Čoahkkin Kommunestyret 21.09.2016

Vedtak

"Innkalling og sakliste med 3 trekt saker vert godkjent."

Behandling

Ordførar opplyste at sak 79, 84 og 85 vert trekt frå saklista.

Vedtak

"Møtebok frå møte 22.06.16 vert godkjent."

Vedtak

"Meldingane vert tekne til orientering."

Behandling

Ordførar sa at informasjon om kommunestruktur kjem fram i sak 74.

Vedtak

"Økonomiplanen slik den no ligg føre blir tatt til orientering. Kommunestyret vedtar ein endeleg økonomiplan i samband med budsjettet for 2017."

Behandling

Framlegg til vedtak frå AP/Anne Grete Eide:

"Økonomiplanen slik den no ligg føre blir tatt til orientering. Kommunestyret vedtar ein endeleg økonomiplan i samband med budsjettet for 2017."

Høringsinnspel frå Mabel Johansen, H vert oversendt administrasjonen.

Avrøysting:
Framlegget frå Arbeiderpartiet vart samrøystes vedteke.

Vedtak

«Kommunestyret vedtek å etablere ei «Førebuande fellesnemnd» som skal starte arbeidet med å førebu etableringa av ein ny kommune og koordinere samarbeidet mellom kommunane fram til den formelle Fellesnemnda er oppnemnd i samsvar med Inndelingslova.

- Tillitsvalte frå Meland kommune vel to medlemmer til partssamansett utval.
- Arbeidsoppgåver og fullmakter for nemnda blir fastsette i reglement som vert vedteke i dei tre kommunestyra i eit seinare møte.

«Førebuande fellesnemnd» vert vald av kommunestyret sine representantar i dei tre kommunane, Meland, Lindås og Radøy og får slik samansetjing:

Frå Meland kommune: 6 representantar + 6 varamedlemmer

Frå Lindås kommune: 10 representantar + 10 varamedlemmer

Frå Radøy kommune: 5 representantar + 5 varameldlemmer

Frå Meland kommune vert desse valde som medlemmer:

1 Øyvind H. Oddekalv

2 Nils Marton Aadland

3 Øyvind Bratshaug

4 Anne Grete Eide

5 Sølvi Knudsen

6 Karina Garnes Reigstad

Desse vert valde som personlege varamedlemmer:

1 Kjersti Vikebø Nesse

2 Mabel Johansen

3 Henriette Fennelly

4 Tormod Skurtveit

5 Per Kristian Holmetun

6 Stian Lavik"

Behandling

Valnemnda si innstilling til medlemmer i den førebelse fellesnemnda:

Representant: Personleg vara:

Øyvind Oddekalv Kjersti Vikebø Nesse

Nils Marton Aadland Mabel Johansen

Sigmund Larsen Øyvind Bratshaug

Anne Grete Eide Tormod Skurtveit

Sølvi Knutsen Per Kristian Holmetun

Marit Samnøy Jøssang Dissens Stian Lavik

Karina Garnes Reigstad Dissens

Marit Jøssang fekk 4 stemmer: AP – H – SP – KRF

Karina Garnes Reigstad fekk 2 stemmer:

Sigmund Larsen trekte sitt kandidatur og fremja forslag på Øyvind Bratshaug som representant.

Som personleg vara for Øyvind Bratshaug fremja han Henriette Fennelly.

Avrøysting:
Framlegg frå valnemnda med ovannemnde endring vart samrøystes vedteke.
Tilleggsframlegg frå Øyvind Oddekalv vart samrøystes vedteke.

Marit Samnøy Jøssang dissens
Karina Garnes Reigstad dissens

Det vart kravd skriftleg avrøysting mellom dei to kandidatane der det er dissens.

Leif Johnsen og Erling Rønnestad vart oppnemnd som teljekorps.

Marit Samnøy Jøssang fekk 10 røyster
Karina Garnes Reigstad fekk 17 røyster.

"Karina Garnes Reigstad er vald som representant."

