Her får du mer informasjon om møtet i Administrasjonsutval den 01.12.2021, som saksliste, sakskart, protokoll og liste over frammøtte representanter.
 
Clear
     
 

Møte i Administrasjonsutval den 01.12.2021

Administrasjonsutval
01.12.2021 09:00 - 11:00
Utvalg:Administrasjonsutval
Dato:01.12.2021 09:00 - 11:00
Møtested:Rådhuset Knarvik, kantina
Status:Møtet er ferdig protokollert
Sakskart:Innkalling - Administrasjonsutval - 01.12.2021 (Hoveddokument) ()
Møteprotokoll:Protokoll - Administrasjonsutval - 01.12.2021 (Hoveddokument)

Saksliste

  • Godkjenning av  innkalling og saksliste Hoveddokument 47KB
    Brevdato: 24.11.2021
    Dokumenttype: Saksfremlegg
    Ansvarlig enhet: Politisk sekretariat
    Saksbehandler: Tove-Mette Arnø Fyllingen

    Dokumenter

     

    Vedtak

    Innkalling og saksliste er godkjent.



    Behandling

    Ingen merknader, samrøystes.

  • Godkjenning av møteprotokoll Hoveddokument 48KB

    033/21 - 21/78136 - Godkjenning av møteprotokoll

    Journaldato: 18.11.2021  2 dokumenter
    Brevdato: 18.11.2021
    Dokumenttype: Saksfremlegg
    Ansvarlig enhet: Politisk sekretariat
    Saksbehandler: Tove-Mette Arnø Fyllingen

    Dokumenter

     

    Vedtak

    Møteprotokollen er godkjent.



    Behandling

    Ingen merknader, samrøystes.

  • Økonomiplan 2022 - 2025 Hoveddokument 132KB

    034/21 - 21/78450 - Økonomiplan 2022 - 2025

    Journaldato: 19.11.2021  2 dokumenter
    Brevdato: 19.11.2021
    Dokumenttype: Saksfremlegg
    Ansvarlig enhet: Økonomi
    Saksbehandler: Janne Sund

    Dokumenter

     

    Vedtak

    Økonomiplanen 2022-2025 er teke til orientering.



    Behandling

    Uttale frå utdanningsforbundet:

    For tredje år på rad kjem Utdanningsforbundet Alver med uttale til Alver kommune sin økonomiplan, og for tredje år på rad ha vi trong for å påpeike at rådmannen sine konsekvensskildringar ikkje stemmer med verkelegheita. Dette har vi tatt opp med rådmannen mange gonger, utan at det har kome nokon betring. Vi meiner at det er viktig at Kommunestyret har gode og riktige fakta med seg før økonomiplanen blir endeleg vedtatt.

    Barnehage:

    Det er ei mager trøyst at det ikkje er foreslått mykje i kutt i denne sektoren. Forklaringa er såre enkel. Det er ikkje noko meir å kutte. Bemanninga er allereie på eit absolutt minimumsnivå i høve til bemannings- og pedagognormene. Høgt sjukefråvere og mangel på vikarar fører til stadige lovbrot knytt til m.a. pålagt sovevakt og pålagt observasjon under leik, og brot på tariffavtale som følgje av at pedagogane i stor utstrekning må vere saman med barna i den tida dei skulle ha drive med planlegging. Barnehagane har ikkje økonomi til å kompensere for all den tapte planleggingstida.

    Dei økonomiske rammene i barnehagane er så tronge at talet på personalmøte ligg langt under det som er naudsynt for å sikre forsvarleg samarbeid og arbeid med pålagt utviklingsarbeid, mellom anna knytt til Rammeplanen for barnehagane. Vi er no urolege for om det blir sete av nok tid til å få jobba med bransjeprogrammet «Ein bra dag på jobb», som er knytt til IA-avtalen, og som har som mål å redusere arbeidsrelatert sjukefråvere i barnehagane. Personalmøta må naturleg nok haldast utanfor opningstida. Når det ikkje er mogleg å hente inn tid til møta med å redusere bemanninga i opningstida, så er det inngått ein avtale om økonomisk kompensasjon for å ha møta utanom arbeidstida. Trong økonomi har ført til at talet på møte er føreslått redusert til 7 pr. år.

    Det einaste kuttet som er føreslått i barnehagane dreier seg om reduksjon i spesialpedagogiske tiltak. Dette vil gå direkte ut over dei mest sårbare og hjelpetrengande barna, då det ikkje er ressursar/bemanning nok til å gje tilrettelagt tilbod innanfor det ordinære. Alle tidlegare ressursar til styrkingstiltak er allereie kutta. Eit nytt kutt no fører oss enno lenger vekk frå måla om å drive med tidleg innsats.

    For å sikre at barnehagane kan drive forsvarleg, trengst det auke i rammene.

