Čoahkkin Kommunestyret 11.12.2014

Vedtak

Modalen kommune ser positivt på arbeidet med å sikre ei felles, bærekraftig bruk av vassressursane på tvers av sektormynde, og ynskjer å være ein aktiv bidragsytar til at måla i vassforskrifta vert nådd.

Modalen kommune vil framheva behovet for å styrkja økonomiske ressursar frå statleg hald for å sikre gjennomføringa av aktuelle tiltak innanfor ulike sektorområde. Slik kommunen ser det, er tiltaka ei grovkartlegging av moglege tiltak, kostnad og kven som har ansvaret i vassførekomstar som i dag ikkje oppnår miljømåla.

Den samfunnsøkonomiske konsekvensen av tiltaka er etter kommunen si meining for dårleg utgreidd til å ta endeleg stilling til tiltaka. For Modalen kommune gjeld dette spesielt krav til minstevassføring i dei regulerte vassdraga. Dei økonomiske konsekvensane for konsesjonshavarar så vel som Modalen kommune må utgreiast. Vidare må ein på nasjonalt nivå utgreie konsekvens for regional og nasjonal energiproduksjon av alle vassregionplanane i Noreg.

Konsekvensar for Noregs nasjonale målsettingarog internasjonale avtaler om kutt i utslepp av klimagassar ved å redusere eller avgrense energiproduksjon må også vurderast på nasjonalt nivå.

Modalen kommune vil arbeida med dei tiltaka som kommunen er mynde for eller sjølve har ansvaret for å få gjennomført. Det gjeld tiltak innan landbruk og kloakk. For oppfølging av andre tiltak må kommunane få kompensert for nye oppgåver som følgje av vassforskrifta.

Til innhaldet i sjølve høyringsdokumenta har Modalen kommune fylgjande merknader:

1. Modalen er oppteken av våre anadrome elv Modalselva. Miljømålet er i planen udefinert, men kommunen meiner at miljømålet for bestandar av laks og sjøaure må vera: Levedyktige bestandar med haustingsverdig overskot. Kalking av Modalselva er viktig for kommunen og bør ta til snarast råd er.
   

   Det bør vere eit miljømål å halde ein normal-årstidstemperatur i vassdraget ved

   tapping av overflatevatn og ikkje botnvatn frå Stølsvatnet.

   Det må vere eit mål å unngå store og bråe svingningar av vassføringa i elva som følgje av produksjonsstopp ved Hellandsfossen kraftstasjon.

   Sidan den naturlege kalk-kjelda i vatnet frå Holskarvatnet er overført til Evangervassdraget, må dette kompenserast ved kalking av vassdraget for å kunne opprethalde ein levedyktig bestand av aure og laks.

2. Modalen kommune ynskjer ei vurdering av biotoptiltak i Stølselva nedstrøms Stølsdammen.

Behandling

Kommunestyret drøfta trong til å forsterke ulike miljømål for Modalsvassdraget i uttalen.

Kommunestyret vedtok samrøystes å innarbeide følgjande tilleggsframlegg til miljømål under punkt 1 i Modalen sine merknader.

• Det bør vere eit miljømål å halde ein normal-årstidstemperatur i vassdraget ved tapping av overflatevatn og ikkje botnvatn frå Stølsvatnet.

• Det må vere eit mål å unngå store og bråe svingningar av vassføringa i elva som følgje av produksjonsstopp ved Hellandsfossen kraftstasjon.

• Sidan den naturlege kalk-kjelda i vatnet frå Holskarvatnet er overført til Evangervassdraget, må dette kompenserast ved kalking av vassdraget for å kunne opprethalde ein levedyktig bestand av aure og laks.

Vedtak

Modalen kommune godkjenner avtale om overdraging av eigedom 76/43 Mo kyrkje til Mo sokn.

