Møte i Alver kommunestyre den 07.04.2022

Vedtak

Innkalling og saksliste er godkjent.

Behandling

Det vart ettersendt ei sak 061/22 rolle og arbeidsform for politiske styringsgrupper.

Innkaling og saksliste vart godkjent med ekstrasak.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Meldinga vert teke til orientering.

Behandling

Kontrollutvalet sitt framlegg vart samrøystes vedteke.

Vedtak

Kommunestyret løyver inntil 1 million kroner til gransking av sakene spelt inn i brev til Alver kontrollutval datert 11.04.2021.

Gjennomføring av granskinga inneber at kontrollutvalet er ansvarleg for heile granskingsprosessen, inkludert utforming av konkurransegrunnlag for offentleg innkjøp av granskingskompetanse.

Kommunestyret bed kommunedirektøren gi naudsynt innkjøpsteknisk og innkjøpsfagleg bistand til kontrollutvalssekretariatet i samband med gjennomføring av eit offentleg innkjøp av rett kompetanse for å gjennomføre granskinga.

Det vert lagt til grunn at granskinga ikkje kan gjennomførast av ein person åleine, men at eit granskingsutval.

Granskinga skal gjennomførast etter følgjande mandat:

1. Granskingsutvalet skal granske sakshandsaminga i to personalsaker ved Knarvik ungdomsskule, identifisert som sak 19/651 og 19/1999, i Lindås kommune i 2019.

2. Føremålet med granskinga er å kartlegge faktiske forhold for å vurdere om sakshandsaminga har vore i samsvar med lovpålagte krav og etiske retningslinjer. Vurderinga skal særskilt sjåast i lys av regelverket i opplæringslova, forvaltningslovgjevinga og arbeidsmiljølova, samt dei etiske retningslinjene for Lindås kommune på det gjeldande tidspunktet.

3. Granskingsutvalet avgjer sjølv kven som bør gje forklaring.

4. Granskingsutvalet sine møter og si informasjonsinnhenting er ikkje open for ålmenta.

5. Granskinga skal så langt det passar gjennomførast i samsvar med Advokatforeningens anbefaling for private granskinger.

6. Dersom det oppstår spørsmål om utstrekninga av mandatet eller omfanget av granskinga under arbeidet skal granskingsutvalet konferere med kontrollutvalet. Granskingsutvalet er elles uavhengig i sitt arbeid.

7. Kontrollutvalet sitt sekretariat bistår granskingsutvalet med naudsynt administrativ støtte.

8. Granskingsutvalet sin rapport skal leverast kontrollutvalet i Alver kommune innan 01.11.2022.

9. Granskingsutvalet si godtgjersle vert dekka av Alver kommune. Det same gjeld granskingsutvalet sine utgifter og andre utgifter i samband med granskinga, som assistanse frå kommunen sin leverandør av innkjøpskompetanse, kostnader til ekstra timar sekretariatsarbeid, eventuelle kostnader til bistand til partar som vert granska og eventuelle utgifter i samband med intervju og så vidare.

Behandling

Kontrollutvalet sitt framlegg vart samrøystes vedteke.

Vedtak

Alver kommunestyre stansar ikkje privat planinitiativ for oppstart av detaljregulering ved Sauvågen, gbnr. 203/46 & 1. Vedtaket er fatta med heimel i plan- og bygningslova § 12-8 andre ledd.

Tema som er lagt i saksframlegget skal leggast til i det videre planarbeidet.

Behandling

Innstillinga frå utval frå areal, plan og miljø vart vedteke mot 5 røyster (A.Helle-R, A.Nordlund-SV, M.Morken-SV, L.Johnsen-MDG og A.Bakken-MDG)

Vedtak

Alver kommunestyre tek ikkje motsegn frå Statsforvaltar i Vestland til følgje, og endeleg handsaming blir utsett til det er halde meklingsmøte etter pbl §5-6.

Planforslagets hovudmål er bustad. Reguleringsplanen legg til rette for 5 einebustader, delar av planområdeet er regulert til samferdselsføremål, veg, anna veggrunn, grøntareal og blåstruktur, samt ein leikeplass.