    Skule:

    Tilstandsrapporten for grunnskulane i Alver blei lagt fram for Kommunestyret 25.november. Utdanningsforbundet Alver er godt nøgd med at det kom kommentarar frå politikarar på at framstillinga ikkje harmonerte med det Utdanningsforbundet hevdar i ein annonsekampanje i lokalavisene. Forklaringa er ganske enkel. Tilstandsrapporten beskreiv i stor grad korleis tilstanden i skulane var tenkt å skulle vere med dagens ressursnivå, og ikkje korleis tilstanden i skulane faktisk er ut frå dei mange utfordringane som finst.

    Rådmannen foreslår nok ein gong kutt i lærarstillingar, 15 stillingar over to år, med uttalt konsekvens at PPT må vere tettare på i høve til rettleiing. Samstundes er det nok ein gong føreslått kutt i stillingar i PPT, med konsekvens at skulane må takle meir utan PPT si hjelp. For tredje år seier vi at dette ikkje heng saman.

    Rådmannen seier gong på gong at Alver kommune bruker mykje pengar på skule i høve til samanliknbare kommunar. Dette kan Utdanningsforbundet seie seg einig i, men det er då viktig å påpeike at rådmannen samanliknar med dei andre kommunane i kommunegruppe 9, som i gjennomsnitt har 12 kommunale grunnskular der Alver har 22. Dei fleste av kommunane er vesentleg mindre geografisk eller vesentleg meir sentraliserte enn Alver kommune, og dei har ikkje ekstra kostnadar knytt til språkdeling bokmål/nynorsk. Når rådmannen dreg fram Askøy kommune (med 18 skular) som døme på kor mykje billegare ein kan drive, så kan det dokumenterast at Askøy kommune med opne auge kvart einaste år har brote minstenorm for lærartettleik.

    Rådmannen hevdar at det med noverande skulestruktur, og ut frå samla ressursnivå, er handlingsrom for å redusere med 15 lærarårsverk. Utdanningsforbundet Alver vil påpeike at dei store og mellomstore skulane allereie balanserer på eller veldig nær minstenorm for lærartettleik. Det er då ikkje tatt høgde for utfordringane med språkdeling. Det er heller ikkje tatt høgde for at fire oppgåver som tidlegare vart godtgjort med funksjonstillegg (IKT-kontakt, spes.ped-koordinator, teamleiar og plangruppe) no må godtgjerast med tid etter at arbeidsgjevar fjerna funksjonstillegga ved overgang til Alver kommune. Aukande utfordringar knytt til utagerande elevar, fører ytterlegare til at rammetimar til ordinær undervisning akutt må omdisponerast for å ivareta tryggleiken for elevar og tilsette. Her ligg forklaringane på at minst fem skular braut minstenorm for lærartettleik førre skuleår. Rektorane sto i den umoglege situasjonen at dei måtte velje mellom kva lovar dei skulle bryte.

    Kutt i lærarstillingar vil ramme dei svakaste og mest sårbare elevane hardast, og dei minste skulane. Det vil auke presset på eit allereie pressa læringsmiljø, skulemiljø og arbeidsmiljø. Utdanningsforbundet Alver hevdar at det allereie i dag skjer lovbrot, og vil hevde at ytterlegare kutt vil føre til enno verre tilhøve. For tre veker sidan gjennomførte tenesteleiar skule innspelsmøte med rektorar og arbeidsplasstillitsvalde. Tilbakemeldinga var unison: Det er ikkje forsvarleg å kutte i årsverka. Grunngjevinga som kjem er tydeleg. Kutt vil føre til dårlegare læring, meir utfordrande skulemiljø, fleire sjukmeldingar og ytterlegare flukt av skuleleiarar som ikkje lenger vil stå som ansvarlege for at dette skjer. Tidleg innsats, trygge og gode skulemiljø og helsefremjande arbeidsplassar er allereie for utopi å rekne ved mange av skulane våre.

    Ulike støttefunksjonar:

    Samarbeidet mellom PPT og skulane er no organisert på ein måte som det har kome mange positive tilbakemeldingar på, der PP-rådgjevarane har fast tid ute på skulane. Dette gjev godt grunnlag for observasjon av elevar og rettleiing av tilsette. I ei tid der utfordringane knytt til elevar sin faglege utvikling, psykiske helse, utagering, vald og trugslar er store og aukande, vil ein med kutta redusere moglegheitene for å ivareta eit trygt, godt og inkluderande skulemiljø.

    Rådmannen argumenterer for at kutt i merkantilressursar går greitt som følgje av betre digitale system, og at det ikkje vil gje redusert kvalitet på tenestetilbodet. Det blir ikkje nemnt at mengda ulike oppgåver samstundes har auka. Dei merkantilt tilsette gjev avlastning til overarbeidde leiarar, så ein reduksjon vil heilt klar merkast.