Framlegg til endring frå Karina Garnes Reigstad, MDG:

"Silje Ingelin Sæterstøl går inn som vara i standen for Stian Lavik."

Det vart kravd skriftleg avrøysting.

Leif Johnsen og Erling Rønnestad vart oppnemnd som teljekorps.

Stian Lavik fekk 16 røyster.
Silje Ingelin Sæterstøl fekk 11 røyster.

"Stian Lavik er vald som personleg vara for Karina Garnes Reigstad."

Vedtak

«Kommunestyret godkjenner at det vert gjort endring i investeringsbudsjettet for 2016 slik:

På investeringsprosjekt 120 – Kapitalutviding Sambandet Vest vert det budsjettert med kapitalinnskot på kr 225.000,- som auke i aksjekapital i Sambandet Vest AS. Dette for å kunne gjennomføre kapitalutvidinga vedteken på generalforsamlinga i selskapet den 30. juni 2016.

Bruk av kapitalfond vert auka med kr 225.000,- for å finansiere dette kapitalinnskotet.»

Vedtak

«1. Kommunestyret vedtek å organisera reiselivet i regionen ved å inngå ein samarbeidsavtale
mellom Region Bergen Reiseliv og kommunane i Nordhordland (Austrheim, Fedje, Lindås,
Masfjorden, Meland, Modalen, Osterøy og Radøy) representert ved Nordhordland
Utviklingsselskap IKS.

2. Kommunestyret vedtek å gje årleg tilskot til Region Bergen Reiseliv i tråd med forslag til forretningsplan og saksgrunnlaget, med ein grunnsum på kr 20 000,- pr. år og i tillegg kr 14 pr.
innbyggjar i 2017 og justert i samsvar med prisindeksen dei komande åra.

3. Samarbeidsavtale vert utarbeidd av Region Bergen Reiseliv og Nordhordland Utviklingsselskap IKS
med grunnlag i forretningsplanen og vedtaka i kommunestyra. Samarbeidsavtalen vil bli lagt fram
for kommunane før endeleg signering.

4. Denne avtalen gjeld frå 01.01.2017. Avtalen kan ikkje seiast opp i tidsrommet 01.01.2017 til
31.12.2019 utan at vesentlege føresetnader i denne avtalen vert brotne. Etter dette er det eit års
oppseiingstid. Oppseiinga må skje seinast 31.12 året før.

5. Kommunestyret ser det som viktig med tydeleg nærvær lokalt. Region Bergen Reiseliv må
vidareføre og styrke samarbeidet med lokale reiselivsaktørar og Nordhordland Utviklingsselskap
IKS. Region Bergen Reiseliv rapportar årleg til Nordhordland Utviklingsselskap IKS og kommunane.

6. Kommunane i Region Nordhordland og kommunane Fjell, Sund og Øygarden får ein representant i
styret i Region Bergen Reiseliv.»

Protokolltilførsel frå Leif Johnsen:

"Nytt punkt under avsnittet Region Bergen Reiseliv - Forretningsplan - strategiar:

"Styrke kultur- og opplevingsregionen med fokus på småskala natur- og kulturturisme."

Behandling

Framlegg til vedtak frå Dag Erik Hagesæter, FrP:

"Kommunestyret vel å utsette saken om eit samarbeid med Region Bergen Reiseliv og kommunane i Nordhordland. Dette for å vurdere om reiselivnæringa skal ses på i samanheng med det andre næringsutviklingsarbeidet i Nordhordland.

Dersom ein i arbeidet med Interkommunal næringsplan finn ut at reiselivet skal ha eigen organisering, vil saka bli tatt opp igjen."

Avrøysting:
Utsetjingsframlegget fekk 4 røyster for, (FrP), 23 røyster mot, (AP, H, SP, KrF, V, MDG, BF), og fall.
Formannskapet sitt framlegg til vedtak fekk 23 røyster for, (AP, H, SP, KrF, V, MDG, BF), 4 røyster mot, (FrP), og er såleis vedteke.

