Møte i Alver kommunestyre den 24.11.2022

Vedtak

Innkalling og saksliste med enringar er godkjent.

Behandling

Sak 142/22 og 143/22 vart handsama etter sak 145/22. Sak 160/22 vart handsama etter sak 157/22.

Notat - busetting flyktningar - frå meldingssaka vart sett opp som eiga sak, sak 160/22.

Ellers ingen merknader, samrøystes.

Vedtak

Møteprotokollen vert godkjent.

Behandling

Ingen merknader, samrøystes.

Vedtak

Meldinga er teke til orientering

Behandling

Kontrollutvalet sitt framlegg vart samrøystes vedteke.

Vedtak

Kommunestyret tek årsmeldinga 2021-2022 for Alver ungdomsråd til orientering.

Behandling

Orientering ved Leonie Thile, leiar og Isak Emil Solheim, nestleiar i ungdomsrådet.

Innstillinga frå utval for oppvekst, kunnskap og kultur vart samrøystes vedteke.

Vedtak

Kommunestyret sluttar seg til følgjande endring i retningslinjer for ungdomsrådet - under punkt 3/Støtte:

Ein aktør: Inntil 7.500,- per søknadTo eller fleire aktørar i samarbeid: Inntil 20.000,- per søknad.

Ungdomsrådet kan av dei avsette midlane søkja om å arrangere konferanse, prosjekt eller liknande for rådet. Søknad vert sendt til administrasjonen og handsama i utval for oppvekst, kunnskap og kultur.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Alver kommunestyre godkjenner prioritering av spelemidlar 2023 slik det ligg føre i saka.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Kommunestyret vedtar Plan for friluftslivslivets ferdselsårer 2022-2026, med slik endring:

Behandling

Laila Bjørge og Alexander Helle stilde spørsmål om habilitet då dei har deltatt som saksbehandlarar i saka. Kommunestyret gjorde samrøystes vedtak om at dei er inhabile i denne saka, dei deltok difor ikke under handsaming og vedtak.

Endringsframlegg frå J.Borlaug-AP:

Kartlagte ferdselsårer i Masfjordfjella/Fjonfjella tilhøyrande Alver kommune, som kjem innunder områda som er vurdert i ein eventuell framtidig nasjonalpark. Under desse punkta ønsker ein også å sjå på desse områda som å ha nasjonal verdi, ikkje berre lokale og regionale verdiar.

Framlegget vart samrøystes vedteke.

Innstillinga frå utval for oppvekst, kunnskap og kultur vart samrøystes vedteke.

Vedtak

Kommunestyret vedtek mandat for konseptfase for utgreiing av ny Frekhaug ungdomsskule, slik det ligg føre i vedlegg til saka. Oppstart i 2023., med føfgjande endringar/tillegg:

Endra pkt 2 i mandat for konseptfase

Kommunen er i ein vanskeleg økonomisk situasjon og bør difor vera nøktern når ein planlegg og byggjer nye bygg.

Endra setning under pkt. 2

Bygget skal gje lokalsamfunnet eit løft arkitektonisk og vera ein ressurs for lokalbefolkninga (sambruk)

TIL: Bygget skal vera ein ressurs for lokalbefolkninga ( sambruk)

Under 2. Føremålet med prosjektet, kva må løysast?

Fjerna kulepunkt 4; "Avklara akseptabel avstand til kroppsøvingslokale dersom Meland Aktiv har kapasitet og skal nyttast."

I utgangspunktet ynskjer formannskapet at ungdomsskulen skal utgreiast med eigen kroppsøvingssal

Plassering av ny ungdomsskule i Havnevegen 53 vert ikkje utgreidd vidare.

Behandling

Endringsframlegg frå SP og uavh.ved L.Bjørge-SP:

Dagens plassering i Havnevegen vert utgreidd i konseptfasen saman med dei to andre alternativa.