    I førre runde blei det kutta ein rådgjevarstilling i stab oppvekst. Resultatet blei, som vi påpeikte, eit meirarbeid på både dei rådgjevarane som sat att, og på avdelingsleiarane ute. No ser det heldigvis ut til at denne stillinga er på plass att.

    Utdanningsforbundet Alver sine arbeidsplasstillitsvalde og hovudtillitsvalde har over tid varsla om ein arbeidskvardag som for leiarar og tilsette er prega av store belastningar og stadige kriseløysingar. Vi har gitt beskjed om uforsvarlege hendingar og lovbrot knytt til mangel på folk. Vi har følgt opp fortvilte leiarar som er usikre på om dei orkar meir. Nokre av dei har allereie møtt veggen, og andre er veldig nære. Vi har følgt opp tilsette som er så slitne og fortvila at dei grin i bilen før dei orkar å køyre heim frå jobb. Vi har følgt opp tilsette som har vore utsette for vald, alvorlege trugslar og grov trakassering over tid. Vi har kravd at arbeidsgjevar melder dei grovaste tilhøva til Arbeidstilsynet og politiet.

    For ein månad sidan kom eit nytt avvikssystem på plass i Alver kommune. Det nye systemet inneheld vesentleg betre avvikskategoriar enn det gamle systemet, ikkje minst innanfor tenestekvalitet, men òg innanfor HMS. Vi har oppmoda våre medlemmar til å vere lojale mot kvarande og ungane/elevane, og melde avvik når dei skjer. Vi veit at det heile vegen har vore ei enorm underrapportering, og forventar at betre system og auka fokus vil føre til ein eksplosjon i avviksmeldingar i tida framover. Vi veit at det medfører eit meirarbeid å melde, og at leiarane får eit meirarbeid med å følgje opp avvika i etterkant, men vi kan berre ikkje gje opp håpet om at vi ein eller annan gong får til endringar som tar oss i riktig retning.

    Den siste månaden har Utdanningsforbundet Alver brukt mykje pengar på ein annonsekampanje der vi har ønskt å belyse for innbyggjarane og politikarane korleis stoda er. Vi gjer ikkje dette for å mele vår eiga kake i form av løn eller sympati. Vi kjem med veldig alvorlege påstandar. At desse påstandane i èin månad har stått uimotsagt frå kommunen si side, tenkjer vi seier veldig mykje. Vi har sete klar med dokumentasjonen, og venta på reaksjonane som aldri kom. Vi har ei historie som MÅ forteljast. Ikkje for å krisemaksimere, syte og klage, men for å seie ifrå om at dette dreier seg om leik, læring, trivsel, tryggleik, liv og helse. Det handlar om det einskilde barn, den einskilde elev, den einskilde tilsette og den einskilde leiar.

    Alver kommune har plikt på seg til å drive lovleg og forsvarleg. Vi oppmodar politikarane innstendig om å nytte dei neste to vekene til å spørje og grave. Snakk med oss tillitsvalde. Still direkte spørsmål til kommunalsjef og tenesteleiarar. Stemmer dette som Utdanningsforbundet hevdar? Høyr med styrarar, rektorar og tilsette. Korleis har de det på jobb? Høyr med foreldra til elevar med vedtak om spesialundervisning. Kor mykje får dei eigentleg? Utdanningsforbundet Alver håper at Kommunestyret kjem fram til det same som oss, at det einaste forsvarlege no er å stryke kutta, og heller setje tenestene i stand til å drive forsvarleg og innanfor lov- og avtaleverket. Det er kostbart at tilsette blir sjukmeldt som følgje av arbeidsbelastninga, og det er kostbart med stadige naudløysingar når det oppstår akutte situasjonar som kunne vore unngått.

    Anita Helland og Jarle Næss,

    HTV Utdanningsforbundet Alver

    Framlegg:

    Økonomiplanen 2022-2025 vert teke til orientering.

    Famlegget vart samrøystes vedteke.

Fremmøte

Fremmøte
PolitikerPartiMedlemstypeE-Post
Øyvind OddekalvArbeiderpartietUtvalsleiarOyvind.Helland.Oddekalv@vlfk.no
Silje FanebustSykepleierforbundetMedlemsilje.fanebust@alver.kommune.no
Jarle NæssUtdanningsforbundetMedlemjarle.ness@alver.kommune.no
Jostein HellestveitSenterpartietVaramedlemjoshelle@online.no
Tove-Mette Arnø Fyllingentove.mette.fyllingen@alver.kommune.no
Sara Hamre Sekkingstad (Ikke møtt) SenterpartietNestleiarsara.sekkingstad@alver.kommune.no
Nils Marton Aadland (Ikke møtt) HøgreMedlemnils.marton.aadland@alver.kommune.no
Maria Færø (Ikke møtt) UavhengigMedlemmaria.faero@hotmail.com
ACOS Innsyn levert av ACOS AS