Planiniativet er i strid med overordna KDP, men kommunestyret godkjendte oppstart av reuleringsplanarbeidet ved Ytre Eidsnes 17.09.2020.Planarbeidet omfattast av forskrift om konsekvensutgreiing §6b, punkt 25: Krav om konsekvensutgreiing og planprogram.

Dette er gjort, og slik APM/KO ser det, ligg alt til rette for at tiltaket kan iverksettast.

Grunngjeving:

Det er ingen bustadtomtar eller intensjonar frå andre grunneigarar om å nytta areal til nye bustadar i dette området.

Fyllingsnesfeltet har ikkje vore i utvikling på over 20 år, og er såleis ikkje nært foreståande.

Slik APM/KO ser det, kan ikkje Fyllingsnesfeltet stå som ein flaskehals for urbygging i Eikangerkrinsen i overskueleg framtid.

Det er få einebustadtomtar tilgjengeleg i området, og konsekvensen er fallande elevtal både i Eikanger barneskulekrins og Ostereidet ungdomskulekrins.

Det har vore synfaring med m.a planutvalet  i fleire rundar og utvalet er einige om at området eignar seg godt for bustader.

Området er grunnlendt med lauvskog og har marginal verdi som landbruksareal, så APM/KO forstår ikkje Statsforvaltar sin påstand om at verknad for landbruket er noko underkommunisert. Dette blir heller ikkje underbygd med vidare kommentar, berre ein påstand. Dette er, slik APM/KO ser det, godt redegjort i konsekvensutgreiinga.

Det er allereie bygd eit hus i området og det ligg fint i terrenget utan å uroe landbruksarealet. Det vil såleis ikkje vera naudsynt å omdisponera dyrka mark

At ein byggjer 5 bustader vil ikkje ha innverkand på om Fyllingsnefeltet blir realisert

I samfunnsplanen har kommunen vedtatt at me skal ta heile kommunen i bruk og opnar opp for noko spreidd busetnad.

Det er god kollektivtransport i nærleiken av tiltaket, både til og frå Ostereidet og mot Knarvik/ Bergen og såleis ikkje naudsynt å ha bil.

APM/KO synes det er synd om reguleringsplanen vert stoppa i sluttfasen. Det har kome lite motsegn/merknadar tidlegare i prosessen, heller ikkje frå Statsforvaltar.

Det har vorte oppmoda av kommunen å lage reguleringsplan for området

APM/KO meiner det må leggast stor vekt på at dei folkevalgte i kommunen er særs positive til planen, sjølv om området ikkje vart tatt med i KDP. Det er mykje arbeid med ein kommunedelplan og det kan vera vanskeleg, om ikkje umogeleg å få med alt ein vil før KDP skal vedtas. Då er det synd at positive tiltak som bustader i distriktet i Alver kommune blir stoppa.

Behandling

Innstillinga frå utval frå areal, plan og miljø vart vedteke mot 5 røyster (L.Johnsen-MDG, M.Morken-SV, A.Bakken-MDG, A.Helle-R og A.Nordlund-SV)

Vedtak

«Alver kommunestyre godkjenner framlegg til reguleringsplan for Fv. 57 med gang og sykkelveg Lindås tettstad – Mongstad, planid. 1263 201407, som vist på plankart sist datert 20.8.21 og med føresegner av revisjonsdato 20.8.21.

Vedtaket er gjort med heimel i plan- og bygningslovas § 12 – 12.»

Behandling

Det vart stilt spørsmål om habilitet til J.Hellestveit, som tildlegare grunneigar i området. Kommunestyret gjorde samrøystes vedtak om at han er habil i denne saka.

KRF, AP, SP Protokolltilførsel:
Det må jobbast med å finna betre løysingar for landbrukseigedom gnr.122 bnr.2. Dette gjeld landbruksavkøyrsler for å redusera transportlengda, samt redusera beslag av dyrka mark.

Tilleggsframlegg frå M.Klementsen-uavh.:

Det skal ikkje nyttast bompengefinansiering til dette tiltaket.

Framlegget fekk 11 røyster og fall (H.Dale-uavh., M.Klementsen-uavh., Y.Walaker-uavh., M.Færø-uavh., H.Breivik-uavh., S.Hauge-AP, S.Blommedal-uavh., N.Øvreås-FRP, T.Øvretveit-FRP, M-I.Wergeland-SP og K.O.Larsen-uavh.)