Framlegget fekk 19 røyster og fall (L.Johnsen-MDG, A.Helle-R, L.Bjørge-SP, L.Taule-SP, L.H.van der Kooij-SP, M.B.Gjerde-SP, M.I.Wergeland-SP, S.Sekkingstad-SP, S.Knudsen-SP, T.Helland-SP, V.Villanger-SP, A.Nordlund-SV, H.Breivik-uav., K.O.Larsen-uavh., M.Færø-uavh., M.Klementsen-uavh., S.Hopland-uavh., T.Sletten-Hansen-uavh. og S.Toft-V)

Nytt framlegg frå L.Bjørge-SP:

Endra pkt 2 i mandat for konseptfase

Kommunen er i ein vanskeleg økonomisk situasjon og bør difor vera nøktern når ein planlegg og byggjer nye bygg.

Endra setning under pkt. 2

Bygget skal gje lokalsamfunnet eit løft arkitektonisk og vera ein ressurs for lokalbefolkninga (sambruk)

TIL: Bygget skal vera ein ressurs for lokalbefolkninga ( sambruk)

Framlegget vart vedteke med 25 røyster (H.Fyllingsnes-H, F.Kampevold-H, I.Fjeldsbø-H, K.Murberg-H, N.M.Aadland-H, Ø.Bratshaug-H, L.Johnsen-MDG, L.Bjørge-SP, L.Taule-SP, L.H.van der Kooij-SP, M.B.Gjerde-SP, M.I.Wergeland-SP, S.Sekkingstad-SP, S.Knudsen-SP, T.Helland-SP, V.Villanger-SP, A.Nordlund-SV, Aa.Karlsen-uavh., H.Breivik-uavh., K.O.Larsen-uavh., M.Færø-uavh., M.Klementsen-uavh., S.Hopland-uavh., T.Sletten-Hansen-uavh. og S.Toft-V)

Framlegg frå N.M.Aadland-H:

Område aust for Meland aktiv blir ikkje vurdert som aktuell tomt for ny ungdomsskule på Frekhaug.

Framlegget fekk 20 røyster og fall (A.G.Eide-AP, A.Sylta-AP, J.Borlaug-AP, K.Floen-AP, K.Nesse-AP, N.Bognøy-AP, Ø.Oddekalv-AP, H.Fyllingsnes-H, I.Fjeldsbø-H, K.Murberg-H, M.Johansen-H, N.M.Aadland-H, Ø.Bratshaug-H, S.Røskeland-H, F.Kampevold-H, A.J.Sæle-KRF, A.Byrknes-KRF, J.Romarheim-KRF, J.V.Sakseide-KRF og S.Vatnøy-KRF)

Innstillinga frå formannskapet, med endringar, vart samrøystes vedteke.

Vedtak

Kunnskapsgrunnlaget Redusert tal barn og elevar i kommunen 2023-2033 blir tatt til orientering.

Behandling

Innstillinga frå formannskapet vart samrøystes vedteke.

Vedtak

Alver kommunestyre godkjenner følgjande:

1. Røsvikrenen 4-6 vert tatt i bruk som avlastingsbustad, som alternativ til noverande avlastingstilbod på Ostereidet, Røsvikrenen i Knarvik og Havnevegen på Frekhaug.

2. Klargjering av bustad vert finansiert innanfor gjeldande budsjettramme.
   

Behandling

Innstillinga frå formannskapet vart samrøystes vedteke.

Vedtak

Alver kommunestyre godkjenner å forlenge prøveordning kommunal følgje på ferie- og fritidsreise for personar med nedsett funksjonsevne ut 2023.

Ubrukte fondsmidlar til føremålet vert overført frå 2022 til 2023. Om tilgjengelege fondsmidlar i 2023 ikkje er tilstrekkjeleg jamfør søknadstal vert det fremja eiga sak.

Det vert utforma evalueringsrapport innan desember 2023.

Behandling

Innstillinga frå formannskapet vart samrøystes vedteke.

Vedtak

Alver kommunestyre tek saka til orientering og ØHD-tilbodet i kommunen vert frå 01.01.2023 organisert ved Knarvik sjukeheim, korttidsavdeling.

Tilbodet skal evaluerast etter eit års drift.

Behandling

Tilleggsframlegg frå N.M.Aadland-H:

Tilbodet skal evaluerast etter eit års drift

Framlegget vart samrøystes vedteke.

Innstillinga frå formannskapet vart samrøystes vedteke.

