Møte i Alver formannskap den 01.12.2022

Vedtak

Innkalling og saksliste med tilleggssak er godkjent.

Behandling

Vedlegg til meldingssaka: Førespurnad om økonomisk støtte til julemarkering for ukrainske flyktningar vert sett opp som eiga sak.

Sak 133/22 og 134/22 vart handsama før sak 132/22

Ellers ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Formannskapet utset saka. Avtalen må gjennomgås for å få inn varighet og mulighet for reforhandling.

Elevar i tidlegare Åsheim krins som bur i Alver kommune har rett til å gå på Kaland skule frå 1.-7. klasse dersom dei søkjer Alver kommune om dette. Ungdomsskuleelevane skal gå på Lindås Ungdomsskule.

Behandling

Framlegg frå I.Fjeldsbø-H:

Formannskapet utset saka. Avtalen må gjennomgås for å få inn varighet og mulighet for reforhandling

Framlegget med framlegget frå M.I.Wergeland-SP som tillegg vart samrøystes vedteke.

Framlegg frå M.I.Wergeland-SP:

Elevar i tidlegare Åsheim krins som bur i Alver kommune har rett til å gå på Kaland skule frå 1.-7. klasse dersom dei søkjer Alver kommune om dette. Ungdomsskuleelevane skal gå på Lindås Ungdomsskule.

Vedtak

Kommunestyret vedtek å endre budsjettet for 2022 i samsvar med endringstabell:

Kommunedirektøren har endra framlegget etter at det vart kjent at regjerninga løyvde 800 mill. kr ekstra til havbruksfondet på nasjonalt nivå. Alver kommune sin andel av dette er berekna å utgjere 11 mill. kr Tabellen i vedtaket er oppdatert med dette.

Behandling

Endring i kommunedirektøren sitt framlegg vart ettersendt:

Kommunedirektøren sitt framlegg til vedtak:
Kommunestyret vedtek å endre budsjettet for 2022 i samsvar med endringstabell:

Kommunedirektøren har endra framlegget etter at det vart kjent at regjerninga løyvde 800 mill. kr ekstra til havbruksfondet på nasjonalt nivå. Alver kommune sin andel av dette er berekna å utgjere 11 mill. kr Tabellen i vedtaket er oppdatert med dette.

Kommunedirektøret sitt endra framlegg vart samrøytes vedteke.

Vedtak

Eigarskapsmelding del 1. vedtakast.

Behandling

Framlegg frå L.Johnsen-MDG:

Styrkje og erstatte siste setning i pkt 1 17 prinsipp for eigarstyring (side 8)

FN sine berekraftmål skal inkluderast i selskapa sine strategiar og ein skal arbeide aktivt med å følgje dette opp i dagleg drift.

Framlegget fekk 3 røyster og fall (L.Johnsen-MDG, M.I.Wergeland-SP og S.Sekkingstad-SP)

Kommunedirektøren sitt framlegg vart samrøystes vedteke.

Vedtak

Kommunestyret gir si støtte til at NGIR organiserer næringsavfall i eit eige AS.

Kommunestyret er negativ til organisering av NGIR i til saman tre aksjeselskap, kor Hushald og Drift er tenkt som to eigne AS. NGIR IKS er eit relativt oversiktleg selskap, med avgrensa verksemd og få tilsette.

Kommunestyret vurderer det slik at organiseringa i tre selskap under NGIR IKS, vert kompliserande og kan vere fordyrande på sjølvkostområde, utan at tenesta isolert sett vert forbetra

Behandling

Kommunedirektøren sitt framlegg vart samrøyste vedteke.

Vedtak

Kommunestyre vedtek at eksisterande avtale om administrativt vertskommunesamarbeid om Nordhordland legevakt vert forlenga fram til og med månaden siste kommunestyre i samarbeidet gjer vedtak om ny avtale om administrativt vertskommunesamarbeid om Nordhordland legevakt.

Kommunestyret føreset at ny avtale vert handsama i første kommunestyremøte i 2023 i alle kommunane i samarbeidet.

Behandling

Kommunedirektøren sitt framlegg vart samrøystes vedteke.

Vedtak

Kommunestyret vedtek å auke ramma for Birkeland Hella vassleidning (prosjekt 34050) frå 16,2 mill. kr til 26,4 mill. kr. Auken på 10 mill. kr vert finansiert med 10 mill. kr i auka bruk av lånemidlar. Prosjektet er knytt til sjølvkostregnskapen.

Auken er lagt inn i budsjett 2023 og økonomiplan 2023 – 2026 som skal til politisk handsaming i desember 2022

Behandling

Kommunedirektøren sitt framlegg vart samrøystes vedteke.

