Vedtak
1. Meland kommune tilrår søknad om delvis bompengefinansiering av Nordhordlandspakken datert 3.3.2014, med dei justeringane som går fram av saksutgreiinga frå Statens vegvesen Region vest av 30.4.2014, mellom anna felles oppstart for innkrevjing av bompengar i 2018.2. Meland kommune ser at det er naudsynt å gjennomføre Nordhordlandspakken i fleire trinn, for å sikre snarast mogleg byggjestart for prosjekta som er planavklarte. E39 Nyborgtunnelen og Fv57 Knarvik-Isdal vert innlemma i Nordhordlandspakken gjennom revisjon av pakken så snart det ligg føre avklarte planar og finansieringsløysing for desse prosjekta. 3. Meland kommune ber om at Statens vegvesen og Bergen kommune medverkar til rask planavklaring av Nyborgtunnelen, slik at prosjektet vert prioritert i neste revisjon av Nasjonal transportplan og kan innlemmast i Nordhordlandspakken. Meland kommune legg til grunn at Statens vegvesen, Hordaland fylkeskommune og Bergen kommune vil finne ei god og framtidsretta løysing for Nyborgtunnelen som tek omsyn til transporteffektivitet, framtidig transportmønster i Bergensområdet og framkomst for kollektivtrafikken.
4. Meland kommune ber om at Statens vegvesen og Hordaland fylkeskommune arbeidar vidare saman med kommunen med sikte på å gjere naudsynte avklaringar slik at prosjektet Fv. 57 Knarvik-Isdal (inkl. bomstasjon ved Isdal) snarast vert innlemma i Nordhordlandspakken gjennom revisjon av pakken, mellom anna: - vurdere om det er mogleg å byggje og ta i bruk eitt av tunnelløpa, før andre vert bygt. - avklara framdrift og finansiering knytt til flytting av skular. - vurdera finansieringsløysingar (auka offentleg innsats etc.).
5. Meland kommunestyre viser også til vedtak i Lindås kommunestyre i sak 69/14, og vil spesielt peike på pkt 7. i vedtaket, der det heiter: «Ut ifrå nytteprinsippet ser Lindås at ein del av den udefinerte restpotten i Nordhordlandpakken går til prosjekter i Meland kommune».
Meland kommunestyre vil minne om at Meland er den kommunen i Hordaland med størst prosentvis folkeauke. Dette biletet vil etter alt å døma halda seg også i åra som kjem.I følgje prognose frå Hordaland fylkeskommune (nr.1-2014) vil kommunane i Nordhordland få ei samla folkeauke på 10.148 fram til 2031. Nær halvparten av den veksten (4.634) vil i følgje prognosa koma i Meland kommune.
Det er særs viktig at vegnettet i kommunen er rusta til å møte den trafikkveksten dette vil medføre. Meland kommunestyre meiner det er avgjerande viktig å utbetre vegstrekkja mellom kommunesenteret Frekhaug og områdesenteret på Vikebø.
Den udisponerte restpotten i Nordhordlandspakken (100 mill. kr.) må i all huvudsak setjast av til å utbetra vegstrekninga Fløksand (Brakstadkrysset) - Vikebø (Fv 564) til tofelts standard. Denne parsellen er smal og til dels uoversiktleg. Det har skjedd fleire alvorlege ulukker her, også med tap av liv.Nytteprinsippet i Nordhordlandspakken blir også betre ivaretatt ved å leggje inn dette viktige prosjektet.Ein må vurdere rekkjefølgja på prosjekta Fv 564 - Sandskaret-Holme opp mot Fv 564 Fløksand-Vikebø, jfr. revisjon av Nordhordlandspakken i 2018.
Bom mot Bergen må vurderes i forhold til nytteprinsippet.
Behandling
Framlegg til vedtak frå Meland FrP v/Sigmund Larsen:
1. Kommunestyret tilrår at Nordhordlandspakken slik den er presentert i saksdokumenta blir avvist i sin heilhet.
2. Subsidiert: Kommunestyret tilrår at Nordhordlandspakken slik den er presentert i saksdokumenta blir sendt ut til folkeavrøysting i kommunen.
3. Subsidiert: I og med nytteprinsippet ikke kan dokumenteres på gjennomkjøring av bomstasjon 1: Hovedkryss Flatøy, ramper til/fra Meland så bortfaller denne bomstasjonen og taes ut av NH pakken.
Framlegg til tillegspunkt 5 frå Lars Barstad (V), Marit S. Jøssang (KrF), Åshild Aamli (Sam), Sølvi Knudsen (Sp), Rolf Hansen (Ap) og Nils Marton Aadland (H):
Meland kommunestyre viser også til vedtak i Lindås kommunestyre i sak 69/14, og vil spesielt peike på pkt 7. i vedtaket, der det heiter: «Ut ifrå nytteprinsippet ser Lindås at ein del av den udefinerte restpotten i Nordhordlandpakken går til prosjekter i Meland kommune».
Meland kommunestyre vil minne om at Meland er den kommunen i Hordaland med størst prosentvis folkeauke. Dette biletet vil etter alt å døma halda seg også i åra som kjem. I følgje prognose frå Hordaland fylkeskommune (nr.1-2014) vil kommunane i Nordhordland få ei samla folkeauke på 10.148 fram til 2031. Nær halvparten av den veksten (4.634) vil i følgje prognosa koma i Meland kommune.
Det er særs viktig at vegnettet i kommunen er rusta til å møte den trafikkveksten dette vil medføre. Meland kommunestyre meiner det er avgjerande viktig å utbetre vegstrekkja mellom kommunesenteret Frekhaug og områdesenteret på Vikebø.
Den udisponerte restpotten i Nordhordlandspakken (100 mill. kr.) må i all huvudsak setjast av til å utbetra vegstrekninga Fløksand (Brakstadkrysset) - Vikebø (Fv 564) til tofelts standard. Denne parsellen er smal og til dels uoversiktleg. Det har skjedd fleire alvorlege ulukker her, også med tap av liv.Nytteprinsippet i Nordhordlandspakken blir også betre ivaretatt ved å leggje inn dette viktige prosjektet.Ein må vurdere rekkjefølgja på prosjekta Fv 564 - Sandskaret-Holme opp mot Fv 564 Fløksand-Vikebø, jfr. revisjon av Nordhordlandspakken i 2018.
Framlegg til tilleggspunkt 6 frå Meland AP v/Rolf Hansen:
Knarvik er regionalt senter for Nordhordland, derfor må bom på Flatøy fjernes.
Framlegg til tilleggstekst til pkt. 5 frå Lars Barstad, V:
Bom mot Bergen må vurderes i forhold til nytteprinsippet.
Avrøysting:Rådmannen sitt framlegg til vedtak fekk 6 røyster for, (H, KrF, V, AP, SAM, SP), 1 røyst mot, og er såleis vedteke.Framlegg til vedtak frå Sigmund Larsen fekk 1 røyst for, (FrP), 6 røyster mot, og fall.Framlegg til tilleggspunkt 5 frå Lars Barstad, Marit S. Jøssang, Åshild Aamli, Sølvi Knudsen, Rolf Hansen og Nils Marton Aadland fekk 6 røyster for,(V, KrF, SAM, SP, AP, H), 1 røyst mot, (FrP), og er såleis vedteke.Framlegget frå Rolf Hansen fekk 2 røysrt for, (AP, FrP), 5 røyster mot, og fall.Framlegg til tilleggstekst frå Lars Barstad vart samrøystes vedteke.