Utval: | Formannskapet |
---|---|
Dato: | 08.06.2022 17:15 - 18:30 |
Møtestad: | Slissøyna/Skarvøyna Fedje fleirbrukshall |
Status: | Møtet er ferdig protokollert |
Sakskart: | |
Møteprotokoll: |
Møteinnkalling og sakliste vert godkjent.
Samrøystes vedteke.
Møtebok frå sist møte vert godkjent.
Samrøystes vedteke.
Referatsaker vert tekne til orientering.
Samrøystes vedteke.
Delegerte saker vert tekne til orientering.
Samrøystes vedteke.
Kommunestyret godkjenner årsrekneskap og årsmelding for 2021 slikdet ligg føre. Rekneskapsmessig underskot vert dekka ved overføring frå fond.
Formannskapet sluttar seg til særutskrift frå kontrollutvalet i saka om årsmelding og rekneskap 2021.
Samrøystes vedteke.
Kommunedirektøren orieterte om årsmelding og rekneskap for 2021. I innstillinga står det 2020, dette er en skrivefeil, det er årsmelding og rekneskap for 2021 som er til behandling.
Kommunestyret tek tertialrapport for januar – april 2022 til vitande.
Samrøystes vedteke.
Fedje kommune set av 121 608,-kr på budsjettet for 2023 til å betale for uttrekk av systema og deponering av systema i Kommunearkivinstitusjonenes Digitale Ressurssenter.
Samrøystes vedteke.
Arkivet etter barnevernstenesta, sosialtenesta, legetenesta og eldre uordna personalarkiv vert sendt til interkommunalt arkiv i Hordaland for ordning. Etter ordning vert arkivet deponert hjå interkommunalt arkiv.
Samrøystes vedteke.
Fedje Landhandleri får 7500,- kr til oppgradering av uteområdet på ferjekaia/Stenborg.
Samrøystes vedteke.
I voteringa vart innstillinga frå kommunedirektøren var sett opp mot forslaget frå Silje Gullaksen (H)
Søknad om dispensasjon og rammeløyve for oppføring av nytt bustadhus med garasje vert innvilga.
Grunngjevinga er at reguleringsplan er relativ gamal frå 2009. Ny byggjeskikk er på plass med moderne flate tak (funkishus) og areala i 2 etasje kan nyttast fullt ut. Intensjon for Fedje kommune er å få nye innbyggjar til å busette seg i kommunen. Det vert også gitt dispensasjon om å plassere garasje over byggelinja mot veg då dette ikkje kan ety noko, eigedomen ligg innst som blindveg. Totalsett er omsyna bak føresegna ikkje vesentleg sett til side eller at ulempene er større enn fordelane.
Samrøystes vedteke.
Formannskap: 13 september, 18 oktober 22 og 24 november.
Kommunestyret: 22 september, 27 oktober og 15 desember.
Møtestart vert i utganspunktet kl. 17.15. Budsjettmøta til formannskapet byrjar kl.09.00 og i kommunestyret 16.00.
Samrøystes vedteke.
Vedtak om rammeløyve datert 25.04.22 blir ståande og klage frå nabo på brnr 168/112 og 129 blir ikkje tatt til følgje.
Saken blir oversendt Statsforvaltar.
Samrøystes vedteke.
Det vert ikkje fatta vedtak under evntuelt.
Spørsmål frå Hans Erik Waage (Ap)
- Flyktninger
- Oppdrettslokaliteten ved Sildevågen
- Legesituasjonen
Ordførar svarte:
- Flyktningar
Det er tilsett flyktningekoordinator i 50% stilling. Vedkomande er ein tilsett som har fått omdefinert delar av si stilling.
Fedje har tatt imot tre familiar. Det er tre mødre med to barn kvar. Barna er i alderen 7 til 16 år. Alle går på skulen no, to av barna skal på vidaregåande til hausten.
Kommunen har inngått leigeavtalar med private om hus.
Det bur ein russisk familie i Fedje. Familiane som har kome, har «godkjent» at det er heilt i orden med kontakt med russarar. Vi brukar vedkomande til diverse oppdrag no i starten på grunn av dei kan få hjelp og rettleiing av ein dei kan snakke med på sitt eige språk.
