Møte i Alver kommunestyre den 05.10.2023

Vedtak

Innkalling og saksliste, der sak 131/23 går ut, er godkjent.

Behandling

Framlegg om at sak 131/23 vert trekt. Ellers ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Meldinga er teke til orientering.

Behandling

Kontrollutvalet sitt framlegg vart samrøystes vedteke.

Vedtak

1. I medhald av plan- og bygningslova §§ 12-12, jf. 12-11, godkjenner Alver kommunestyre følgjande framlegg til detaljregulering:

2. Framo Flatøy AS, gnr. 1 bnr. 57 mfl., Plan-Id 1256 2018 0004, vist på plankart, sist datert 19.04.2023.

3. Tilhøyrande føresegner, sist datert 30.06.2023 med følgjande endringar:

Føresegn punkt 1: Formålet med planen må utdjupast.

Føresegn 2.1.1 endrast til følgjande:

a) Nye bygningar og anlegg skal ha god materialbruk og utforming som sikrar eit tiltalande heilheits inntrykk. Det skal det leggast vekt på bruk av miljøvenlege kvalitetar ved val av material og belysning. Det skal ikkje nyttast reflekterande materialar. Det bør nyttast ein avdempa fargepalett.

b) For fasadar som vender seg mot Flatøyosen, Krossnesvika og søraust mot Osterfjorvegen, skal utrykket varierast i material og fargebruk ved å bryte opp fasaden med kontrasterande fargar/materialar, grøne vegger og/eller glasparti. Det anbefalast

å nytta naturlege material som stein/mur og tre for samspel med omgjevnadane. Variasjon og nedtrapping av byggehøgder skal etterstrebast. Det må i byggeløyve gjerast greie for dei arkitektoniske grepa som er gjort for å oppnå god heilheitsverknad på omgjevnadane.

c) For tak som er flate skal grøne tak med biologisk materiale vurderast. Det er tillat med solcellepanel på alle tak.

d) Kaiar skal utførast i naturstein, og fylling mot sjø skal utformast som rydda steinfylling med oppbygd avrunda kant.

Ny føresegn punkt 2.1.7: Prinsippet om universell tilgjenge skal leggjast til grunn for prosjektering og utbygging av bygg og uteareal i planområdet.

Ny føresegn punkt 2.4.1 c: Anleggsarbeid skal unngåast i perioden april-juni for å redusere negativ verknad på hekkande fugl.

Anleggsarbeid i sjø skal unngåast i perioden frå februar til april for å unngå negativ verknad på gyteområda til torsk.

Føresegn 3.2.6: Eigartilhøve til tilkomstvegane må klarleggjast.

Føresegn 3.2.8: SPP1 må rettast til SPP. Det må leggjast til føresegna at parkeringsdekning skal oppretthaldast med om lag 280 parkeringsplassar og at det skal leggjast til rette for at min. 5% av dei tilsette har tilgang på sykkelparkering under tak.

Føresegn 6.1 f endrast til følgjande:For alle nye tiltak BN1,2,3,4,5,6 og 8 skal SV2, f_SV3, f_SV5, f_SV6 og O_SKV med tilhøyrande fortau SF1 og SF2, annan veggrunn grøntareal (SVG) og gang- og sykkelveg (o_SGS) være ferdig opparbeidd.

Ny føresegn punkt 6.1 i) : Brannprosjektering for bygningar skal sendast på uttale til Nordhordland Brann og redning før igangsetjingsløyve vert gitt.

Under Dokumenter med juridisk verknad må det visast til riktig føresegn. Riktig føresegn er 3.1.2. g.

1. VA-rammeplan, datert 08.09.2022 , skal oppdaterast etter følgande tilbakemelding:

Leidning frå Eidavika til Framo må tilrettelegjast med avstikk avslutta ut i sjø til Skitnedalsvika frå Framo slik at ein ikkje treng å gå på land v/ Framo for og henta leidningen om bustadfeltet blir realisert.

Vassleidning for framtidig tilknyting på Krossnessundet/Fosse- der må det beskrivast plassering og løysing for tilknyting på Krossnessundet/Fosse-sida. Og det må vurderast om dette bør tilrettelegjast avstikk i sjø til dette no, i samarbeid med Fylkeskommunen sitt med arbeid med Nordhordlandspakken Fosse Moldekleiv.

1. Dei vedtatte endringane skal takast inn i føresegnene og VA-rammeplan før kommunestyrets vedtak vert kunngjort.

Behandling

Alexander Helle ba om habilitetsvurdering då han har delteke som sakshandsamar i saka. Kommunestyret gjorde samrøystes vedtak om at A.Helle er inhabil i denne saka.