Behandling

Samrøystes

Behandling

Samrøystes

Vedtak

Modalen kommune går imot forslaget om å oppheva konsesjonslova og buplikta på landbrukseigedommar, grunngjevinga går fram av saksutgreiinga.

Behandling

Tom Kristian Thorsen føreslo at avsnittet om nullkonsesjon vart teke ut av uttalen.

Røysting:
Framlegget vart samrøystes vedteke.

Rådmannen vart beden om å leggje fram ei eiga sak om eventuelt å ta bort den lokale forskrifta om nullkonsesjonen.

Behandling

Assisterande rådmann orienterte kort om saka.

Samrøystes

Behandling

Samrøystes

Vedtak

Investeringsbudsjettet for 2014 vert justert slik det går fram av vedlagte saksframlegg med tabellar for skjema 2A og 2B i kolonne merka Endring.

Behandling

Rådmannen orienterte kort om saka

Samrøystes

Behandling

Assisterande rådmann orienterte kort om saka

Samrøystes

Vedtak

1. Modalen kommune sitt budsjett for 2015 og økonomiplan for 2015-2018 vert vedteke slik det ligg føre

2. Liste over småinvesteringar i budsjettdokumentet vert godkjent og skal innarbeidast i talbudsjett og rammer for 2015

3. Eigedomsskatt 2015

   1. For eigedomsskatteåret 2015 vert det skrive ut eigedomsskatt på verk og bruk, jfr eigedomsskattelova § 3 fyrste ledd bokstav c.

   2. Den alminnelege eigedomsskattesatsen i Modalen kommune er 7 promille, jfr eigedomsskattelova § 11 fyrste ledd.

   3. Eigedomsskatten for 2015 forfell til betaling i 2 terminar: 31. mars og 30. september, jfr eigedomsskattelova § 25

   4. Klagenemnda for eigedomsskatt har kompetanse til å handsama klager etter § 19 i eigedomsskattelova, jfr § 20 i eigedomsskattelova.

4. Låneopptak frå Husbanken til vidareformidling vert fastsett til kr 500 000 for 2015. Rådmannen har fullmakt til å gjennomføre låneopptaket.
   

Følgjande endringar vert å innarbeide i investeringsbudsjett og finansieringsplan:

Låssystem Modalstunet - kr 600,000,- (0)
Oppgradering Ø.Helland vassverk - kr 920,000,- (ny sum 2.450)
Oppgradering båthavn - kr 600,000,- (0)
Utvendig vedlikehald av Bryggjeslottet + kr 330,000,-

Vedlikehald komm. uteområder + kr 140,000,-
Kunstgrasbane + kr 2,000000,-

Finansiering:Bruk av disposisjonsfond - kr 350,000,-

Behandling

Notat frå teknisk sjef om "Øvre Helland vassverk" var sendt ut til kommunestyret på førehand av møtet, men også delt ut i møtet.

Rådmann og økonomisjef orienterte om føresetnader for budsjett og økonomiplanen.

Harald Farestveit sette fram følgjande framlegg frå Samlingslista til endring av investeringsbudsjett 2015:

Låssystem Modalstunet - kr 600,000,- (0)
Oppgradering Ø.Helland vassverk - kr 920,000,- (ny sum 2.450)
Oppgradering båthavn - kr 600,000,- (0)
Utvendig vedlikehald av Bryggjeslottet + kr 330,000,-
Vedlikehald komm. uteområder + kr 140,000,-
Kunstgrasbane + kr 2,000000,-

Finansiering:Bruk av disposisjonsfond - kr 350,000,-

Solrenningslista ba om gruppemøte før avrøysting

Røysting: Samlingslista sitt endringsframlegg vart vedteke mot 4 røyster (Bjørn Helland, Terje Nygard, Arthur Farestveit, Frank Stian Steinsland)

Det vart deretter røysta over formannskapet sitt samla framlegg for budsjett og økonomiplan med endringar, som då vart samrøystes vedteke.