortau/trafikksikring

• Fv5458, Ostereidet, fortau/trafikksikring i Lindsdalen

• Fv5452, Leknes, fortau/trafikksikring ved Eknes Karosseri

• Fv5452, Apalen, fortau/trafikksikring Apalen – kryss Kleivdalsvegen

Behandling

Rådmannen sitt framlegg vart samrøystes vedteke

Vedtak

«Kommunestyret tek utgreiinga om sjølvkostgrunnlaget for plansaksgebyr til orientering, og sluttar seg til prosessen som er tilrådd i oppsummeringa.

Ramma for ansvar 7120 plan- og byggesaksbehandling, teneste 3011 plansaksbehandling etter sjølvkost, blir auka med kr 1,5 mill for 2022. Midlane blir henta frå disposisjonsfondet.»

Behandling

Rådmannen sitt framlegg vart vedteke mot 2 røyster (M.Klementsen-uavh.og T.Sletten-Hansen-uavh.).

Vedtak

Alver kommunestyre godkjenner oppdaterte gebyr- og betalingssatsar for 2022 slik dei går fram av vedlegg datert01.02.2022.

Behandling

Framlegg frå M.Klementsen-uavh.:

Alver kommune fryser prisene på dagens nivå. Dette grunnet innbyggernes økte utgifter i for  bl,a, bompenger og ikke minst meget dyre strømpriser i markedet. Som nest störste kommunale eier av BKK, vil Alver kommune presumptivt få ett vesentlig større aksjeutbytte enn vanleg. 

Framlegget fekk 3 røyster og fall (M.Klementsen-uavh., T.Sletten-Hansen-uavh.og M.Færø-uavh.)

Rådmannen sitt framlegg vart vedteke med 9 røyster, mot 3 røyster

Vedtak

«Kommunestyret godkjenner at Eva Tangen får tilbod om innløysning av festa naustegrunn på Holmeknappen gbnr 310/3 for kr 127 369,- pluss omkostningar til mellom anna frådeling og oppmåling av naustparsellen. Tilbodet står ved lag seks måneder frå vedtaksdato.»

Behandling

Rådmannen sitt framlegg vart samrøystes vedteke.

Vedtak

Prosjektmandat for rehabilitering av Ostereidet kunstgras vert godkjent slik det ligg føre.

Behandling

Rådmannen sitt framlegg vart samrøystes vedteke.

Vedtak

«Kommunestyret vedtek prosjektrehabilitering av taket på Solhall, Manger - søndre del. Det vert løyvd 4,4 mill inkl.mva til arbeidet, finansiert gjennom auka låneopptak»

Behandling

Rådmannen sitt framlegg vart samrøystes vedteke.

Vedtak

«Kommunestyret vedtek Reglement for styring av investeringsprosjekt, revisjon 01 med dei endringane som er lagt fram i saka» og føljande endring:

På kulepunktet om historikk i sakspapirer:

* Eventuelle tilleggsløyvingar

Endres til:

*Eventuelle tilleggsløyvingar, når og kva beløp

Behandling

Framlegg frå T.Larsen-H:

På kulepunktet om historikk i sakspapirer:

* Eventuelle tilleggsløyvingar

Endres til:

*Eventuelle tilleggsløyvingar, når og kva beløp

Framlegget vart samrøystes vedteke.

Rådmannen sitt framlegg med endring vart samrøystes vedteke.

Vedtak

Innkjøpsstrategi for Alver kommune vert vedteke.

Behandling

Rådmannen sitt framlegg vart samrøystes vedteke.

Vedtak

Spørsmål1:

Alver kommune ynskjer at den økonomiske ramma i Hovudtariffoppgjeret skal fordelast sentralt for å sikre best likebehandling av kommunal sektor.

Spørsmål 2:

Noverande situasjon og demografisk utvikling tilsvarar at Alver kommune vil møte store utfordringar innan rekruttering av tilsette til helsesektoren. Alver kommune ynsksjer difor ei omfordeling med tydelige prioriteringar innan helsesektoren. Stillingene sjukepleiar, vernepleiar og helsefagarbeidar er viktige og bør prioriterast.

Når det gjeld rekruttering vil Alver kommune òg peike på at i følgje SSB er det over 24 000 tilsette i grunnskular og vidaregåande skular som ikkje har godkjent lærarutdanning (lærar utan godkjent utdanning). Sjølv om ein tar omsyn til usikre prognosar om søkkande elevtal, vil det vere stor mangel på kvalifiserte lærarar i lang tid framover.