Innstillinga frå utval for areal, plan og miljø vart vedteke med 40 røyster, mot 4 (A.Nordlund-SV, M.Morken-SV, L.Johnsen-MDG og M.Greve-MDG)

Vedtak

​​Klagen frå nabo Arvid Vatnøy, datert 23.05.2023 vert ikkje teke til følgje.  

​ 

​Vedtak frå Alver kommunestyre (KO) i sak 20/2403 med saknr 062/23, datert 11.05.2023, om godkjenning av detaljreguleringsplan for Kvassnesbakken, gbnr 188/701 m.fl., Planid. 1263-201904, som vist på plankart sist datert 08.03.2023 og med føresegner av revisjonsdato 31.03.2023, vert sendt Statsforvaltaren i Vestland for endeleg avgjerd 

​​APM sender saka vidare med innstilling til vedtak i kommunestyret.  

​ 

​Grunngjevinga går fram av saksutgreiinga. 

​ 

​Heimel for vedtaket er forvaltningslova §34, jf. §33 og plan- og bygningslova §12-12. 

Behandling

Innstillinga frå utval for areal, plan og miljø vart samrøystes vedteke.

Vedtak

Kommunestyret i Alver kommune godkjenner at kommunane Fedje, Gulen, Masfjorden og Modalen vert nye deltakarar i Bergen og Omland Friluftsråd Kommunalt Oppgavefellesskap, med verknad frå 01.01.2024. Dei nye deltakarkommunane sitt ansvar og forpliktingar følgjer av samarbeidsavtalen, og av Lov om kommuner og fylkeskommuner (LOV-2018- 06-22-83, frå 01.01.2020 «kommunelova»).

Behandling

Øyvind Oddekalv ba om habilitetsvurdering som styremedlem i Bergen og Omland Friluftsråd. Kommunestyret gjorde samrøystes vedtak om at Ø.Oddekalv er inhabil i denne saka.

Innstillinga frå utval for oppvekst, kunnskap og kultur vart samrøystes vedteke.

Vedtak

Alver kommunestyre støttar oppstart av planinitiativ for oppstart av detaljregulering for Soltoppen Gnr. 185 Bnr 280 i Øykjetona

Vedtaket er fatta med hjemmel i plan – og bygningslova § 12-8 andre ledd.

Knarvik ligg i ei vekstsone og området er godt eigna til naturleg fortettiing.

Behandling

Sara Sekkingstad ba om habilitetsvurdering som nær nabo, kommuestyret gjorde samrøystes vedtak om at S.Sekkingstad er inhabil i denne saka.

Framlegg frå A.Helle-R:

Med heimel i plan- og bygningslova § 12-8 andre ledd vert planinitiativ for Soltoppen, Gnr. 185 Bnr. 280, i Øykjetona stansa.

Framlegget fekk 15 røyster og fall (Ø.Bratshaug-uavh., O.Myhr-KRF, L.Johnsen-MDG, M.F.Greve-MDG, A.Helle-R, J.Askeland-SP, L.Bjørge-SP, L.H.van der Kooij-SP, M.B.Gjerde-SP, M.I.Wergeland-SP, S.Knudsen-SP, T.Helland-SP, V.Villanger-SP, A.Nordlund-SV og M.Morken-SV)

Innstillinga frå utval for areal, plan og miljø vart vedteke med 30 røyster, mot 15 røyster.

Vedtak

Kommunestyret godkjenner at kommunedirektøren nytter Husbanken sitt verkemiddel om utleigebustader med tilvisingsavtale med følgande føringar:

1. Kommunedirektøren utlyser trepartssamarbeid med tilvisingsavtale med til ei kvar tid 40 % tilvisingsrett av eit samla volum med 250 bueiningar i perioden 2024-2027.

2. Kommunedirektøren kan i einskilde prosjekt vurdere å nytte tilvisingsavtale med tildelingsrett 100% av bustadane.

3. Lokalisering av prosjekta skal ivareta senterstrukturen.

4. Om det er trong for kommunal personalbase nær eller med bustadprosjekta kan kommunen vurdere leige eller kjøp.

5. Ved kjøp vil ein kunne nytte finansiering jamfør kommunestyre sak 047/23. Renter og avdrag vert tatt med i rullering av handlings- og økonomiplan 2024-2027.