-Oppdrettslokaliteten ved Sildevågen.
Februar hadde eg møte med Håkon Tombre i Bergen. Me blei einige i at han skulle få utarbeidt alternative plasseringar ut i frå kartdata som formannskapet fekk laga av Asplan Viak.
Eg har purra på dette fleire gongar, ved mail i april og mai, ved tlf fleire gongar, seinast i dag. Har ikkje fått nokon respons.
Min tanke var at eg prøvde å få til eit møte med departementet basert på desse alternative lokaliseringane.
Samstundes jobbar kommunane i region med ein interkommunal plan for sjøområda. Her vil me igjen leggja inn lokaliteten ved Hjeltevarden, då vil me få dialog med Kystverket uansett etter det eg er blitt fortalt.
Me kan prøva å få på plass ein ny interessent på område, men det vil truleg ikkje gå fortare en den interkommunale planen. Planen kjem ut på høyring i haust.
-Legesituasjonen
Pr 1.9.2022 blir det 4 legar i «nordsjøturnus». Alle fire er spesialistar i allmennmedisin. 3 av legane har ei stilling på 30-32% kvar. Den fjerde legen er kommuneoverlegen med ei stilling på 45%. Tilsaman har Fedje ca 1,4 stilling med legar.
Legane arbeider 24/7 i èi veke, for så å ha fri i 3 veker. På dagtid kvardagar i tidsrommet 08.00 – 15.30 arbeider legane som fastlege med kontordag tre dagar kvar veke. Dei to andre dagane er dei tilsynslege ved sjukeheimen og helsestasjonslege i tillegg til at dei har daglegevakt. Kontoret tar i mot pasientar måndag, onsdag og fredag. Legen er så i vaktberedskap frå 15.30 til 08.00 morgonen etter, samt heile døgeret i helg og på «raude dagar».
Nordhordland Legevakt (NHLV) er legevaktsentral på telefon 116 117 utanom ordinær arbeidstid på kvardagar. Lege lokalt på Fedje vert så kontakta av NHLV vedrørande pasientar som bør tilsjåast av lege på vakt.
Det er ein kommunal «ambulanse», kalla bårebil. Dette er ein tidlegare ambulanse kommunen overtok frå Helse Bergen. Ved raud respons vert også first responderane (frivillig beredskapsvakt) utalarmert. Lege rykker då ut til pasient saman med first responderar i bårebilen. Vi ser og at luftambulansen har relativt låg terskel for å rykke ut til Fedje.
Den tredje legen startar 1. juli, den fjerde legen starta i slutten av august. Vi har oppbemanna med legevikarar i sommar. Pr. dags dato er det ei veke vi slit med å få lege i, men vi arbeider med moglege løysingar.
Igjen må Fedje berømme Alver og Nordhordland Legevakt for at dei hjelper til. Dei seier dei ser at Fedje sitt system er sårbart og vil vere i bakhand for å hjelpe til.
Til slutt:
Legevaktordninga Fedje har er ei dyr og raus ordning. Det gjev tryggleik til innbyggarane, men kan bli dyr over tid. Det gjer at Fedje bør vere med i regionen og sjå om framtidig organisering kan få ned kostnadene.
Statsforvaltaren har varsla tilsyn med legeberedskapen i Fedje. Fristen er 6. juni. Kommunen har sendt svarbrev og ventar på tilbakemelding.
Politikar | Parti | Medlemstype | E-Post |
---|---|---|---|
Stian Herøy | Høgre | Ordførar | stian.heroy@fedje.kommune.no |
Olav Mongstad | Medlem | olav.mongstad@fedje.kommune.no | |
Hans Erik Waage | Arbeiderpartiet | Medlem | harley.waageson@gmail.com |
Kamilla Bjerkholt Karlsen | Arbeiderpartiet | Medlem | kamilla.bjerkholt.karlsen@fedje.kommune.no |
Marit Solbakk Øien | Framstegspartiet | Medlem | m-oeie@online.no |
Silje Sulen Gullaksen | Høgre | Varamedlem | silje.sulen.gullaksen@fedje.kommune.no |
Bjørn Solbakk (Ikke møtt) | Framstegspartiet | Varaordførar | b-solba3@online.no |