Vedtak

1. Kommunestyret godkjenner «Intensjonsavtale om avvikling av Bergen og Omland Havnevesen og etablering av nytt regionalt hamnesamarbeid» («Intensjonsavtalen»), datert 17.06.2016.

1. Ordførar får fullmakt til å stifte det nye hamneselskapet saman med dei øvrige samarbeidskommunane. Dette i samsvar med vedlagte intensjonsavtale og utkast til vedtekter samt andre retningslinjer som går fram av saka, som å fastsetje endeleg opningsbalanse, teikne aksjar, gjennomføre kapital- og tingsinnskots, halde konstituerande generalforsamling kor styre og revisor vert valde. Det vidare arbeidet med gjennomføringa av selskapsetableringa og overføringa av verdiar, vert tatt vare på av styret og dagleg leiing i det nye selskapet.

1. Kommunestyre godkjenner at Byrådet i Bergen får fullmakt til å avvikle BOH når eit nytt selskap for den framtidige hamneverksemda er etablert i samsvar med pkt. 2 i dette vedtaket.

1. Aksjekapitalinnskotet frå Meland kommune på NOK 100 000 vert finansiert ved å redusere disposisjonsfond tilsvarande.

Vedtak

«Kommunestyret i Meland ser at Forsvaret har behov for å kontrollere og regulere ferdsel i område som har høg verdi for forsvaret av landet og landets tryggleik. På bakgrunn av karakteren av restriksjonane og den store utvidinga av forbodssona, meiner kommunestyret at området i Herdlefjorden ikkje er det rette for å drive denne typen militær aktivtet. Faren for konfliktar er svært stor. Sjølv om det rettslege grunnlaget for å forfølge brot på forskrifta er til stades, er det vanskeleg å sjå samfunnsnytten av å innrette seg slik at omgjevnadene og lokalsamfunnet blir påført eit stort problem, som i tillegg blir forsterka gjennom denne forskriftsendringa. Herdlefjorden og tilliggjande bustad- og næringsområde på land har så stort aktivitetsnivå at handheving av forskrifta vil bli svært ressurskrevjande og konfliktfylt. Det vert elles vist til saksutgreiinga og vedlegga her.»

Behandling

Framlegg til vedtak frå Ørjan Kristiansen, FrP:

"Kommunestyret i Meland ber om at det presiseres i forskriften at de deler av forbudssonen som dekker Meland kommune, kun gjelder sjø-arealet."

Avrøysting:
Framlegg til vedtak frå Ørjan Kristiansen fekk 6 røyster for, (FrP, V), 21 røyster mot, og fall.
Framlegget frå formannskapet fekk 21 røyster for, (AP, H, SP, KrF, MDG, BF), 6 røyster mot, og er såleis vedteke.

Behandling

Saka vert trekt.

Vedtak

«Kommunestyret i Meland kommune syner til Landbruks- og matdepartementet sitt høyringsnotat Forslag til endring av lov om konsesjon ved erverv av fast eigedom (konsesjonsloven) mv.,lov om jord (jordlova) og lov om odelsretten og åsetesretten(odelslova) dagsett 27.juni 2016 har følgjande uttale:

Kommunestyret i Meland kommune:

• støttar at avgrensing i beløpsgrense knytta til priskontroll vert fastsett i eige forskrift og at arealgrense for priskontroll vert teke inn i konsesjonslova.
  

• frårår å heve arealgrensa for konsesjonskrav, odelsrett og buplikt frå 25 til 35 dekar full- og overflatedyrka jord.

• støttar forslaget om oppheving av kravet om priskontroll på reine skogeigedomar og å oppretthalda kravet på eigedomar med skog og meir jordbruksareal enn konsesjonsgrensa (25/35 dekar full- eller overflatedyrka jord).
  

• støttar departementet sitt forslag til forenklingar knytta til overdraging av eigedom/areal som tilleggsjord til naboeigedom.