Innstillinga frå utval for areal, plan og miljø vart samrøystes vedteke

Vedtak

Med heimel i Plan- og bygningsloven § 11-13, tilrår utval for oppvekst, kunnskap og kultur at:

Alver kommunestyre vedtek framlegg til planprogram for Kommunedelplan for kultur, idrett og friluftsliv 2023- 2035 på følgande vilkår:

Vedlegg om kunnskapsgrunnlag:

1. Oppdater med følgande tema

   1. Moglegheitsstudie kulturhus

   2. Barnefamiliepanelet

Planprogrammet:

1. Legg til ungdata i lista over eksisterande kunnskap og medverknad , s. 8

2. Ta med berekraftsmål 12, Ansvarleg forbruk og produksjon, s. 5

3. Legg inn følgande punkt under eksisterande kunnskap og medverknad, s. 8:

   1. Fylkeskommunale kartleggingar

   2. Kommunedelplan Helse, sosial og omsorg

      1. Intern kartlegging

   3. Kommunedelplan oppvekst

      1. Rapport Innspel frå referansegrupper

      2. Rapport Intern undersøking

   4. Interkommunal plan for sjæareala i Nordhordland

4. Legg til følgande tema i tabellen til avsnitt 5. Avgrensing av innhald

   1. Inkludering, mangfald og livssyn

   2. Digitalisering av samfunnet

   3. Kunnskap og forsking

   4. Endre tema «kulturminne og kulturmiljø» til «kulturarv»

Behandling

Innstillinga frå utval for oppvekst, kunnskap og kultur vart samrøystes

Tilleggsframlegg frå SP, AP, KRF og H ved A.Byrknes-KRF:

Under p.5 g: leggje til: Livssyn

Inkludering, mangfald og livssyn

Framlegget vart samrøystes vedteke.

Vedtak

Alver kommune prioriterer innkomne søknader til lokale kulturbygg som følgjer:

1. Alver kommune: Lokalt kulturbygg som del av nye Alversund barneskule.

2. Stiftinga Museumssenteret i Hordaland: Nybygg/tilbygg av formidling og aktivitetsbygg på museum ved Lyngheisenteret (Naturrom Lygra)

Vurderinga er gjort med omsyn til føresetnadane i retningsliner for tilskot til kulturbygg frå Vestland fylkeskommune.

Behandling

Sara Sekkingstad ber om vurdering av habilitet som styremedlem i museeumssenteret Hordaland, kommunestyret gjorde samrøystes vedtak om at Sara Sekkingstad er inhabil i denne saka.

Innstillinga frå utval for oppvekst, kunnskap og kultur vart samrøystes vedteke.

Vedtak

1. Alver kommunestyre godkjenner prinsipiell skisse for 17. mai 2022, slik det går fram av saka.

2. Alver kommunestyre løyver kr 70 000 til gjennomføring av årets 17. mai-feiring

3. Midlane vert henta frå disposisjonsfondet

Behandling

Innstillinga frå formannskapet vart samrøystes vedteke.

Vedtak

1. Alver kommunestyre godkjenner oppretting av søkbar ekstraordinær tilskotsordning for 2022, til inndekking av eigenbetaling/kontingent ved organisert fritidsaktivitet for flyktningbarn- og ungdom.

2. Alver kommunestyre godkjenner at Kommunedirektøren fastset retningsliner basert på prinsippunkta i saka, lyser ut ordninga, og at tilskotsordninga vert forvalta på delegert vedtak ut 2022.

3. Alver kommunestyre løyver kr 200 000 til gjennomføring av tiltaket.

4. Midlane vert henta frå disposisjonsfondet

5. Status for ordninga vert orientert utval for oppvekst, kunnskap og kultur

Behandling

Innstillinga frå formannskapet vart samrøystes vedteke.

Vedtak

Kommunestyret godkjenner å busetje 180 flyktningar i tråd med oppmodingstalet frå IMDI. Vedtaket inkluderer dei 28 som kommunen alt har vedtatt å busetje for 2022. Talet inkluderer ikkje familiesameinte.