Vedtak

Kommunestyret vedtek å auke ramma for Manger reinseanlegg frå 36 mill. kr til 38,5 mill. kr Auken på 2,5 mill. kr er knytt til avløpsdelen av prosjektet (prosjektnummer 35029).

Framdrifta på prosjektet noko endra, og budsjettramma i 2023 vert overført til 2022.

Auken i investeringa vert finansiert med auka bruk av lånemidlar. Prosjektet er knytt til sjølvkostregnskapen.

Behandling

Kommunedirektøren sitt framlegg vart samrøystes vedteke.

Vedtak

På grunn av den alvorlege økonomiske stoda i Alver kommune blir det ikkje investert i nye mikrofonar i samband med streaming av politiske møte. Saka kan takast opp igjen når den økonomiske situasjonen tilseier det.

Behandling

Framlegg M.I.Wergeland-SP:

Formannsskapet ber om ei ytterlegare utgreiing av kostnader knytt til eveneutelle bordmikrofonar i møterom for utval.

Framlegget fekk 4 røyster og fall.

Framlegg frå E.M.Dale-KRF:

Det vert installert for bordmikrofonar på eit møterom i RNH og på kommunehuset på Meland

Framlegget fekk 3 røyster og fall.

Framlegg N.M.Aadland-H:

På grunn av den alvorlege økonomiske stoda i Alver kommune blir det ikkje investert i nye mikrofonar i samband med streaming av politiske møte. Saka kan takast opp igjen når den økonomiske situasjonen tilseier det.

Framlegget vart vedteke med 10 røyster.

Vedtak

«Alver kommunestyre godkjenner gebyr- og betalingssatsar for 2023, slik dei går fram av framlegg i vedlagte link til Framsikt:

https://pub.framsikt.net/2023/alver/bm-2023-gebyr_og_betalingssatsar_2023/

Særskilte vedtak i forhold til lov og forskrift:

• Med heimel i Lov om havner og farvann (havne -og farvannsloven) av 21.06.2019 § 33 vedtar Alver kommunestyre revidert forskrift om saksbehandlingsgebyr for Bergen Havn Farvannsforvaltning IKS.

• Alver formannskap gjev si innstilling og legg ut forslag til ny gebyrforskrift for 2023 for plansaker, bygge-, dele- og dispensasjonssaker, oppmåling, eigarseksjonering og utslepp etter forureiningslova på høyring, jf. forvaltningslova § 37.

• Alver kommunestyre vedtar gebyrforskrift for ny gebyrforskrift for plansaker, bygge-, dele- og dispensasjonssaker, oppmåling, eigarseksjonering og utslepp etter forureiningslova for 2023.

Kommunedirektøren blir beden om å snarast gjennomføre ei streng prioritering av kva tiltak innan sjølvkost som kan utsetjast. Dette for å redusere den store prisauken i kommunale gebyr i 2023.

Behandling

Framlegg frå N.M.Aadland-H:

Kommunedirektøren blir beden om å snarast gjennomføre ei streng prioritering av kva tiltak innan sjølvkost som kan utsetjast. Dette for å redusere den store prisauken i kommunale gebyr i 2023.

Framlegget vart samrøystes vedteke.

Kommunedirektøren sitt framlegg vart samrøystes vedteke.

Vedtak

1. Investeringsbudsjettet for 2023 og for økonomiplanperioden 2023-2026 blir vedteke jfr.  Bevilgningsoversikter Investering etter § 5-5.  Budsjettet er basert på forventa framdrift på tidlegare vedtekne prosjekt, i tillegg til nokre nye mindre prosjekt.  Sum investeringsutgifter i 2023 vert budsjettert med 328 386 000 kr.  Bruk av lånemidlar vert budsjettert med 242 939 000.  Låneopptak til investeringsprosjekta vert avrunda fastsett til 243 000 000 kr. Øvrig finansiering framgår av bevilgningsoversikten.
   I tillegg vert det budsjettert med opptak av startlån for vidareutlån i Husbanken på 150 000 000 i 2023 slik det framgår av bevillingsoversikten.  Låneopptak skal skje ihht. fullmakt i Finansreglementet pkt. 8.1.

   De vert løyva investeringsmidlar til brannsikring i kyrkjene, i tråd med krav etter tilsyn.

2. Økonomiplan for 2023-2026 og årsbudsjett for 2023 blir vedteke, jfr. Bevilgningsoversikt drift §5-4 og økonomisk oversikt drift §5-6.  Årsbudsjettet for 2023 blir vedteke med sum netto driftsrammer for dei sju sektorane, jf. eigen tabell.

3. Kommunedirektøren får fullmakt til å fordele sentralt avsett lønsauke til sektorane når årets lønsforhandlingar er gjennomført.