• støttar departementet sine forslag til endring i driveplikta forutan å fjerna kravet om 10 års leigeavtale for å oppfylle driveplikta ved bortleige.
  

• frårår departementet sitt forslag om endringar knytta til deling av landbrukseigedom etter jordlova.»

Vedtak

«Kommunestyret godkjenner at det vert gjort endring i budsjettet for 2016 slik:

1. Endring i investeringsbudsjettet
   Budsjettet for prosjekt 257 – uteområde skular vert redusert med kr 100.000,-.
   Bruk av lånemidlar vert redusert med kr 80.000,- og refundert mva frå investeringar vert redusert med kr 20.000,-.

2. Endring i driftsbudsjettet:
   Tilskot til investeringar i idrettsanlegg på kulturbudsjettet vert auka med kr 100.000,-
   Avsetning til disposisjonsfond vert redusert med kr 100.000,- frå kr 950.000,- til
   kr 850.000,-.»

Vedtak

«Kommunestyret godkjenner omdisponering av investeringsbudsjettet innan vatn- og avlaupssektoren slik det går fram av saksutgreiinga. Omdisponeringa skjer innanfor eksisterande budsjettramme.»

Vedtak

"Kommunestyret» drøfter tilstandsrapport for skuleåret 2015-16 jf. Opplæringslova § 13-10."

Behandling

Avrøysting:
Framlegg til vedtak frå Meland Høgre v/Øystein Berland Blom fekk 8 røyster for, (H, KrF), 19 røyster mot, og fall.
Framlegget frå Utval for levekår fekk 19 røyster for, (AP, FrP, SP, V, MDG, BF), 8 røyster mot, og er såleis vedteke.

Behandling

Saka vert trekt.

Behandling

Saka vert trekt.

Vedtak

«Kommunestyret godkjenner Selskapsavtale for IKA Hordaland IKS, gjeldende fra 1.1.2017.»

Vedtak

"Bjørn Gripsgård Knudsen"

Vedtak

« I medhald av Alkoholpolitisk handlingsplan 2016-2019 for Meland kommune og Alkohollova §§ 1-4a, 1-4b, 1-7c, 3-1 andre ledd og 3-7 godkjenner kommunestyret at:

1. REMA 1000, Frekhaug får fornya salsløyve til sal av alkoholhaldig drikk med lågare alkoholinnhald enn 4,7 volumprosent ( alkoholhaldig drikk gruppe 1) i butikklokalet, stort 1.278 kvadratmeter, i tidsrom met 01.10.16 til 30.09.20

1. Bjørn Johnny Vågenes er styrar for salsløyve og vikar for styrar er Aleksander Vågenes

1. Salstida vert frå kl. 09.00 til kl. 20.00 på kvardagar

Salstida vert frå kl. 09.00 til kl. 18.00 på laurdagar

Påske-, pinse-, jule- og nyttårsafta er salstida frå kl. 09.00 – kl. 15.00 og dagen før Kristi Himmelfartsdag er salstida kl. 09.00 til kl. 20.00. Sal og utlevering av drikk i gruppe 1 skal ikkje skje på søn- og helligdagar, 1. og 17. mai

Salsløyvet vert gitt fram til 30.09.2020

1. Oversikt over alkoholomsetning for alkoholhaldig drikk gruppe 1 skal sendast til kommunen kvart år innan utangen av februar månad året etter.»

Behandling

Framlegg til endring av vedtak frå Utval for levekår frå Dag Erik Hagesæter, FrP:

Pkt. 3. Salstida vert frå kl. 07.00 til kl. 23.00 på kvardagar
Salstida vert frå kl. 08.00 til kl. 21.00 på laurdagar

Avrøysting:
Framlegg til endring frå Dag Erik Hagesæter fekk 11 røyster for, (5 H, 4 FrP, 1 AP, 1 BF), 16 røyster mot, og fall.
Framlegg til vedtak frå Utval for levekår fekk 16 røyster for, (6 AP, 3 SP, 3 KrF, 2 V, 2 MDG), 11 røyster mot, og er såleis vedteke.

