Utval: | Kommunestyret |
---|---|
Dato: | 14.12.2017 09:00 - 16:00 |
Møtestad: | Konferanserommet |
Status: | Møtet er ferdig protokollert |
Sakskart: | |
Møteprotokoll: |
Samrøystes vedteke
Samrøystes vedteke
Sigmund Vikane tok opp saka om Nordhordlandspakken. Han poengterte at Modalen sin del av pakken på ca 2 mill kr er for lite i forhold til behov og totalomfanget på alle prosjekta som er estimert til 1,8 mrd kroner.
Rådmannen tok opp spørsmål om alle politikarane ynskja å fornye abonnementet på Kommunal Rapport. Avisa kostar årleg 2750 kr pr abonnent. Politikarane som ynskjer å fortsetje å ha avisa melder dette tilbake til rådmannen. Politikarane ba om at det blir undersøkt kva digitale abonnement på avisa kostar i forhold til papirutgåva.
Kristin Nåmdal tok opp at kommunen bør reklamere for og kjøpe inn ein del eksemplar av den nye boka "Historia om sandnæringa i Modalen"
Arkitektfirmaet HRTB orienterte om revidert skisseprosjekt for nytt nærings- og tenestesenter, inkludert kostnadskalkyle på kr 63,4 mill ink mva. Det var ikkje lagt opp til drøftingar av saka på dette møtet, men det kom tilbakemeldingar på presentasjonen om at kostnadskalkylen var ein del høgare enn det ein var førebudd på. Formannskapet vil sjå vidare på saka på nyåret, og vurdere løysingar for å nedskalere bygget for å fram eit rimelegare alternativ.
Orienteringssakene vart samrøystes vedteke
Saka vert utsett.
Kommuneplan for 2015 - 2026 vert sett opp som tema på eit kommunestyremøte tidleg våren 2018.
Det vert vurdert om det skal utarbeidast ein områdereguleringsplan for Otterstad - Trohaug, evt ein reguleringsplan for Kleivane.
Linda Neset, Kjetil Eikefet og Håvard Engeseth erklærte seg ugild i saka, i samsvar med tidlegare handsaming av same sak. Sigrun Almelid Birkeland kom inn som vara.
Teknisk sjef Tone Selmer Skuggevik orienterte kort om bakgrunn og tidlegare arbeid med same sak. Administrasjonen ynskjer politisk prioritering av kva område ein skal arbeide vidare med å utvikle til bustadføremål, både på kort og lang sikt. Ho introduserte plankonsulent Øystein Skofteland frå Norconsult, som var invitert til å vere for å kunne svare på spørsmål om planprosessar og konsekvensar av ulike val og prioriteringar undervegs. Skofteland var med på utarbeide kommuneplanen for 2015 - 2026, som vart vedteken i 2015, og kjenner såleis godt til dei fire alternative områda som er under vurdering. Han gjorde og rede for innhaldet i ein del plantekniske omgrep som vert nytta i slike saker.
Under diskusjonen vart det vurdert og diskutert fordelar og ulemper med dei ulike aktuelle områda.
Anne Britt Almelid stilte spørsmål ved om ein mister Sæten som alternativt bustadområde på grunn av planane om campingplass der. Plankonsulenten svara at kommunen kan regulere området til boligføremål dersom ynskjeleg, og at det kan være rom for både campingplass og boligar i området.
Kristin Nåmdal trakk fram at kommuneplanen for 2015 - 2026 er vedteken med eit forbehold om at det skraverte området i arealplanen skal regulerast med ein områdeplan eller reguleringsplan, og at det ikkje er teke stilling til kva føremål arealet skal nyttast til endå.
Ann-Jorunn Farestveit tok til orde for at det skraverte området i planen, merka til kombinert føremål, bør tilbakeførast til LNF område.
Sigmund Vikane fremma forslag om å utsetje saka, og formulerte framlegg til vedtak som vart teke til votering. Framlegget vart samrøystes vedteke.
Det vert lagt opp til synfaring på alle fire områda når saka skal handsamast på nytt, og administrasjonen inviterer plankonsulent Øystein Skofteland til å vere med på møtet.
Rådmannen orienterte kort om bakgrunn for saka, og innhaldet i rutiner og retningslinjer.
Vedtaket vart samrøystes vedteke.
Foreldrebetalinga for fulltidsplass i barnehage vert auka frå 2100 kr i 2017 til 2300 kr i 2018. Alle dei andre betalingssatsane vert auka med 5% .
Rådmannen orienterte om framlegget til betalingssatsane for kommunale tenester, med hovudvekt på auken i renovasjonsavgift og forslaget om å gå over til nasjonale maksimalsatsar for barnehage. Resten av betalingssatsane for kommunale tenester er foreslått auka med 4% frå 2017 til 2018.
Under diskusjonen kom det tydeleg fram at kommunestyret ikkje ynskjer å auke betalingssatsane for barnehage opp til nasjonale maksimalsatsar, då framlegget rammar småbarnsfamiliar for kraftig. Ulike løysingar og modellar vart drøfta.
Formannskapet ba i forrige møte administrasjonen berekne kva budsjettmessige konsekvensar deira vedtak har for 2018 samanlikna med rådmannen sitt framlegg til vedtak, i form av reduserte inntekter for kommunen. Rådmannen orienterte om at Formannskapet sitt vedtak medfører kr 85 000 i mindreinntekt samanlikna med rådmannen sitt framlegg. Av dette er kr 110 000 mindre inntekter frå foreldrebetaling i barnehage, medan ein får kr 25000 i meirinntekt ved å heve dei andre betalingssatsane for kommunale tenester med 5% istadenfor 4%.