4. For skatteåret 2023 skriv Alver kommune ut eigedomsskatt  etter eigedomsskattelova §§ 2 og 3 første ledd bokstav c, «berre på kraftverk, vindkraftverk, kraftnettet og anlegg omfatta av særskattereglane for petroleum», slik bestemmelsen lyder frå 1. januar 2019. Skattesatsen er 7 promille, jf. eigedomsskattelova §§ 10 og 11. Alver kommune vil i 2023 skrive ut eigedomsskatt på «et særskilt fastsett grunnlag» i henhold til overgangsregelen til eigedomsskattelova §§ 3 og 4, første ledd, slik at verdien av produksjonsutstyr og – installasjonar fasast ut med 1/7 for verk og bruk som frå og med 2019 er å anse som næringseigedom. Det særskilte grunnlaget skal i 2023 vere lik 2/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget. Alver kommune vil i 2023 skrive ut eigedomsskatt på bygningar og grunnareal for anlegg nevnt i punktet over i henhold til overgangsregelen til eigedomsskattelova §§ 3 og 4, andre ledd. Eigedomsskatten skal betalast i tre terminar, jf. eigedomsskattelova § 25.

5. Basert på endringar i borne- og elevtall i dei kommende åra, ber Kommunestyret kommunedirektøren om å starte arbeidet med barnehage og skulebruksplan for Alver kommune

6. Kommunestyret ber kommunedirektøren om å starte arbeidet med taksering av næringseigedomar i 2023 med sikte på å innføre eigedomsskatt på all næring i 2024.

7. Kommunestyret ber kommunedirektøren starte arbeidet med taksering av hus, hytter og tomter med sikre på å innføre eigedomsskatt i 2024. Det er sett av 1,5 mill. kr til takseringsarbeidet i 2023. Dersom anbodsprosessen viser at takseringsarbeidet vert dyrare, bes kommunedirektøren om å ta resultatet inn i tertialrapporteringa i 2023.

8. Det vert gjeve ei ramme på 1 924 000 kr til kontrollutvalet.

9. Det vert gjeve eit driftstilskot til Alver kyrkjelege fellesråd på 26 535 000 kr. I tillegg kjem dekking renter og avdrag på lånet for Kyrkja i Knarvik som tilsaman utgjer 3 228 000 kr.

10. Skatteøre vert sett lik maksimal sats i samsvar med Stortinget sitt vedtak om kommunalt skatteøre.

11. Godtgjersle til ordfører er 1 064 318 kr og varaordfører 638 591 kr. Dette er i samsvar med godtgjersle til stortingsrepresentantar pr 1. mai 2022. Løna skal regulerast per mai 2023 i samsvar med endringar i løn til stortingsrepresentantar.

Behandling

Tillegg til kommunedirektøren sitt framlegg vart ettersendt:

I tillegg til punkt 1 i kommunedirektøren sitt framlegg til investeringsbudsjett gjerest det framlegg om å løyve investeringsmidlar til brannsikring i kyrkjene, i tråd med krav etter tilsyn.

Kommunedirektøren sitt framlegg vart samrøystes vedteke.

Vedtak

Meldinga er teke til orientering.

Behandling

Orientering Statnett – utbygging av kraftlinjer vert utsett til formannskapsmøtet i februar

Ettersendt til formannskapet:

• Protokoll styremøte NPK 14.november

• Svar på hendvendelse om investeringstilskudd til heldøgns omsorgsplasser

• Førespurnad om økonomisk støtte til julemarkering for ukrainske flyktningar

• Rettslige saker haust 2022 med vedlegg.

Framlegg om å lukke til oppfølging utviklingssamtale kommunedirektør jf. off.lova § 13 1.ledd og kommunelova § 11-5

Framlegg om lukking av møte vart samrøystes vedteke.

Kommunedirektøren sitt framlegg vart samrøystes vedteke.

Vedtak

Forhandlingsutval - lønsfastsetjing kommunedirektør:

Ordførar Sara Sekkingstad

Varaordførar Nina Bognøy

Morten Klementsen-uavh.

Behandling

Framlegg frå Ø.Oddekalv-AP

Øyvind Oddekalv vert erstatta med varordførar N.Bognøy

Framlegget vart samrøystes vedteke.

Framlegg frå M.Færø-uavh.:

Terje Sletten-Hansen vert erstatta med Morten Klementsen.

Framlegget vart samrøystes vedteke.

Vedtak

I den særskilte situasjonen ukrainske flyktningar er i, vil Alver kommune støtte eit spleiselag med andre kommunar og løyver kr 8000,- til ei slik feiring på Fjon Fjellkyrkje.

Behandling

Framlegg frå M.I.Wergeland-SP:

I den særskilte situasjonen ukrainske flyktningar er i, vil Alver kommune støtte eit spleiselag med andre kommunar og løyver kr 8000,- til ei slik feiring på Fjon Fjellkyrkje.

Framlegget vart samrøystes vedteke.