Spørsmål 3:

Hovudtariffavtalen er i sin noverande form god og omfattende i høve til både arbeidsgjevars og tilsettes rettar og pliktar. Vi ser to områder som er har eit forbetringspotensiale:

• Kap 1, §5.2: Laurdags og søndagstillegg: For avdelingar som har helgearbeid er dekning av vaktar i helgene ofte ei utfordring. Eit auke av disse tillegga vil ha ein positiv effekt med å gjere disse vaktane meir atraktive og gjøre det lettare for arbeidsgjevar å løyse utfordringar knytt til helgearbeid.

• Kap1. § 10.2: Ytelser etter dødsfall/gruppelivsforsikringer. Forsikringssummane oppleves som noe lave og bør aukast opp.

Spørsmål 4

Kva vil kommunen/fylkeskommunen sjølv ha mest merksemd på i ei tillitsreform, i eigen organisasjon og ovanfor lokalsamfunnet?

Svar:

Alver kommune delar måla i tillitsreforma som handlar om å bruke meir tid til tenesteproduksjon og mindre tid på rapportering og kontroll. Fokuset må endrast frå rutinemessig dokumentasjon til rapportering av konkrete avvik.

For å vidareutvikle dei kommunale tenestene i samsvar med brukarane sine behov skal Alver kommune søkje å ta vare på og vidareutvikle dialogen med innbyggjarane i kommune. Dette kan skje gjennom godt samspel og samskaping med innbyggjarane og styrke lokaldemokratiet gjennom gode medverknads- og informasjonsvedtak. Ei hovudsak blir å realisere mål og strategiar i sentrale styringsdokument som samfunnsdelen til kommuneplanen, arbeidsgjevarstrategi og økonomiplan.

I implementeringa av ei tillitsreform er det viktig å balansere tillit og kontroll. Eigenkontrollen og kvalitetssystemet til kommunen er viktige element i arbeidet med å sikre kvalitet og effektivitet i tenesteproduksjonen, at lovar og reglar blir etterlevd og at uønska hendingar ikkje finn stad.

Politiske vedtak og avgjerder basert på kunnskap og godt partssamarbeid i organisasjonen vil, saman med engasjerte, trygge og myndiggjorte arbeidstakarar og leiarar, bidra til at organisasjonen kan levere gode tenester og eit godt arbeidsmiljø i åra framover.

Spørsmål 5

Kva bør KS som interessepolitisk aktør ha mest merksemd på i utforminga av ei tillitsreform i og ovanfor kommunesektoren?

Svar:

Kommunane treng at KS arbeider aktivt for å påverke nasjonalt nivå slik at det lokale handlingsrommet blir mest mogleg ramme- og kvalitetsstyrt og minst mogleg kontroll- og detaljstyrt. Eit godt og fungerande lokalt og kommunalt handlingsrom vil frigi arbeidskapasitet frå rapportering til lokalt samspel, handling og gjennomføring.

KS kan halde fram med å bidra overfor kommunane ved å ha god og tett dialog med kommunane gjennom kontakt med både politikk og administrasjon, og passe på å formidle tydelege og samordna signal frå kommunesektoren til regjeringa.

Spørsmål 6

Kva bør eventuelt KS bidra med som utviklingspartnar for kommunane/fylkeskommunane i gjennomføringa av ei tillitsreform lokalt?

Svar:

KS har mykje god kompetanse som kan bidra med å byggje god kunnskap i kommunale styrings- og avgjerdsprosessar, og som ein utviklingspartnar i gjennomføring av tillitsreforma lokalt. Prosessar som er kunnskapsstyrte og som byggjer på oppdatert kunnskap vil sikre at kommunane varetar det samla samfunnsoppdraget på best mogleg måte i samarbeid med innbyggjarar og lokalt næringsliv.

KS kan bidra til å etablere større heilskap kring dialogen om dei felles kompetanse- og rekrutteringsutfordringane som kommunane har samla sett.

KS må vere ein aktør som bidreg til å samle offentlege etatar, næringsliv og organisasjonar til samarbeid og utvikling.

Behandling

Fellesframlegg frå AP, Sp, H og KrF ved Ø.Oddekalv-AP:

Spm.1 og 3 som rådmannen sitt framlegg.

Tillegg til spørsmål 2:

Når det gjeld rekruttering vil Alver kommune òg peike på at i følgje SSB er det over 24 000 tilsette i grunnskular og vidaregåande skular som ikkje har godkjent lærarutdanning (lærar utan godkjent utdanning). Sjølv om ein tar omsyn til usikre prognosar om søkkande elevtal, vil det vere stor mangel på kvalifiserte lærarar i lang tid framover.

Spørsmål 4

Kva vil kommunen/fylkeskommunen sjølv ha mest merksemd på i ei tillitsreform, i eigen organisasjon og ovanfor lokalsamfunnet?

