Møte i Alver formannskap den 08.06.2023

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

1. Totalbudsjett på Bøvågen - Marøy Vatn- og avlaupsprosjekt vert auka med 23,831 mill kr til 32,6 mill. kr.

2. Prosjekt 35056 – Bøvågen pumpestasjon budsjettert med 1,1 mill. kr i 2023 går ut og midlane vert overført til prosjekt 35055.

3. Prosjekt 34058 - Nordre Kvalheimsneset - påkopling privat vassleidning budsjettert med 1,2 mill. kr i 2025 går ut og midlane vert overført til prosjekt 34055.
   Endringa vert inkludert i handlings- og økonomiplanen for 2024-2027.

4. Budsjettet for 2023 på prosjekt 35055 - Bøvågen – Marøy avløp vert auka med 7.165 mill. kr i 2023. 
   Sum auke i prosjekt 35055 inkl. overførte midlar frå prosjekt 35056 vert dermed kr 8.265 mill. kr.

5. Budsjettet for 2023 på prosjekt 34055 - Bøvågen – Marøy vatn vert auka med 17,766 mill. kr i 2023. 

6. Sum netto budsjettauke i 2023 på prosjekt 34055 og 35055 etter overføring av midlar frå prosjekt 35056 er kr 24,931 mill. kr.

Budsjettauken vert finansiert med lånemidlar.

Behandling

Kommunedirektøren sitt framlegg vart samrøystes vedteke.

Vedtak

Kommunestyret vedtek plassering av nytt hovudreinseanlegg sør for austre brufestet Hagelsund. Kommunestyret ber kommunedirektør å gjennomføre ei luktspreiingsanalyse i forbindelse med reg.planarbeidet som kan leggjast til grunn for eventuelle tiltak mot lukt.

Total ramme på 374 mill vert avsatt i økonomiplan for 2024-2027.

Arbeidet vert sett i gang i 2023 innanfor gjeldande budsjettramme.

Behandling

Det vart stild spørsmål frå Jostein Hellestveit om habilitet då bror er sakshandsamar i saka. Formannskapet gjorde samrøystes vedtak om at Jostein Hellestveit er habil i denne saka.

Framlegg frå KRF og H ved A.AA:Byrknes-KRF:

Kommunestyret vedtek plassering av nytt hovudreinseanlegg sør for austre brufestet Hagelsund. Kommunestyret ber kommunedirektør å gjennomføre ei luktspreiingsanalyse i forbindelse med reg.planarbeidet som kan leggjast til grunn for eventuelle tiltak mot lukt.

Total ramme på 374 mill vert avsatt i økonomiplan for 2024-2027.

Arbeidet vert sett i gang i 2023 innanfor gjeldande budsjettramme.

Framlegget vart vedteke med 8 røyster, mot 4 røyster.

Kommunedirektøren sitt framlegg fekk 4 røyster og fall (S.Sekkingstad-SP, J.Hellestveit-SP, T.Helland-SP og L.Johnsen-MDG).

Vedtak

Kommunestyret vedtek prosjekt fjerning av dekk og tildekking av forureina sjøbotn med oppstart i 2023. Førebels kostnadsramme er 13 mill kr inkl. mva. Det blir løyvd 3 mill i 2023 for igangsetjing av arbeidet, finansiert av disposisjonsfondet.

Alver kommune søkjer om økonomisk støtte frå Handelens Miljøfond til å dekke kostnader ifbm heving av dekkdeponi. Endeleg finansiering blir fremma i økonomiplanen når kostnadsomfanget for kommunen er endeleg avklart.

Behandling

Kommunedirektøren sitt framlegg vart vedteke med 9 røyster, mot 3 røyster (N.Øvreås-FRP, S.Lavik-KRF og Y.Walaker-FRP)

Vedtak

Kommunestyret vedtek alt.3 ny brann og driftstasjon på Solendmyren, Manger. Oppstart i 2023.