Vedtak

Alver kommunestyre godkjenner kommunal retningslinje for velferds- og arbeidsrelaterte aktivitetstiltak hjå vekstbedrift i Alver kommune jamfør vedlegg.

Ordbruken i retningslinja vert endra frå aktivitetstiltak til oppgå

Behandling

Det var stild spørsmål om habilitet frå representantane: Astrid Sylta, Anne Grete Eide, Sølvi Knudsen, Nils Marton Aadland og Kirsti Gjetle Floen som styremedlemmar KIM, Gløde og Aufera. Kommunestyret gjorde samrøystes vedtak om at dei er habil i denne saka.

Framlegg om å endre ordbruken i retningslinja frå aktivitetstiltak til oppgåve.

Framlegget vart samrøystes vedteke.

Innstillinga frå utval for helse og omsorg, med endring, vart samrøystes vedteke.

Vedtak

Formannskapet og kommunestyret vedtar Kanal- og servicestrategi 2022-2026.

Behandling

Innstillinga frå formannskapet vart samrøystes vedteke.

Vedtak

Framtidig bruk av eigedomen vert vurdert i arealdelen til kommuneplanen. Vurderinga skal ta omsyn til ålmenta sin tilgang til kai og sjø, vegrettar i området og bruk av bygg.

Kommunestyret ber kommunedirektøren om å kome tilbake med eiga sak om mogleg avhending etter at arealdelen til kommuneplanen er vedteken.

Behandling

Innstillinga frå formannskapet vart samrøystes vedteke.

Vedtak

Dei kommunale svømmebassenga medrekna terapibassenga vert ikkje stengt som ein del av straumsparetiltak.
 
Lysanlegg ved idrettsanlegga kan bli slått av ein time før den gjeldane avtalte tida som er praksis pr 9.11.22. Avslåing av lysanlegg må skje i samråd med Idrettsrådet. Uteområde/parkeringsplassar ved hallar vert slått av kl 22.15
 
Kommunestyret ber om sak på kva vegar og konsekvens, samanlikna med trafikksikring og tryggleik som kan slåast av. Turvegar med lys kan slåast av i tidsrommet mellom   kl 00.00 til 06.00  i den grad dei har døgnbelysning som fast ordning

Behandling

Innstillinga frå formannskapet vart samrøystes vedteke.

Vedtak

«Kommunestyret godkjenner framlegg til endringar i lokal forskrift om vass- og avløpsgebyr i Alver, revidert 01.11.2022. Endringa gjeld:

Endra § 1-6

…….

I den grad utrekning av gebyr er avhengig av bygd areal, skal arealet målast ut frå bruksarealet (BRA) slik det er ført i matrikkelen. Tidlegare registrerte arealdata kan nyttast inntil matrikkeldata ligg føre.

….. »

Behandling

Innstillinga frå formannskapet vart samrøystes vedteke.

Vedtak

Saken blir sendt tilbake til utval for areal, plan og miljø for ny vurdering

Behandling

Laila Bjørge-SP stilde spørsmål om habilite då ho har deltatt som saksbehandlar i denne saka. Kommunestyret gjorde samrøystes vedtak om at ho er inhabil i denne saka. L.Bjørge deltok ikkje under handsaming av saka.

Framlegg frå I.Fjeldsbø-H:

Saken blir sendt tilbake til utval for areal, plan og miljø for ny vurdering

Framlegget vart samrøystes vedteke.

Vedtak

Alver kommune prioriterar tilrådingane til Miljøløftet sitt handlingsprogram 2024 -2027 slik det er lagt fram i saka.

Arbeidet med strategiplan for miljøløftprosjekt i Alver må prioriterast, starte opp og gjerast ferdig snarast.

Behandling

Framlegg frå S.Toft-V, L.Johnsen-MDG og A.U.Nordlund-SV:

Arbeidet med strategiplan for miljøløftprosjekt i Alver må prioriterast, starte opp og gjerast ferdig snarast.

Framlegget vart vedteke med 39 røyster, mot 6 røyster (E.Helland-FRP, T.Øvretveit-FRP, Aa.Karlsen-uavh., H.Breivik-uavh., K.O.Larsen-uavh. og M.Klementsen-uavh.)

