Møte i Alver kommunestyre den 15.08.2023

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Kommunestyret vedtar temaplan for friluftslivets ferdselsårer sin ro- og padledel med tilleggspunkt.

Behandling

Innstillinga frå utval for oppvekst, kunnskap og kultur vart samrøystes vedteke.

Framlegg frå S.Hauge-AP:

Nytt Kulepunkt .

Forhold for å leggja til rette for parkering + utsetjingssta. for ålmenta må arbeidast i areal- og reguleringsplaner

Framlegget vart samrøystes vedteke.

Vedtak

Alver kommune innfører tre teljetidspunkt for barnehage frå og med januar 2024. Teljetidspunkta vert sett til 01.03, 01.09 og 15.12.

Administrasjonen set i verk arbeidet med å lage retningsline for berekning av tilskot til dei private barnehagane samt justere retningsline for gjennomføring av opptak til barnehage. Saksbehandlingsreglar for etablering av forskrift skal følgjast i dette arbeidet

Kommunestyret ber om å få oversikt over dei økonomiske konsekvensane endringa får for dei private barnehagane eit år etter innføring.

Behandling

Det var stild spørsmål frå Astrid Sylta om vurdering av habilitet i denne saka, då ho har tatt del i sakshandsaminga. Kommunestyret gjorde samrøystes vedtak om at Astrid Sylta er ugild i denne saka, Pål Inge Fosse Hopland møtte som vara.

Framlegg frå S.Lavik-KRF:

Det har kome tilleggsinformasjon fra administrasjonen etter vedtaket i Formannskapet. Dei to siste setningane i første avsnitt i dette nye framlegget er meir presise i hht. dei kommunale barnehagane og erstattar siste setning i innstillinga frå Formannskapet. I tillegg ønskjer vi ei evaluering etter to år, slik at ein då kan sjå korleis dette har fungert.

Punkter

Alver kommune opprettheld ett teljetidspunkt for barnehagane. Dei kommunale og dei private barnehagane må telja barn på samme tidspunkt for å gje eit likeverdig grunnlag for tilskotsberekning. Dei kommunale barnehagane skal praktisere løpande opptak på våren dersom det har blitt ledige plassar etter tellinga 31.12. Dei kommunale barnehagane skal praktisere løtande opptak frå august til desember så lenge der er kapasitet innanfor dei barnehagane og avdelingane som er i drift.

Ordninga skal evaluerast etter to år.

Framlegget fekk 17 røyster og fall (S.Lavik-KRF, A.Hetlebakke-KRF, O.Myhr-KRF, K.Hamre-KRF, J.V.Sakseide-KRF, R.Nordal-KRF, S.Vatnøy-KRF, N.M.Aadland-H, C.Håland-H, I.Fjeldsbø-H, M.Johansen-H, K.Murberg-H, Henning Fyllingsnes-H, Ø.Bratshaug-H, Heine Fyllingsnes-H, Y.Walaker-FRP og E.Helland-FRP)

Framlegg frå H.Dale-uavh.:

Alver kommune innfører tre teljetidspunkt for barnehage frå og med januar 2024. Teljetidspunkta vert sett til 01.03, 01.09 og 15.12.

Administrasjonen set i verk arbeidet med å lage retningsline for berekning av tilskot til dei private barnehagane samt justere retningsline for gjennomføring av opptak til barnehage. Saksbehandlingsreglar for etablering av forskrift skal følgjast i dette arbeidet

Framlegget vart vedteke med 28 røyster (mot 17 røyster)

Framlegg frå J.Hellestveit-SP:

Kommunestyret ber om å få oversikt over dei økonomiske konsekvensane endringa får for dei private barnehagane eit år etter innføring.

Framlegget vart samrøystes vedteke.

Vedtak

Kommunestyret godkjenner vidare samarbeidsavtale med Syns- og audiopedagogisk teneste. Tenesta må snarast mogleg få på plass ein kapasitet som gjer den i stand til å gje personar over sytti år det same tilbodet som dei har hatt til no. Kommunestyret er innforstått med at etablering av ein slik kapasitet på sikt kan føra med seg ein viss utgiftsauke for kommunen.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Alver kommune vedtar samarbeidsavtale med Industriutvikling Vest AS for perioden 2023 – 2024.

Behandling

Innstillinga frå formannskapet vart samrøystes vedteke.

Vedtak

Med bakgrunn i prinsippet om likebehandling ber vi kommunedirektøren kome tilbake med ei sak der det blir vurdert ein ny utlysingsrunde nr 7 med tilhøyrande kriterium. Kostnadsramme og finansiering vert å kome tilbake til.

Behandling

Framlegg frå Ø.Oddekalv-AP:

Med bakgrunn i prinsippet om likebehandling ber vi kommunedirektøren kome tilbake med ei sak der det blir vurdert ein ny utlysingsrunde nr 7 med tilhøyrande kriterium. Kostnadsramme og finansiering vert å kome tilbake til.

