Utval: | Formannskapet |
---|---|
Dato: | 18.04.2023 17:15 - 18:30 |
Møtestad: | Fedje fleirbrukshall |
Status: | Møtet er ferdig protokollert |
Sakskart: | |
Møteprotokoll: |
Møteinnkalling og sakliste vert godkjent.
Samrøystes vedteke.
Møtebok frå sist møte vert godkjent.
Samrøystes vedteke.
Referatsaker vert tekne til orientering.
Samrøystes.
Kommunedirektøren orienterte om:
- Utbygging av gravplassen. Status i arbeidet
- Sluttsynfaring i løypa
- Utlysing av 100% helsesjukepleiar. Avslutte avtale med Austrheim kommune
- Rekrutteringsprosessane - status
- Status sjukeheimen i fht rekruttering/sjukefråvær
Delegerte saker vert tekne til orientering.
Samrøystes.
Fedje Idrettslag får12 000,- frå dugnadsfondet till utstyr i styrkerommet i fleirbrikshallen.
Sammrøystes vedteke.
Kamilla B K Karlsen (Ap) ba formannskapet vurdera gildskapen hennar, grunna at hennar mann stå som søkjar frå idrettslaget.
Gidske B Kolltveit (Ap) var vara for Kamilla B K Karlsen.
Formannskapet vurderte Kamilla B K Karlsen som gild til handsamling.
Kommunestyret vedtar forslag til planprosess og organisering slik det er skildra i konklusjonen.
Samrøystes vedteke.
Viser til planstrategi i Fedje kommune 2020-2024, sak 20/193. Etter plan og bygningslova § 10-1 er det eit krav at kommunane i kvar valperiode utformar ein planstrategi. Måla med planstrategien er å avklara kva planoppgåver kommunen skal prioritera i valperioden. Oppvekstplanen står primært ikkje som prioritert plan i planstrategien for kommunen, men grunna oppvekstreforma som tredde i kraft januar 2022, er det vurdert som naudsynt å endre strategi og prioritere denne planen no.
Oppvekstreforma gjer kommunen meir ansvar på barnevernsområdet. Reforma regulerer først og fremst barnevernet, men målet er å styrka det førebyggande arbeidet og sikre tidleg innsats i heile oppvekstsektoren. Kommunen må derfor gjere endingar i heile oppvekstsektoren.
Statsforvaltaren i Vestland i samarbeid KORUS, RVTS, NAPHA og KS inviterte kommunane som ønskja å satsa på å skape samanheng i sitt planverk på førebyggingsfeltet til å delta i ein planprosess våren 2023. Dei vil ha særleg merksemd på førebyggjande arbeid retta mot barn, unge og foreldre. Implementering av nye tiltak, metodar og kompetanse er krevjande og langsiktig arbeid som krev gode planar, gode strukturar og ei leiing som evnar å halde oppe merksemda og innsatsen over tid. I samband med samlingane med statsforvaltaren er det oppretta ei arbeidsgruppa. Arbeidsgruppa vert rettleia i ulike planprosessar, med hovudvekt på oppvekstplan.
Denne planen ligg ikkje som prioritert plan i vedteke planstrategi, men ut i frå mogelegheita for å få fagleg bistand frå statsforvaltar med fleire, er det vurdert av betydning for kommunen og nytte seg av den faglege støtta. Arbeidsgruppa har gjennomført to av fire samlingar med statsforvaltaren i Vestland.
Kommunedirektøren vurderer til det beste å utarbeide oppvekstplanen som ein temaplan. Ein temaplan følgjer ikkje same reglar for prosessen som ein kommunedelplan, jf. plan og bygningslova. Det er vurdert som naudsynt å utarbeide ein plan som har fokus på prosess og ikkje er for arbeidskrevjande, sidan kommunen har lite ressursar, spesielt på planarbeid. Fokus skal være på å lage ein plan som fremjar samarbeid på tvers, og er førebyggjande inn mot barn, unge og føresette.
Kommunestyret skal vedta ein heilskapleg plan for kommunen sitt arbeid med å førebyggje omsorgssvikt og åtferdsvanskar. Formålet er å bidra til ei overordna forankring av det førebyggjande arbeidet i kommunen, i tillegg er det tenkt som eit viktig verktøy for å sikre systematisk innsats for å leggje til rette for heilskaplege tenester.