Innstillinga frå formannskapet vart vedteke med 42 røyster, mot 3 røyster (Aa.Karsen-uavh., K.O.Larsen-uavh. og M.Klementsen-uavh.)

Vedtak

I samsvar med plan- og bygningslova § 11-13 vedtek kommunestyret planprogrammet for kommuneplanen sin arealdel for Alver, med dei endringane som kjem fram i tabell 1, under kommunedirektøren si tilråding. 

Arealdelen vert lagt fram til 1. gongs høyring innan 1. oktober 2023.

Behandling

Framlgg endring A.Nordlund-SV, L.Johnsen-MDG og A.Helle-R:

Vi ønsker å opprettholde kommunedirektørens opprinnelige forslag:

Med bakgrunn i alle prosessane som skal gjennomførast, der fleire av dei har høg risiko for å påverke framdrifta, vil kommunestyret tilrå å endre på framdriftsplanen.

Arealdelen blir lagt fram til 1. gongs høyring i februar 2024

Framlegget fekk 3 røyster og fall (A.Nordlund-SV, L.Johnsen-MDG og A.Helle-R)

Innstillinga frå utval for areal, plan og miljø vart samrøystes vedteke.

Framlegg frå S.Sekkingstad-SP:

Arealdelen vert lagt fram til 1. gongs høyring innan 1. oktober 2023.

Framlegget vart vedteke med 42 røyster, mot 3 røyster

Vedtak

Meldinga er teke til orientering.

Behandling

Kommunedirektøren sitt framlegg vart samrøystes vedteke.

Behandling

Spørsmål:

1. Astrid Aa.Byrknes-KRF:

I sak 128/22 Festeavtale Lindåstunet vidare prosess, gjorde kommunestyret eit samrøystes vedtak. Det er gledeleg.

Våre to lokalaviser har fulgt opp denne saka, og det synes eg er viktig.

Avisa Nordhordland hadde ein artikkel etter møtet i kommunestyret 20.10.22 der også OVF var kontakta og kom med sine betraktninger og svar til journalisten. Der kom det fram at OVF etterlyste svar på eit brev dei hadde sendt Lindås kommune i 2016.

No stod det ikkje noko om kva innhaldet i brevet var, men eg som ordførar i Lindås i 2016 kan ikkje hugse å ha fått orientering om at OVF har forsøkt å kontakte kommunen, eller kvifor ikkje brevet var svara ut.

Spørsmål:

Kan ordførar finne ut kva OVF etterspør i brevet som er sendt kommunen, og kvifor har ikkje den gong Lindås kommune svara på dette brevet?

Svar frå ordførar:

Kort om bakgrunnen:

Alver kommune, tidligere Lindås kommune, fester av opplysningsvesenets fond gnr 108 bnr 1 festenummer 2, 4, 7, 42 og 49.

15. august 2014 varslet OVF (representert ved advokatfirmaet Harris) regulering av festenummer 49 (skole og idrettsplassen) i henhold til festekontrakt. I den forbindelse gikk kommunen v/eiendomsavdelingen i dialog med fondet for å søke å oppnå en minnelig løsning. Under forhandlingene ble også de øvrige festeavtalene diskutert, herunder festeavtalen for Lindåstunet (feste nr. 4).

Denne avtalen løper frem til 2051 og var ikke gjenstand for regulering før 1. juli 2027.

Det var likevel noe kommunikasjon mellom partene når det gjaldt festenr. 4. Denne kommunikasjonen knyttet seg til muligheten for innløsning av tomten, endring av festeavtalen og mulig avvikling av festeforholdet. Det ble tidlig klart at dette ikke ville føre frem og forhandlingene rundt fnr. 4 kulminerte med et tilbud fra OVF i brev av 23. mai 2016, som ble avvist i kommunens svarbrev av 8. juli 2016.

Svar på spørsmålet:

OVF sitt brev av 23. mai 2016, var et tilbud til kommunen som omhandlet feste nr. 4 (Lindåstunet). Brevet ble besvart av kommunen den 8. juli 2016, hvor tilbudet ble avvist.

Det foreligger ingen brev fra OVF fra 2016, eller senere, som står ubesvart.

