Møte i Utval for oppvekst, kunnskap og kultur den 06.06.2023

Vedtak

Innkalling og saksliste vart godkjent.

Behandling

Endring rekkefølge saksliste: 29, 30, 31, 37, 32-36, 38-40.

Ellers ingen merknader, samrøystes.

Vedtak

Møteprotokoll frå møte-25.04.2023 er godkjent.

Behandling

Møteprotokoll frå møte-25.04.2023 vert godkjent, samrøystes.

Vedtak

Innstilling i OKK - 06.06.2023:

Positivt å prioritere born / unge, men me reagerer på at prisen er den same tross i at tenesta då er noko redusert ift personar som vil nytta dette tilbodet.

Utval for oppvekst, kunnskap og kultur støttar ellers uttale frå Eldrerådet og RMNF.

OKK går inn for at kommunestyret gjer slikt vedtak:
Kommunestyret godkjenner vidare samarbeidsavtale med Syns- og audiopedagogisk teneste. Tenesta må snarast mogleg få på plass ein kapasitet som gjer den i stand til å gje personar over sytti år det same tilbodet som dei har hatt til no. Kommunestyret er innforstått med at etablering av ein slik kapasitet på sikt kan føra med seg ein viss utgiftsauke for kommunen.

Behandling

Orientering til saka v/Monica Svarstad-rådgjevar stab Oppvekst

Fellesframlegg v/Christel Villanger Håland-H:

Positivt å prioritere born / unge, men me reagerer på at prisen er den same tross i at tenesta då er noko redusert ift personar som vil nytta dette tilbodet.

Utval for oppvekst, kunnskap og kultur støttar ellers uttale frå Eldrerådet og RMNF.

OKK går inn for at kommunestyret gjer slikt vedtak:
Kommunestyret godkjenner vidare samarbeidsavtale med Syns- og audiopedagogisk teneste. Tenesta må snarast mogleg få på plass ein kapasitet som gjer den i stand til å gje personar over sytti år det same tilbodet som dei har hatt til no. Kommunestyret er innforstått med at etablering av ein slik kapasitet på sikt kan føra med seg ein viss utgiftsauke for kommunen.

Framlegget vart samrøystes vedteke.

Vedtak

Innstilling i OKK - 06.06.2023:
Årsmelding for Nordhordland kompetanseregion vert tatt til orientering.

Behandling

Orientering til saka v/Siri Øksnes-rådgjevar stab Oppvekst

Kommunedirektøren sitt framlegg vart samrøystes vedteke.

Vedtak

Innstilling i OKK - 06.06.2023:
Alver kommunestyre vedtek følgjande høyringssvar:

1. Alver kommune støttar føremålet med revideringa av kulturlova.

2. Alver kommune støttar §1 i lovforslaget, med forankring i Grl. §100, sjette ledd

3. Alver kommune støttar §2 i lovforslaget, med fastslåing av armlengdsprinsippet, offentlege styresmakters ansvar for positiv tilrettelegging for eit mangfald av kulturverksemd, samt fastslåing av eit skilje mellom ansvaret for styring og rammer på den eine sida, og faglege vurderingar og innhaldsproduksjon på den andre.

4. Alver kommune ser at kulturmiljøområdet bør kunne vere gjenstand for politiske prioriteringar, men meiner at dei konkrete faglege og innhaldsaktige vurderingane på kulturmiljø må omfattast av armlengdsprinsippet, særleg sett i eit kommunalt og lokalt forvaltningsperspektiv der formell mynde ofte ligg hos andre forvaltingsnivå.

5. Alver kommune støtter §4 i lovforslaget, men ønskjer ei sterkare formulering som omfattar kulturplanlegging utover planar som følgjer plan- og bygningslova.

Behandling

Eirik B. Utne-tenesteleiar Kultur orienterte og svara på spørsmål i saka.

Kommunedirektøren sitt framlegg vart samrøystes vedteke.

Vedtak

Uttale i OKK - 06.06.2023:

Alver kommune innfører tre teljetidspunkt for barnehage frå og med januar 2024. Teljetidspunkta vert sett til 01.03, 01.09 og 15.12.

Administrasjonen set i verk arbeidet med å lage retningsline for berekning av tilskot til dei private barnehagane samt justere retningsline for gjennomføring av opptak til barnehage. Saksbehandlingsreglar for etablering av forskrift skal følgjast i dette arbeidet.

Behandling

Kristin Moe-tenesteleiar Oppvekst svara på spørsmål i saka.

Kommunedirektøren sitt framlegg vart vedteke med 5 røyster (Leila Bjørge-Sp, Anna Nordlund-SV, Marit Gro Berge-SV, Jostein Borlaug-Ap, May Britt Vågenes Gjerde-Sp)

mot (Yngve Walaker-Frp, Christiel Villanger Håland-H, Sølvi Vatnøy-Krf)

Vedtak

Innstilling i OKK - 06.06.2023:

Kommunestyret vedtek at det vert kunngjort oppstart av arbeid med kommunedelplan «Barnehage og skulebruksplan» i Alver kommune, og at det samstundes vert lagt ut planprogram for planen til offentleg høyring og ettersyn i minimum 6 veker. I tillegg gjev kommunestyret løyve til innhenting av konsulenttilbod for planarbeidet avgrensa opp til stipulert kostnad på 1 million kroner. Vedtaket har heimel i plan og bygningslova kapittel 11 (§11-13).Til finansiering nyttast disposisjonsfondet.

Behandling

Orientering til saka v/Rolf Raknes- fagleiar Areal og samfunn

Kommunedirektøren sitt framlegg vart samrøystes vedteke.

Vedtak

Innstilling i OKK - 06.06.2023:
Kommunestyret vedtar temaplan for friluftslivets ferdselsårer sin ro- og padledel.

Behandling

Kommunedirektøren sitt framlegg vart samrøystes vedteke.

Vedtak

Meldingar vart tekne til orientering.

Behandling

• Anne Birthe Kvant-avd.leiar Barnevern orienterte om tilsyn barneverntenesta si oppfølging av born i fosterheim.

• Utvalsleiar Christel Villanger Håland-H orienterte utvalet om ein henvendelse frå Fylkeskommunen sitt mobbeombod. Ho har også mottatt innspel frå Mållaga i Alver på språkbruksplanen og oppmoda administrasjonen om å sjå nærare på den.

Meldingar vert tekne til orientering, samrøystes.

Vedtak

Innstilling i OKK - 06.06.2023:
Kommunestyret i Alver vedtek «Kommunedelplan for kultur, idrett og friluftsliv 2023-2035» Vedtaket har heimel i plan og bygningslova kapittel 11. (§ 11-15)

Behandling

Kommunedirektøren sitt framlegg vart samrøystes vedteke.

Vedtak

Utval for oppvekst, kunnskap og kultur godkjenner tildeling av tilskot til idrettsprosjekt på kr 40.000 slik det kjem fram av saka.

Behandling

Kommunedirektøren sitt framlegg vart samrøystes vedteke.

Vedtak

Utval for oppvekst, kunnskap og kultur godkjenn forslag til tildeling av midlar til kulturprosjekt slik det kjem fram av saka.

Behandling

Kommunedirektøren sitt framlegg vart samrøystes vedteke.