Svar:

Alver kommune delar måla i tillitsreforma som handlar om å bruke meir tid til tenesteproduksjon og mindre tid på rapportering og kontroll. Fokuset må endrast frå rutinemessig dokumentasjon til rapportering av konkrete avvik.

For å vidareutvikle dei kommunale tenestene i samsvar med brukarane sine behov skal Alver kommune søkje å ta vare på og vidareutvikle dialogen med innbyggjarane i kommune. Dette kan skje gjennom godt samspel og samskaping med innbyggjarane og styrke lokaldemokratiet gjennom gode medverknads- og informasjonsvedtak. Ei hovudsak blir å realisere mål og strategiar i sentrale styringsdokument som samfunnsdelen til kommuneplanen, arbeidsgjevarstrategi og økonomiplan.

I implementeringa av ei tillitsreform er det viktig å balansere tillit og kontroll. Eigenkontrollen og kvalitetssystemet til kommunen er viktige element i arbeidet med å sikre kvalitet og effektivitet i tenesteproduksjonen, at lovar og reglar blir etterlevd og at uønska hendingar ikkje finn stad.

Politiske vedtak og avgjerder basert på kunnskap og godt partssamarbeid i organisasjonen vil, saman med engasjerte, trygge og myndiggjorte arbeidstakarar og leiarar, bidra til at organisasjonen kan levere gode tenester og eit godt arbeidsmiljø i åra framover.

Spørsmål 5

Kva bør KS som interessepolitisk aktør ha mest merksemd på i utforminga av ei tillitsreform i og ovanfor kommunesektoren?

Svar:

Kommunane treng at KS arbeider aktivt for å påverke nasjonalt nivå slik at det lokale handlingsrommet blir mest mogleg ramme- og kvalitetsstyrt og minst mogleg kontroll- og detaljstyrt. Eit godt og fungerande lokalt og kommunalt handlingsrom vil frigi arbeidskapasitet frå rapportering til lokalt samspel, handling og gjennomføring.

KS kan halde fram med å bidra overfor kommunane ved å ha god og tett dialog med kommunane gjennom kontakt med både politikk og administrasjon, og passe på å formidle tydelege og samordna signal frå kommunesektoren til regjeringa.

Spørsmål 6

Kva bør eventuelt KS bidra med som utviklingspartnar for kommunane/fylkeskommunane i gjennomføringa av ei tillitsreform lokalt?

Svar:

KS har mykje god kompetanse som kan bidra med å byggje god kunnskap i kommunale styrings- og avgjerdsprosessar, og som ein utviklingspartnar i gjennomføring av tillitsreforma lokalt. Prosessar som er kunnskapsstyrte og som byggjer på oppdatert kunnskap vil sikre at kommunane varetar det samla samfunnsoppdraget på best mogleg måte i samarbeid med innbyggjarar og lokalt næringsliv.

KS kan bidra til å etablere større heilskap kring dialogen om dei felles kompetanse- og rekrutteringsutfordringane som kommunane har samla sett.

KS må vere ein aktør som bidreg til å samle offentlege etatar, næringsliv og organisasjonar til samarbeid og utvikling.

Framlegget vart samrøystes vedteke.

Rådmannen sitt framlegg med endringar vart samrøystes vedteke.

Vedtak

Formannskapet utset avgjerda om strøyming av møte i politiske styringsgrupper, og kjem tilbake til dette i sak om reglement for prosjektstyring.

Fram til avgjerd om eventuell strøyming vert tatt, blir strøyming av møta bestemt av utvalsleiar.

Behandling

Fellesframlegg ved S.Sekkingstad-SP:

Formannskapet utset avgjerda om strøyming av møte i politiske styringsgrupper, og kjem tilbake til dette i sak om reglement for prosjektstyring.

Fram til avgjerd om eventuell strøyming vert tatt, blir strøyming av møta bestemt av utvalsleiar.

Framlegget vart samrøystes vedteke.

Vedtak

Tittel på øvste administrative leiar i Alver kommune vert endra frå rådmann til kommunedirektør frå 1. mars 2022.

Rådmannen får fullmakt til å avgjere endring av tittel for assisterande rådmann frå same tidspunkt.

Behandling

Framlegget vart samrøystes vedteke.

Vedtak

Meldinga er teke til orientering.

Behandling

Rådmannen sitt framlegg vart samrøystes vdteke.

Vedtak

E39 Vågsbotn-Klauvaneset må ha oppstart i første NTP-periode

E39 mellom Vågsbotn og Kluvaneset har ein årsdøgntrafikk på over 20 000 midt på strekket, 12 % av dette er tungtrafikk, dvs. 2500 køyretøy. Vegbreidda er mindre enn 6 meter på det smalaste, og dette gjer vegen til den smalaste i landet om ein tar omsyn til trafikkmengd. I tillegg er det 25 uoversiktlege avkøyrslar på strekket som er om lag 9 km.