Kommunestyret er opne for å ta imot ytterlegare flyktningar etter ev. oppmoding frå IMDI.

Behandling

Innstillinga frå formannskapet vart samrøystes vedteke

Vedtak

Kommunestyret godkjenner auke i budsjettramma ved teknisk forvaltning og drift med kr 1,2 mill NOK inkl mva. Midlane blir henta frå disposisjonsfondet. Midlane er øyremerka tiltak for å klargjere bygg for midlertidig mottak og busetting av flyktningar, og blir justert for eventuell statleg medfinansiering.

Behandling

Innstillinga frå formannskapet vart samrøystes vedteke.

Vedtak

1. Kommunestyret vedtek å auke tal sjukeheimsplassar med 6.

2. Kommunestyret ber kommunedirektøren sette i gang ein utgreiingsprosess for oppretting av sengepost i tidlegare sjukeheim Såta bu og servicesenter underetasjeog nye eigna lokale for dagtilbodet for demente.

Det vert å koma attende med eiga sak om dette i 2022.

Behandling

Innstillinga frå formannskapet vart samrøystes vedteke.

Vedtak

«Kommunestyret vedtek å rehabilitere kunstgrasanlegget på Ostereidet innanfor ei kostnadsramme på kr 9 590 000 kr med følgande føresetnader

• Rehabiliteringa skal omfatta speledekke, nødvendige fysiske tiltak i høve ureiningsforskrifta og lysanlegg.

• Det vert nytta kunstgras med syntetisk granulat.

• Tiltak 5-6 på prioriteringslista vert gjennomført dersom det er mogleg innanfor vedteken ramme.

• Nytt tiltak 7 på prioriteringslista: "Etablere ståltrappe ned frå parkeringsplass nordaus hjørnet."

Auka på 3 400 000 kr finansierast med 680 000 kr i mva refusjon og 2 720 000 kr i auka låneopptak»

Behandling

Endringsframlegg frå M.Hindenes-V:

Legge til tiltak 7 på prioriteringslista: "Etablere ståltrappe ned frå parkeringsplass nordaus hjørnet."

og endre kostnadsramme med å legge til 190 000.

endre punktet: Tiltak 5-7 på prioriteringslista vert gjennomført dersom det er mogleg innanfor vedteken ramme.

til: Tiltak 5-6 på prioriteringslista vert gjennomført dersom det er mogleg innanfor vedteken ramme.

Framlegget vart samrøystes vedteke.

Innstillinga frå formannskapet, med endring, vart samrøystes vedteke.

Vedtak

• Alver kommune slår saman dei to siste tildelingane frå departementet til ei samla fordeling på kr 1.719.000.

• Alver kommune tildeler støtte til bedriftene som har søkt etter modell B med trapper, slik det er lagt fram i saka.

Behandling

Innstillinga frå utval frå næringsutvikling og drift vart samrøystes vedteke.

Vedtak

Oppdatert innkjøpsstrategi for Alver kommune er vedteke.

Behandling

Innstillinga frå formannskapet vart samrøystes vedteke.

Vedtak

Kommunestyret vedtek at trafikksikkerhetsbudsjettet vert auka med kr. 180.000,- eks mva for å dekke 50 % eigenandel i høve tildelt tilskot frå fylkeskommunen.

Auka på 180 000 kr vert finansiert ved auka låneopptak.

Behandling

Framlegg frå S.Sekkingstad-SP:

Kommunestyret vedtek at trafikksikkerhetsbudsjettet vert auka med kr. 180.000,- eks mva for å dekke 50 % eigenandel i høve tildelt tilskot frå fylkeskommunen.

Auka på 180 000 kr vert finansiert ved auka låneopptak.

Framlegget vart samrøystes vedteke.

Vedtak

Kommunestyret i Alver kommune vedtek å søke statsforvaltaren i Vestland om å vedta/samtykke til ekspropriasjon av gnr 108 bnr 1 festenummer 2 i Alver kommune. Kommunestyret gjev kommuneadvokaten fullmakt til å begjære skjønn for Hordaland tingrett til fastsetting av ekspropriasjonsvederlag.

Behandling

Innstillinga frå formannskapet vart samrøyste vedteke.

