Møte i Administrasjonsutval den 30.11.2022

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Saka er teke til orientering.

Behandling

Orientering ved kommunedirektør Ørjan Raknes Forthun.

Saka vert teke til orientering, samrøystes.

Uttale frå Norsk sykepleierforbund ved HTV Silje Fanebust:

I forbindelse med budsjettprosessen så ønsker Norsk sykepleierforbund i Alver å legge ved denne uttalen.

Norsk sykepleierforbund er opptatt av tjenestetilbudet i skolehelsetjenesten. Skolehelsetjenesten i Alver har i dag ett lavere antall helsesykepleiere per elev i skolen enn anbefalt ut ifra Helsedirektoratet sine anbefalte normtall. I tillegg har oppvekstreformen tydeliggjort behovet for å satse på tidlig innsats og forebygging. Vi ser at utfordring bilde rundt psykisk helse, spiseforstyrrelse, psykososiale utfordringer i klassemiljøene og skolevegring er økende hos barn og ungdom i både barne,- ungdom og videregående skole. Helsesykepleiere i skole har en nødvendig rolle i barnas hverdag for å komme i posisjon for å følge opp og avdekke psykisk uhelse og skolevegring, men og vold og overgrep i nære relasjoner. Det forutsetter en viss tilstedeværelse på skolene for å kunne komme i en slik posisjon.

Slik ressurstildelingen i skolehelsetjenesten er i dag, er denne tjenesten smurt tynt utover alle skolene. Dette medfører at tilgjengeligheten og kontinuiteten på helsesykepleiere i skolen for barna er sårbar.

Ungdomsrådet har og pekt på utfordringer rundt helsesykepleiertilbudet til barn og unge der de etterlyser økt åpningstid på helsestasjon for ungdom, og mer tid per elev for helsesykepleiere i skolen.

Uttale frå Utdanningsforbundet ved Jarle Næss:

Utdanningsforbundet Alver ser med uro på den økonomiske situasjonen som Alver kommune no befinn seg i. Det er heilt klart behov for store innsparingar, og vi har stor forståing for at kommunedirektøren og Kommunestyret har ein krevjande jobb i høve til å leggje fram og vedta

I fleire samanhengar har Utdanningsforbundet av kommuneleiinga blitt skulda for å svartmale situasjonen når vi har snakka om korleis våre leiarar og tilsette opplever arbeidssituasjonen sin. Dessverre er det sånn at når barnehage- og skuleeigar gjentatte gonger ovanfor politisk hald, t.d. i tilstandsrapportar og no i Kommunedelplan oppvekst, ikkje skriv eller seier noko om korleis stoda faktisk er i barnehagane og skulane, men om korleis stoda burde ha vore, så står Utdanningsforbundet ganske åleine om å balansere dette biletet. Vi vil oppmode kommunestyrepolitikarane til å lese dei innspela som i økonomiplanprosessen har kome frå leiarar og tillitsvalde innan dei ulike tenesteområda i oppvekst. Særskilt er referatet frå skulesektoren sterk lesing.

Det som går att når vi snakkar med våre medlemmar, er generelt at dei er slitne, og at det ikkje er samsvar mellom den bemanninga og dei ressursane dei har til rådigheit, og dei oppgåvene dei skal løyse. Når det gjeld synspunkt på økonomiplanen og dei kuttforslaga som ligg føre, så seier leiarane at dei opplever at dei frå før balanserer heilt på grensa i høve til lovlegheit og forsvarlegheit, og at det t.d. i mange av skulane er omtrent umogleg å halde lærarnorma samstundes som einskildvedtak om spesialundervisning og ei auke i utagering og psykiske utfordringar blant elevane må handterast. I mangel på læremiddel, både lærebøker og digitale læremiddel, blir lærarane påført mykje ekstraarbeid med å lage undervisningsopplegg med tilstrekkeleg god kvalitet. Alt tyder på at dette er ei ekstra belastning som lærarane blir ståande i i lang tid framover.

Forslaget om å kutte 6,5 lærarårsverk frå eit allereie opplevd minimumsnivå, samt å fjerne og redusere ulike førebyggjande tiltak, har fått nokre av rektorane til å stille seg spørsmålet om dei er villige til å stå ansvarlege for drifta vidare, eller om dei skal finne seg noko anna å gjere.

