Vedtak
"Kommunestyret i Meland godkjenner Kommunalteknisk VA-norm, datert 23.10.2013. Norma skal gjelde for kommunale VA-anlegg som kommunen overtek for kommunal drift frå private utbyggjarar.
Rådmannen får fullmakt til å gjere oppdateringar av teknisk karakter/tekniske spesifikasjonar når det er nødvendig."
Behandling
I oversikta over planar og utgreiingar ved Plan, utbygging og kommunalteknikk, er det m.a. lista opp kva for normer kommunen treng innan teknisk sektor. Ei VA-norm har vore lenge etterlengta, og då DIHVA IKS starta arbeidet med ei slik norm for medlemskommunane nytta administrasjonen høvet til å vere med på samarbeidet. VA-norma er no ferdig, utarbeidd i tett samarbeid mellom teknisk fagpersonale i deltakarkommunane og fagekspertise i DIHVA. I tillegg til sjølve norma, datert 23.10.2013, er det ei rekkje vedlegg med tekniske spesifikasjonar.
VA-norma er basert på mal frå Norsk Vann, men tilpassa kommunane lokalt. Den skal gjelde for kommunane Askøy, Austrheim, Austevoll, Fjell, Lindås, Os, Radøy, Sund og Øygarden i tillegg til Meland.
Saksutgreiing:
I oversikta over planar og utgreiingar ved Plan, utbygging og kommunalteknikk, er det m.a. lista opp kva for normer kommunen treng innan teknisk sektor. Ei VA-norm har vore lenge etterlengta, og då DIHVA IKS starta arbeidet med ei slik norm for medlemskommunane nytta administrasjonen høvet til å vere med på samarbeidet. VA-norma er no ferdig, utarbeidd i tett samarbeid mellom teknisk fagpersonale i deltakarkommunane og fagekspertise i DIHVA. I tillegg til sjølve norma, datert 23.10.2013, er det ei rekkje vedlegg med tekniske spesifikasjonar.
VA-norma er basert på mal frå Norsk Vann, men tilpassa kommunane lokalt. Den skal gjelde for kommunane Askøy, Austrheim, Austevoll, Fjell, Lindås, Os, Radøy, Sund og Øygarden i tillegg til Meland.
Vurdering:
Ei VA-norm som er vedteken i kommunestyret, legg føringar for korleis dei kommunaltekniske anlegga skal løysast i kommunen. Den gjeld både for anlegg som kommunen sjølv byggjer ut, og for anlegg som kommunen skal overta for drift frå private utbyggjararar i nye byggeområde i tråd med plan- og bygningslova § 18-1.
Nye anlegg må ha ein slik kvalitet at nødvendig levetid blir sikra, alt frå 20 – 40 år for pumpestasjonar / reinseanlegg til meir enn 100 år for leidningsanlegg. Norma skal sikre at nye anlegg fyller tilstrekkelege kvalitetskrav. Norma skal også sikre at krava til helse, miljø og tryggleik for driftspersonalet er ivareteke.
Den juridiske heimelen for å sette desse krava til nye kommunaltekniske anlegg og eksisterande VA-anlegg som kommunen skal overta, ligg i kommunen si rolle som anleggseigar. Den vil m.a. bli lagt til grunn for utbyggingsavtalar, og skal inngå i føresegnene til kommuneplanen.