Vedtak

Kommunestyret ber kommunedirektøren leggje fram strategi for utvikling og sal av Geco-tomten så snart pågåande forhandlingar om utbyggingsavtalar i området rundt er avslutta. Kommunestyret ber kommunedirektøren om å sjå strategi for utvikling i samanheng med tomta for Haugen barnehage som er makebytta med Alver tomteselskap.

Behandling

Fellesframlegg frå Sp, AP, KrF og H og uavh. ved Ø.Oddekalv-AP:

Kommunestyret ber kommunedirektøren leggje fram strategi for utvikling og sal av Geco-tomten så snart pågåande forhandlingar om utbyggingsavtalar i området rundt er avslutta. Kommunestyret ber kommunedirektøren om å sjå strategi for utvikling i samanheng med tomta for Haugen barnehage som er makebytta med Alver tomteselskap.

Framlegget vart vedteke med 42 røyster mot 2 røyster (A.Helle-R og A.Nordlund-SV)

Innstillinga frå formannskapet fekk ingen røyster og fall.

Framlegg frå A.Helle-R:

Kommunestyret tek saka til orientering.

Framlegget fekk 4 røyster og fall (A.Helle-R, A.Nordlund-SV, A.Bakken-MDG og L.Johnsen-MDG)

Vedtak

Kommunestyret tek saka til orientering

Kommunestyret ser med uro på vedlikehaldsetterslepet for bygg og eigedom i Alver

kommune. Lågt vedlikehald vil forringa bygningsmassen og gje auka utgifter i framtida. Det bør difor

sjåast på moglegheita for å auke budsjettet for vedlikehald.

Utval for næringsutvikling og drift må òg få framlagt vedlikehaldsplanen for bygningsmassen på årleg basis.

Behandling

Fellesframlegg Sp, AP, KrF og H ved Ø.Oddekalv-AP:

Kommunestyret ser med uro på vedlikehaldsetterslepet for bygg og eigedom i Alver

kommune. Lågt vedlikehald vil forringa bygningsmassen og gje auka utgifter i framtida. Det bør difor

sjåast på moglegheita for å auke budsjettet for vedlikehald.

Utval for næringsutvikling og drift må òg få framlagt vedlikehaldsplanen for bygningsmassen på årleg basis.

Framlegget vart samrøystes vedteke.

Innstillinga frå formannskapet vart samrøystes vedteke

Vedtak

Alver kommunestyre sluttar seg til å gjennomføre ein vidare prosess for etablering av Nasjonalpark i Masfjordfjella. Arbeidet skal skje i dialog med Alver kommune, Masfjorden kommune, Statsforvaltar, grunneigarane og interesseorganisasjonar.

Behandling

Inntillinga frå formannskapet vart samrøystes vedteke.

Vedtak

1. Alver kommune ber om utbetaling av belønningsmidlar frå Miljøløftet med kr 4,2 mill for åra 2021 og 2022.

2. Det vert førebels avsett kr 2,5 mill til sikring av prosjektering av Fv 5456 Ostereidet- Lindsdalen, fortau/trafikksikring og Fv 5474 Seim, fortau/trafikksikring.

3. Kommunedirektøren får i oppdrag å søke at Vestland Fylkeskommune dekker dette prosjekteringsarbeidet med eigne midlar. Om fylkeskommunen tek på seg dette, skal bruk av desse belønningsmidlane opp som ny politisk sak.

4. Resterande del av belønningsmidlane for 2021 og 2022 skal utbetalast som ein pott for bruk som omtala i sykkelstrategi for Alver, ref. sak 107/21. Meir konkretisering av denne bruken skal gjerast av formannskapet som styringsgruppe for Miljøløftet i Alver kommune.

Behandling

Innstillinga frå formannskapet vart samrøystes vedteke

Vedtak

• Alver kommunestyre godkjenner intensjonsavtalen mellom Alverbadet AS og Alver kommune.

Behandling

Innstillinga frå formannskapet vart samrøystes vedteke.

Vedtak

• Alver kommune forlenger partnarskapsavtalen med Nordhordland næringslag i 2 nye år, for 2022 og 2023.