Når det gjeld forslaget om å leggje ned spesialpedagogisk støtteeining barnehage og plassere dei tilsette ut i dei kommunale barnehagane, har Utdanningsforbundet Alver følgjande kommentar: Arbeidsgjevar sine argument om å følgje tilrådinga til skuleforskar Thomas Nordahl (i

Stortingsmelding) og tilrådinga til Alver kommune sitt prosjekt Universell pedagogikk, er heller tvilsame. Nordahl sine forslag om endra organisering av spesialundervisning dreier seg om skule, og er i tillegg frå mange hald blitt sterkt kritisert. Prosjekt Universell pedagogikk har ikkje gitt tilråding til denne endringa, men konkludert med at det på eit tidspunkt er fornuftig å ta ein gjennomgang i høve til korleis spesialpedagogikken i barnehagesektoren bør organiserast. Det er to heilt forskjellige ting. Utdanningsforbundet Alver har god grunn til å tru at spesialpedagogane kjem til å inngå i den ordinære bemanninga i dei kommunale barnehagane, vere ein del av bemannings- og pedagognorma, og at det spesialpedagogiske arbeidet vil bli utvatna med at spesialpedagogane òg blir sett til anna ordinært arbeid i barnehagane. Det vil bli eit betydeleg kvalitetstap for spesialundervisninga at eit kompetent fagmiljø blir splitta. I tillegg vil denne nye organiseringa syte for at dei private barnehagane ikkje lenger kan nytte teamet sin spesialpedagogiske kompetanse, og dei private barnehagane må ut på marknaden for å finne spesialpedagogar som det er stor mangel på. Utdanningsforbundet Alver fryktar at spesialpedagogane forsvinn, anten til andre kommunar eller til private.

Det er positivt at det er føreslått styrking av bemanninga i barnehagane for å sikre at pedagogane får tatt ut plantida si. Det er godt kjent at veldig mykje av pedagogane si plantid no forsvinn på grunn av at det ikkje er forsvarleg at dei forlet barna på avdelinga som følgje av tynn grunnbemanning i kombinasjon med høgt sjukefråvere. Difor meiner Utdanningsforbundet Alver at det er for lenge å vente på denne bemanningsauka heilt til 2025.

Det er føreslått å kutte MOT-tilbodet i ungdomsskulane, noko som kommunedirektøren meiner skal gje ei innsparing på 1 million pr år. Mange av MOT-coachane er lærarar i skulane i dag, der dei har MOT-timane som ein del av sine stillingar. Her vil det ikkje gje noko innsparing når MOT-timane forsvinn, for då skal elevane ha annan undervisning som kostar mist det same som MOT-timane. Utdanningsforbundet Alver stiller difor spørsmålsteikn med kommunedirektøren sitt reknestykke.

Den nye Oppvekstreforma held tidleg innsats som ein grunnpilar for heile reforma. Dei siste året har arbeidet med tidleg innsats i skulen blitt redusert i Alver kommune, då store delar av ressursane har gått til finansiering av minstenorma for lærartettleik, oppfølging av nye framandkulturelle elevar, samt elevar med store utfordringar knytt til utagering og/eller psykisk helse. I tillegg har og andre førebyggande tiltak blitt bygd ned. Mellom anna har miljøterapeutstillingar forsvunne. Ressursane til desse miljøterapeutstillingane som skulane mista i 2022, skulle vore brukt til etablering av eit såkalla barnehage- og skulemiljøteam innunder PPT. Her har tilsetjinga blitt stansa, og dei tilsette ved PPT er med rette urolege for at dette teamet aldri kjem på plass.

Det å redusere drifta til Salto og fritidsklubbar, forsterkar ytterlegare Alver kommune si vandring vekk frå førebygging og over til meir og meir brannsløkking.

Det er ein stor fare for at kutt i tidleg innsats og førebyggjande tiltak ganske raskt vil føre til akutt behov for fleire dyre og omfattande tiltak.

Utdanningsforbundet Alver håper at Kommunestyret greier å einast om ein økonomiplan som sikrar både lovleg og forsvarleg drift i våre avdelingar i oppvekstsektoren.