Det vert løyvd 93 mill kr inkl mva til arbeidet, finansiert gjennom auka låneopptak.

Behandling

Fellesframlegg (- K.Murberg-H) ved A.Aa.Byrknes-KRF:

Kommunestyret vedtek alt. 3 ny brann og driftstasjon på Solendmyra, Manger. Oppstart i 2023.

Det vert løyvd 93 mill kr inkl mva til arbeidet, finansiert gjennom auka låneopptak.

Framlegget vart vedteke med 11 røyster, mot 1 røyst (K.Murberg-H)

Kommunedirektøren sitt framlegg fekk ingen røyster og fall.

Vedtak

Kommunestyret vedtek prosjekt rehabilitering tak kommunale bustader med oppstart i 2023. Det vert løyvd 3,87 mill kr inkl mva til arbeidet, finansiert med midlar frå prosjekt 26006 - Meland omsorgsbustader.

Behandling

Kommunedirektøren sitt framlegg vart samrøystes vedteke.

Vedtak

Kommunestyret vedtek endring i reglement for investeringsprosjekt som presentert i saka.

Behandling

Kommunedirektøren sitt framlegg vart samrøystes vedteke.

Vedtak

1. Kommunestyret tek økonomirapport pr. 1 tertial 2023 til orientering.

2. Driftstilskot til kyrkjeleg fellesråd vert auka med 1 605 000 kr per 1. tertial.

3. Det vert føreteke budsjettjusteringar knytt til drift, sentrale poster og disposisjonsfond for 2023 slik det går fram av "status drift for kommune (1A)" og "status drift for tenesteområdene (1B). Kommunestyret vedtek bevillgningsskjema og endringar slik det framgår av skjema § 5-4, § 5-6 og § 5-5 i 1. tertialrapport.

4. Kommunedirektøren får fullmakt til å justere inntekter og utgifter knytt til busetting av flyktningar løpande gjennom 2023. Ein føresetnad for å justere driftspostar knytt til busetting av flyktningar frå Ukraina er at det er ført på eige objekt, og at utgifter og inntekter er i balanse.  

5. Det vert føretatt budsjettjusteringar knytt til investering for 2023 slik det går fram av "status Investering og finansiering (2A)" og "Status Investeringar (2B).
   I sum vert investeringsutgiftene redusert med 44,9 mill. kr frå 447 mill. kr til 402 mill. kr  
   Endring i finansiering:

   1. Bruk av lånemidlar vert redusert med 46,2 mill. kr.

   2. Kompensasjon for meirverdiavgift vert auka med 0,5 mill. kr.

   3. Bruk av disposisjons-fond/overføring frå drift vert auka med 0,8 mill. kr.

6. Finansrapport vert tatt til orientering.

• Det gis kapitaltilskot til Leiketun barnehage i tråd med munnleg og skriftleg avtale for den nye delen av barnehagen. Sats for kapitaltilskot skal setjast ut frå den nye delen sitt godkjenningsår og denne satsen gjeld for 1/3 av barnehagen sitt godkjende areal»

• Skulen blir styrka med 8.5 mill. som kommunedirektør legg opp til. Vi forutset at denne styrkinga går til skule og ikkje til administrasjon/stab oppvekst.

I tillegg vil vi styrke skulen med 2 mill til tidleg innsats i skuleåret 2023/24.

Behandling

Framlegg frå I.Fjeldsbø-H og A.Aa.Byrknes-KRF:

1. Det gis kapitaltilskot til Leiketun barnehage i tråd med munnleg og skriftleg avtale for den nye delen av barnehagen. Sats for kapitaltilskot skal setjast ut frå den nye delen sitt godkjenningsår og denne satsen gjeld for 1/3 av barnehagen sitt godkjende areal»

Framlegget vart vedteke med 6 røyster, mot 5 røyster (J.Hellestveit-SP, N.Bognøy-AP, S.Sekkingstad-SP, Ø.Oddekalv-AP og Y.Walaker-FRP)

Framlegg frå I.Fjeldsbø-H og A.Aa.Byrknes-KRF:

2. Styrking av skule:

Skulen blir styrka med 8.5 mill. som kommunedirektør legg opp til. Vi forutset at denne styrkinga går til skule og ikkje til administrasjon/stab oppvekst.