2. Astrid Aa.Byrknes-KRF:

Eg har høyrd at det er lekkasje i taket ved Ostertunet (raudt bygg)

Det er også ope, slik at det kjem kald trekk inn. Frå taket. Dette oppleves ikkje bra. For å hindre vatn på golvet er det satt bøtte under lekkasjen. Det kan oppstå væte på golvet som kan vere ei kjelde til bla fall.

Dette er ikkje noko lekkasje som har oppstått nyleg, den har vore der over tid er det blitt meg fortald.

Tidlegare så fekk FO orientering om taka på dei kommunale bygga. Det beli sagt det er viktig å tette lekkasjer og at taktettinga arbeidet skulle starte.

Mitt spørsmål er difor:

Når vil lekkasjen ved Ostertunet – raudt bygg bli ordna og tetta?

Svar frå ordførar:

Det er heilt klart viktig å tette lekkasjar så raskt som mogeleg. Drift- og vedlikehaldsavdelinga har arbeidd for å finne ut kvar lekkasjen er, kva som er årsak til lekkasjen og kva som må skiftast. Materiale er bestilt, og arbeidet er prioritert. I mellomtida er lekkasjen midlertidig utbetra. Det er lang leveringstid på varer, og det er derfor vanskeleg å oppgje nøyaktig tidspunkt, men håpet er å komme i gang innan ei vekes tid.

3. Kjell Ove Larsen-uavh.:

Får kommunen sine heimesjukepleiarar delt utgifter til nye skor og evt andre klede som vert tilsølte eller øydelagde

på arbeid? Til dømes opplever heimesjukepleiarar at skor er vortne tilgrisa med avføring ved stell av eldre og uføre. I

andre etatar får ein som regel både verneskor og anna arbeidstøy.

Svar frå ordførar:

Det er rutinar for tilsette at dei skal nytte arbeidstøy og skoovertrekk når dei går inn til tenestemottakarar. Uniform med bukse og kittel er tilgjengeleg på arbeidsplassen.

I situasjonar der det blir utførd stell og prosedyrar som krev ekstra beskyttelse,nyttar dei tilsette stellefrakkar utanpå uniformen. Det er rutine for å gje erstatning for privattøy og sko dersom arbeidstakar i jobbsituasjon har fått øydelagd dette.

4. Aasmund Karlsen-uavh.:

Kor mykje kostar ein sengepost på Helsehuset og kor mykje kostar ein sengepost på sjukehus i Bergen? Kor mange

sengeposter er det på Helsehuset? Var ikkje ein av intensjonane med Helsehuset at pasientar kunne få venta på

sjukeheimsplass i kommunen sin i staden for å verta liggjande på sjukehus i Bergen?

Svar frå ordførar:

Helsehuset har ein sengepost. Det er 6 rom for pasientar på sengeposten og denne er for øyeblikkeleg hjelp døgnplassar i eit interkommunalt samarbeid. Nettobudsjett for 2022 er på 14,3 mill. og av dette er Alver sin utgiftsdel 8,7 millionar. Avtalen med samarbeidskommunane er sagt opp med verknad frå 01.01.2023 - Vedtak KO sak 154/21 møtedato 16.12.21. Vi kjenner ikkje til kva kostnad det er for ein sengepost på sjukehusa i Bergen.

Formålet med øyeblikkeleg hjelp døgntilbod er å unngå innlegging i sjukehus når dette ikkje er nødvendig eller ønskjeleg ut frå ei medisinskfagleg vurdering. Det er ikkje å ta i mot ferdig behandla pasientar frå sjukehus. Viser elles til sak KO 149/22 om øyeblikkeleg hjelp døgntilbod i Alver kommune.

Det overordna målet med Region Nordhordland Helsehus er eit bygg som legg til rette for brukarvenlege, bærekraftige og framtidsretta løysingar, der kommunale, interkommunale og spesialiserte helsetenester vert samlokalisert og samarbeider på tvers av tenester og nivå.