Behandling

Innstillinga frå formannskapet punkt 1, 2, 4 og 5 vart samrøystes vedteke

Framlegg frå S.Hauge-AP:

3. Lokalisering av prosjekta skal ivareta senterstrukturen.

Framlegget vart vedteke med 35 røyster, mot 11 røyster.

Punkt 3 i innstillinga frå formannskapet fekk 11 røyster og fall (Ø.Oddekalv-AP, C.Håland-H, Heine Fyllingsnes-H, Henning Fyllingsnes-H, I.Fjeldsbø-H, M.Johansen-H, N.M.Aadland-H, A.Hetlebakke-KRF, A.Byrknes-KRF, J.V.Sakseide-KRF og S.Lavik-KRF)

Vedtak

Kommunestyret godkjenner følgjande:

1. Såtabu underetg. vert tilbakeført til 12 sjukeheimsplassar frå noverande dagsenter for personar med demenssjukdom. Kostnad ved tilbakeføring av bygget til pasientrom er lagt inn i framlegg til økonomiplan 2024-2027, investering. Kostnad til drift av kapasitetsauke 7 sjukeheimsplassar vert å finansiere med demografimidlar jamfør handlings- og økonomiplan 2024-27.

2. Dagsenteret på Såtabu blir flytta til Meland Sjukeheim ved at eksisterande dagsenter blir utvida gjennom ombygging av det tilgrensande Eldresenteret. Kostnaden til utviding av dagsenteret ved Meland sjukeheim er lagt inn i framlegg til handlings- og økonomiplan 2024-27, investeringar.

3. Nasjonalforeningen Meland Helselag flytter ut frå Eldresenteret og får overta personalbasen for heimetenestene på Frekhaug i same bygg. Kostnaden til tilrettelegging for helselaget i nye lokale vert lagt inn i framlegg til handlings- og økonomiplan 2024-2027, investering.

4. Personalbase for Frekhaug heimeteneste vert flytta til bygg under oppføring i Frekhaug senter, der kommunen har fått tilbod om å leige 520 m2 i 2. etasje i Lingjerde-bygget. I tillegg flytter Ambulerande tenester inn saman med heimetenestene, frå tronge og dårlege lokale i underetasje på kommunehuset Frekhaug. Årleg leigekostnad vert lagt inn i driftsbudsjettet i framlegg til handlings- og økonomiplan 2024-27.

Behandling

Marie Morken da om habilitetsvurdering som leiar i Meland helselag. Kommunestyret gjorde samrøystes vedtak om at ho er inhabil i denne saka.

Innstillinga frå formannskapet vart samrøystes vedteke.

Vedtak

Saka er tatt til orientering

Behandling

Stian Lavik ba om habilitetsvurdering. Kommunestyret gjorde samrøystes vedtak om at han er inhabil i denne saka.

Innstillinga frå formannskapet vart samrøystes vedteke.

Behandling

Saka er trekt.

Vedtak

Kommunestyret vedtar vidare utbygging av fase 3 – industri- og drikkevannsforsyning til Mongstad. Ein føresetnad er at Equinor ønskjer vidare samarbeid og dekker 60 % av kostnaden. Den kommunale andelen på 16,4 mill blir finansiert gjennom vann- og avløpsgebyr.

Behandling

Innstillinga frå formannskapet vart samrøystes vedteke.

Vedtak

Det blir lagt opp til ei lokal utlysing av kompensasjonsmidlar for verksemder som er ramma av smitteverntiltak, slik det er lagt fram i saka.

Økonomisk ramme for utlysinga er kr 200.000. Midlane blir henta frå disposisjonsfondet.

Behandling

Framlegg frå S.Lavik-KRF:

Det blir lagt opp til ei lokal utlysing av kompensasjonsmidlar for verksemder som er ramma av smitteverntiltak, etter modell frå det som var intensjonen med tildelingsrunde 7 frå departementet.

Økonomisk ramme er NOK 635 000,-, slik det var i tildeingsrunde 7 frå departementet.

Midlane blir henta frå disposisjonsfondet.

Framlegget fekk 13 røyster og fall (C.Håland-H, Heine Fyllingsnes-H, Henning Fyllingsnes-H, I.Fjeldsbø-H, M.Johansen-H, N.M.Aadland-H, A.J.Sæle-KRF, A.Hetlebakke-KRF, A.Byrknes-KRF, E.M.Dale-Krf, J.V.Sakseide-KRFO.Myhr-KRF)

Innstillinga frå formannskapet vart vedteke med 32 røyster, mot 13 røyster.

Aa.Karlsen-uavh.var ikkje tilstades under røysting i saka.

Vedtak

Saka er tatt til orientering.