I tillegg vil vi styrke skulen med 2 mill til tidleg innsats i skuleåret 2023/24.

Framlegget vart samrøystes vedteke.

Kommunedirektøren sitt framlegg med vedtekne endringar vart samrøystes vedteke.

Vedtak

1. Kommunestyret godkjenner Alver kommune sin årsrekneskap for 2022

Behandling

Kommunedirektøren sitt framlegg vart samrøystes vedteke.

Vedtak

1. Kommunestyret tek årsmeldinga 2022 for Alver kommune til orientering

Behandling

Kommunedirektøren sitt framlegg vart samrøystes vedteke.

Vedtak

Alver kommune opprettheld ett teljetidspunkt for barnehagane. Dei kommunale og dei private barnehagane må telja barn på samme tidspunkt for å gje eit likeverdig grunnlag for tilskotsberekning. Dei kommunale barnehagane må praktisera løpande opptak, i tråd med praksis hjå dei private.

Behandling

Framlegg frå S.Lavik-KRF:

Alver kommune opprettheld ett teljetidspunkt for barnehagane. Dei kommunale og dei private barnehagane må telja barn på samme tidspunkt for å gje eit likeverdig grunnlag for tilskotsberekning. Dei kommunale barnehagane må praktisera løpande opptak, i tråd med praksis hjå dei private.

Framlegget vart vedteke med 6 røyster, mot 5 røyster (J.Hellestveit-SP, N.Bognøy-AP, S.Sekkingstad-SP, T.Helland-SP og Ø.Oddekalv-AP)

Kommunedirektøren sitt framlegg fekk 5 røyster og fall, mot 6 røyster.

Vedtak

Kommunestyret vedtek at det vert kunngjort oppstart av arbeid med kommunedelplan «Barnehage og skulebruksplan» i Alver kommune, og at det samstundes vert lagt ut planprogram for planen til offentleg høyring og ettersyn i minimum 6 veker. I tillegg gjev kommunestyret løyve til innhenting av konsulenttilbod for planarbeidet avgrensa opp til stipulert kostnad på 1 million kroner. Vedtaket har heimel i plan og bygningslova kapittel 11 (§11-13).Til finansiering nyttast disposisjonsfondet.

Behandling

Kommunedirektøren sitt framlegg vart samrøystes vedteke.

Vedtak

Kommunestyret godkjennar at eigarane av gnr. 188 bnr. 45 får tilbod om å kjøpe inntil 465 m2 frå gnr. 188. bnr.444 for takst sett til kr. 860 pr m2, pluss omkostningar til mellom anna frådeling og oppmåling av arealet.

Tilbodet står ved lag seks månadar frå vedtaksdato.

Kjøpar må sjølv sørge for søknad om deling av eigedomen sin til to bustadtomter.

Behandling

Kommunedirektøren sitt framlegg vart vedteke med 6 røyster, mot 5 røyster (A.Byrknes-KRF, I.Fjeldsbø-H, K.Murberg-H, S.Lavik-KRF og N.Øvreås-FRP)

Framlegg frå I.Fjeldsbø-H:

Kommunestyret godkjenner at eigarane av gnr. 188 bnr. 45 får tilbod om å kjøpe 140m2 frå gnr. 188. bnr.444 for takst sett til kr. 300 pr m2 , pluss omkostningar til mellom anna frådeling og oppmåling av arealet. Tilbodet står ved lag seks månadar frå vedtaksdato. Kjøpar må sjølv sørge for søknad om deling av eigedomen sin til to bustadtomter.

Dersom kjøpar ønskjer å kjøpe heile stripearealet innanfor fristen på 6 månader godkjenner kommunestyret det også.