Framlegget vart vedteke med 30 røyster,mot 15 røyster.

Innstillinga frå formannskapet fekk 15 røyster og fall (C.Håland-H, Heine Fyllingsnes-H, Henning Fyllingsnes-H, I.Fjeldsbø-H, M.Johansen-H, N.M.Aadland-H, Ø.Bratshaug-H, A.Hetlebakke-KRF, J.V.Sakseide-KRF, K.Hamre-KRF, O.Myhr-KRF, R.Nordal-KRF, S.Vatnøy-KRF, S.Lavik-KRF og T.Sletten-Hansen-uavh.)

Vedtak

1. Alver kommune er positive til å kjøpe aksjar i Gløde Utvikling As, for inntil kr 3.000.000,-. Det er ei føresetnad at dei andre eigarane sluttar seg til utvidinga, utan å krevje umiddelbar innløysing av sine eigardelar.  

2. Kommunestyret bed om at Gløde AS utarbeidar naudsynt dokumentasjon og avtaler, som mellom anna sikrar at eksisterande aksjonerer og Alver kommune sine retter og pliktar vert ivareteken.

3. Kommunestyret delegerer til formannskapet å gjere endeleg vedtak i saka, inkludert finansiering ved bruk av disposisjonsfond.

4. Kommunestyret bed kommunedirektøren ta initiativ til dialogmøte for dei vekstverksemdene somkommunen eig eller er majoritetseigar i. Målet med dialogmøte er å drøfte ein mogleg prosess om fusjon.

5. Tilskotssatsane på kommunalt finansierte tiltak skal vere av ein slik storleik at dei dekkjer kostnadene med tiltaket. Kommunestyret ber om at administrasjonen saman med attføringsverksemdene fastset riktig tilskotssats. Saka ønskes framlagt for kommunestyret så snart som mogleg. Satsen skal leggjast til grunn for tilskot på kommunale tiltak i verksemdene for alle deltakarar i tiltaket, for inneverande og kommande år.

Behandling

Spørsmål frå Nils Marton Aadland-styreleiar Gløde, Anne Grete Eide-styremedlem, Kristina V.Hamre-styremedlem, Sølvi Knudsen-møtande vara og Marie Morken som leiar i Meland helselag (aksjeeigar i Gløde) om habilitet. Kommunestyret gjorde samrøystes vedtak om at dei er ugild i denne saka Spørsmål frå Marius Hindenes-styremedlem KIM om habilitet. Kommunestyret gjorde samrøystes vedtak om at han er habil i denne saka.

Framlegg S.Lavik-KRF:

5. Tilskotssatsane på kommunalt finansierte tiltak skal vere av ein slik storleik at dei dekkjer kostnadene med tiltaket. Kommunestyret ber om at administrasjonen saman med attføringsverksemdene fastset riktig tilskotssats. Saka ønskes framlagt for kommunestyret så snart som mogleg. Satsen skal leggjast til grunn for tilskot på kommunale tiltak i verksemdene for alle deltakarar i tiltaket, for inneverande og kommande år.

Framlegget vart samrøystes vedteke.

Innstilling frå formannskapet vart samrøystes vedteke.

Vedtak

Meldinga er teke til orientering.

Behandling

Kommunedirektøren sitt framlegg vart samrøystes vedteke.

Behandling

Spørsmål Aasmund Karlsen-uavh.:

NAV i alver har en svært begrenset åpningstid for innbyggerne, kl 10-12 fire dager i uken. Ved skattekontoret må man bestille time og følge strenge kriterier for å få møte dem. 

• Synes ordfører/kommunedirektør at dette er en god nok tjeneste for innbyggere i Alver som f.eks. har akutte behov for nødpenger eller andre livsnødvendige ytelser?

• Har ordfører/kommunedirektør eventuelt forslag til hvordan tilgjengeligheten kan forbedres for disse tjenestene, som tross alt er til for våre innbyggere?

Svar frå ordførar:

NAV

Dette er opningstid for drop-in på NAV- kontoret. Dei som møter på NAV-kontoret i drop-in tida er brukarar som ikkje har eit avtalt møte med NAV.

Målet er at dei som treng personleg oppfølging skal få det,  medan dei som klarer seg med digitale sjølvbeteningsløysingar i størst mogeleg grad brukar det. Innbyggjarar kan søkje om økonomisk sosialhjelp digitalt eller levere papirsøknad. Innbyggjarar kan og levere søknader på innbyggjarservice.

For å sikra dei som ikkje kan nytte digitale løysingar, har NAV Alver eige telefonnummer for dei som ynskjer å koma i direkte kontakt med sosialtenesta måndag til fredag kl. 1000-13.30, eige telefonnummer for dei som vil kome i kontakt med Flyktningtenesta måndag – fredag 10-14. I tillegg er det eige telefonnummer for dei som treng hjelp frå gjeldsrådgjevingstenesta. Direkte telefon til gjeldsrådgjevingstenesta er open tysdag og torsdag 10-13.30. Det er mange som nyttar telefonnummera til NAV og mange får hjelp der og treng ikkje møte opp på NAV-kontoret. Dette er det mange som gir tilbakemelding om at dei set pris på.  

