Vedtak
1. Meland kommune tilrår søknad om delvis bompengefinansiering av Nordhordlandspakken datert 3.3.2014, med dei justeringane som går fram av saksutgreiinga frå Statens vegvesen Region vest av 30.4.2014, mellom anna felles oppstart for innkrevjing av bompengar i 2018. 2. Meland kommune ser at det er naudsynt å gjennomføre Nordhordlandspakken i fleire trinn, for å sikre snarast mogleg byggjestart for prosjekta som er planavklarte. E39 Nyborgtunnelen og Fv57 Knarvik-Isdal vert innlemma i Nordhordlandspakken gjennom revisjon av pakken så snart det ligg føre avklarte planar og finansieringsløysing for desse prosjekta. 3. Meland kommune ber om at Statens vegvesen og Bergen kommune medverkar til rask planavklaring av Nyborgtunnelen, slik at prosjektet vert prioritert i neste revisjon av Nasjonal transportplan og kan innlemmast i Nordhordlandspakken. Meland kommune legg til grunn at Statens vegvesen, Hordaland fylkeskommune og Bergen kommune vil finne ei god og framtidsretta løysing for Nyborgtunnelen som tek omsyn til transporteffektivitet, framtidig transportmønster i Bergensområdet og framkomst for kollektivtrafikken. 4. Meland kommune ber om at Statens vegvesen og Hordaland fylkeskommune arbeidar vidare saman med kommunen med sikte på å gjere naudsynte avklaringar slik at prosjektet Fv. 57 Knarvik-Isdal (inkl. bomstasjon ved Isdal) snarast vert innlemma i Nordhordlandspakken gjennom revisjon av pakken, mellom anna: - vurdere om det er mogleg å byggje og ta i bruk eitt av tunnelløpa, før andre vert bygt. - avklara framdrift og finansiering knytt til flytting av skular. - vurdera finansieringsløysingar (auka offentleg innsats etc.).
5. Meland kommunestyre viser også til vedtak i Lindås kommunestyre i sak 69/14 og i Austrheim kommunestyre, sak 116/14 der det heiter:"Ut ifår nytteprinsippet ser Lindås/Austrheim at ein del av den udefinerte restpotten i Nordhordlandspakken går til prosjekter i Meland kommune."
Meland kommunestyre vil minne om at Meland er den kommunen i Hordaland med størst prosentvis folkeauke. Dette bildet vil etter alt å døma halde seg også i åra som kjem. I følgje prognose frå Hordaland fylkeskommune (nr. 1-2014) vil kommunane i Nordhordland få ei samla folkeauke på 10.148 fram til 2031. Nær halvparten av den veksten (4.634) vil i følgje prognosa koma i Meland kommune.
Det er særs viktig at vegnettet i kommunen er rusta til å møta den trafikkveksten dette vil medføre. Meland kommunestyre meiner det er avgjerande viktig å utbetra vegstrekkja mellom kommunesenteret Frekhaug og områdesenteret på Vikebø.
Den udisponerte restpotten i Nordhordlandspakken (100 mill. kr.) må i all hovudsak setjast av til å utbetra vegstrekninga Fløksand (Brakstadkrysset) - Vikebø (Fv564) til tofelts standard. Denne parsellen er smal og uoversiktleg. Det har skjedd fleire alvorlege ulukker her, også med tap av liv.Nytteprinsippet i Nordhordlandspakken blir også betre ivaretatt ved å leggje inn dette viktige prosjektet.
Ein må vurdere rekkefølgja på prosjekta Fv 564 - Sandskaret-Holme opp mot Fv 564 Fløksand-Vikebø jfr. revisjon av Nordhordlandspakken i 2018.
Bom på Flatøy mot Bergen bør vurderast i høve til nytteprinsippet.
6. Meland kommunestyre ligg til grunn at det må etablerast bomstasjon ved Isdalstø. Dette for å ivareta nytte/likhetsprinsippet.Meland kommunestyre sett som føresetnad for tilrådinga at det berre skal krevjast inn bompengar ein veg.
Meland kommunestyre sluttar seg til Nordhordlandspakken under føresetnad av at pkt 5. og 6 i vedtaket blir gjennomført.