Vedtak

«I medhald av Alkoholpolitisk handlingsplan 2016-2019 for Meland kommune og Alkohollova §§ 1-4a, 1-4b, 1-7c, 3-1 andre ledd og 3-7 godkjenner kommunestyret at:

1. KIWI 801 Frekhaug får fornya salsløyvet til sal av alkoholhaldig drikk med lågare alkoholinnhald enn 4,7 volumprosent (alkoholhaldig drikk gruppe 1)i butikklokalet, stort 900 kvadratmeter, i tidsrommet 01.10.16 til 30.09.2020

1. Karen Hagen Skauge er styrar for salsløyve og Gisle Skauge er vikar for styrar

1. Salstida vert frå kl. 09.00 til kl. 20.00 på kvardagar.

Salstida vert frå kl. 09.00 til kl. 18.00 før søn- og helgedagar.

Påske-, pinse-, jule- og nyttårsafta er salstida frå kl. 09.00 – kl. 15.00 og dagen før Kristi Himmelfartsdag er salstida kl. 09.00 til kl. 20.00. Sal og utlevering av drikk i gruppe 1 skal ikkje skje på søn- og helligdagar, 1. og 17. mai.

Salsløyvet vert gitt fram til 30.09.2020

1. Oversikt over alkoholomsetning for alkoholhaldig drikk gruppe 1 skal sendast til kommunen kvart år innan utgangen av februar månad året etter.»

Vedtak

«I medhald av Alkohollova og Alkoholpolitisk handlingsplan 2016-2019 for Meland kommune godkjenner kommunestyret følgjande:

1. Meland Golfklubb ved Rune Mjøs får fornya skjenkeløyve for alkoholhaldig drikk i gruppe 1,2 og 3 i klubbhuset til Meland Golfklubb, ca 343 kvm og avgrensa uteareal ca 100 kvm.

1. Skjenking av alkoholhaldig drikk gruppe 1 og 2 frå kl. 08.00 til kl. 01.00 – med følgjande unntak:

• Søn- og helligdagar startar skjenking frå kl. 12.00.

• Fredagar og laurdagar, 2. juledag og nyttårsafta – til kl. 02.00

Skjenking av alkoholhaldig drikk gruppe 3 frå kl. 13.00 til kl. 24.00 - med følgjande unntak:

• Fredag og laurdag, 2. juledag og nyttårsafta - til kl. 01.00.

Skjenking av alkoholhaldig drikk i gruppe 1 og 2 på avgrensa uteområde frå kl. 09.00 til kl. 01.00.

Skjenking av alkoholhaldig drikk gruppe 3 på avgrensa uteområdet frå kl. 13.00 til kl. 01.00. Skjenketida gjeld kun fredag og laurdag.

Skjenkeløyve vert gitt fram til 30.09.2020.

1. Styrar for skjenkeløyve er Rune Mjøs og vikar for styrar er Lasse Roska.

Styrar for skjenkeløyve er ansvarleg for at utearealet for skjenking må ha god avskjerming og at det ikkje er til sjenanse for naboar.

1. Oversikt over skjenka volum for alkoholhaldig drikk gruppe 1, 2 og 3 skal sendast til kommunen kvart år innan utgangen av februar månad året etter.»

Vedtak

«I medhald til Alkohollova og Alkoholpolitisk handlingsplan 2016-2019 for Meland kommune godkjenner kommunestyret følgjande:

1. Sansetunet ved Jan Atle Tvedt får fornya løyve til skjenking av alkoholhaldig drikk gruppe 1, 2 og 3 i selskapslokale, stort, ca. 92 kvm og uteareal, ca 50 kvm.

1. Skjenking av alkoholhaldig drikk gruppe 1 og 2 frå kl. 12.00 til kl. 01.00 – med følgjande unntak:

• Fredag, laurdag, 2. juledag og nyttårsaftan - til kl. 02.00.