Alver sine direktenummer kjem i tillegg til NAV sitt eige nasjonale kontaktsenter som har ope kvar dag 09-15. Kontaktsenteret tek direkte kontakt med leiar i NAV Alver om det er nokon som fortel dei er i krise eller treng naudhjelp.

Det er langt fleire planlagde møter enn tidlegare, og desse møta er ofte dei beste. Då møter innbyggjar ein rettleiar som har sett seg inn i den konkrete saka , har tilstades tolk og andre aktuelle fagpersonar der det er aktuelt. Personar som kjem til NAV med samansette problemstillingar, har særleg nytte av planlagde møter.

Det er og viktig for NAV å møta innbyggjarar på andre stader enn NAV-kontoret. NAV har eit utstrakt samarbeid med andre instansar i og utanfor kommunen slik at dei på den måten og aukar tilgangen til tenestene.

Skattekontoret:

Det vert ikkje svart på skattekontoret sine opningstider då dette ikkje er ei kommunal teneste.

Spørsmål Anna U.Nordlund-SV:

SV lurer på hvordan ungdomsskolene i Alver sikrer elevene god nok undervisning i tilfeller hvor de vanlige lærerne er fraværende. Vi har fått bekymringer fra foreldre til barn i ungdomsskolen, hvor de forteller at elevene iblant får fritime eller møter en vikar som er helt uforberedt på å undervise. 

Vi lurer derfor på følgende:

- Er det alltid vikar i klasserommet? 

- Hvilken kompetanse har vikarene? 

- Hvor mange timer har elevene manglet lærer/pedagogisk personale i klasserommet det siste skoleåret? 

Svar frå ordførar:

1. Er det alltid vikar i klasserommet?

   Skulane legg ned mykje innsats i det å skaffe vikarar ved fråvær i skulen. Det gjeld både lærarar og pedagogiske medarbeidarar. Hovudregelen er at det blir sett inn vikar ved fråvær.

   Det kan førekome at ein klasse ikkje har vikar ein time. Då må elevane arbeide med skulearbeidet på eiga hand, eller få høve til å gjere arbeidet heime. Dette er brukt i svært liten grad, men kan førekome. Oftast er dette i situasjonar der det er kort tid frå fråvær er meldt til timen skal gjennomførast og/eller der det er mykje fråvær i same tidsrom. Ein lyt då gjere ei prioritering mellom grupper.

2. Kva for kompetanse har vikarane?

   Her er det skilnad på fråvær som er planlagt og fråvær som skjer meir akutt.

   Ved planlagt fråvær blir det i stor grad sett inn vikarar som innehar fagkompetanse, medan dette er vanskelegare å få til ved vikarbehov som oppstår på kort varsel.

   Det er til tider vanskeleg å få tak i nok vikarar, eller vikar med fagkompetanse ut frå det behovet som er. Det blir av den grunn brukt ein del vikarar som ikkje har formell kompetanse i faget. Bruk av pedagogisk medarbeidar som vikar for lærar er eit døme på dette.

   Ved vikarbehov blir faste tilsette ved skulen nytta som vikar ved at dei tar ekstratimar eller blir omplassert. Skulane leiger også inn vikarar frå vikarbyrå, men har erfaring med at det er vanskeleg for vikarbyråa å levere vikarar til vårt distrikt.

   I tillegg blir tilkallingsvikarar brukt. Tilkallingsvikarane har ulik kompetanse, og fleire skular har studentar som vikarar, i tillegg til personar med anna kompetanse (lærar, anna høgskuleutdanning, fagarbeidar, ufaglært).

1. Kor mange timar har elevane mangla lærar/pedagogisk personale i klasserommet det siste skuleåret?

Skulane melder at dei i liten grad opplever at klassar må stå utan pedagogisk personale i klasseromma. Grunna mangel på kvalifiserte vikarar, må dei til tider setje inn vikarar utan formell undervisningskompetanse i ein klasse.

Skuleåret skal ha 190 skuledagar og strekkje seg over minst 38 skuleveker. Dette er regulert i Opplæringslova § 3-2. Dersom skulen gjer endringar i opplæringa, skal elevane sine rettar etter opplæringslov og forskrift stettast. Det betyr i praksis at tal undervisningstimar skal vere i samsvar med gjeldande tabellar for fag- og timefordeling.

Skulane strekkjer seg langt for å få best moglege løysingar på vikarbehova. Ved akutte vikarbehov kan det skje at vikaren ikkje er førebudd på opplæringa, til dømes fordi ein lærar måtte gå heim grunna eigen sjukdom eller sjuke born. Ved slike høve må vikaren steppe inn utan førebuing.