Konklusjon
Det er naudsynt med politisk forankring i planprosessen. Kommunedirektøren foreslår føljande organisering:
Styringsgruppe – Formannskapet
Arbeidsgruppe – Barnehagefagleg, skulefagleg, helsesjukepleiar, rus- og psykisk helse,
kommunalsjef helse og omsorg
Referansegruppe –HTV og verneombod, ungdomsråd, skule LOS, biblioteksjef.
I planprosessen vil arbeidsgruppa invitere til høyringar på heimesida, frivillige lag- og organisasjonar, til dømes FAU, FIL.
Planen blir utforma som ein temaplan for oppvekst.
Fedje Island AS ved dagleg leiar Otto Andre Nordby får skjenkeløyve i lokala i Stormarkvegen 4, Landsbykafeen. Løyvet har følgjande skjenketider:
Måndag – laurdag kl. 08.00 - kl.02.00
Søndag og helgedagar kl. 12.00 – kl. 02.00.
Skjenketid for alkoholgruppe III er kl. 13.00 - kl.02.00 alle dagar.
Skjenkeløyvet er tråd med innlevert planteikning, inne i lokala i Stormarkvegen 4 Landsbykafeen – og på avgrensa og oppmerka område ute.
Løyvet gjeld frå 27.04.2023 til og med 30.09.2024.
Styrar for løyvet er Otto Andre Nordby.
Avløysar for løyvet er Andrea Waage.
Kommunestyret - 036/20
Alkoholpolitisk plan sist revidert i K-sak 032/20 har fyljande krav til faste løyve: "Faste løyve skal ha krav om fast meny eller à la carte meny. Bedrifter som driv med produksjon av alkohol og søkjer skjenkeløyve er friteke for kravet om meny eller à la carte meny. Det er ikkje krav til fast meny eller à la carte meny når ein nyttar ambulerande løyve eller løyve ved enkelthøve. "
Samrøystes vedteke.
Fedje Island AS ved dagleg leiar Otto Andre Nordby får skjenkeløyve i lokala i Muren 4, Pernille. Løyvet har følgjande skjenketider:
Måndag – laurdag kl. 08.00 - kl.02.00
Søndag og helgedagar kl. 12.00 – kl. 02.00.
Skjenketid for alkoholgruppe III er kl. 13.00 - kl.02.00 alle dagar.
Skjenkeløyvet er tråd med innlevert planteining, inne i lokala til Pernille i Muren 4 – og på avgrensa og oppmerka område ute.
Løyvet gjeld frå 27.04.2023 til og med 30.09.2024.
Styrar for løyvet er Paul Rognsvåg.
Avløysar for løyvet er Helge Stokholm.
Kommunestyret - 036/20
Alkoholpolitisk plan sist revidert i K-sak 032/20 har fyljande krav til faste løyve: "Faste løyve skal ha krav om fast meny eller à la carte meny. Bedrifter som driv med produksjon av alkohol og søkjer skjenkeløyve er friteke for kravet om meny eller à la carte meny. Det er ikkje krav til fast meny eller à la carte meny når ein nyttar ambulerande løyve eller løyve ved enkelthøve. "
Paul Erling Rognsvåg har levert inn kursbevis på bestått prøve i alkohollova - skjenkeløyve.
Det vert ikkje fatta vedtak under eventuelt.
Spåørsmål sendt inn frå Kamilla B K Karlsen (Ap)
1. Kva for jobb gjer rekrutteringsselskapet Bønes Virek for Fedje kommune og kva er summen på dette?
Svar frå ordførar: Bønes Virke er engasjert for å rekruttere to kommunalsjefar. I tillegg vil dei bistå i arbeidet med rekruttering av ny rektor om det visar seg vanskeleg å få søkjarar til jobbenDei andre stillingane skal Fedje kommune administrere sjølv. Me kan kjøpe bistand (timebetaling) om vi ikkje maktar å gjere denne rekrutteringa sjølv. Me manglar ressurs på personal, så det er i utgangspunktet den enkelte leiar som rekrutterer som må administrere
rekrutteringsprosessen sjølv. I tillegg køyrar me ein kampanje for å få søkjarar til stillingane. Dette gjer me i samarbeid med lokalt næringsliv for å få fram flest mogleg stillingar å søkje på (i fht å evt kunne rekruttere eit par). Lokalt næringsliv har ikkje hatt stillingar ute i denne perioden men vi held god dialog om moglegheiter. I fht kostnadar så er dette forretningshemmelegheiter og formannskapsmøtet må lukkast viss de ynskjer svar på det.