• Partnarskapsbidraget er kr 100.000 per år

• Finansiering av avtalen blir vurdert i samband med 1. tertial rapport 2022

Behandling

Innstillinga frå formannskapet vart samrøystes vedteke.

Vedtak

• Utviklingsprosjektet næringsvenleg forvaltning blir etablert slik det er lagt fram i saka.

• Finansiering av prosjektet blir handtert innanfor den økonomiske ramma, mellom anna med å nytte unytta lønnsmidlar for ny næringsressurs til næringsteamet.

• Prosjektet blir gjennomført i 2022.

Behandling

Innstillinga frå formannskapet vart samrøystes vedteke.

Vedtak

• Alver kommune vedtar å gå inn i samarbeidsavtalen for prosjektet Greenspot Mongstad

• Alver kommune bidrar med kr 500.000 i økonomisk tilskot per år i perioden 2022 – 2024, totalt kr 1,5 mill.

• Prosjektet blir finansiert via disposisjonsfondet.

Behandling

Innstillinga frå formannskapet vart samrøystes vedteke

Vedtak

Meldinga er teke til orientering.

Behandling

Kommunedirektøren sitt framlegg vart samrøystes vedteke.

Vedtak

Styringsgruppemøtene skal ha sakspapirer, det skal førast referat/oppsummering og styringsgruppa kan gjere vedtak i møtet.

Kommunestyret ber om at reglement for strøyming av politiske møte vert innarbeid i politisk styringsstruktur

Behandling

Framlegg frå uavh., MDG, R og SV ved M.Klementsen-uavh.:

Alle politiske møter skal straumast, så lenge det er praktisk mogeleg. Dette gjeld óg om møta er arbeids- eller prosessmøter. Dette for at Alver kommune skal vera èin open kommune.

Framlegget fekk 12 røyster og fall (H.Dale-uavh., A.Nordlund-SV, M.Klementsen-uavh., A.Bakken-MDG, M.Færø-uavh., H.Breivik-uavh., A.Helle-R, L.Johnsen-MDG, S.Blommedal-uavh., Y.Walaker-uavh., M.Morken-SV og M.Hindenes-V)

Framlegg frå T.Larsen-H:

Kommunestyret ber om at reglement for strøyming av politiske møte vert innarbeid i politisk styringsstruktur

Framlegget vart vedteke med 29 røyster, mot 12 røyster

Innstillinga frå formannskapet vart samrøystes vedteke.

Behandling

Spørsmål frå L.Johnsen-MDG:

Søknadar om nye opne oppdrettsanlaeg i Mangerfjorden.

Oppdrettsselskapa Blom og Lerøy har søkt om nye opne oppdrettsanlegg i Mangerfjorden. Dette har møtt mye motstand frå andre brukarar av fjorden.

Negative miljøkonsekvensar av opne oppdrettsanlegg er ei kjent utfordring for næringa, og det kjem òg meir og meir kunnskap om dei opne anlegga sine negative verknader på livet for andre artar i fjordane. Likevel er det mye ein ikkje veit, og forskarane seier det er trong for å skaffe oss eit betre kunnskapsgrunnlag.

Næringa har langt frå løyst problema med lakselus, rømming, sjukdom og fiskevelferd.

På denne bakrgrunn blir det derfor eit særs viktig politisk vurdering å avgjere nemde to søknadar.

Alver MDG vil derfor be ordføraren i FO møte 24. mars klargjere om nemde søknadar skal opp til politisk handsaming. Dette eksisterer det for tida uvisse om.

Svar frå ordførar:

Alver som planmynde leggtil rette for areal til havbruk i kommuneplanen sin arealplan. Dette er gjort i kommunedelplan for Meland  i Mangersfjorden.

Dersom det er skal etablerast akvakultur i området er det fylkeskommunen som er mynde for konsesjonen og skal handsame kva type aktivitet som skal vere i sjøen. I slike saker er kommunen høyringspart. Konsesjonssøknadar blir sendt til kommunen, som sender søknad ut på høyring. Det er kommunen som har ansvar for å få inn merknader, i tillegg til å kome med ein oppsummerande uttale. Det er også vanleg å kome med ei fagleg oppmoding om å gjennomføre utgreiingar på aktuelle område.