Skjenking av alkoholhaldig drikk gruppe 3 frå kl. 13.00 til kl. 24.00 alle dagar - med følgjande uttak:

• Fredag, laurdag, 2. juledag og nyttårsaftan - til kl. 01.00.

Skjenking av alkoholhaldig drikk gruppe 1 og 2 på avgrensa uteområde frå kl. 12.00 til kl. 01.00.

Skjenking av alkoholhaldig drikk gruppe 3 på avgrensa uteområde frå kl. 13.00 til kl. 01.00. Skjenketida gjeld berre fredag og laurdag.

Skjenkeløyvet vert gitt fram til 30.09.2020.

1. Styrar for skjenkeløyve er Jan Atle Tvedt. Sansetunet får fritak for stedfortredar for styrar på grunn av skjenkestaden sin størrelse jfr. 1-7c.

Styrar for skjenkeløyve er ansvarleg for at utearealet for skjenking må ha god avskjerming og at det ikkje er til sjenanse for naboar.

1. Oversikt over skjenka volum for alkoholhaldig drikk gruppe 1,2 og 3 skal sendast til kommunen kvart år innan utgangen av februar månad året etter.»

Vedtak

« I medhald av Alkohollova og Alkoholpolitisk handlingsplan 2016 -2019 for Meland kommune godkjenner kommunestyret følgjande:

1. Sanya restaurant AS ved Renjie Guo får fornya løyve til skjenking av alkoholhaldig drikk gruppe 1 og 2, i restaurant/spiselokale, stort, ca 60 kvm.

1. Skjenking av alkoholhaldig drikk i gruppe 1 og 2 frå kl 13.00 til kl. 22.00.

1. Skjenkeløyve vert gitt fram til 30.09.2020.

1. Styrar for skjenkeløyve er Renjie Guo.

Sanya restaurant får fritak for stedfortredar for styrar på grunn av skjenkestaden sin størrelse, jfr. Alkohollova §1-7c.

1. Oversikt over skjenka volum for alkoholhaldig drikk gruppe 1 og 2 skal sendast til kommunen kvart år innan utgangen av februar månad året etter.»

Vedtak

«I medhald av Alkohollova og Alkoholpolitisk handlingsplan 2016-2019 for Meland kommune godkjenner kommunestyret følgjande:

1. Nordom Fjellet AS ved Tore Kvalheim får fornya skjenkeløyve for alkoholhaldig drikk gruppe 1, 2 og 3 i Sjøslaget Pub og serveringslokale, ca 75 kvm og uteareal ca. 60 kvm.

1. Skjenking av alkoholhaldig drikk i gruppe 1 og 2 frå kl. 12.00 til kl. 01.00 – med følgjande unntak:

• Søn- og helligdagar startar skjenking frå kl. 12.00

• Fredag og laurdag, 2. juledag og nyttårsaftan - til kl. 02.00.

Skjenking av alkoholhaldig drikk gruppe 3 frå kl. 13.00 til kl. 24.00 alle dagar med følgjande unntak:

• Fredag og laurdag, 2. juledag og nyttårsaftan - til kl. 01.00.

Skjenking av alkoholhaldig drikk gruppe 1 og 2 på avgrensa uteområde frå kl. 12.00 til kl. 01.00.

Skjenking av alkoholhaldig drikk gruppe 3 på avgrensa uteområde frå kl. 13.00 – 01.00. Skjenketida gjeld kun fredag og laurdag.

Skjenkeløyve vert gitt fram til 30.09.2020.

1. Styrar for skjenkeløyve er Eva Birkeland og vikar for styrar er Gunn Alice Isdal.

Styrar for skjenkeløyve er ansvarleg for at utearealet for skjenking må ha god avskjerming og at det ikkje er til sjenanse for naboar.

1. Oversikt over skjenka volum for alkoholhaldig drikk gruppe 1, 2 og 3 skal sendast til kommunen kvart år innan utgangen av februar månad året etter.»