2. Me ønskjer ei orientering rundt ombygginga på Helsestasjonen/Familiens hus og det nye kommunehuset.
Svar frå ordførar: Det viste seg at bygget var i mykje dårlegare forfatning enn venta. Dette har gjort at prosjektet har drege ut i tid og at det blir meir kostbart enn berekna. Det er spesielt to årsaker til kostnadsauke. IKT/datasystema viste seg å være utdatert i fht kapasitet og alder (dårleg stand). I tillegg var spesielt golvet dårleg og me må skifte golv på heile bygget. Det må og inn LED-lys fordi lysstoffrøyr går ut av produksjon (EU krav). Me vil lage ein rapport av prosjektet med årsaker til kvifor prosjektet blir dyrare enn planlagt til orientering for politikarane når prosjektet er ferdig. Ombygging av Hjartebanken Pga kapasitetsproblem (internt og eksternt hos konsulent) har me ikkje fått arbeidd med ombygginga av Hjartebanken. Prosjektet blir lagt ut på Mercell tysdag 18.04.23 (anbod).
3. Er det noko nytt i spørsmålet me drøfta sist rundt ope symjebasseng? Svar frå ordførar:
Spørsmål sent inn frå Marit Solbakk Øien (Frp)
1. Har det sett meir på alternativet om hundegard ved fotballbana, etterspurt i siste kommunestyreSvar frp ordførar: Det har ikkje vært kapasitet til å følgje opp denne saka
2. Kunne det komt opp nokon fleire bossdunkar. Ingen frå 30 sona ved skulen og før ein kjem i løypa ved helikopterplassen, saknar og nokon i sjølve løypa. Og eit ønske om nokon fleire benker.Svar frå ordførar:
3. Manglar eit skilt som viser til toalettet ved badestrandaSvar frå ordførar: Kommunedirektøren tek dette vidare med teknisk. Skilt skal være oppe før badesesongen er i gong (juni).
4. Korleis ligg ein ann i arbeidet med kommuneplanen.Svar frå ordførar: Det har ikkje vært kapasitet til å sjå på dette. Me er i rekrutteringsprosess.
5. Me i Frp har eit ønske om at historielaget skal få ein egna plass , dette for at gamle ting og Fedje sin historie skal bli ivaretatt. No når lokalet i gamle posthuset er ledig, kunne dette etter vår meining vert egna lokale for dette, kan administrasjonen sjå på dette.
Svar frå ordførar: Administrasjonen skal sjå på dette. Det er og kome ynskje frå andre organisasjonar om å kunne bruke dette lokalet.
Møtet vart lukka under svar på spørsmål 1. frå Kamilla B K Karlsen (Ap) saka vart lukka etter § 13-2 forvaltningslova.
Ordførar Stian Herøy (H) har fått ein søknad om støtte frå Fedjeløpet, ordførar ville drøfta med formannskapet om han skal ta den som han gjere med andre gåver. Kamilla B K Karlsen (Ap) er med å arrangera løpet, så ho stilte spørsmål med gildskapen sin. Godske B Kolltveit (Ap) var vara for Kamilla B K Karlsen når formannskapet drøfta gildskapen hennar. Eit samrøystes formannskap meinte at Kamilla B K Karlsen, er gild i spørsmålet.
Eit samrøystes formannskap meiner at ordførar Stian Herøy (H) behandlar søknaden frå Fedjeløpet.
Ordførar Stian Herøy (H) ynskjer at formannskapet i eit seinare møte skal drøfta om det er mogeligheit for å utvida ordninga med sommarjobb for ungdommar, dette vil ikkje gjelda for sommarne 2023.
Politikar | Parti | Medlemstype | E-Post |
---|---|---|---|
Stian Herøy | Høgre | Ordførar | stian.heroy@fedje.kommune.no |
Hans Erik Waage | Arbeiderpartiet | Medlem | harley.waageson@gmail.com |
Kamilla Bjerkholt Karlsen | Arbeiderpartiet | Medlem | kamilla.bjerkholt.karlsen@fedje.kommune.no |
Marit Solbakk Øien | Framstegspartiet | Medlem | m-oeie@online.no |
Gidske Borge Kolltveit | Arbeiderpartiet | Varamedlem | makollt@online.no |
Silje Sulen Gullaksen | Høgre | Varamedlem | silje.sulen.gullaksen@fedje.kommune.no |
Pål-Eirik Holgersen | pal-eirik.holgersen@fedje.kommune.no | ||
Bjørn Solbakk (Ikke møtt) | Framstegspartiet | Varaordførar | b-solba3@online.no |