Behandling
Framlegg til vedtak frå Meland FrP v/Ørjan Kristiansen:
1. Kommunestyret tilrår at Nordhordlandspakken slik den er presentert i saksdokumenta blir avvist i sin helhet.
2. Subsidiert: Kommunestyret tilrår at Nordhordlandspakken slik den er presentert i saksdokumenta blir sendt ut til folkeavrøysting i kommunen.
3. Subsidiert: I og med nytteprisnsippet ikke kan dokumenteres på gjennomkjøring av bomstasjon 1: Hovedkryss Flatøy, ramper til/fra Meland så bortfaller denne bomstasjonen og taes ut av NH pakken.
Framlegg til vedtak frå AP, H, SP, KrF:
Justert pkt. 5
Meland kommunestyre viser også til vedtak i Lindås kommunestyre i sak 69/14 og i Austrheim kommunestyre, sak 116/14 der det heiter:"Ut ifår nytteprinsippet ser Lindås/Austrheim at ein del av den udefinerte restpotten i Nordhordlandspakken går til prosjekter i Meland kommune."
Meland kommunestyre vil minne om at Meland er den kommunen i Hordaland med størst prosentvis folkeauke. Dette bildet vil etter alt å døma halde seg også i åra som kjem. I følgje prognose frå Hordaland fylkeskommune (nr. 1-2014) vil kommunane i Nordhordland få ei samla folkeauke på 10.148 fram til 2031. Nær halvparten av den veksten (4.634) vil i følgje prognosa koma i Meland kommune.
Det er særs viktig at vegnettet i kommunen er rusta til å møta den trafikkveksten dette vil medføre. Meland kommunestyre meiner det er avgjerande viktig å utbetra vegstrekkja mellom kommunesenteret Frekhaug og områdesenteret på Vikebø.
Den udisponerte restpotten i Nordhordlandspakken (100 mill. kr.) må i all hovudsak setjast av til å utbetra vegstrekninga Fløksand (Brakstadkrysset) - Vikebø (Fv564) til tofelts standard. Denne parsellen er smal og uoversiktleg. Det har skjedd fleire alvorlege ulukker her, også med tap av liv.Nytteprinsippet i Nordhordlandspakken blir også betre ivaretatt ved å leggje inn dette viktige prosjektet.
Ein må vurdere rekkefølgja på prosjekta Fv 564 - Sandskaret-Holme opp mot Fv 564 Fløksand-Vikebø jfr. revisjon av Nordhordlandspakken i 2018.
Bom på Flatøy mot Bergen bør vurderast i høve til nytteprinsippet.
Nytt pkt. 6.
Meland kommunestyre ligg til grunn at det må etablerast bomstasjon ved Isdalstø. Dette for å ivareta nytte/likhetsprinsippet.Meland kommunestyre sett som føresetnad for tilrådinga at det berre skal krevjast inn bompengar ein veg.
Meland kommunestyre sluttar seg til Nordhordlandspakken under føresetnad av at pkt 5. og 6 i vedtaket blir gjennomført.
Avrøysting:
Framlegg til vedtak frå Meland FrP pkt. 1 fekk 11 røyster for, ( 3 FrP, 1 Uavh, 1 AP, 1 SP, 2 SAm, 1 MDG, 2 V), 16 røyster mot, ( 6 H, 4 Ap, 3 SP, 3 KrF), og fall.Framlegg til vedtak frå Meland FrP pkt 2 fekk 7 røyster for, (3 FrP, 1 Uavh, 1 Sp, 2 V), 20 røyster mot, ( 6 H, 5 AP, 3 SP, 3 KrF, 2 SAM, 1 MDG), og fall. Framlegg til vedtak frå Meland FrP pkt. 3 fekk 8 røyster for, ( 3 FrP, 1 Uavh, 1 Sp, 1 AP, 2 V), 19 røyster mot, (6 H, 4 AP, 3 SP, 3 KrF, 2 SAM , 1 MDG), og fall.Framlegg til vedtak frå AP, H, SP, KrF fekk 16 røyster for, (4 AP, 6 H, 3 SP, 3 KrF), 11 røyster mot, (1 AP, 1 SP, 3 FrP, 1 Uavh, 2 SAM, 2 V, 1 MDG), og er såleis vedteke.