Behandling

Framlegg frå M.Færø-uavh.:

Alver kommunestyre iverksetter omgående investeringsstans på alle områder inntil ny kommunedirektør starter sitt virke, og får ein forsvarlig oversikt over den økonomiske situasjonen i Alver kommune.

Framlegget fekk 4 røyster og fall (H.Breivik-uavh., K.O.Larsen-uavh., M.Færø-uavh. og T.Sletten-Hansen-uavh.)

Innstillinga frå formannskapet vart vedteke med 42 røyster, mot 4 røyster.

Vedtak

Kommunestyret vedtar politisk møteplan for 2024, slik den er lagt fram i saka.

Behandling

Det vart sendt ut eit nytt framlegg til møteplan 2.okt. Det første framlegget går ut.

Kommunedirektøren sitt framlegg vart samrøystes vedteke.

Vedtak

Alver kommune løyver kr. 50 000,- i kommunebidrag til TV-aksjonen 2023.

Behandling

Kommunedirektøren sitt framlegg vart samrøystes vedteke.

Vedtak

Martin Kulild blir konstituert som kommunedirektør i Alver kommune i perioden 01.11.23 – 31.12.23.

Behandling

Framlegget vart samrøystes vedteke.

Vedtak

Meldinga er teke til orientering.

Behandling

Orientering, livsfasepolitikk, ved kommunalsjef Lisbeth Alver.

Kommunedirektøren sitt framlegg vart samrøystes vedteke.

Behandling

Spørsmål frå Astrid Byrknes-KRF:

Underteikna er i dag blitt kontakta av eit foreldrepar med ein ungdom i den vidaregåande skulen. Foreldreparet legg vekt på at deira spørsmål berører ikkje berre deira ungdom, men mange unge i Alver.

Det blir altså sagt at kommuneoverlegen i Alver har bestemt at dei som går i den vidaregåande skulen ikkje får sjukemeldingsattest før grensa for udokumentert fråvær nesten er nådd.

Foreldreparet seier at deira ungdom som i likhet med mange andre i Alver går på vidaregåande skule i Bergen.

Dei opplever no ein forskjellbehandling då ungdommar frå Alver vil få meir udokumentert fråvær på sitt vitnemål enn dei som er heimehøyrande i Bergen.

Spørsmål:

1. Kan det være slik ordførar, at ungdom frå Alver ikkje kan få sjukeattest frå lege før fråværsgrensa nesten er nådd?

1. Er det verkeleg slik at der er andre rammer for sjukemeldingsattest i Bergen enn i Alver?

1. Dersom dette stemmer, vil ordførar ta initiativ til dialog med kommuneoverlegen om eventuelle endringar slik at det ikkje blir ein forskjellbehandling?

Svar ved kommunedirektør Ørja Raknes Forthun:

Det er nasjonale retningslinjer for fravær i videregående skoler. Fastlegene i alle kommuner i landet er svært presset, og det er viktig at fastlegene kan bruke tiden sin på de pasientene som trenger det mest.

Kommuneoverlegen i Alver deltar i et nettverk av kommuneoverleger i Nordhordland, Bergen og flere nabokommuner. Den 8/9-22 sendte Kommuneoverlegene/smittevernoverlegene   i Bergen,

Alver, Askøy, Austevoll , Bjørnafjorden, Osterøy, Samnanger og Øygarden kommune en felles anmodning til Vestland Fylkeskommune med kopi til Statsforvalter der vi ba om at fylkeskommunen skulle legge seg på en linje om at attest kun er nødvendig når eleven får varsel om grensen på 10 prosent fravær nærmet seg. Dette ble sendt til Vestland Fylkeskommune, nettopp for å bidra til likest mulig praksis i de videregående skolene. På bakgrunn av meldinger fra fastleger om at ungdommer noen ganger ber om attest for sykdom tilbake i tid, eller når de faktisk ikke trenger slik attest, ble e-posten sendt på nytt til Vestland Fylkeskommune og rektor ved Knarvik Videregåande skule i høst, etter oppstart av nytt skoleår med nye elever i første klasse.

Skoleelever kan selvsagt i likhet med andre ta kontakt med fastlegen når helsetilstanden skulle tilsi det. Det er også anledning til å be om legeerklæring, men nødvendigheten av dette vil kunne avklares nærmere av den aktuelle videregående skolen. Et alternativ til legeerklæring for fravær kan være erklæring fra annen sakkyndig, som for eksempel helsesykepleier, fysioterapeut, tannlege eller psykolog (herunder BUP)