Møte i Eldreråd den 02.12.2019

Vedtak

Innkalling og saksliste vert godkjent.

Behandling

Leiar Olav Steinsland tok opp spørsmål om arbeidsmåten i eldrerådet, på bakgrunn av store saksdokument og krevjande saker å setja seg inn i. Rådet kjem tilbake til dette i senare møte,

Eldrerådet godkjende innkalling og saksliste

Vedtak

Møteprotokollen vert godkjent.

Behandling

Eldrerådet godkjende møteprotokoll for møte 18. november 2019.

Vedtak

Kommunestyret godkjenner Anleggsstrategi for Alver 2020-2024 slik den ligg ved saka, med følgjande tillegg under "Samordning og hovudmål - Fysisk aktivitet for alle som naturleg del av kvardagen".
Avsnitt 2 - underpunkt:
- Styrka tilbodet til eldre og uføre for eigenorganisert aktivitet.

Behandling

Avdelingsleiar Marian Guddal Hansen orienterte i saka og svara på spørsmål.

Avdelingsleiaren sa at den anleggsstrategi for Alver er ei vidareføring av dei tre idrettsplanane i dei tre kommunane. Det vert starta arbeid med ny idrettsplan i Alver kommune hausten 2020.

Leiar Olav Steinsland sette fram følgjande tilleggsframlegg i møtet, knytt til Samordning og hovdmål - Fyssk aktivitet og for alle som naturleg del av kvardagen:
Avsnitt 2 - underpunkt:
- Styrka tilbodet til eldre og uføre for eigenorganisert aktivitet.

Eldrerådet vedtok samrøystes rådmannen sitt framlegg til vedtak, med tilleggsframlegg frå Olav Steinsland sett fram i møtet.

Vedtak

Kommunestyret godkjenner retningsliner for kommunale tilskotsordningar til kultur, idrett og friluftsliv slik dei ligg ved saka.

Behandling

Avdelingsleiar Marian Guddal Hansen orienterte i saka og svara på spørsmål.

Eldrerådet vedtok samrøystes rådmannen sitt framlegg til vedtak.

Vedtak

Alver kommune vil søkja Hordaland fylkeskommune og Sparebankstiftinga Sogn og Fjordane sitt prosjekt om tilskot på totalt kr 900 000 til etablering av tre dagsturhytter i Alver – éi i kvar av dei tre noverande kommunane.

Behandling

Avdelingsleiar Marian Guddal Hansen orienterte og svara på spørsmål.

Ho viste kortfilm om dagsturhytter i Sogn og Fjordane, der det no er slike hytter i kvar kommune.

Eldrerådet vedtok samrøystes rådmannen sitt framlegg til vedtak.

Vedtak

1. Investeringsbudsjettet for 2020 er basert på forventa framdrift på tidlegare vedtekne prosjekt i tillegg til nokre nye prosjekt og rammer. Ut frå framdriftsplanen tar Alver kommune opp 283 743 000 kr i lån til generelle investeringar i 2020 og 195 775 000 kr i lån til sjølvkostområdet (vann og avløp).

2. Økonomiplan for 2020-2023 og årsbudsjett for 2020 blir vedteke, jfr. Bevilgningsoversikt drift §5-4 og økonomisk oversikt drift §5-6. Årsbudsjettet for 2020 blir vedteke på sum netto driftsrammer for dei syv hovudområda, jf. eigen tabell.

3. Rådmannen får fullmakt til å fordele sentralt avsett lønsauke og sentralt budsjettert innsparing til sektorane når årets lønsforhandlingar er gjennomført.

4. Rådmannen får fullmakt til å flytte mindre budsjettpostar knytt til driftsutgifter mellom sektorane slik at det samsvarer med organiseringa i Alver.

5. Pensjon: Det har vore ulik amortisering av premieavvik i dei tre kommunane. Alver kommune legg til grunn 7 års amortisering av premieavvik.

6. For 2020 nyttar Alver kommune utskrivningsalternativet i eigedomsskattelova § 3 første ledd bokstav c, «berre på kraftverk, vindkraftverk, kraftnettet og anlegg omfatta av særskattereglane for petroleum», slik bestemmelsen lyder frå 1. januar 2019. Skattesatsen er 7 promille. Alver kommune vil i 2020 skrive ut eigedomsskatt på «et særskilt fastsett grunnlag» i henhold til overgangsregelen til eigedomsskattelova §§ 3 og 4, første ledd, slik at verdien av produksjonsutstyr og - installasjonar fases ut med 1/7 for verk og bruk som frå og med 2019 er å anse som næringseigedom. Det særskilte grunnlaget skal i 2020 være lik 5/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknas med i grunnlaget. Alver kommune vil i 2020 skrive ut eigedomsskatt på bygningar og grunnareal for anlegg nevnt i punktet over i henhold til overgangsregelen til eigedomsskattelova §§ 3 og 4, andre ledd.

7. Det vert gjeve ei ramme på 2 271 000 kr til kontrollutvalet.

8. Det vert gjeve eit driftstilskot til Alver kyrkjelege fellesråd på 22 500 000 kr og 2 685 000 kr for å dekkje renter og avdrag på lånet for Kyrkja i Knarvik.

9. Skatteøre vert sett lik maksimal sats i samsvar med Stortinget sitt vedtak om kommunalt skatteøre.

10. Godtgjersle til ordførar blir sett til 987 997 kr og til varaordførar 592 798 kr for 2020. Løna regulerast per mai 2020 i samsvar med endringar i løn til stortingsrepresentantar.

Eldrerådet tar rådmannen sitt framlegg til budsjett til etterretning og ser fram til at organisasjonen kan bearbeida budsjetta meir konkret når organisasjonen arbeider saman frå 2020.
Eldrerådet uttrykkjer bekymring for lågt budsjett.

Behandling

Kommunalsjef samfunnsutvikling, Hogne Haugsdal, gav rådet ei grundig orientering om rådmannen sitt framlegg til den første økonomiplanen i Alver kommune. Han orienterte også om rammene for økonomiplanarbeidet og sa at det er krevjande å få ein økonomiplan i balanse.

Etter ei grundig drøfting vart det sett fram følgjande felles tilleggsframlegg i møtet:
Eldrerådet tar rådmannen sitt framlegg til budsjett til etterretning og ser fram til at organisasjonen kan bearbeida budsjetta meir konkret når organisasjonen arbeider saman frå 2020.
Eldrerådet uttrykkjer bekymring for lågt budsjett.

Eldrerådet vedtok samrøystes rådmannen sitt framlegg til vedtak, med tilleggsframlegg sett fram i møtet.