Møte i Alver formannskap den 12.03.2020

Vedtak

Innkalling og saksliste er godkjent.

Behandling

Sak Vedtak for å førebyggje og avgrense koronasmitte vart satt på sakskartet som ekstrasak.

Innkalling og saksliste med endring vart samrøystes vedteke.

Vedtak

Møteprotokollen er godkjent.

Behandling

Ingen merknader, rådmannen sitt framlegg vart samrøystes vedteke.

Vedtak

Elektrifisering av Nordsjøen må føra til forsterking av kraftsystemet på Vestlandet, slik at dette ikkje går på bekostning av ny industri på Vestlandet. Det er trong for oppgradering både av nettkapasitet og total kraftproduksjon.

Kraftsituasjonen på Mongstad er kritisk og det bør raskt innleiast til ein dialog med aktuelle aktørar som kan løyse kraftsituasjonen på Mongstad utan kraftvarmeverket med dei tiltaka som er omtalt i saksframlegget. Vidare ber kommunestyret om at Alver kommune følgjer opp tiltakspunkta i kraftanalysen (t.d. ny transformatorstasjon på Mongstad og oppgradering av nettet for innførsel til denne, samt temaet rundt anleggsbidrag) ser på ei prioritering av desse.

Kommunestyret ber om at ein startar ein prosess for å søkje konsesjon som kan sikre straum for framtidig næringsetablering.

Behandling

Framlegg som utval for næringsutvikling og drift med endring i 3 avsnitt

Elektrifisering av Nordsjøen må føra til forsterking av kraftsystemet på Vestlandet, slik at dette ikkje går på bekostning av ny industri på Vestlandet. Det er trong for oppgradering både av nettkapasitet og total kraftproduksjon.

Kraftsituasjonen på Mongstad er kritisk og det bør raskt innleiast til ein dialog med aktuelle aktørar som kan løyse kraftsituasjonen på Mongstad utan kraftvarmeverket med dei tiltaka som er omtalt i saksframlegget. Vidare ber kommunestyret om at Alver kommune følgjer opp tiltakspunkta i kraftanalysen (t.d. ny transformatorstasjon på Mongstad og oppgradering av nettet for innførsel til denne, samt temaet rundt anleggsbidrag) ser på ei prioritering av desse.

Kommunestyret ber om at ein startar ein prosess for å søkje konsesjon som kan sikre straum for framtidig næringsetablering.

Framlegget vart samrøystes vedteke.

Vedtak

Alver kommunestyre bed Lindås Tomteselskap As om å, på vegne av Alver kommune, utarbeide ein fusjonsplan som skal vedtakast av Lindås Tomteselskap AS og Meland Utbyggingsselskap AS – og om å gjennomføre denne fusjonsplanen.

Lindås Tomteselskap AS skal overta Meland Utbygging As sine eigendelar, rettar og pliktar utan vederlag.

Behandling

Rådmannen sitt framlegg vart samrøystes vedteke.

Vedtak

Kommunestyret godkjenner at investeringsprosjektet «Fortau Mjåtveitvegen» får ei auka ramme på 965 000 kr, for å gjennomføre trafikksikringstiltak som skildra i saka. Prosjektet vert finansiert med lånemidlar og momsrefusjon og vert tatt inn i investeringsoversynet i 1. tertialrapport.

Formannskapet bed ordførar fremje ovanfor styringsgruppa for byvekstavtalen at fortau på Mjåtveitvegen vert finansierte av Alver sine midler frå potten programområdemidler.

Behandling

Formannskapet var på synfaring før handsaming av saka.

Framlegg frå A.Byrknes-KRF:

Formannskapet bed ordførar fremje ovanfor styringsgruppa for byvekstavtalen at fortau på Mjåtveitvegen vert finansiert av Alver sine midler frå potten programområdemidler.

Framlegget vart samrøystes vedteke.

Rådmannen sitt framlegg vart samrøystes vedteke.

Vedtak

Saka er utsett.

Behandling

Saka vert utsett, samrøystes.

Vedtak

Alver kommunestyre godkjenner planstrategi for Alver kommune 2020-2023 med følgjande endring:

Skulebruksplan går ut. Ny plan, ruspolitisk plan.

Behandling

Rådmannen sitt framlegg vart samrøystes vedteke.

Framlegg frå L.Johnsen-MDG:

Områdeplan for Midtmarka/ Flatøy går ut av planstrategidokumentet.

Grunngjeving: 1. Alver kommune står foran store planoppåver som må prioriterast før Midtmarkaplanane: - Samordne vedtekne planar frå dei tre samanslåtte kommunene - Lage nye heilskaplege planar for å ta heile Alver i bruk - Møte dei nye krava det grøne skiftet krever 2. Området er ikkje definert som eit nytt lokalsenter/regionsenter i intensjonsavtalen for Alver

Framlegget frå MDG fekk 1 røyst (L.Johnsen-MDG) og fall.

Framlegg frå KRF, H, SP og AP ved A.Byrknes-KRF:

Planstrategi i Alver kommune:

- Plan for skulebruksplan går ut

- Ny plan inn: Ruspolitisk plan

Framlegget vart samrøystes vedteke.

Vedtak

Saka er utsett.

Behandling

Saka vert utsett, samrøystes vedteke.

Vedtak

Saka er utsett.

Behandling

Saka vert utsett, samrøystes vedteke.

Vedtak

Saka er utsett.

Behandling

Saka vert utsett, samrøystes vedteke.

Vedtak

Saka er utsett.

Behandling

Saka vert utsett, samrøystes vedteke.

Vedtak

Vedtak for å fø

Målet med vedtaket er å førebyggje og begrense smitte, beskytte sårbare grupper og oppretthalde nødvendig kapasitet i kommunen sine helsetenester.

Arrangement og samankomstar

Ingen skal gjennomføre arrangement og samankomstar – inntil vidare. Dette gjeld både private og kommunale arrangørar.

Lag og organisasjonar

Lag og organisasjonar skal ikkje gjennomføre treningar og andre faste aktivitetar.

Kommunale bygg og aktivitetar

Kommunen stoppar utleige av alle kommunale bygg og eigedomar og stenger idrettshallar og svømmehallar. Kommunen avlyser i tillegg alle arrangement, all aktivitet og opplæring i regi av kulturskulen og stenger dei kommunale ungdomsklubbane.

Besøk til sårbare grupper

Besøk til personar på institusjonar, bufellesskap, omsorgsbustader og andre institusjonar blir avgrensa til det som er heilt nødvendig. Alle som kjem på besøk skal følgje gjeldande besøks- og hygienereglar på staden.

Økonomisk ansvar

Alver kommune tar ikkje økonomisk ansvar som kan følgje av tiltaka.

Vedtak etter smittevernlova

Vedtaket er heimla i smittevernlova § 1-5 og § 4-1 og gjeld frå og med 12. mars til kommunen gjer nytt vedtak.

Behandling

Rådmannen sitt framlegg vart utdelt i møtet. Kommuneoverlege Terese Folgerø orienterte.

Rådmannen sitt framlegg vart samrøystes vedteke.