Ordføraren låg fram formannskapet sitt vedtak til votering. Samrøystes vedteke.
Modalen kommune sitt budsjett og økonomiplan 2018-2021 vert vedteke slik det ligg føre, med dei endringane som vart gjort i møtet på investeringsbudsjettet
Eigedomsskatt 2018:
For eigedomsskatteåret 2018 vert det skrive ut eigedomsskatt på verk og bruk, jfr eigedomsskattelova § 3 fyrste ledd bokstav c.
Den alminnelege eigedomsskattesatsen i Modalen kommune er 7 promille, jfr eigedomsskattelova § 11 fyrste ledd.
Eigedomsskatten for 2018 forfell til betaling i 2 terminar: 31. mars og 30. september, jfr eigedomsskattelova § 25
Klagenemnda for eigedomsskatt har kompetanse til å handsama klager etter § 19 i eigedomsskattelova, jfr § 20 i eigedomsskattelova.
Det skal utførast ny alminneleg taksering i 2018
Låneopptak frå Husbanken til vidareformidling vert fastsett til kr 300 000 for 2018. Rådmannen har fullmakt til å gjennomføre låneopptaket.
Økonomisjef6,1 mill i 2018, noko som gjev ein reduksjon på ca 3,3 mill. Den totale økonomiske ramma kommunen har til disposisjon for 2018 vil såleis vere redusert med ca 3,3 mill i forhold til 2017. Økonomisjefen ba om at det vart lagt eit tillegg på vedtaket frå formannskapet om at det skal utførast ny alminneleg taksering i 2018, då dette er naudsynt med dei endringane statsbudsjettet legg opp til i høve eigedomsskatt på verk og bruk frå 2019.
Dei første budsjettframlegga frå tenesteleiarane viste ein auke på ca 5 mill i forhold til budsjettet for 2017. Det var såleis eit gap på ca 8,3 mill som måtte salderast for å kome i hamn med neste års budsjett. Administrasjonen har arbeidd vidare i samarbeid med leiargruppa for å saldere budsjettet tilstrekkeleg. Innan fleire av tenesteområda/avdelingane er det lagt inn framlegg om stillingsreduksjonar med deleffekt i 2018, men med større heilårseffekt i 2019. Dette vil såleis gje konsekvensar for omfang og kvlitet på tenestene i åra som kjem. Detljert oversikt over kvart tenesteområde kjem fram i saksframlegget. Salderingane inneber stillingsreduksjonar som samla sett tilsvarer ca 5 årsverk.
Teknisk sjef Tone Selmer Skuggevik orienterte om framlegget til investeringsbudsjett i økonomiplanperioden. Framlegget vart drøfta, og det vart gjort fleire endringar for å få totalsummen på investeringar for 2018 ned: Oppgradering fellesarealer Modalstunet vert redusert frå kr 1,8 mill til kr 1,5 mill, kjøretøy til vedlikehald av kunstgrasbana vert tatt ut av budsjettet, Tilrettelegging for bustadareal vert auka frå kr 250 000 til kr 430 000, Digitalisering av eigedomsarkivet på teknisk etat vert auka frå kr 100 000 til kr 280 000, ny bil til uteseksjonen vert utsett til 2019. Totalsummen for investeringar i 2018 vert kr 5 060 000.
Budsjett for 2018 og økonomiplan for 2018 - 2021 vart samrøystes vedteke
Kari Natland frå NUI orienterte om bakgrunn og planlagt framdrift for biosfæreprosjektet.
Sigmund Vikane trakk fram at dette er eit spennande prosjekt for Modalen, som kan vere med på å marknadsføre kommunen på ein god måte. Han sa vidare at det i prosjektet ligg eit stort turismepotensial for kommunen, samt at det er mogleg å knytte kontaktar både lokalt og nasjonalt, som kan gje god valuta for midlane kommunen bruker på prosjektet.
Samrøystes vedteke
Samrøystes vedteke
Politikar | Parti | Medlemstype | E-Post |
---|---|---|---|
Tom Kristian Thorsen | Solrenningslista | Ordførar | tkthorsen@gmail.com |
Kristin Nåmdal | Samlingslista | Varaordførar | kristin.namdal@alver.kommune.no |
Liv Anne Aanesen | Samlingslista | Medlem | aktiv.i.modalen@gmail.com |
Kjetil Eikefet | Samlingslista | Medlem | kjetileikefet@hotmail.com |
Svanhild Moberg Nordaas | Samlingslista | Medlem | svanhilds@msn.com |
Roger Wilhelm Fure | Samlingslista | Medlem | modalen.marked@coop.no |
Anne Britt Almelid | Samlingslista | Medlem | annebritt.almelid@gmail.com |
Linda Neset | Solrenningslista | Medlem | linda.neset@modalen.kommune.no |
Sigmund Vikane | Solrenningslista | Medlem | sigmund.vikane@gmail.com |
Ann-Jorunn Farestveit | Solrenningslista | Medlem | ann-jorunn-f@hotmail.com |
Håvard Engeseth | Solrenningslista | Medlem | h_engeseth@hotmail.com |
Robert Helland | Solrenningslista | Medlem | robhelland@gmail.com |
Tom Kristian Imsland | Solrenningslista | Varamedlem | tomimsland64@gmail.com |
Sigrunn Almelid Birkeland | Solrenningslista | Varamedlem | sigrunn.almelidb@gmail.com |
Frank Stian Steinsland (Ikke møtt) | Solrenningslista | Medlem | stian.steinsland@hotmail.no |