Kvart døgn køyrer eit stort tal tunge køyretøy med farleg gods og væsker gjennom området på veg til og frå industriområdet på Mongstad. Vegen er utrykkingsveg til og frå Nordhordland for helse (ambulanse), politi og brannvesen, og med rekkverk på begge sider er faren stor for at utrykkingskøyretøy ikkje vil kome fram.

Det har vore arbeidd i nesten 40 år for å få ei betre og meir framtidsretta løysing på plass her. Både Bergen kommune, kommunane i Nordhordland og Vestland fylkeskommune hadde denne vegen som eit av sine prioriterte prosjekt til rulleringa av NTP (nasjonal transportplan) våren 2021, og det blir framleis arbeidd med ein KDP (kommunedelplan) for heile strekket mellom Klauvaneset, Vågsbotn og Arna.

Til tross for at Statens vegvesen forseinka KDP-prosessen grunna ein ekstra runde med kostnadskontroll, så vart E39 Vågsbotn-Klauvaneset prioritert gjennom ein (fleirtals)merknad med oppstart i første del av NTP når denne vart vedtatt i Stortinget i juni 2021.

Det var med sjokk og vantru vi fekk meldinga om at Statens vegvesen ikkje hadde tatt denne vegen med i sin gjennomføringsplan for 2022-2027. Dette er uakseptabelt og vi forventar at dei nødvendige politiske vedtaka kjem på plass, slik at Statens vegvesen planlegg for oppstart på vegn i første NTP-periode.

Alver kommune forventar òg at arbeidet med kommunedelplanen har god framdrift, slik at E39 Vågsbotn-Klauvaneset kan prioriterast som første byggetrinn av Ringveg Øst og realiserast i første periode av Nasjonal transportplan, som vedtatt i 2021. Alver kommune forventar at Stortinget står fast ved dette og jobbar mot at dette målet blir nådd.

Ordførar får fullmakt til å sende uttalen til aktuelle mottakarar.

Behandling

Fellesframlegg ved Ø.Oddekalv-AP:

E39 Vågsbotn-Klauvaneset må ha oppstart i første NTP-periode

E39 mellom Vågsbotn og Kluvaneset har ein årsdøgntrafikk på over 20 000 midt på strekket, 12 % av dette er tungtrafikk, dvs. 2500 køyretøy. Vegbreidda er mindre enn 6 meter på det smalaste, og dette gjer vegen til den smalaste i landet om ein tar omsyn til trafikkmengd. I tillegg er det 25 uoversiktlege avkøyrslar på strekket som er om lag 9 km.

Kvart døgn køyrer eit stort tal tunge køyretøy med farleg gods og væsker gjennom området på veg til og frå industriområdet på Mongstad. Vegen er utrykkingsveg til og frå Nordhordland for helse (ambulanse), politi og brannvesen, og med rekkverk på begge sider er faren stor for at utrykkingskøyretøy ikkje vil kome fram.

Det har vore arbeidd i nesten 40 år for å få ei betre og meir framtidsretta løysing på plass her. Både Bergen kommune, kommunane i Nordhordland og Vestland fylkeskommune hadde denne vegen som eit av sine prioriterte prosjekt til rulleringa av NTP (nasjonal transportplan) våren 2021, og det blir framleis arbeidd med ein KDP (kommunedelplan) for heile strekket mellom Klauvaneset, Vågsbotn og Arna.

Til tross for at Statens vegvesen forseinka KDP-prosessen grunna ein ekstra runde med kostnadskontroll, så vart E39 Vågsbotn-Klauvaneset prioritert gjennom ein (fleirtals)merknad med oppstart i første del av NTP når denne vart vedtatt i Stortinget i juni 2021.

Det var med sjokk og vantru vi fekk meldinga om at Statens vegvesen ikkje hadde tatt denne vegen med i sin gjennomføringsplan for 2022-2027. Dette er uakseptabelt og vi forventar at dei nødvendige politiske vedtaka kjem på plass, slik at Statens vegvesen planlegg for oppstart på vegn i første NTP-periode.

Alver kommune forventar òg at arbeidet med kommunedelplanen har god framdrift, slik at E39 Vågsbotn-Klauvaneset kan prioriterast som første byggetrinn av Ringveg Øst og realiserast i første periode av Nasjonal transportplan, som vedtatt i 2021. Alver kommune forventar at Stortinget står fast ved dette og jobbar mot at dette målet blir nådd.

Ordførar får fullmakt til å sende uttalen til aktuelle mottakarar.

Framlegget vart samrøystes vedteke.