Grunngjeving for salsprisen er : Retningslinene for sal av kommunal eigedom,som vart vedteke i Alver kommunestyre den 26.11.2020, der det I kap. II. Saksbehandling står følgjande i 6 avsnitt:

«For eigedomar av mindre areal og avgrensa marknadsverdi (tilleggsareal, grensearrondering, stripeareal) kan annan verdifastsetting nyttast, eksempelvis eldre takstar eller pris frå samanliknbare sal i nærområdet.»

Ein er ikkje kjent med at det tidlegare langs kommunale vegar i byggjeforbodsona langs veg er seld stripeareal for meir enn krone 300 per m2 til private bustadar frå kommunen eller tomteselskapet. I dette tilfellet handlar det om å få vegtilkomst til ei planlagt tomt, som i utgangspunktet kunne vorte ordna ved at kommunen enkelt og greitt berre ga tinglyst vegrett over deler av sitt stripeareal til eigedomen gnr. 188 bnr. 45.

Framlegget fekk 5 røyster og fall, mot 6 røyster.

Vedtak

Punkt 1.

Kommunestyret vil formelt orsaka at sakshandsaminga ikkje var god nok, verken formelt eller innhaldsmessig. Kommunikasjonen i samband med denne saka har vore dårleg med dei konsekvensane det har fått.

Punkt 2

Med utgangspunkt i kriteria som er nemnd i tilskotsbrevet frå departementet oppfyller ZINGZANG alle dei 4 kriteria i runde 7. Klinikk Sætran – Helse & Skjønnhet oppfyller 2 av kriteria.

Med utgangspunkt i sak 47/22 vedtek kommunestyret ei ekstra tildeling til ZINGZANG og Klinikk Sætran – Helse & Skjønnhet med høvesvis kr. 140.000,- og kr. 50.000,-.

Behandling

Framlegg frå A.Byrknes-KRF og I.Fjeldsbø-H:

Punkt 1.

Kommunestyret vil formelt orsaka at sakshandsaminga ikkje var god nok, verken formelt eller innhaldsmessig. Kommunikasjonen i samband med denne saka har vore dårleg med dei konsekvensane det har fått.

Punkt 2

Med utgangspunkt i kriteria som er nemnd i tilskotsbrevet frå departementet oppfyller ZINGZANG alle dei 4 kriteria i runde 7. Klinikk Sætran – Helse & Skjønnhet oppfyller 2 av kriteria.

Med utgangspunkt i sak 47/22 vedtek kommunestyret ei ekstra tildeling til ZINGZANG og Klinikk Sætran – Helse & Skjønnhet med høvesvis kr. 140.000,- og kr. 50.000,-.

Midlene tas frå disposjsonsfondet.

Framlegget vart vedteke med 6 røyster, mot 5 røyster (J.Hellestveit-SP, N.Bognøy-AP, S.Sekkingstad-SP, T.Helland-SP og Ø.Oddekalv-AP)

Vedtak

Alver kommune tek Miljøløftet si årsmelding for 2022 til etterretning.

Behandling

Kommunedirektøren sitt framlegg vart samrøystes vedteke.

Vedtak

Alver kommune sluttar seg til Miljøløftet sitt handlingsprogram 2024-2027

Behandling

Kommunedirektøren sitt framlegg vart samrøystes vedteke.

Vedtak

Alver kommune vedtar samarbeidsavtalen for Interkommunalt samarbeid mot akutt forurensning Bergen region kommunalt oppgavefellesskap

Behandling

Kommunedirektøren sitt framlegg vart samrøystes vedteke.

Vedtak

Alver kommune vedtar samarbeidsavtale med Industriutvikling Vest AS for perioden 2023 – 2024.

Behandling

Kommunedirektøren sitt framlegg vart samrøystes vedteke.

Vedtak

Meldinga er teke til orientering.

Behandling

Meldingane:

Tilsettingskontroll, søksmålvarsel og økonomi går ut.

Kommunedirektøren sitt framlegg vart samrøystes vedteke.