Møte i Utval for Levekår den 07.11.2023

Vedtak

Innkalling og saksliste er godkjent.

Behandling

Endring rekkefølge saksliste: Sak 001, 003, 002, 004.

Ellers ingen merknader, samrøystes.

Vedtak

Uttale i LE - 07.11.2023:

Ingen merknader.

Behandling

Orientering til saka v/Leif Bjørnar Hopland- fagansvarleg Oppvekst

Kommunedirektøren sitt framlegg vart samrøystes vedteke.

Vedtak

Innstilling i LE - 07.11.2023:

Kommunestyret vedtek planprogram for arbeidet med kommunedelplan «Barnehage- og skulebruksplan i Alver kommune.

Vedtaket har heimel i plan og bygningslova kapittel 11 (§11-13).

Behandling

Vigdis Villanger-Sp bad utvalet om vurdering av sin habilitet til planen, jmf. forv.l.§ 6, 2 ledd. Utvalet vurderte ho samrøystes som habil og ho deltok difor i handsaming av denne saka.

Orientering til saka v/Kristin Moe-kommunalsjef Oppvekst og Jostein Danielsen frå firma Norconsult AS.

Kommunedirektøren sitt framlegg vart samrøystes vedteke.

Vedtak

Meldingar vart tekne til orientering.

Behandling

Det vart gjeve følgjande meldingar / orienteringar:

• Prosjektet Språk, lesing og skriving v/Monica Svarstad-rådgjevar stab Oppvekst

• Prosjektet Universell pedagogikk v/Leif Bjørnar Hopland-fagansvarleg stab Oppvekst

• Etablering av Team læringsmiljø v/Bodil Rossnes-tenesteleiar PPT

Det vart lagt fram to spørsmål frå Asle Hetlebakke-Krf i møtet, desse vart svara ut muntleg frå adminstrasjonen.

Spørsmål 1:

Spørsmål ang. frivilligkoordinator

I kommunedelplan for helse og omsorg ligg det inne ei stilling som "koordinator for frivillig innsats i sektor helse og omsorg". Stillinga er foreslått oppretta frå 2. halvår 2023. Dette vart i arbeidet med planen vurdert som eit viktig tiltak då dette er ein sektor som "skrik" etter fleire tenande hender.
Det er tidlegare opplyst i ulike utval at stillinga er lyst ut, elles er det ingen spor å finna t.d. på kommunen si heimeside.

a) Kva er status for denne stillinga?
b) Korleis er stillinga tenkt organisert?
c) Er det i kommunedirektøren sitt framlegg til økonomiplan lagt inn midlar til denne stillinga i åra framover slik at den kan innarbeidast fast?

Spørsmål 2:

Spørsmål ang. tilgang til planar på Alver kommune si heimeside

23. februar i år vedtok kommunestyret to store kommunedelplanar innanfor det fagfeltet levekårsutvalet arbeider med. I ulike samanhengar har det kome fram ønske om at innbyggjarane våre enkelt må kunna finna fram til planar og andre dokument, og Alver skal vera ein tilgjengeleg kommune.

Går ein inn på Alver kommune si nettside, via styringsdokument og områdeplanar, finn ein mange gamle planar frå dei tidlegare kommunane under både oppvekst og helse og omsorg. Planane i februar glimrar med sitt fråver. Ein må då vita at ein må gå til digital planoversikt. Går ein dit vert ein henvist til Framsikt. Igjen skal ein vera rimeleg oppegåande for å vita at går ein inn på meny kan ein få det heile som eitt samla dokument, elles må ein bla mellom dei ulike kapittel. 
Kommune-Kari hjelper gjerne til, men sender også berre vidare til Framsikt.

Som ein kuriositet utfrå debatten i kommunestyret 2/11 kan nemnast at kommunedelplan for kultur, idrett og frivillighet ligg under områdeplanar, der dei andre også burde vore.

-Vil dette verta ordna slik at kommunedelplan oppvekst og kommunedelplan helse og omsorg vert lettare tilgjengelege på kommunen si heimeside, då som heile og udelte dokument?

-Om nokon vil ha ein eller fleire av desse planane i papirutgåve og ikkje vil skriva ut sjølv, kva gjer dei då?

Meldingar og orienteringar vart tekne til orientering, samrøystes.