5. M.Klementsen-uavh:

Er det mogleg å få lys på busstopp på Hestdal? Dei som ventar på buss, og særskilt skuleborn, lyt stå langs vegen i mørkret. Uten refleksvest er ein per i dag ikkje synleg i det heile. Etter at vegen vart utbetrakjem bilar i mykje høgare fart enn før. Før den nye kommunale vegen kom var det lys på busstoppa.

Svar frå ordførar:

Oppsetting av veglys er eitt av temaene som inngår i kommunen sin trafikksikringsplan. Noverande temaplan er sett saman av planane i dei tre gamle kommunane, og tiltaket inngår ikkje der. Arbeidet med den nye trafikksikringsplanen startar i 2023, og skal behandlast politisk. I planprosessen vil innbyggjarane bli invitert til å kome med innspel til trafikksikringstiltak, medrekna spørsmål om veglys. Alle innspel vil då bli vurdert i høve til verknad og konsekvensar. Trafikksikringsplanen blir følgt opp med årlege tiltaksplanar der prioriteringane følgjer budsjettet.

6. Sølvi Knudsen-SP:

Ein er kjent med at biblioteket på Frekhaug skal flytta grunna ombygging. Det vert sagt at biblioteket skal inn i inngangspartiet i kommunehuset på Frekhaug.

Saka reiser fleire spørsmål;

1) Kor tid sa utleigar opp leigavtalen med kommunen?

2) Korleis skal bibliotektenesta organiserast i ei slik kriseløysing?

3) Skal biblioteket på Frekhaug inn i eit av dei nye bygga som er planlagt i senteret?

4) Kor lang tid skal biblioteket på Frekhaug vera utan tilfredstillande lokaler?

Svar frå ordførar:

Avtalen gikk opphavleg ut 2021, og har vore forlenga for 2022 i påvente av avklaring om nye lokale og kostnad.  Kommunen fekk endeleg tilbod i september i år.  I tidlegare dialog var moglegheitene eit lokale på dagens storleik, kring 400m2, eller eit noko større på 650m2. Det endelege tilbodet i september var for eit lokale på over 800m2.  Saman med betydeleg auke i kvadratmeterpris vart det konkludert i oktober at kostnaden ville bli for stor. 

For den mellombelse løysinga på kommunehuset på Frekhaug skal biblioteket i vekedagar ha betent utlån i skranke i den tidlegare resepsjonen, og magasinfunksjonar i kjeller.  Nærmare detaljar om beteningstider er under planlegging, og vil bli opplyst om så snart det er klart.  Flytteprosessen er omfattande med mellom anna 27 000 bøker og store mengder inventar, og krev mykje av våre bibliotekarar og driftstenester.  Arrangement og faste tiltak vil finne stad på BUA-loftet på Frekhaug og på Meieriet.  Bokbussen vil fortsetje sine ruter på Holsnøy.  Nokre kontorfunksjonar vil flyttast mellombels til Knarvik.

Det er ikkje andre kjende tilgjengelege lokale på Frekhaug anna enn på kommunehuset.  Kommunen ser mot areala i kommunehusets første etasje ut mot Frekhaug torg, men desse er for tida utleigd og i bruk.  Ein må pårekne at det er opp til to år før ein kan reetablere eit regulært bibliotektilbod på Frekhaug.  Dersom biblioteket skulle inn i nybygget på Frekhaug Torg, ville dette også medført eit mellombels tilbod i byggeperioden, men ein har altså ikkje kunne endeleg konkludert på detaljane før i oktober i år.

Vedtak

Kommunestyret viser til notat om busetting av flyktningar utover busettingstalet for 2022 og gjev si tilslutning til å busetje flyktningar frå Ukraina som har tilknyting til allereie busette personar i kommunen (dette gjeld tilknyting både til familie og vener/sosiale relasjonar). Dette gjeld i tillegg til dei 180 som alt er busette.

Behandling

Framlegg frå K.Floen-AP:

Kommunestyret viser til notat om busetting av flyktningar utover busettingstalet for 2022 og gjev si tilslutning til åbusetje flyktningar frå Ukraina som har tilknyting til allereie busette personar i kommunen (dette gjeld tilknyting både til familie og vener/sosiale relasjonar). Dette gjeld i tillegg til dei 180 som alt er busette.

Framlegget vart samrøystes vedteke.