Møte i Utval for drift og utvikling den 14.10.2014

«Kommunestyret finn at motteken klage dagsett 2.4.2014 ikkje inneheld ny grunngjeving eller nye opplysningar som tilseier at godkjenning av 25.9.2013 i Kommunestyret sak 063/13 kan gjerast om. Klagen vert difor ikkje tatt til følgje. Det vert vist til sakutgreiinga og vurderinga over som grunnlag for vedtaket. Saka vert på denne bakgrunn sendt til Fylkesmannen i Hordaland for endeleg avgjerd.

Kommunestyret gjer om § 2.3 i føresegner som vert endra som følgjer:

§ 2.3. Utbyggingsavtale

1. Det kan utarbeidast utbyggingsavtale mellom Meland kommune og tiltakshavar.

2. Utbyggingsavtalen bør utanom rekkefølgjekrava i § 2.4, avklare opparbeiding og overtaking av anlegg for offentleg drift. Utbyggingsavtalen kan også omhandla andre tilhøve i samsvar med Plan- og bygningslova.»

"Kommunestyret i Meland kommune godkjenner reguleringsendring for E39 over Flatøy i samsvar med plankart journalført 03.06.2014. Planid. 1256 2011 0007. Det er føresett at nødvendige grunnavtalar vert ivareteke og at riggområde er mellombels medan gjennomføringa av tiltaket føregår.Vedtaket er gjort med heimel i plan og bygningslova § 12-12."

«Utval for drift og utvikling gjev med heimel i plan- og bygningslova (pbl) § 19-2 og 11-6 dispensasjon frå forbodet mot tiltak i LNF-område (landbruk-, natur- og friluftsområde) i kommuneplanen sin arealdel, forbodet mot bygging i 100-metersbeltet langs sjø og krav om reguleringsplan for tiltak i byggeområde, for bygging av grusveg på gnr 36 bnr 125 i Meland kommune. Det vert vist til situasjonskart vedlagt søknad journalført 4.7.2014.Vegen skal kunna nyttast som tilkomstveg for eventuelle framtidige fritidsbustader i området.»