Møte i Eldreråd den 18.11.2019

Vedtak

Innkalling og saksliste vart godkjend.

Behandling

Eldrerådet godkjende innkalling og sakliste.

Vedtak

Leiar i elderådet 2019-2023: Olav SteinslandNestleiar i eldrerådet 2019-2023: Jostein Dale

Behandling

Jostein Dale stilte seg til disposisjon ved val av leiarverv i eldrerådet.

Torhild Skage Syslak gjorde framlegg på Olav Steinsland som leiar i eldrerådet.

Seks medlemmar røysta på Olav Steinsland.
Tre medlemmar røysta på Jostein Dale.

Olav Steinsland er valt som leiar i eldrerådet for perioden 2019-2023.

Det vart sett fram forslag på Jostein Dale som nestleiar i eldrerådet.

Eldrerådet valde samrøystes Jostein Dale som nestleiar i eldrerådet for perioden 2019-2023.

Olav Steinsland takka for tilliten og overtok møteleiinga.

Vedtak

Framlegg til forskrift om tildeling av langtidsopphald i institusjon i Alver kommune vert vedtatt.

Alver eldreråd ynskjer at kommentaren frå Lindås eldreråd vil bli teken med i vidare behandling av saka (Lindås eldreråd sak 23/19).

Behandling

Fellesnemnda i Alver si handsaming av forskrift om tildeling av lngtidsopphald i institusjon i Alver kommune vart ettersendt i e-post til medlemmane i eldrerådet.

Leiar for forvaltningskontoret i Alver, Kari Hesjedal, orienterte om forskrifta og ho svara på spørsmål.

Forsikrifta har vore til handsaming i eldreråda i Radøy, Lindås og Meland. Lindås eldreråd kom med innspel om at ein må få plass på den sjukeheimen som er nærast heimen.

Eldrerådet drøfta saka.

Sigurd Knudsen sette fram følgjande tilleggsframlegg:
Alver eldreråd ynskjer at kommentaren frå Lindås eldreråd vil bli teken med i vidare behandling av saka (Lindås eldreråd sak 23/19).

Eldrerådet vedtok rådmannen sitt framlegg til vedtak, med tilleggsframlegg frå Sgurd Knudsen sett fram i møtet.

Vedtak

Alver kommune gir uttale i samsvar med vurderingane gitt i saksutgreiinga.

Behandling

Kommunalsjef Leni Dale orienterte i saka. Ho sa at kommunen ser det som positivt at sambuargaranti vert inkludert i forskrifta om verdig eldreomsorg, men peika på behovet for å få fram korleis kommunane skal organisera tilbodet til den pårørande. Tydeleggjering vil bidra til å unngå ulik praksis frå kommune til kommune.

Dale svar på spørsmål frå rådet, og opplyste mellom anna at det ikkje er stor etterspørsel frå ektefelle/sambuar til pårørande om å få bu saman med den som har fått vedtak om plass på sjukeheim. Kommunalsjefen sa at kommunen prøver å vera fleksibel og så langt som råd er imøtekoma behov.

Eldrerådet gir uttrykk for at intensjonen i forskrifta er god, men er samd med administrasjonen i at det er ein del forhold som bør avklarast for å få ei tydelegare forskrift.

Eldrerådet vedtok rådmannen sitt framlegg til vedtak.